Страховые и пенсионные услуги (Грузия - Тендер #69187349)

გურჯაანის მუნიციპალიტეტის არუმეტეს 215 თანამშრომლის, ასევე სურვილის შემთხვევაში, თანაგადახდის პირობით მათი ოჯახის წევრთა ჯანმრთელობის დაზღვევის მომსახურება.

გურჯააანის მუნიციპალიტეტის არუმეტეს 215 თანამშრომლის, ასევე სურვილის შემთხვევაში, თანაგადახდის პირობით მათი ოჯახის წევრთა ჯანმრთელობის დაზღვევის მომსახურება (იხ. მიბმული ფაილ(ებ)ი).

1.4.1. მომსახურების მიწოდება უნდა განხორციელდეს ხელშეკრულების გაფორმებიდან, მაგრამ არაუადრეს 2026 წლის 1 იანვრიდან 2026 წლის 31 დეკემბრის ჩათვლით (24:00 საათამდე).

1.5.1 შესყიდვის ობიექტის ტექნიკური დავალება, მოცულობა და სხვა სახის დამატებითი ინფორმაცია მოცემულია დანართებში: დანართი №1 - "ტექნიკური დავალება", დანართი №2 - "ფასების ცხრილი", დანართი №3 - "ინფორმაცია პროვაიდერი კლინიკების შესახებ", დანართი N4 - ,,სადაზღვევო პაკეტი“.
1.5.2 პრეტენდენტი ვალდებულია დეტალურად გაეცნოს დანართ №1-ში "ტექნიკური დავალება" მოცემულ პირობებს და წარმოადგინოს აღნიშნული დანართი №1 "ტექნიკური დავალება", დაუშვებელია ტექნიკური დოკუმენტაციით გათვალისწინებული პირობების შეცვლა.
1.5.3 მიმწოდებლის მიერ მომსახურების გაწევა უნდა განხორციელდეს, როგორც საქართველოს მთელ ტერიტორიაზე, ასევე საზღვარგარეთ დანართი №1-ის "ტექნიკური დავალების" და დანართი №3-ის "ინფორმაცია პროვაიდერული კლინიკების შესახებ" შესაბამისად.
1.5.4 იმ შემთხვევაში თუ მომსახურების გაწევის პერიოდში გამოცხადებულ იქნა კონსოლიდირებული ტენდერი ჯანმრთელობისა და სიცოცხლის დაზღვევის მომსახურების სახელმწიფო შესყიდვის მიზნით, მაშინ მხოლოდ შემსყიდველი ორგანიზაციის წერილობითი მოთხოვნის საფუძველზე, მიმწოდებელი ორგანიზაცია ვალდებულია შეწყვიტოს მომსახურების გაწევა, შემსყიდველი ორგანიზაციის მიმართ ყოველგვარი საჯარიმო სანქციის გამოყენების გარეშე. აღნიშნული შეწყვეტა გაფორმდება წერილობით, მხარეთა ურთიერთშეთანხმების საფუძველზე.

პრეტენდენტს უნდა გააჩნდეს: ქ. თბილისში არანაკლებ 45 პროვაიდერი კლინიკა და საქართველოს რაეგიონებში არანაკლებ 25 პროვაიდერი კლინიკა, არანაკლებ 4 (ოთხი) საფირმო სახელწოდების მქონე სააფთიაქო ქსელი. პრეტენდენტი ვალდებულია წარმოადგინოს ზედმიწევნით სრულად შევსებული დანართი №3 "ინფორმაცია პროვაიდერული კლინიკების შესახებ". პრეტენდენტი ვალდებულია წარმოადგინოს, დანართ #3-ით დადგენილი მოთხოვნის შესაბამისად, პროვაიდერ კლინიკებთან (პროვაიდერი კლინიკები ქ. თბილისში და რეგიონებში) გაფორმებული კონტრაქტების მოქმედების ვადის შესახებ ინფორმაცია უშუალოდ პროვაიდერი კლინიკების მიერ გაცემული დოკუმენტებით /ცნობებით, ამასთან დოკუმენტი/ცნობა ვალიდურია თუ იგი გაიცა 2025 წლის 1 ოქტომბრიდან ან შემდგომ პერიოდში.

პრეტენდენტმა, ერთიან ელექტრონულ სისტემაში უნდა წარმოადგინოს სსიპ „საქართველოს დაზღვევის სახელმწიფო ზედამხედველობის სამსახური“-ს მიერ გაცემული სიცოცხლის დაზღვევის და დაზღვევის (არა სიცოცხლის) ლიცენზიები.

პრეტენდენტის მიერ სახელმწიფო შესყიდვების ერთიან ელექტრონულ სისტემაში ასატვირთი დოკუმენტაციის ჩამონათვალი:
1) დანართი №2 ფასების ცხრილი - იმ შემთხვევაში თუ ფასების ცხრილი არ იქნება წარმოდგენილი, ან წარმოდგენილი იქნება განფასების გარეშე, პრეტენდენტი დისკვალიფფიცირებული იქნება შესყიდვის პროცედურებიდან. ფასების ცხრილის შევსების პირობები მოცემულია სატენდერო დოკუმენტაციის 1.3. პუნქტში ატვირთულ დოკუმენტში;
2) დანართი №1 - "ტექნიკური დავალება";
3) დანართი №3 - "ინფორმაცია პროვაიდერი კლინიკების შესახებ";
4) დანართი N4 - ,,სადაზღვევო პაკეტი“.
აღნიშნული დოკუმენტები წარმოდგენილი უნდა იყოს სატენდერო დოკუმენტაციის 10.1 პუნქტის მოთხოვნის შესაბამისად.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან აუდიტის მიერ გაცემული შესაბამისი დასკვნა (იმ შემთხვევაში, თუ დასკვნის გამცემი ორგანო არ იქნება სსიპ - ლევან სამხარაულის სახელობის სასამართლო ექსპერტიზის ეროვნული ბიურო, დასკვნასთან ერთად წარმოდგენილ უნდა იქნას დასკვნის გამცემი პირის, საქართველოს აკრედიტაციის ეროვნულ ორგანოს - აკრედიტაციის ცენტრის მიერ, საერთაშორისო სტანდარტის – ISO/IEC 17024 შესაბამისად აკრედიტირებული სერტიფიკაციის ორგანოს მიერ გაცემული ქონების შემფასებლის მოქმედი სერტიფიკატ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული მომსახურების მიწოდების შესაძლებლობა.

დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების 28-ე მუხლთ განსაზღვრული პირობები.

5 Процентов

10 Процентов

ხელშეკრულების უზრუნველყოფის გარანტიის მოქმედების ვადა არანაკლებ 30 კალენდარული დღით უნდა აღემატებოდეს ხელშეკრულების მოქმედების ვადას.

გარანტია წარმოდგენილი უნდა იყოს, საქართველოს კანონმდებლობის შესაბამისად საბანკო ან სადაზღვევო დაწესებულების მიერ ეროვნულ ვალუტაში - ლარში, (ან უცხო ქვეყნის საბანკო დაწესებულებიდან, რომელიც გადაზღვეული იქნება საქართველოს ეროვნული ბანკის მიერ ლიცენზირებული საბანკო დაწესებულების მიერ) შემდეგი ფორმის დაცვით: დაბეჭდილი გარანტიის გამცემი დაწესებულების ტიტულიან ფურცელზე (ბლანკი), ხელმოწერილი უფლებამოსილი პირის მიერ და ბეჭედდასმული, დანართი N1-ში მოცემული პირობების შესაბამისად.

1. ხელშეკრულების ფარგლებში ანგარიშსწორება იწარმოება უნაღდო ანგარიშსწორების ფორმით, საქართველოს ეროვნულ ვალუტაში, ხელშეკრულებით გათვალისწინებულ რეკვიზიტებზე.
2.ანგარიშსწორება განხორციელდება ყოველთვიურად, ფაქტობრივად მიწოდებული შესყიდვის ობიექტის შესაბამისად, მხარეთა შორის გაფორმებული მიღება-ჩაბარების აქტის და მიმწოდებლის მიერ წარმოდგენილი ინვოისის/ანგარიშ ფაქტურის საფუძველზე.
3 იმ შემთხვევაში თუ ხელშეკრულება გაფორმდება 2026 წლის 01 იანვრის შემდეგ, პირველი თვის ანაზღაურება განხორციელდება პროპორციულად, დღეების შესაბამისად.

ანგარიშსწორება განხორციელდება უნაღდო ანგარიშსწორებით - ლარში, ყოველთვიურად, ფაქტიურად გაწეული მომსახურების შესახებ მიღება–ჩაბარების აქტის გაფორმებიდან 10 სამუშაო დღის ვადაში.

თამთა კვირიაშვილი, 599852232, gurjaanismunicipaliteti1@gmail.com

1. სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად.
2. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე. იმ შემთხვევაში თუ ტენდერში მონაწილე პირი უცხოეთის მოქალაქეა ან უცხოეთში რეგისტრირებული იურიდიული პირია, აუცილებელია წარმოდგენილ იქნას პირის ადმინისტრაციული ორგანოებიდან წარმოსადგენი სარეგისტრაციო/უფლებრივი მონაცემების ამსახველი დოკუმენტები. აღნიშნული დოკუმენტები დამოწმებული უნდა იყოს კანონმდებლობით დადგენილი წესით (ლეგალიზებული ან აპოსტილით დამოწმებული) და მას თან უნდა ერთვოდეს ნოტარიულად დამოწმებული ქართული თარგმანი.
3. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და/ან ინფორმაცია ხელმოწერილი და/ან ბეჭედდასმული (ბეჭდის არსებობის შემთხვევაში) უნდა იქნას უფლებამოსილი პირის მიერ (საჭიროების შემთხვევაში, ატვირთული უნდა იქნას მინდობილობა ან რწმუნებულება). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელმოწერისათვის გაცემული მინდობილობა.
4. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
5. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
6. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით, საშემოსავლო გადასახადისა და დაგროვებითი საპენსიო შენატანის გარეშე (აღნიშნულის გადახდას უზრუნველყოფს შემსყიდველი კანონმდებლობით დადგენილი წესით).
7. პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები დაამოწმოს/დაადასტუროს კვალიფიციური ხელმოწერით/კვალიფიციური შტამპით.
აღნიშნულისთვის პრეტენდენტს აქვს ორი შესაძლო გზა:
• ყველა PDF დოკუმენტი სათითაოდ დაამოწმოს/დაადასტუროს კვალიფიციური ხელმოწერით ან/და კვალიფიციური შტამპით;
• გააერთიანოს წარსადგენი დოკუმენტები ერთ PDF ფაილად, ხოლო თუ ერთი ფაილის ზომა აღემატება 20 მეგაბაიტს – რამდენიმე PDF ფაილად და ის/ისინი დაამოწმოს/დაადასტუროს კვალიფიციური ხელმოწერით ან/და კვალიფიციური შტამპით
8. ელექტრონული ტენდერისთვის ტენდერის სტატუსის „გამოცხადებულია“ მინიჭებიდან ტენდერის სტატუსის „წინადადებების მიღება დაწყებულია“ მინიჭებამდე, სისტემაში „მიმწოდებლად“ რეგისტრირებულ ნებისმიერ მომხმარებელს უფლება აქვს სისტემაში არსებული „კითხვა-პასუხის“ მოდულის მეშვეობით, მოითხოვოს სატენდერო პირობების კონკრეტული ჩანაწერის განმარტება. კითხვის დასმიდან არაუგვიანეს მომდევნო სამუშაო დღისა, „კითხვა-პასუხის“ მოდულის მეშვეობით განხორციელდება შესაბამისი განმარტება, რითაც შესაძლებელია იხელმძღვანელოს ნებისმიერმა დაინტერესებულმა პირმა.
9. ყველაზე დაბალი წინადადების ფასის მქონე პრეტენდენტს, სატენდერო კომისიის გადაწყვეტილების/ქმედების თაობაზე განმარტების მოთხოვნის უფლება აქვს ელექტრონული ტენდერისთვის ტენდერის სტატუსის „შერჩევა-შეფასება“ მინიჭებიდან ტენდერის სტატუსის „ხელშეკრულება დადებულია“ მინიჭებამდე. ასეთ შემთხვევაში შესაბამისი განმარტების გაკეთება განხორციედება გონივრულ ვადაში.