Медицинское оборудование (Грузия - Тендер #69187413)

შპს „აკადემიკოს ნიკოლოზ ყიფშიძის სახელობის ცენტრალური საუნივერსიტეტო კლინიკის“ 2026 წლის საკუთარი შემოსავლების დაფინანსების ფარგლებში, სისხლის პროდუქტების სახელმწიფო შესყიდვა.

1.2.1. შესყიდვის ობიექტია:

1. ერითროციტული მასა 210-300გ 1400 ჩანთა/ბეგი
2. ახლად გაყინული პლაზმა(აგპ) 210-300გ 1300 ჩანთა/ბეგი
3. თრომბომასა 50გ 300 ჩანთა/ბეგი
4. გარეცხილი ერითროციტული მასა 210-300გ 20 ჩანთა/ბეგი

1.2.2. მიმწოდებელმა ხელშეკრულების მოქმედების პერიოდში შემსყიდველი უნდა უზრუნველყოს ახლად გაყინული პლაზმის (აგპ) შესახანი სპეციალური საყინულე მაცივრით.

1.2.3. მიმწოდებელი ვალდებულია შემსყიდველს მიაწოდოს ხარისხიანი და უსაფრთხო სისხლი და მისი კომპონენტები (ხარისხის უზრუნველყოფა − სისხლის შეგროვებიდან მისი განაწილების ჩათვლით საქმიანობების ერთობლიობა, რომელიც ხორციელდება სისხლისა და მისი კომპონენტების დანიშნულებისამებრ გამოყენებისთვის აუცილებელი ხარისხის უზრუნველსაყოფად;)

1.4.1. მიწოდების ვადა: ხელშეკრულების გაფორმებიდან 2026 წლის 31 დეკემბრის ჩათვლით.
1.4.2. საქონლის მიწოდება განხორციელდება შემსყიდველის მოთხოვნის შესაბამისად მოთხოვნიდან 24 საათის ვადაში.
1.4.3. მოთხოვნილი საქონელის რაოდენობისა და სახეობის შესახებ ინფორმაცია მიმწოდებელს მიეწოდება ელექტრონული ფოსტის ან/და სატელეფონო ზარის/შეტყობინების მეშვეობით

მიწოდება უნდა განხორციელდეს შემდეგ მისამართზე : ქ. თბილისი, ვაჟა-ფშაველას გამზ. N29. შპს „აკადემიკოს ნიკოლოზ ყიფშიძის სახელობის ცენტრალური საუნივერსიტეტო კლინიკა“

1.7.1.1. მოწოდებული საქონელი წარმოებული უნდა იყოს აღნიშნულ სფეროში მოქმედი რეგულაციებისა და საქართველოში მოქმედი კანონმდებლობის შესაბამისად.
1.7.1.2. სისხლის დაწესებულება ვალდებულია სისხლისა და მისი კომპონენტების ყოველი დონაციის დროს უზრუნველყოს სისხლისა და მისი კომპონენტების ტესტირება.
1.7.1.3. სავალდებულოა მოწოდებულ საქონელს გავლილი ჰქონდეს მთლიანი, აფერეზული და ავტოლოგიური სისხლის მოქმედი კანონმდებლობით დადგენილი ტესტირებების სახეები.
1.7.1.4. საქართველოს ტერიტორიაზე შეგროვებული, ტესტირებული, დამუშავებული, შენახული, გაცემული ან/და განაწილებული სისხლისა და სისხლის კომპონენტების ეტიკეტირების სისტემა უნდა შეესაბამებოდეს "ადამიანის სისხლისა და მისი კომპონენტების ხარისხისა და უსაფრთხოების შესახებ" კანონით დადგენილ მოთხოვნებს.
1.7.1.5. შეგროვებული სისხლის, შუალედური და დამზადებული სისხლის კომპონენტებისა და ნიმუშების ეტიკეტირების სისტემამ უშეცდომოდ უნდა განსაზღვროს შესაბამისი შიგთავსის სახეობა (შეცდომის შემთხვევაში პასუხისმგებლობა ეკისრება მომწოდებელს)
1.7.1.6.მიმწოდებელი ვალდებულია შემსყიდველს მიაწოდოს ხარისხიანი და უსაფრთხო სისხლი და მისი კომპონენტები.
1.7.1.7. საქონლის ვარგისიანობის ვადა, მისი მოწოდების მომენტიდან, უნდა იყოს:
1) ერითროციტული მასა - არანაკლებ 35 კალენდარული დღე (გარდა გადაუდებელი საჭიროების შემთხვევებისა);
2) ახლად გაყინული პლაზმა (კრიოპლაზმა) -არანაკლებ 1 ორი წელი;
3) თრომბოციტული მასისთვის - 72საათი

პრეტენდენტმა ფასების ცხრილი, დანართი N1-ის სახით უნდა წარმოადგინოს შემდეგი ინფორმაცია:შესყიდვის ობიექტის დასახელება, წარმოშობის ქვეყანა, მწარმოებელი კომპანია და სისხლისა და მისი კომპონენტების შეგროვებისას და დამუშავებისას გამოყენებული სტერილური სისხლის ჩანთების მწარმოებელი

შენიშვნა: მწარმოებელი ქვეყნისა და მწარმოებლის (იგულისხმება შესყიდვის ობიექტის მწარმობელი და არა სისხლისა და მისი კომპონენტების შეგროვებისას და დამუშავებისას გამოყენებული სტერილური სისხლის ჩანთების მწარმოებელი) შესახებ ინფორმაციის წარმოუდგენლობა გამოიწვევს პრეტენდენტის დისკვალიფიკაციას დაზუსტების მექანიზმის გამოყენების გარეშე.

სისხლის დაწესებულება თავის საქმიანობას ახორციელებს უფლებამოსილი ორგანოს მიერ გაცემული ლიცენზიის, "ადამიანის სისხლისა და მისი კომპონენტების ხარისხისა და უსაფრთხოების შესახებ" კანონისა და სხვა სამართლებრივი აქტების შესაბამისად.
2.7.1.1. პრეტენდენტმა "ადამიანის სისხლისა და მისი კომპონენტების ხარისხისა და უსაფრთხოების შესახებ" საქართველოს კანონის შესაბამისად უნდა წარმოადგიოს უფლებამოსილი ორგანოს მიერ გაცემული სისხლისა და მისი კომპონენტების შეგროვების, ცენტრალური ტესტირების ლაბორატორიაში ტესტირების, დამუშავების, შენახვის, განაწილების ან/და გაცემის (საწარმოო ტრანსფუზიოლოგიური საქმიანობა) განხორციელების უფლების შესაბამისი ლიცენზია.
2.7.1.2. სისხლისა და მისი კომპონენტების შეგროვებისას და დამუშავებისას გამოყენებული სტერილური სისხლის ჩანთების ხარისხთან დაკავშირებით CE (ან EC) ან/და FDA ან/და
EU ან/და MDR ხარისხის შესაბამისობის(მარკირების) დამადასტურებელი დოკუმენტი
2.7.1.3. მიმწოდებელი ვალდებულია წარმოადგინოს ხარისხის გარე კონტროლის პროგრამაში ჩართულობის დამადასტურებელი დოკუმენტაცია. კერძოდ უკანასკნელი 12 თვის განმავლობაში ჩატარებული გარელაბორატორიული კონტროლის შედეგები ან/და სერთიფიკატი

2.9.1. შემსყიდველი უფლებას იტოვებს მხარეთა შეთანხმების საფუძველზე, მოსაწოდებელი საქონლის ჩამონათვალიდან, შესყიდვის ობიექტის საერთო ღირებულების შეუცვლელად, შეიძინოს რომელიმე საქონელი მეტი რაოდენობით, სხვა შესაძენი საქონელის რაოდენობის შემცირების ხარჯზე.
2.9.2. შემსყიდველი არ იღებს ვალდებულებას სრულად აითვისოს სატენდერო დოკუმენტაციით განსაზღვრული შესყიდვის ობიექტების რაოდენობები ხელშეკრულების მოქმედების პერიოდში

4.1.1.1 იმ შემთხვევაში თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან აუდიტის მიერ გაცემული შესაბამისი დასკვნა/ანგარიში, რომელშიც უნდა დასტურდებოდეს ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული საქონლის მიწოდების შესაძლებლობა.
4.1.1.2 დასკვნასთან ერთად წარმოდგენილ უნდაი იქნას „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონის შესაბამისად, დასკვნაზე/ანგარიშზე ხელმომწერი პირის, ქონების ან/და ბიზნესის შემფასებლის მოქმედი სერტიფიკატ(ებ)ის ასლი, რომელიც გაცემული უნდა იყოს სსიპ საქართველოს აკრედიტაციის ეროვნული ორგანოს - აკრედიტაციის ცენტრის მიერ, აკრედიტებულ შემფასებელთა სერტიფიკაციის ორგანოს მიერ.

2 Процентов

5 Процентов

ხელშეკრულების შესრულების უზრუნველყოფის უპირობო და გამოუთხოვადი საბანკო გარანტიის მოქმედების ვადა არანაკლებ 30 (ოცდაათი) კალენდარული დღით უნდა აღემატებოდეს ხელშეკრულების მოქმედების ვადას.

6.4.1. ხელშეკრულების შესრულების უზრუნველყოფის მიზნით, გამარჯვებულმა პრეტენდენტმა უნდა წარმოადგინოს ხელშეკრულების შესრულების უზრუნველყოფის უპირობო (გარანტიით გათვალისწინებული თანხა შემსყიდველმა უნდა მიიღოს ყოველგვარი დამატებითი განმარტებებისა და მტკიცებულებების წარდგენის გარეშე, პირველი მოთხოვნისთანავე) და გამოუთხოვადი საბანკო/სადაზღვევო გარანტია სახელშეკრულებო ღირებულების 2%-ის(ან 5%) ოდენობით. აღნიშნული საბანკო ან/და სადაზღვევო გარანტია წარმოდგენილი უნდა იქნეს ხელშეკრულების გაფორმებამდე და მისი მოქმედების ვადა 30 (ოცდაათი) კალენდარული დღით უნდა აღემატებოდეს ხელშეკრულების მოქმედების ვადას;
6.4.2. გარანტია წარმოდგენილი უნდა იყოს საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის“ მიერ ლიცენზირებული სადაზღვევო კომპანიიდან, ეროვნულ ვალუტაში - ლარში;
6.4.3. სახელმწიფო შესყიდვების სააგენტოს თავმჯდომარის 2016 წლის 26 თებერვლის № 2 ბრძანებით დამტკიცებული ,,თეთრი სიის წარმოების წესისა და პირობების’’ მე-10 მუხლის პირველი პუნქტის ,,გ“ ქვეპუნქტის შესაბამისად, კომპანია უფლებამოსილია წარმოადგინოს მოთხოვნილი ოდენობის ხელშეკრულების შესრულების უზრუნველყოფის გარანტიის ნახევარი;
6.4.4. პრეტენდენტის მიერ წარმოდგენილ ხელშეკრულების შესრულების უზრუნველყოფის გარანტიაში არ უნდა იყოს მითითებული, რომ გარანტია მცირდება შესრულების პროპორციულად.
6.4.5. ხელშეკრულების შესრულების უზრუნველყოფის მიზნით წარმოდგენილი საბანკო/სადაზღვევო გარანტიით გათვალისწინებული თანხა მიმწოდებელს არ დაუბრუნდება მის მიერ ხელშეკრულებით გათვალისწინებული ვალდებულებების დარღვევის (ხელშეკრულებით გათვალისწინებული ვალდებულებების შეუსრულებლობა და/ან არასრული შესრულება ან/და შესრულებაზე უარის თქმა ან/და ხარვეზის აღმოსაფხვრელად მიმწოდებლის მიერ შესაბამისი ღონისძიებების განუხორციელებლობა) შემთხვევაში,
6.4.6. ხელშეკრულების შესრულების უზრუნველყოფის მიზნით, მიმწოდებლის მიერ წარმოდგენილი ხელშეკრულების შესრულების უზრუნველყოფის 2%-იანი (ან 5%) საბანკო/სადაზღვევო გარანტია გამოიყენება ნებისმიერი ზარალის ანაზღაურების მიზნით, რომელიც მიადგება შემსყიდველს მიმწოდებლის მიერ ხელშეკრულების პირობების შეუსრულებლობის ან არასრული შესრულების გამო.
6.4.7. იმ შემთხვევაში, თუ მიმწოდებელი უზრუნველყოფს ხელშეკრულებით ნაკისრი ვალდებულებების სრულად შესრულებას ან ხელშეკრულების მოქმედება შეწყდება მიმწოდებლისაგან დამოუკიდებელი მიზეზებით, შემსყიდველი ვალდებულია მიმწოდებლის წერილობითი მოთხოვნის საფუძველზე უზრუნველყოს გარანტიის დაუყოვნებლივ დაბრუნება.

ანგარიშსწორება მიმწოდებელსა და შემსყიდველს შორის განხორციელდება ერთ ეტაპად— უნაღდო ანგარიშსწორებით, ეროვნულ ვალუტაში, ფაქტობრივად მოწოდებული შესყიდვის ობიექტის შესაბამისად, მიმწოდებლის მიერ გამოწერილი, საქართველოს კანონმდებლობით გათვალისწინებული შესაბამისი საგადახდო დოკუმენტაციის (სასაქონლო ზედნადების და/ან საგადასახადო ანგარიშ-ფაქტურის) და ინსპექტირების დადებითი დასკვნის საფუძველზე მომზადებული მიღება-ჩაბარების აქტით

ანგარიშსწორება იწარმოებს „შემსყიდველსა“ და „მიმწოდებელს“ შორის მიღება-ჩაბარების აქტის გაფორმებიდან 10 (ათი) სამუშაო დღის ვადაში

სალომე ბერიძე, 555626767, procurementrespublikuri@gmail.com ელექტრონული ტენდერისთვის ტენდერის სტატუსის „გამოცხადებულია“ მინიჭებიდან ტენდერის სტატუსის „წინადადებების მიღება დაწყებულია“ მინიჭებამდე, სისტემაში „მიმწოდებლად“ რეგისტრირებულ ნებისმიერ მომხმარებელს უფლება აქვს, სისტემაში არსებული „კითხვა-პასუხის“ მოდულის მეშვეობით, მოითხოვოს სატენდერო პირობების კონკრეტული ჩანაწერის განმარტება. სატენდერო კომისია კითხვის დასმიდან არაუგვიანეს მომდევნო სამუშაო დღისა, „კითხვა-პასუხის“ მოდულის მეშვეობით, გააკეთებს შესაბამის განმარტებას. აღნიშნულით შესაძლებელია იხელმძღვანელოს ნებისმიერმა დაინტერესებულმა პირმა

10.1.1. პრეტენდენტის მიერ ერთიან ელექტრონულ სისტემაში ატვირთული დოკუმენტაცია გარდა 1.3.პუნქტით გათვალისწინებული Excel-ის ფორმატით წარმოსადგენი ფასების ცხრილი, დანართი N1-სა „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე საჭიროებს კვალიფიციურ ელექტრონულ ხელმოწერას ან/და კვალიფიციურ ელექტრონულ შტამპის დასმას. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის სახელზე გაცემული ნოტარიულად დამოწმებული მინდობილობის დამადასტურებელი დოკუმენტი.
10.1.2. ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.
10.1.3. ალტერნატიული სატენდერო წინადადება არ განიხილება.
10.1.4. სატენდერო წინადადების ფასი გამოსახული უნდა იყოს ეროვნულ ვალუტაში - ლარში, შესყიდვის ობიექტის მიწოდებასთან დაკავშირებული მიმწოდებლის ყველა ხარჯის (მ.შ კანონმდებლობით გათვალისწინებული გადასახადები) გათვალისწინებით.
10.1.5. სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტთან დაკავშირებული ყველა ხარჯისა და გადასახადის გათვალისწინებით.ხარჯები, რომელიც სატენდერო წინადადებაში არ არის გათვალისწინებული არ ანაზღაურდება.
10.1.6. ტენდერში მონაწილეობით პრეტენდენტი ეთანხმება სატენდრო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო.
10.1.7. სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის" მე-8 მუხლით დადგენილი წესის შესაბამისად.
10.1.8. თუ ელექტრონული ვაჭრობის შედეგად ერთიან ელექტრონულ სისტემაში დაფიქსირებული საბოლოო ფასიდან გამომდინარე ერთეულის ღირებულებები დაჯდება მრავალნიშნა ათწილადი, პრეტენდენტი ვალდებულია ერთეულის ღირებულება შეამციროს და დაამრგვალოს მეასედებამდე, შესაბამისად შეამციროს საერთო ღირებულებაც