Ремонт и техническое обслуживание транспортных средств и оборудования и сопутствующие услуги (Грузия - Тендер #69214318)

შესყიდვის ობიექტია: სააგენტოს სსიპ აწარმოე საქართველოში ბალანსზე რიცხული 7 (შვიდი) ერთეული ავტომანქანისთვის, 2026 წლის განმავლობაში შეკეთების და ტექნიკური მომსახურების გაწევა პრეისკურანტით განსაზღვრული ჩამონათვალის და ტექნიკური დავალების შესაბამისად.

ტექნიკური დავალება მოცემულია თანდართულ ფაილში.

მომსახურება გაწეული უნდა იქნას შემსყიდველის საჭიროებისამებრ, ეტაპობრივად, მოთხოვნის შესაბამისად, 2026 წლის იანვრიდან 2026 წლის 31 დეკემბრის ჩათვლით.

შესყიდვის ობიექტის მიწოდების ადგილია: ქ. თბილისი, ქ. ქუთაისი, ქ. ფოთი, ქ. ზუგდიდი, ქ. ბათუმი, ქ.თელავი, ქ. ახალციხე, ქ. გორი. (მიმწოდებელს უნდა გააჩნდეს საკუთარი სერვის ცენტრი ქ. თბილისში (რომელიც უნდა მდებარეობდეს ქ. თბილისი უზნაძის ქუჩა №18-დან სამანქანო გზით არაუმეტეს 10-12 კილომეტრისა), ხოლო ქ. ქუთაისში, ქ. ფოთში, ქ. ზუგდიდში, ქ. ბათუმში, ქ.თელავში, ქ. ახალციხეში და ქ. გორში - საკუთარი სერვის ცენტრი ან ქვეკონტრაქტორი).

შესრულების ფორმა ტექნიკური დავალების შესაბამისად.

მიმწოდებლის მიერ გაწეულ მომსახურებასა და შეცვლილ სათადარიგო ნაწილებზე (ახალი, არამეორადი), შესაკეთებელ სათადარიგო და მეორად ნაწილებზე გარანტია უნდა ვრცელდებოდეს:
აგრეგატები და ელექტროობა - არანაკლებ ერთი წელი;
სავალი ნაწილები - არანაკლებ 6 თვე.
გარდა სწრაფად ცვეთადი (ელექტრონათურები ელექტრომცველები, შუშის საწმენდი ჯაგრისები (ჩოთქები), გადაბმულობის ქურო, საყრდენი დისკი, სამუხრუჭე ხუნდები, მომჭიმი საკისარი, ანთების სანთლები, მტვერდამცავები და ყველა სხვა სწრაფცვეთადი დეტალი) დეტალებისა და იმ შემთხვევისა, როდესაც დაზიანება გამოწვეულია არასწორი ექსპლუატაციით გამოწვეულ დაზიანებებზე.
საყრდენ დისკ(ებ)ზე და სამუხრუჭე ხუნდებზე გარანტია უნდა ვრცელდებოდეს არანაკლებ 10 000 კილომეტრისა.

1. პრეტენდენტს 2022 წლიდან აღნიშნული ტენდერის გამოცხადებამდე პერიოდში უნდა გააჩნდეს ანალოგიური/მსგავსი მომსახურების გაწევის გამოცდილება, რომელთა ღირებულება თითოეულ წელს (2022-2025) არ უნდა იყოს 40 000 ლარზე ნაკლები, საქართველოს კანონმდებლობით დადგენილი ყველა გადასახადის ჩათვლით.
აღნიშნულის დასადასტურებლად პრეტენდენტმა უნდა წარმოადგინოს: ა) შესაბამისი ხელშეკრულება და მიღება-ჩაბარების აქტი (ან მიღება-ჩაბარების აქტის სანაცვლოდ მომსახურების გაწევის დამადასტურებელი ნებისმიერი სახის სხვა დოკუმენტი), ან ბ) შესაბამისი ინფორმაცია სახელმწიფო შესყიდვის ერთიანი ელექტრონული სისტემის მონაცემებით, კერძოდ: SPA, NAT, CMR ან სხვა სახელმწიფო შესყიდვის ერთიანი ელექტრონული სისტემის უნიკალური ნომერი (იმ შემთხვევაში თუ "ა" პუნქტის საფუძველზე წარმოდგენილ ხელშეკრულებაში ასახულია "ბ" პუნქტით გათვალისწინებული ინფორმაცია, მაშინ მიღება-ჩაბარების აქტების ან მათ სანაცვლოდ მომსახურების გაწევის დამადასტურებელი ნებისმიერი სახის სხვა დოკუმენტის წარმოდგენა სავალდებულო არ არის.
2. პრეტენდენტმა შესყიდვების ელექტრონულ სისტემაში უნდა ატვირთოს არანაკლებ 2 (ორი) სარეკომენდაციო წერილი ბოლო 4 წლის (2022-2025 წწ) განმავლობაში გაწეული ანალოგიური/მსგავსი მომსახურების შესახებ. აღნიშნული რეკომენდაციები გაცემული უნდა იყოს ერთი ხელშეკრულების ფარგლებში შესრულებული არანაკლებ 30 000 ლარის ღირებულების მომსახურებაზე, რომელიც დადასტურებული უნდა იყოს შესაბამისი დოკუმენტაციით.

მატერიალურ-ტექნიკურ ბაზასთან დაკავშირებული მოთხოვნები იხილეთ ტექნიკურ დავალებაში (დანართი N1).

ქვეკონტრაქტორის არსებობის შემთხვევაში პრეტენდენტმა უნდა წარმოადგინოს ქვეკონტრაქტორ(ებ)თან სამართლებრივი ურთიერთობის დოკუმენტ(ებ)ი (ხელშეკრულება, შეთანხმება ან სხვა ექვივალენტური დოკუმენტი), რომლის მოქმედების (მომსახურების გაწევის) ვადა უნდა იყოს მინიმუმ 2026 წლის 31 დეკემბრის ჩათვლით.
ქვეკონტრაქტორის არსებობის შემთხვევაში თითოეულ ქვეკონტრაქტორზე პრეტენდენტის ანალოგიურად, მოითხოვება გამოცდილებასთან დაკავშირებული მინიმუმ ერთი სარეკომენდაციო წერილი (2.2.1 პუნქტი).
ამასთან, ქვეკონტრაქტორის არსებობა შესაძლებელია ქ. ქუთაისში, ქ. ფოთში, ქ. ზუგდიდში, ქ. ბათუმში, ქ.თელავში, ქ. ახალციხეში და ქ. გორში.

1. პრეტენდეტის მიერ სისტემის მეშვეობით წარდგენილი წინადადების ფასი არ უნდა აღემატებოდეს პრეისკურანტის სავარაუდო ღირებულებას და ელექტრონული ვაჭრობის შედეგად ფასის კლება შესაძლებელია განხორციელდეს მხოლოდ პრეისკურანტის სავარაუდო ღირებულებასთან მიმართებაში.
2. პრეისკურანტის შესაბამისად პრეტენდენტის მიერ პოზიციების მიხედვით წარმოდგენილ უნდა იქნას გასაწევი მომსახურების ერთეულის ღირებულებები (რიგ პოზიციებზე დეტალების გათვალისწინებით), ამასთან აღნიშნული ღირებულებები არ უნდა აღემატებოდეს ამავე პრეისკურანტში პოზიციების მიხედვით გათვალისწინებულ სავარაუდო ერთეულის ღირებულებებს.
3. პრეტენდენტის მიერ პრეისკურანტის სავარაუდო ღირებულების შემცირების/კლების შემთხვევაში პრეისკურანტით გათვალისწინებული ერთეულის ღირებულებები დაკლებულ უნდა იქნეს პროპორციულად ყველა პოზიციაზე, პრეისკურანტის სავარაუდო ღირებულებასა და სისტემაში პრეტენდენტის მიერ დაფიქსირებულ პრეისკურანტის საბოლოო ღირებულებას შორის არსებული სხვაობიდან გამოთვლილი (გამოყვანილი) პროცენტის შესაბამისად.
4. ამასთან, თუ ერთიან ელექტრონულ სისტემაში დაფიქსირებული საბოლოო ფასიდან გამომდინარე გასაწევი მომსახურებების ერთეულის ღირებულებები დაჯდება მრავალნიშნა ათწილადი, პრეტენდენტი ვალდებულია აღნიშნული ღირებულებები შეამციროს და დაამრგვალოს მეასედებამდე, შესაბამისად შეამციროს პრეისკურანტის ჯამური ღირებულებაც, აღნიშნული პრეისკურანტი პრეტენდენტის მიერ წარმოდგენილ უნდა იქნას შემსყიდველთან მისივე მოთხოვნის შესაბამისად.
5. გამარჯვებულ პრეტენდენტთან სახელმწიფო შესყიდვის შესახებ ხელშეკრულება გაფორმდება სატენდერო განცხადებაში მითითებული ღირებულების ფარგლებში და იგი მოიცავს ხელშეკრულების მოქმედების პერიოდში შემსყიდველის საჭიროებისამებრ მიმწოდებლის მიერ გაწეულ მომსახურების ღირებულებათა ჯამს. შესაბამისად, შესმყიდველი ვალდებულებას იხსნის განახორციელოს სახელშეკრულებო თანხის სრულად ათვისება.
6. ტექნიკური დოკუმენტაცია დაზუსტებას არ დაექვემდებარება, თუ ხარჯთაღრიცხვა (პრეისკურანტი) არ იქნება წარმოდგენილი, ან იქნება წარმოდგენილი განუფასებლად, ან თუ განუფასებელი პოზიცი(ებ)ის რაოდენობა აღემატება განფასებულის - 1 %, ან იქნება არსებითად შეუსაბამო (ერთეულის ფას(ებ)ი აღემატება შემსყიდველის მიერ მომსახურების პრეისკურანტის შესაბამის გრაფაში მითითებულ ერთეულის სავარაუდო ფას(ებ)ს), აღნიშნულ შემთხვევაში მოხდება პრეტენდენტის დისკვალიფიკაცია შესყიდვის პროცედურიდან.
7. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
8. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია;
9. პრეტენდენტს არ აქვს უფლება წარმოადგინოს ალტერნატიული წინადადება;
10. ტენდერში მონაწილეობით პრეტენდენტი ეთანხმება სატენდერო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო;
11. სატენდერო წინადადების ფასი გამოსახული უნდა იყოს ეროვნულ ვალუტაში - ლარში, სატენდერო წინადადების ფასი მოიცავს შესყიდვის ობიექტის მიწოდებასთან დაკავშირებით მიმწოდებლის ყველა ხარჯს და საქართველოს კანონმდებლობით გათვალისწინებულ გადასახადებს.

თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე:
1. შემსყიდველი ორგანიზაციის წერილობითი მოთხოვნის შემდგომ, პრეტენდენტმა უნდა უზრუნველყოს ფასწარმოქმნის ადეკვატურობის დასაბუთების წარმოდგენა - დასაბუთება შესაძლებელია განხორციელდეს აუდიტის ან ექსპერტიზის დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას. იმ შემთხვევაში, თუ პრეტენდენტის მიერ არ იქნა წარმოდგენილი ან წარმოდგენილი დასაბუთება შემსყიდველის მიერ არ ჩაითვლება დამაკმაყოფილებლად, მოხდება პრეტენდენტის დისკვალიფიკაცია; პრეტენდენტის მიერ წარდგენილი ფასწარმოქმნის ადეკვატურობის დასაბუთება დაზუსტებას არ ექვემდებარება.
2. პრეტენდენტმა ფასწარმოქმნის ადეკვატურობის დამადასტურებელი დოკუმენტის წარმოდგენასთან დაკავშირებული ხარჯის გაწევა უნდა უზრუნველყოს საკუთარი სახსრებით.

ანგარიშსწორება განხორციელდება ეტაპობრივად, ყოველ კონკრეტულ შემთხვევაში ფაქტიურად გაწეული მომსახურების ღირებულების მიხედვით, შესაბამისი მიღება-ჩაბარების აქტის გაფორმებისა ან/და ანგარიშ-ფაქტურის წარდგენის საფუძველზე.

ანგარიშსწორება განხორციელდება შესაბამისი მიღება-ჩაბარების აქტის გაფორმებისა ან/და ანგარიშ-ფაქტურის წარდგენიდან 10 (ათი) სამუშაო დღის განმავლობაში.

საბა ლუტიძე, 577921661, slutidze@enterprise.gov.ge

პრეტენდენტმა უნდა წარმოადგინოს:
1. მომსახურების პრეისკურანტი დანართი N2–ის მიხედვით;
2. გამოცდილების დამადასტურებელი დოკუმენტები ტექნიკური მოთხოვნების 2.2.1 პუნქტის შესაბამისად;
3. ქვეკონტრაქტორის და იჯარის შემთხვევაში ტექნიკური დავალების (დანართი N1) 2.9 პუქნტში გაწერილი პირობების დამადასტურებელი დოკუმენტები.