Услуги по обработке и хранению грузов (Грузия - Тендер #69214356)

ავტომანქანების გადაზიდვის მომსახურების სახელმწიფო შესყიდვა.

1.2.1. მიმწოდებელმა უნდა უზრუნველყოს საქართველოს იუსტიციის სამინისტროს ბალანსზე არსებული ავტომანქანების გადაზიდვა საქართველოს მთელ ტერიტორიაზე, შემსყიდველის მიერ მითითებული ადგილიდან/ადგილამდე.

1.2.2. გადაზიდვის დროს მიმწოდებელმა უნდა უზრუნველყოს ავტომანქანის ჩატვირთვა-გადატვირთვა.

1.2.3. მიმწოდებელმა უნდა განახორციელოს ავტომანქანების უსაფრთხო გადაზიდვა სპეციალური მანქანით, ხოლო მისი ბრალეულობით ავტომანქანის დაზიანების შემთხვევაში მიმწოდებელი ვალდებულია აღმოფხვრას არსებული დაზიანება საკუთარი სახსრებით შემსყიდველის მიერ შერჩეულ სერვისცენტრში ან აანაზღაუროს მიყენებული ზიანი შემსყიდველის მიერ დადგენილ გონივრულ ვადაში.

1.2.4. ავტომანქანების გადაზიდვის სავარაუდო ჯამური მანძილი შეადგენს 800 კმ-ს.

მომსახურება განხორციელდება ხელშკრულების გაფორმებიდან, მაგრამ არაუადრეს 2026 წლის 1 იანვრიდან - 2026 წლის 31 დეკემბრის ჩათვლით, შემსყიდველის მოთხოვნის შესაბამისად.

მომსახურების გაწევა განხორციელდება ეტაპობრივად, შემსყიდველის მოთხოვნიდან 1 (ერთი) დღის განმავლობაში, საქართველოს მთელ ტერიტორიაზე, სატენდერო დოკუმენტაციის 1.2 პუნქტის შესაბამისად.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, მიმწოდებელი ვალდებულია დაასაბუთოს ფასწარმოქმნის ადეკვატურობა. ფასწარმოქმნის ადეკვატურობა, შესაძლებელია დასაბუთდეს ექსპერტიზის დასკვნით, ან/და შესაბამის სფეროში საქართველოს კანონმდებლობით განსაზღვრული უფლებამოსილების/ აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი), რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას, როგორც ერთეულის ასევე, საერთო ღირებულების მითითებით.

7.2.1 სატენდერო წინადადებაში საერთო ფასი უნდა შეიცავდეს, როგორც მომსხურების ღირებულებას, ასევე აღნიშნული მომსახურების გაწევასთან დაკავშირებით ყველა ხარჯისა და საქართველოს კანონმდებლობით დადგენილ გადასახადებს.

7.2.2 ანგარიშსწორება განხორციელდება ეტაპობრივად, ფაქტობრივად გაწეული მომსახურების ღირებულების შესაბამისად, მიღება–ჩაბარების აქტის გაფორმებიდან და თუ მიმწოდებელი დღგ-ს გადამხდელია, საგადასახადო ანგარიშ-ფაქტურის, ხოლო თუ მიმწოდებელი არ არის დღგ-ს გადამხდელი, შემოსავლების სამსახურიდან შესაბამისი ცნობის საფუძველზე.

7.2.3. შემსყიდველი უფლებამოსილია დაკისრებული პირგასამტეხლოს თანხა (ასეთის არსებობის შემთხვევაში) დააკავოს მიმწოდებელზე გადასარიცხი თანხიდან.

7.2.4. ანგარიშსწორება მოხდება უნაღდო ანგარიშსწორებით ლარში.

საანგარიშსწორებო დოკუმენტაციის წარმოდგენიდან 10 (ათი) სამუშაო დღის ვადაში, მაგრამ არაუგვიანეს 2026 წლის 30 დეკემბრისა.

მაია ხუცურაული, 591820022, mkhutsurauli@justice.gov.ge

იმ შემთხვევაში, თუ პრეტენდენტს ერთიან ელექტრონულ სისტემაში მითითებული არ აქვს ხელმძღვანელის სახელი, გვარი და სრული საბანკო რეკვიზიტები, პრეტენდენტი ვალდებულია წარმოადგინოს აღნიშნული ინფორმაცია თანდართული ფაილის სახით.

წინამდებარე ტენდერში მონაწილეობით პრეტენდენტი ავტომატურად ეთანხმება ტექნიკურ პირობებს.

ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.

სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული „ელექტრონული ტენდერის ჩატარების წესის“ მე-8 მუხლის შესაბამისად.

სახელმწიფო შესყიდვების ერთიან ელექტრონულ სისტემაში პრეტენდენტის მიერ ატვირთული ყველა დოკუმენტი ან/და ინფორმაცია ხელმოწერილი უნდა იყოს „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მოთხოვნათა გათვალისწინებით. გარდა, სატენდერო დოკუმენტაციის კითხვარის 1.3 პუნქტით გათვალისწინებული დანართისა (ფასების ცხრილი/ხარჯთაღრიცხვა) რომელიც წარმოდგენილი უნდა იქნას Excel-ის ფორმატის სახით.

„ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების თანახმად, პრეტენდენტის მიერ Excel-ის ცხრილის სახით წარსადგენი დოკუმენტი არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს).

პრეტენდენტის მიერ სახელმწიფო შესყიდვის განხორციელების ნებისმიერ ეტაპზე, სახელმწიფო შესყიდვების ერთიან ელექტრონულ სისტემაში ატვირთული ან შემსყიდველისთვის გადაცემული პერსონალური ინფორმაცია, საქართველოს იუსტიციის სამინისტროს მიერ, „პერსონალურ მონაცემთა დაცვის შესახებ“ საქართველოს კანონის შესაბამისად, შესაძლებელია დამუშავდეს სახელმწიფო შესყიდვის მიზნებისთვის.