Медицинские услуги (Грузия - Тендер #69187341)

მოსახლეობის დამატებითი ამბულატორიული სამედიცინო მომსახურება.

მიმწოდებელმა უნდა უზრუნველყოს: ხობის მუნიციპალიტეტის ცალკეულ დასახლებებში (თანდართული ცხრილის შესაბამისად) მოსახლეობისათვის ამბულატორიული ექიმამდელი სამედიცინო მომსახურების მიწოდება, მათ შორის :
1. მოსახლეობის სანიტარული განათლება და ჯანსაღი ცხოვრების წესის პროპაგანდა.
2. პაციენტის ჯანმრთელობის მდგომარეობის პირველადი საექიმო და ექიმამდელი შეფასება. სამედიცინო და ფსიქო-სოციალური საჭიროებების იდენტიფიკაცია.
3. პაციენტის ექიმთან მიმართვის აუცილებლობის შეფასება და ვიზიტის ორგანიზება.
4. ქრონიკულ პაციენტებზე დინამიური მეთვალყურეობა.
5. ექიმის მიერ დანიშნული მკურნალობის მონიტორინგი.
6. გავრცელებული დაავადებების, აგრეთვე დაავადებების გართულების ადრეული ნიშნების გამოცნობა.
7. სიცოცხლისათვის საშიში მდგომარეობის იდენტიფიცირება და პაციენტის დროული ჰოსპიტალიზაციის ხელშეწყობა.
8. ლაბორატორიული და ინსტრუმენტული გამოკვლევების ჩატარებისთვის პაციენტის მომზადება, სპეციალისტთან, ჰოსპიტალში, დროული მიმართვის უზრუნველყოფა.
9. პროფესიული კომპეტენციის ფარგლებში ბავშვთა და მოზარდთა ჯანმრთელობაზე მეთვალყურეობა, ფიზიკური განვითარების შეფასება, სამედიცინო-სოციალურ პრობლემათა სრული იდენტიფიკაცია.
10. ახალშობილთა მოვლის უნარ-ჩვევების გაზიარება დედებისა და მომვლელებისთვის.
11. ძუძუთი კვების ხელშეწყობა და დედისათვის კვების ტექნიკის სწავლება (საჭიროების შემთხვევაში - ხელოვნურის ან შერეულის).
12. პროფესიული კომპეტენციის ფარგლებში ხანდაზმულთა ჯანმრთელობაზე მეთვალყურეობა, სამედიცინო-სოციალურ საჭიროებათა დროული იდენტიფიკაცია.
13. მშობიარობის შემდგომი მეთვალყურეობა.
14. ტუბერკულიოზით დაავადებული პაციენტებისათვის უშუალო მეთვალყურეობის ქვეშ მყოფთა მკურნალობის ხელშეწყობა.
15. პალიატიური მზრუნველობა.
16. მიმწოდებელი ვალდებულია მომსახურეობა სამუშაო დღეებში უზრუნველყოს 10.00 საათიდან 18.00 საათამდე 1 საათიანი შესვენების გათვალისწინებით.

ხელშეკრულების გაფორმების დღიდან 2026 წლის 31 დეკემბრის ჩათვლით.

ხობის მუნიციპალიტეტის ცალკეულ დასახლებებში (ფასების ცხრილის შესაბამისად).

პრეტენდენტს უნდა გააჩნდეს ანალოგიური საქმიანობის (მომსახურეობა) მინიმუმ 2 წლიანი გამოცდილება,არანაკლებ 30000 ლარის ღირებულებით, რაზედაც უნდა წარმოადგინოს ხელშეკრულებისა და შესაბამისი მიღება ჩაბარების აქტის ასლები.
სახელმწიფო შესყიდვის შესახებ ხელშეკრულებ(ებ)ის არსებობის შემთხვევაში თუ მოცემული დოკუმენტები ატვირთულია სახელმწიფო შესყიდვების ერთიან ელექტრონულ სისტემაში საკმარისია შესაბამისი განცხადების ნომრ(ებ)ის (SPA, NAT, DAP, CMR) წარმოდგენა.

პრეტენდენტს უნდა გააჩნდეს სამედიცინო მომსახურების შესაბამის სფეროში საქმიანობის ნებართვა ან/და სამედიცინო საქმინობის განხორციელების შესაბამისი დოკუმენტი.

შენიშვნა: სატენდერო კომისია უფლებამოსილია გადაამოწმოს ნებართვა შესაბამის ადმინისტრაციულ ორგანოში.

ხარჯთაღრიცხვის წარმოუდგენლობა ან განუფასებლად წარმოდგენა დაზუსტებას არ ექვემდებარება და გამოიწვევს პრეტენდენტის დისკვალიფიკაციას.
შენიშვნა:
ერთ სოფელში ერთი ექიმის მომსახურების თანხა არ უნდა აღემატებოდეს 300 ლარს, ექთნის (მედდის) -440ლარს, გადაუდებელი მედიკამენტების -30 ლარს.
ხოლო მენეჯმენტის თანხა კი 700 ლარს..

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას. პრეტენდენტმა უნდა დაასაბუთოს ფასწარმოქმნის ადეკვატურობა და ამ ფასად მომსახურების განხორციელების შესაძლებლობა სსიპ „ლევან სამხარაულის სახელობის სასამართლო ექსპერტიზის ეროვნული ბიუროს“ ან სხვა აკრედიტირებული პირის მიერ გაცემული ექსპერტიზის დასკვნის საფუძველზე. იმ შემთხვევაში, თუ დასკვნის გამცემი ორგანო არ იქნება სსიპ „ლევან სამხარაულის სახელობის სასამართლო ექსპერტიზის ეროვნული ბიურო”, პრეტედენტმა დამატებით უნდა წარმოადგინოს დასკვნის გამცემი პირის აკრედიტაციის დამადასტურებელი დოკუმენტის ასლი. პრეტენდენტმა აღნიშნული დასკვნის ღირებულება უნდა დაფაროს საკუთარი ხარჯებით და უნდა უზრუნველყოს მისი წარმოდგენა ერთიანი ელექტრონული სისტემის მეშვეობით, შემსყიდველის მიერ მოთხოვნილი ვადის შესაბამისად.

ანგარიშსწორება განხორციელდება მხარეთა შორის მიღება-ჩაბარების აქტის და ანგარიშფაქტორის /სასაქონლო ზედნადების გაფორმებიდან.

არაუგვიანეს 10 სამუშაო დღის ვადაში.

ბაქარი შონია, 599856082, bakar.shonia@khobi.gov.ge

1. სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად.
2. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე. იმ შემთხვევაში თუ ტენდერში მონაწილე პირი უცხოეთის მოქალაქეა ან უცხოეთში რეგისტრირებული იურიდიული პირია, აუცილებელია წარმოდგენილ იქნას პირის ადმინისტრაციული ორგანოებიდან წარმოსადგენი სარეგისტრაციო/უფლებრივი მონაცემების ამსახველი დოკუმენტები. აღნიშნული დოკუმენტები დამოწმებული უნდა იყოს კანონმდებლობით დადგენილი წესით (ლეგალიზებული ან აპოსტილით დამოწმებული) და მას თან უნდა ერთვოდეს ნოტარიულად დამოწმებული ქართული თარგმანი.
3. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და/ან ინფორმაცია ხელმოწერილი და/ან ბეჭედდასმული (ბეჭდის არსებობის შემთხვევაში) უნდა იქნას უფლებამოსილი პირის მიერ (საჭიროების შემთხვევაში, ატვირთული უნდა იქნას მინდობილობა ან რწმუნებულება). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელმოწერისათვის გაცემული მინდობილობა.
4. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
5. პრეტენდენტს არა აქვს უფლება წარმოადგინოს ალტერნატიული სატენდერო წინადადება.

6. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი ტექნიკური დოკუმენტაციის 1.3 პუნქტით გათვალისწინებული ფასების ცხრილი (ხარჯთაღრიცხვა) ან წარდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს.
7. პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები (მაგ., ფასების ცხრილი, ინფორმაცია საკუთარი გამოცდილების შესახებ, და ა.შ.). დაამოწმოს/დაადასტუროს კვალიფიციური ხელმოწერით/კვალიფიციური შტამპით.
აღნიშნულისთვის პრეტენდენტს აქვს ორი შესაძლო გზა:
• ყველა PDF დოკუმენტი სათითაოდ დაამოწმოს/დაადასტუროს კვალიფიციური ხელმოწერით ან/და კვალიფიციური შტამპით.
• გააერთიანოს წარსადგენი დოკუმენტები ერთ PDF ფაილად, ხოლო თუ ერთი ფაილის ზომა აღემატება 20 მეგაბაიტს – რამდენიმე PDF ფაილად და ის/ისინი დაამოწმოს/დაადასტუროს კვალიფიციური ხელმოწერით ან/და კვალიფიციური შტამპით.