Ремонт и техническое обслуживание строительных сооружений (Грузия - Тендер #69154583)

შესყიდვის ობიექტს წარმოადგენს, სსიპ-განათლების ხარისხის განვითარების ეროვნული ცენტრის სარგებლობაში არსებული ადმინისტრაციული შენობის ელექტრო და მექანიკური მოწყობილობების შეკეთება და ტექნიკური მომსახურება.

1.2.1 მიმწოდებელმა უნდა უზრუნველყოს, სსიპ-განათლების ხარისხის განვითარების ეროვნული ცენტრის (ქ. თბილისი, მერაბ ალექსიძის ქუჩა, მეორე შესახვევი N2) სარგებლობაში არსებული ადმინისტრაციული შენობის ელექტრო და მექანიკური მოწყობილობების შეკეთება და ტექნიკური მომსახურება (შეკეთება/შეცვლისათვის საჭირო საქონლით და მოწყობილობებით უზრუნველყოფით), სატენდერო დოკუმენტაციის 1.3. პუნქტში მითითებული პრეისკურანტის შესაბამისად.
1.2.2. მომსახურეობის გაწევა უნდა განხორციელდეს შესაბამისი კვალიფიკაციის მქონე ტექნიკური პერსონალის მიერ, რომლებიც აღჭურვილი უნდა იყვნენ ყველა საჭირო ხელსაწყოთი;
1.2.3. მომსახურების შესრულების პროცესში გამოსაყენებელი მასალებისა და მოწყობილობების ტიპი და ვიზუალურ-ტექნიკური მახასიათებლები (ხარისხი, ფაქტურა, ფერი და სხვა) თანხმდება შემსყიდველთან. იმ შემთხვევაში, თუ მიმწოდებლის მიერ წარმოდგენილი მასალა ან მოწყობილობა ან შესრულებული სამუშაო არ შეესაბამება აღიარებულ სტანდარტებს და შემსყიდველი ორგანიზაციის მოთხოვნებს, მიმწოდებელი ვალდებულია თავისი ხარჯებით გამოასწოროს, წარმოადგინოს სხვა, შემსყიდველისთვის მისაღები მასალა, მოწყობილობა ან/და სხვაგვარად შეასრულოს სამუშაო.
1.2.4. მიმწოდებელი ვალდებულია მომსახურების გაწევის პროცესში მინიმუმამდე დაიყვანოს მუშაობით გამოწვეული ხმაური, ვიბრაცია და მტვრის გავლენა. არ უნდა შეუშალოს ხელი სამუშაო პროცესს.
1.2.5. მიმწოდებელი ვალდებულია მომსახურების გაწევის პროცესში შემსყიდველისთვის მიყენებული მატერიალური ზარალი აანაზღაუროს ან/და აღმოფხვრას საკუთარი ხარჯით (პირველად მდგომარეობაში აღდგენის ჩათვლით).
1.2.6. შემსყიდველის მოთხოვნის შემთხვევაში, მიმწოდებელი ვალდებულია ადგილზე შექმნას პრეისკურანტში მოცემული ხშირი მოხმარების და სწრაფფუჭებადი საქონლის (ნათურები, განათების რელეები, კარის საკეტები და ა.შ.) გარკვეული მარაგები.
1.2.7. პრეისკურანტით გათვალისწინებული საქონლის მონტაჟისთვის საჭირო ყველა სახარჯი მასალა გათვალისწინებული უნდა იქნეს საქონლის ღირებულებაში.
1.2.8. მიმწოდებელი იღებს ვალდებულებას, რომ გაწეული მომსახურების ხარისხი უპასუხებს ხელშეკრულებით გათვალისწინებულ პირობებს და დააკმაყოფილებს შემსყიდველის მოთხოვნებს.
1.2.9. საქართველოს კანონმდებლობიდან გამომდინარე, ტენდერში გამარჯვებული პრედენდენტი (მიმწოდებელი) ვალდებულია ტექნიკური მომსახურების ობიექტზე სამუშაოების ჩატარების დროს პერსონალი აღჭურვოს კანონით გათვალისწინებული ინდივიდუალური დაცვის საშუალებებით. ელექტრო სამუშაოების დროს შესაბამისი ხელთათმანით.
1.2.10. საქართველოს კანონმდებლობით გათვალისწინებული მოთხოვნებიდან გამომდინარე, ტენდერში გამარჯვებული პრედენდენტი (მიმწოდებელი) ვალდებულია, ტექნიკური მომსახურების გაწევის მიზნით, ობიექტზე წარმოადგინოს შესაბამისი კვალიფიკაციის მქონე და სერტიფიცირებული სპეციალისტები.
1.2.11. მიმწოდებელმა, მომსახურების გაწევა უზრუნველყოს შრომის უსაფრთხოების ნორმების სრული დაცვით. შრომის უსაფრთხოების ნორმების დარღვევის შემთხვევაში, პასუხისმგებლობა სრულად ეკისრება მიმწოდებელს.

1.4.1. მომსახურების გაწევა უნდა განხორციელდეს ხელშეკრულების გაფორმებიდან, მაგრამ არაუადრეს 2026 წლის 01 იანვრიდან 2026 წლის 25 დეკემბრის ჩათვლით, ეტაპობრივად, შემსყიდველის მოთხოვნის შესაბამისად, სატენდერო დოკუმენტაციით განსაზღვრული პირობების გათვალისწინებით.
1.4.2. შემსყიდველი, მომსახურების გაწევის მოთხოვნას ახორციელებს მიმწოდებლის ელექტრონულ ფოსტაზე ან ტელეფონზე ტექსტური შეტყობინების გაგზავნით.
1.4.3. მიმწოდებელი ვალდებულია, შემსყიდველის შეტყობინებიდან არაუგვიანეს 1 (ერთი) სამუშაო დღეში, მოახდინოს შესაბამის მისამართზე გამოცხადება და დეფექტური აქტის შედგენა.
1.4.4. ადგილზე ობიექტის მონახულების შემდგომ, მიმწოდებელი ვალდებულია დაიწყოს დაზიანების აღმოფხვრა გონივრულ ვადაში, მაგრამ არაუმეტეს 3 (სამი) დღისა. გადაუდებელი აუცილებლობისას კი იმავე დღეს.
1.4.5. ტექნიკური დავალების მიღების და გამოძახების თარიღად ითვლება შემსყიდველის უფლებამოსილი პირ(ებ)ის მიერ სატელეფონო შეტყობინების ან ელ. ფოსტაზე ტექსტური შეტყობინების გაგზავნის თარიღი.

1.5.1. შესყიდვის ობიექტის მიწოდება უნდა განხორციელდეს სატენდერო დოკუმენტაციის - ტექნიკური დავალების პირობებისა და დანართი N1-ის (პრეისკურანტი) შესაბამისად.
1.5.2. მომსახურების გაწევა უნდა განხორციელდეს სსიპ-განათლების ხარისხის განვითარების ეროვნული ცენტრის სარგებლობაში არსებული ადმინისტრაციულ შენობაში და შენობის შიდა ეზოში (ქ. თბილისი, მერაბ ალექსიძის ქუჩა, მეორე შესახვევი N2).

1.7.1.1 შესყიდვის ობიექტზე, კერძოდ შეკეთებულ ან გამოცვლილ მოწყობილობებზე ექსპლუატაციის პირობების დაცვის შემთხვევაში (თუ არ აღინიშნება გარეგანი მექანიკური ზემოქმედებით გამოწვეული დაზიანება) უნდა ვრცელდებოდეს 6 (ექვსი) თვიანი საგარანტიო ვადა მიღება-ჩაბარების გაფორმებიდან.
1.7.1.2. მიმწოდებელმა უნდა უზრუნველყოს შესყიდვის ობიექტის ხარვეზის გამოსწორება შეტყობინების მიღებიდან 3 (სამი) სამუშაო დღის განმავლობაში, ხოლო თუ შესყიდვის ობიექტი შეკეთებას არ ექვემდებარება, მიმწოდებელმა უნდა შეცვალოს იგი ახლით 5 (ხუთი) სამუშაო დღის ვადაში.

შენიშვნა: საგარანტიო პირობების შესახებ ინფორმაცია აისახება გამარჯვებულ პრეტენდენტთან გაფორმებულ ხელშეკრულებაში.

პრეტენდენტს ბოლო სამი წლის (2023, 2024 და 2025) განმავლობაში უნდა გააჩნდეს ანალოგიური ხასიათის, სირთულისა და შინაარსის სამუშაოების შესრულების გამოცდილება, რომლთა ღირებულებაც ჯამში უნდა შეადგენდეს არანაკლებ 60 000 (სამოცი ათასი) ლარს, საქართველოს კანონმდებლობით დადგენილი ყველა გადასახადის ჩათვლით. აღნიშნულის დასადასტურებლად პრეტენდენტმა უნდა წარმოადგინოს, მითითებულ წლებში მომსახურების გაწევის დამადასტურებელი ხელშეკრულებები და ამ ხელშეკრულების ფარგლებში გაფორმებული მიღება-ჩაბარების აქტები ან/და ანგარიშფაქტურები.

შენიშვნა: იმ შემთხვევაში, თუ სატენდერო დოკუმენტაციის 2.2.1 პუნქტით მოთხოვნილი გამოცდილების დამადასტურებელი დოკუმენტაცია ატვირთულია შესყიდვების ერთიან ელექტრონულ სისტემაში, პრეტენდენტს შეუძლია გამოცდილების შესახებ დანართში მიუთითოს შესაბამისი CMR, SPA, NAT ნომრები და არ წარმოადგინოს მოთხოვნილი დოკუმენტაცია.

2.9.1. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
2.9.2. პრეტენდენტის მიერ ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე.
2.9.3. დავის შემთხვევაში უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
2.9.4. პრეტენდენტი ვალდებულია სახელმწიფო შესყიდვების ერთიან ელექტრონულ სისტემაში წარმოსადგენ მის მიერ შექმნილ დოკუმენტებზე ან/და ინფორმაციაზე (გარდა excel-ის ფორმატის ფაილისა) შეასრულოს კვალიფიციური ელექტრონული ხელმოწერა ან/და ეს დოკუმენტ(ებ)ი დაამოწმოს კვალიფიციური ელექტრონული შტამპით, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის შესაბამისად.
2.9.5. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
2.9.6. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
2.9.7. ტენდერში მონაწილეობით პრეტენდენტი ეთანხმება სატენდერო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო.
2.9.8. პრეტენდენტის მიერ, პრეისკურანტის საერთო ფასის შემცირების/კლების შემთხვევაში, ფასთა კლება პროცენტულად და პროპორციულად უნდა აისახოს პრეისკურანტით განსაზღვრულ ყოველ კონკრეტულ პოზიციაზე. პრეტენდენტის მიერ წარმოდგენილი პრეისკურანტის ერთეულის და ჯამური ფასები დამრგვალებული უნდა იყოს მეასედის სიზუსტით.
2.9.9. პრეტენდენტის მიერ შემოთავაზებული ფასები უნდა მოიცავდეს საქონლის მოწოდებასთან და მომსახურების გაწევასთან დაკავშირებულ ყველა ხარჯს და კანონმდებლობით გათვალისწინებულ გადასახადებს. ხარჯები, რომლებიც სატენდერო წინადადების ფასში არ იქნება გათვალისწინებული, არ დაექვემდებარება ანაზღაურებას.
2.9.10. პრეტენდენტის მიერ, სატენდერო წინადადების ფასი მითითებული უნდა იყოს დღგ-ს გათვალისწინებით.
2.9.11. პრეტენდენტის მიერ შემოთავაზებული პრეისკურანტის ერთეულის ფასები არ უნდა აღემატებოდეს შემსყიდველის მიერ დაფიქსირებულ პრეისკურანტის ერთეულის ზღვრულ ფასებს.
2.9.12. პრეტენდენტის მიერ პრეისკურანტის დაზუსტების შეთხვევაში, დაუშვებელია თავდაპირველად წარმოდგენილი ერთეულის ფასის გაზრდილი ღირებულებით წარმოდგენა.
2.9.13. თუ ფასების ცხრილში მითითებულ რომელიმე პოზიციაზე, პრეტენდენტი საქონელს ან/და მომსახურებას გვთავაზობს უფასოდ, ერთეულის ფასის შესაბამის გრაფაში უნდა ჩაიწეროს „0“.
2.9.14. ხელშეკრულების დადების შემდეგ, დანართი №1-ში (პრეისკურანტი) მომსახურების ან/და საქონლის რომელიმე ერთეულის არარსებობისას, აღნიშნული ერთეულის ფასი, მისი შესყიდვის აუცილებლობისას, დგინდება შემსყიდველი ორგანიზაციისა და მიმწოდებლის შეთანხმებით საბაზრო ფასის გათვალისწინებით. ასეთ შემთხვევაში, პრეისკურანტში შესაბამისი მომსახურების ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს.

4.1.1.1. იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, პრეტენდენტმა უნდა წარმოადგინოს ფასწარმოქმნის ადეკვატურობის დასაბუთება. ფასწარმოქმნის ადეკვატურობის დასაბუთება უნდა მოხდეს სსიპ ,,აკრედიტაციის ერთიანი ეროვნული ორგანო აკრედიტაციის ცენტრი’’-ს მიერ აკრედიტებული ორგანიზაციის (პირი) დასკვნის საფუძველზე (დასკვნასთან ერთად ერთიან ელექტრონულ სისტემაში წარმოდგენილი უნდა იყოს აკრედიტაციის დამადასტურებელი დოკუმენტი), ან სსიპ ლევან სამხარაულის სახელობის სასამართლო ექსპერტიზის ეროვნული ბიუროს დასკვნით, ან აუდიტის დასკვნით (დასკვნას თან უნდა ახლდეს „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონის შესაბამისად უფლებამოსილი ორგანოს მიერ გაცემული საექსპერტო ან/და აუდიტორული საქმიანობის განხორციელების უფლების დამადასტურებელი დოკუმენტი).
4.1.1.2. ფასწარმოქმნის ადეკვატურობის დამადასტურებელი დოკუმენტ(ებ)ით დასადები ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.

მიმწოდებელთან ანგარიშსწორება განხორციელდება ეტაპობრივად უნაღდო ანგარიშსწორების წესით ეროვნულ ვალუტაში, ფაქტიურად მოწოდებული შესყიდვის ობიექტის და მომსახურების შესაბამისად, მხარეებს შორის მიღება-ჩაბარების აქტის გაფორმების საფუძველზე.

ანგარიშსწორება განხორციელდება უნაღდო ანგარიშსწორების წესით, ფაქტიურად გაწეული მომსახურების შესაბამისად გაფორმებული მიღება-ჩაბარების აქტის და საქართველოს კანონმდებლობით გათვალისწინებული შესაბამისი საგადასახადო დოკუმენტაციის წარდგენიდან 10 (ათი) სამუშაო დღის ვადაში.

ნათია ქვათაძე, 591417020, n.kvatadze@eqe.ge ნინო კოტრიკაძე, 577631314, n.kotrikadze@eqe.ge

10.1. პრეტენდენტმა ტექნიკური დოკუმენტაციის სახით, ერთიან ელექტრონულ სისტემაში უნდა ატვირთოს:
10.1.1 ფასების ცხრილი/პრეისკურანტი (დანართი N1), სატენდერო დოკუმენტაციის 1.3. პუნქტში ატვირთული ცხრილის შესაბამისად.
10.1.2 ინფორმაცია პრეტენდენტის გამოცდილების შესახებ, სატენდერო დოკუმენტაციის 2.2.1 პუნქტის მოთხოვნების შესაბამისად.