Ремонт и техническое обслуживание транспортных средств и оборудования и сопутствующие услуги (Грузия - Тендер #69187414)

სსიპ სოციალური მომსახურების სააგენტოს ბალანსზე არსებული 39 (ოცდაცხრამეტი) ავტოსატრანსპორტო საშუალების რეცხვასთან დაკავშირებული მომსახურებების შესყიდვა.

მიმწოდებელმა უნდა უზრუნველყოს სსიპ სოციალური მომსახურების სააგენტოს ბალანსზე არსებული ავტოსატრანსპორტო საშუალებების რეცხვითი მომსახურება, რომელიც უნდა განხორციელდეს შემდეგი აუცილებელი პირობების დაცვით:

1.მიმწოდებელმა უნდა უზრუნველყოს სატრანსპორტო საშუალებების როგორც ექსტერიერის (ძარა), ასევე ინტერიერის (სალონი, საბარგული) სრულად რეცხვა, გასუფთავება და გამშრალება, სპეციალური მოწყობილობების (წნევით რეცხვის აპარატი, მტვერსასრუტი და ა.შ.), ინვენტარისა და სარეცხი საშუალებების გამოყენებით. გამოყენებული უნდა იყოს ავტომანქანისათვის რეკომენდირებული და მაღალი ხარისხის სარეცხი და საწმენდი საშუალებები.
2.მიმწოდებელმა უნდა უზრუნველყოს რეცხვის მომსახურება რეცხვის ობიექტზე ავტოსატრანსპორტო საშუალების შესვლისთანავე (რიგგარეშე მომსხურება), ყოველდღე, უქმე დღეების ჩათვლით.
3. რეცხვის პროცესში, სატრანსპორტო საშუალებების ნებისმიერი დაზიანებაზე პასუხისმგებელია მიმწოდებელი და ასეთი გარემოების არსებობის შემთხვევაში, ზიანს სრულად აანაზღაურებს მიმწოდებელი.
4. მიმწოდებელი ვალდებულია უზრუნველყოს მომსახურების გაწევა საბარათე სისტემის მეშვეობით; ბარათის წარდგენის შემთხვევაში, მისი მფლობელი უფლებამოსილია მიიღოს შესაბამისი მომსახურება მიმწოდებლის ექსპლოატაციაში მყოფ ნებისმიერ ავტოსამრეცხაო სადგურში.
5. შემსყიდველის მოთხოვნის შესაბამისად, მიმწოდებელმა უნდა უზრუნველყოს მოთხოვნაში მითითებული პლასტიკური ბარათების დამზადება და შემსყიდველისათვის გადაცემა მოთხოვნიდან 2 (ორი) სამუშაო დღის განმავლობაში. იმ შემთხვევაში თუ ხელშეკრულების მიმდინარეობის პროცესში, შემსყიდველს ბალანსზე დაემატება, წინამდებარე ტენდერით გათვალისწინებული სახეობის ახალი სატრანსპორტო საშუალება, შემსყიდველის მოთხოვნიდან 2 (ორი) სამუშაო დღის ვადაში, მიმწოდებელმა უნდა უზრუნველყოს დამატებითი პლასტიკური ბარათის დამზადება უსასყიდლოდ. პლასტიკური ბარათის დაზიანების ან დაკარგვის შემთხვევაში მიმწოდებელმა უნდა უზრუნველყოს ახალი პლასტიკური ბარათის შემსყიდველისათვის უსასყიდლო მიწოდება, მოთხოვნიდან არაუგვიანეს 2 (ორი) სამუშაო დღის განმავლობაში.
6. თითოეულ ავტომანქანას რეცხვითი მომსახურება უნდა განხორციელდეს შემსყიდველის მოთხოვნის შესაბამისად, ხელშეკრულების ღირებულების ფარგლებში.
7. პრეტენდენტის მიერ ელექტრონული ვაჭრობის შედეგად პრეისკურანტის (დანართი N2) საერთო ფასის შემცირების/კლების შემთხვევაში, ფასთა კლება, პრეისკურანტის სავარაუდო ღირებულებასა (სატენდერო ღირებულება) და პრეტენდენტის მიერ დაფიქსირებული საბოლოო პრეისკურანტის ფასის პროცენტულად და პროპორციულად უნდა აისახოს პრეისკურანტით განსაზღვრულ ყველა პოზიციაზე. პრეტენდენტის მიერ საბოლოოდ დაფიქსირებული ერთეულის ფასები უნდა დამრგვალდეს მეასედის სიზუსტით.

შემსყიდველის ბალანსზე რიცხული ავტომანქანების ჩამონათვალი და სახელმწიფო ნომრები მოცემულია დანართი N 1 - ში (ავტომანქანების ჩამონათვალი).

რეცხვის მომსახურება უნდა განხორციელდეს ხელშეკრულების გაფორმებიდან (არაუადრეს 2026 წლის 1 იანვრისა) 2026 წლის 31 დეკემბრის ჩათვლით.

მომსახურების გაწევის ადგილებია:
ქ. თბილისი;
ქ. მცხეთა;
ქ. ბათუმი;
ქ. ზუგდიდი;
ქ. ოზურგეთი;
ქ. ამბროლაური;
ქ. ქუთაისი;
ქ. ახალციხე;
ქ. გორი;
ქ. თელავი;
ქ. რუსთავი.

1. პრეტენდენტს 2023 წლის იანვრიდან ტენდერის გამოცხადების დღემდე, უნდა გააჩნდეს, ავტოსატრანსპორტო საშუალების რეცხვის მომსახურების სფეროში გამოცდილება და ამ პერიოდის განმავლობაში ფაქტობრივად გაწეული მომსახურების ღირებულება, თითოეულ წელს არ უნდა იყოს 49,920 ლარზე ნაკლები.
2. იმ შემთხვევაში თუ პრეტენდენტის მიერ გაწეული ანალოგიური მომსახურების შესახებ ინფორმაცია იძებნება სახელმწიფო შესყიდვების ერთიან ელექტრონულ სისტემაში, პრეტენდენტმა უნდა წარმოადგინოს ინფორმაცია CON, SPA, NAT ან CMR ნომრების მითითებით.
3. იმ შემთხვევაში თუ შესყიდვის ხელშეკრულება და შესრულების დამადასტურებელი დოკუმენტაცია არ იძებნება შესყიდვების ერთიან ელექტრონულ სისტემაში, გამოცდილების დადასტურების მიზნით, პრეტენდენტმა უნდა წარმოადგინოს ანალოგიური გამოცდილების შესახებ ინფორმაცია, მიმწოდებლისა და შემსყიდველის მიერ ორმხრივად ხელმოწერილი რომელიც, უნდა იყოს დამოწმებული კვალიფიციური ხელმოწერით ან კვალიფიციური შტამპით.

1.სავალდებულოა პრეტენდენტს საკუთრებაში ან/და ფლობაში (იჯარით) გააჩნდეს ავტოსამრეცხაოთა ქსელი:

ქ. თბილისში მინიმუმ 4 (ოთხი) ერთეული ავტოსამრეცხაო (ქალაქის სხვადასხვა რაიონში - თითო ავტოსადგურს უნდა გააჩნდეს არანაკლებ 4 სამრეცხაო), მათ შორის 1 ერთეული სადღეღამისო ავტოსამრეცხაო;

რეცხვითი მომსახურების მიწოდება ასევე უნდა განხორციელდეს შემდეგ ქალაქებში; ქ.მცხეთა, ქ.ბათუმი, ქ.ზუგდიდი, ქ.ოზურგეთი, ქ.ამბროლაური, ქ.ქუთაისი, ქ.ახალციხე, ქ.გორი, ქ.თელავი და ქ.რუსთავი.

2. პრეტენდენტმა უნდა წარმოადგინოს ინფორმაცია მის სარგებლობაში ან საკუთრებაში არსებული სერვის ცენტრების ადგილმდებარეობების შესახებ შესაბამისი მისამართების მითითებით. ამასთან, საკუთრების შემთხევაში წარმოდგენილი უნდა იქნას ამონაწერი საჯარო რეესტრიდან ხოლო სარგებლობის (ქირავნობა, იჯარა, ლიზინგი, უზუფრუქტი და/ან სხვა) შემთხვევაში წარმოდგენილი უნდა იქნას გაფორმებული ხელშეკრულებები რომელიც ძალაში უნდა იყოს მინიმუმ 2026 წლის 31 დეკემბრის ჩათვლით.

1. ქვეკონტრაქტორის არსებობის შემთხვევაში პრეტენდენტმა უნდა წარმოადგინოს მასთან/მათთან არსებული სამართლებრივი ურთიერთობის დოკუმენტ(ებ)ის ასლები (ხელშეკრულება, შეთანხმება ან სხვა ექვივალენტური დოკუმენტი, რომელიც ძალაში უნდა იყოს მინიმუმ 2026 წლის 31 დეკემბრის ჩათვლით), სადაც მითითებული უნდა იყოს ინფორმაცია ქვეკონტრაქტორ(ებ)ის სერვისცენტრის მდებარეობის შესახებ.

2. ქვეკონტრაქტორ(ებ)ი ანგარიშვალდებულია მიმწოდებლის წინაშე. ქვეკონტრაქორ(ებ)ის მიერ ნაკისრი ვალდებულებების შეუსრულებლობით ან არაჯეროვანი შესრულებით დამდგარ შედეგზე შემსყიდველის წინაშე პასუხისმგებელია მხოლოდ მიმწოდებელი.

3. ქვეკონტრაქტორ(ებ)ი კომპანია ან კომპანიები არ უნდა იყვნენ რეგისტრირებული სახელმწიფო შესყიდვებში მონაწილე არაკეთილსინდისიერ პირთა რეესტრში – „შავი სია“; წინააღმდეგ შემთხვევაში მოხდება პრეტენდენტის დისკვალიფიკაცია წინამდებარე ტენდერიდან დაზუსტების გარეშე.

1. იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას.

2. პრეტენდენტის მიერ ფასწარმოქმნის ადეკვატურობა, შესაძლებელია დასაბუთდეს ექსპერტიზის დასკვნით, ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი), რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას, როგორც მის მიერ დაფიქსირებულ წინადადების ფასთან (ჯამურ ღირებულებასთან), ასევე ფასების ცხრილის ერთეულებთან მიმართებაში.

ანგარიშსწორება განხორციელდება წარმოდგენილი სასაქონლო ზედნადების, ანგარიშ-ფაქტურის და მხარეთა შორის გაფორმებული „მიღება-ჩაბარების“ აქტის საფუძველზე.

ანგარიშსწორება განხორციელდება 7.2. პუნქტით განსაზღვრული ყველა დოკუმენტის წარმოდგენიდან არა უგვიანეს 10 (ათი) სამუშაო დღის განმავლობაში.

ნაუმი ლომთაძე, 591457447, nlomtadze@ssa.gov.ge

დაფინანსების წყარო: 2026 წლის სახელმწიფო ბიუჯეტი.
1. სატენდერო წინადადება, აგრეთვე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია და დოკუმენტაცია წარმოდგენილი უნდა იქნას ქართულ ენაზე. უცხო ენაზე შედგენილი დოკუმენტები უნდა იყოს თარგმნილი ქართულ ენაზე და დამოწმებული სანოტარო წესით.
2. საქართველოს რეზიდენტი პრეტენტენტების მიერ სახელმწიფო შესყიდვების ერთიან ელექტრონულ სისტემაში ატვირთული ელექტრონული დოკუმენტი უნდა შეესაბამებოდეს ,,ელექტრონული დოკუმენტისა და ელექტრონული სანდო მომსახურების შესახებ" საქართველოს კანონით მე-3 მუხლის მე-3 პუნქტით დადგენილ მოთხოვნებს.
არარეზიდენტი პრეტენდენტის მიერ სახელმწიფო შესყიდვების ერთიან ელექტრონულ სისტემაში ატვირთული დოკუმენტი ან/და ინფორმაცია ხელმოწერილი ან/და ბეჭედდასმული უნდა იყოს უფლებამოსილი პირის მიერ.
3. პრეტენდენტ(ებ)ს არა აქვს უფლება წარმოადგინოს ალტერნატიული სატენდერო წინადადება.
4. წინადადების ფასი გამოსახული და დაფიქსირებული უნდა იყოს ეროვნულ ვალუტაში (ელექტრონული ტენდერის შესაბამის ველში) საქართველოს კანონმდებლობით განსაზღვრული ყველა გადასახდელის გათვალისწინებით.
5. სატენდერო წინადადების წარდგენით პრეტენდენტი ავტომატურად გამოხატავს თანხმობას ტექნიკური პირობებით განსაზღვრულ მოთხოვნებზე.