Напитки, табак и сопутствующие продукты (Грузия - Тендер #69187353)

ღვინის და სასაჩუქრე ჩანთის შესყიდვა იუსტიციის სახლებისათვის ქორწინების რეგისტრაციისას მექორწილე წყვილისთვის საჩუქრად გადასაცემად.

1.2.1. ქართული წარმოების წითელი, მშრალი ღვინო - "საფერავი", ღვინო დამზადებული უნდა იყოს საფერავის ჯიშის ყურძნისგან, უნდა ხასიათდებოდეს მუქი ლალისფერი შეფერილობით, სასიამოვნო მჟავიანობითა და ჰარმონიული დაბოლოებით. ალკოჰოლის შემცველობით 13.0 - 13.5%. მოცულობა - 750მლ. ღვინის ეტიკეტზე იუსტიციის სახლის ლოგოს დატანა, ეტიკეტის დიზაინი შემსყიდველთან შეთანხმებით - 5000 ცალი.

1.2.2. ღვინის სასაჩუქრე ჩანთა, ფერი: თეთრი, 210 გრ ბრისტოლი; ლამინაცია მატი; ფერადი ბეჭდვა 4/0; აწყობა-ორმაგი სკოჩით; ნაწილობრივი ლაქი 1/0. დანის დამზადება/კეცვა - 5000 ცალი. (დიზაინის მიმწოდებლისთვის გადაგზავნას უზრუნველყოფს შემსყიდველი).

დეტალური ინფორმაცია იხილეთ თანდართულ ფაილში - ტექნიკური დავალება.

ხელშეკრულების გაფორმებიდან 2026 წლის 20 დეკემბრის ჩათვლით, ეტაპობრივად, შემსყიდველის მოთხოვნიდან 5 კალენდარული დღის განმავლობაში.

1.5.1. შესყიდვის ობიექტის მიწოდება განხორციელდება შემსყიდველის მოთხოვნის შესაბამისად შემდეგ მისამართებზე: ქ.თბილისი, ზვიად გამსახურდიას სანაპირო №1 - თბილისის ცენტრალური იუსტიციის სახლი და ქ.ხონი, მოსე ხონელის ქ.40 (ხონის იუსტიციის სახლი).

1.5.2. საქონელი შეფუთული უნდა იყოს ქარხნული წესით. შეფუთვის მთლიანობის დარღვევის შემთხვევაში, შემსყიდველი იტოვებს უფლებას უარი თქვას საქონლის ჩაბარებაზე.

პრეტენდენტმა სატენდერო დოკუმენტაციის ფასების ცხრილში უნდა მიუთითოს ინფორმაცია შემოთავაზებული შესყიდვის ობიექტის (მხოლოდ ღვინის შემთხვევაში) წარმოშობის ქვეყანის, მწარმოებელის (მწარმოებელი კომპანია ან/და ბრენდი ან/და სავაჭრო ნიშანი) და სახეობის შესახებ.

2.7.1.1. ღვინის მწარმოებელ კომპანიას უნდა გააჩნდეს ISO22000 სერტიფიკატი, რომელიც, პრეტენდენტის მიერ წარმოდგენილი უნდა იქნას სატენდერო წინადადებასთან ერთად.

2.7.1.2. პრეტენდენტმა ერთიანი ელექტრონული სისტემის მეშვეობით უნდა წარმოადგინოს საქართველოში აკრედიტებული საგამოცდო ლაბორატორიის დასკვნა, რომელიც დაადასტურებს მისაწოდებელი საქონლის ხარისხის შესაბამისობას.

2.7.1.3. პრეტენდენტმა უნდა წარმოადგინოს შემოთავაზებულ პროდუქციასთან დაკავშირებული სსიპ "ღვინის ეროვნული სააგენტოს" მიერ გაცემული შესაბამისობის სერტიფიკატი.

3.1.1.1. პრეტენდენტი ვალდებულია წარმოადგინოს შემოთავაზებული ღვინის ნიმუში (ბოთლი), რომელიც სრულად უნდა აკმაყოფილებდეს ტექნიკური დავალებით გათვალისწინებულ ყველა პარამეტრს (გარდა ეტიკეტისა). შემსყიდველ ორგანიზაციას უფლება აქვს მის მიერ შერჩეული მეთოდით (მ.შ. დეგუსტაციით) შეამოწმოს წარმოდგენილი ნიმუშის შესაბამისობა და გემოვნური თვისებები სატენდერო დოკუმენტაციით გათვალისწინებულ მოთხოვნებთან.

3.1.1.2. წარმოდგენილი ნიმუშის კონტრეტიკეტზე მითითებული უნდა იყოს ინფორმაცია საქონლის შემადგენლობის შესახებ. იმ შემთხვევაში, თუ კონტრეტიკეტზე სრულად არ არის მითითებული ინფორმაცია მოთხოვნილი ტექნიკური მახასიათებლების შესახებ, პრეტენდენტი ვალდებულია შესყიდვის ობიექტის ნიმუშთან ერთად წარმოადგინოს, ნიმუშისთვის შესაბამისი საქართველოში აკრედიტებული საგამოცდო ლაბორატორიის მიერ გაცემული ლაბორატიული კვლევის ასლი (ლაბორატორიული კვლევის ხარჯი ეკისრება პრეტენდენტს).

3.1.1.3. პრეტენდენტმა უნდა წარმოადგინოს ღვინის ბოთლის სასაჩუქრე ჩანთის მასალის ნიმუში, სადაც დატანილი იქნება სატენდერო დოკუმენტაციით განსაზღვრული ანალოგიური ტექნოლოგიით შესრულებული ფერადი ბეჭდვა.

ქ.თბილისი ზვიად გამსახურდიას სანაპირო #1 (თბილისის ცენტრალური იუსტიციის სახლი).

4.1.1.1. იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას;

4.1.1.2. ფასწარმოქმნის ადეკვატურობა, შესაძლებელია დასაბუთდეს სსიპ "ლევან სამხარაულის სახელობის სასამართლო ექსპერტიზის ეროვნული ბიუროს" ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული შესაბამისი დასკვნით, შესაბამისი ტენდერის უნიკალური ნომრის მითითებით (პრეტენდენტის მიერ დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი);

4.1.1.3.ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს, როგორც პრეტენდენტის მიერ დაფიქსირებულ წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.

7.2.1 ანგარიშსწორება განხორციელდება ეტაპობრივად, უნაღდო ანგარიშსწორებით, ეროვნულ ვალუტაში - ლარში, ფაქტობრივად მოწოდებული საქონლის ღირებულების შესაბამისად, მხარეთა შორის გაფორმებული მიღება-ჩაბარების აქტის, მიმწოდებლის მიერ წარმოდგენილი სასაქონლო ზედნადების ან/და ანგარიშ-ფაქტურის (კანონმდებლობით გათვალისწინებულ შემთხვევაში) საფუძველზე;

7.2.2 მიღება-ჩაბარების აქტი მხარეთა შორის გაფორმდება შესყიდვის ობიექტის მიწოდების შემდეგ, ფაქტობრივად მoწოდებული შესყიდვის ობიექტების შესაბამისად, შემსყიდველის მიერ განსაზღვრული ხელშეკრულების შესრულების კონტროლის განმახორციელებელი პირ(ებ)ის მიერ შედგენილი ინსპექტირების დასკვნისა და მიმწოდებლის მიერ წარმოდგენილი სასაქონლო ზედნადების საფუძველზე.

ხელშეკრულების შესრულების დამადასტურებელი დოკუმენტის გაფორმებიდან არაუგვიანეს 10 სამუშაო დღე.

ნანა ჯაშიაშვილი, 577245566, najashiashvili@psh.gov.ge

10.1.1. სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია უნდა იქნეს ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;

10.1.2. ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია;

10.1.3. ალტერნატიული სატენდერო წინადადება არ განიხილება;

10.1.4. სატენდერო წინადადების ფასი გამოსახული უნდა იყოს ეროვნულ ვალუტაში - ლარში.

10.1.5. პრეტენდენტი დაექვემდებარება დისკვალიფიკაციას, თუ მის მიერ არ იქნება წარმოდგენილი ფასების ცხრილი ან ფასების ცხრილი წარმოდგენილი იქნება განფასების გარეშე ან წარდგენილ ფასების ცხრილში განუფასებელი პოზიცი(ებ)ის რაოდენობა აღემატება განსაფასებელი პოზიციების 5%-ს.

10.1.6. ტენდერში მონაწილეობით პრეტენდენტი ეთანხმება სატენდრო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო.

10.1.7. იმ შემთხვევაში, თუ სატენდერო დოკუმენტაციის რომელიმე პუნქტში იკითხება კონკრეტული სასაქონლო ნიშანი, პატენტი, მოდელი, წარმოშობის წყარო ან მწარმოებელი (ასეთის არსებობის შემთხვევაში) იგულისხმება "მსგავსი“, "ანალოგიური“ ან "ექვივალენტური.

10.1.8. პრეტენდენტმა სატენდერო წინადადების ფასში არ უნდა გაითვალისწინოს დღგ, მიუხედავად იმისა, არის თუ არა იგი დღგ-ის გადამხდელი საქართველოს კანონმდებლობის შესაბამისად. შემსყიდველი ორგანიზაცია ვალდებულია ხელშეკრულების ღირებულებაში გაითვალისწინოს სატენდერო წინადადების ფასის შესაბამისი დღგ-ის ოდენობა, თუ ხელშეკრულების დადების მომენტისთვის პრეტენდენტი არის დღგ-ის გადამხდელი საქართველოს კანონმდებლობის მოთხოვნათა შესაბამისად.