Ремонт и техническое обслуживание транспортных средств и оборудования и сопутствующие услуги (Грузия - Тендер #69154514)

შესყიდვის ობიექტია - სსიპ ჯანმრთელობის ეროვნული სააგენტოს ბალანსზე არსებული ავტოსატრანსპორტო საშუალებების (სედანი, ჯიპი) რეცხვასთან დაკავშირებული მომსახურებების შესყიდვა.

1.2.1. სსიპ ჯანმრთელობის ეროვნული საგენტოს ბალანსზე რიცხული ავტოსატრანსპორტო საშუალებები:
- სედანის ტიპის ავტოსატრანსპორტო საშუალება - 9 ცალი;
- ჯიპის ტიპის ავტოსატრანსპორტო საშუალება - 6 ცალი.

1.2.2. მიმწოდებელმა უნდა უზრუნველყოს სატრანსპორტო საშუალებების როგორც ექსტერიერის (ძარა), ასევე ინტერიერის (სალონი, საბარგული) სრულად რეცხვა, გასუფთავება და გამშრალება, სპეციალური მოწყობილობების, ინვენტარისა და სარეცხი საშუალებების გამოყენებით. გამოყენებული უნდა იყოს ავტომანქანისათვის რეკომენდირებული და მაღალი ხარისხის სარეცხი და საწმენდი საშუალებები.

1.2.3. ავტომანქანების გარედან რეცხვა უნდა მოხდეს ე.წ. უკონტაქტო რეცხვის მეთოდის გამოყენებით, რომელიც არ აზიანებს ავტომანქანის საღებავს.

1.2.4. თითოეულ ავტომანქანას რეცხვითი მომსახურება უნდა განხორციელდეს შემსყიდველის მოთხოვნის შესაბამისად, ხელშეკრულების ღირებულების ფარგლებში.

1.2.5. რეცხვის პროცესში, სატრანსპორტო საშუალებების ნებისმიერ დაზიანებაზე პასუხისმგებელია მიმწოდებელი და ასეთი გარემოების არსებობის შემთხვევაში, ზიანს სრულად აანაზღაურებს მიმწოდებელი.

1.2.6. მიმწოდებელს ქ. თბილისში საკუთრებაში ან/და ფლობაში (იჯარით) უნდა გააჩნდეს არანაკლებ 4 (ოთხი) ერთეული ავტოსამრეცხაო, არანაკლებ 4 (ოთხი) სამრეცხაო ბოქსით.

ქ. თბილისში, არანაკლებ 1 ავტოსამრეცხაო სადგური, უნდა იყოს განლაგებული სსიპ ჯანმრთელობის ეროვნული სააგენტოს სათაო ოფისის შენობიდან (ა. წერეთლის გამზირი 144) მაქსიმუმ 5 (ხუთი) კილომეტრის რადიუსში. შემსყიდველი იტოვებს უფლებას, აღნიშნული ტენდერის სტატუსის - გამარჯვებულად გამოვლენამდე გადაამოწმოს ტენდერში მონაწილე პრეტენდენტის მიერ წამოდგენილი სამრეცხაო ობიექტები და მათი მატერიალური-ტექნიკური ბაზები რომლებიც აღჭურვილნი უნდა იყვნენ რეცხვითი მომსახურების გაწევისთვის საჭირო შესაბამისი მანქანა-დანადგარებით როგორიცაა კერხერი, მტვერსასრუტი და ა.შ.

1.2.7. მიმწოდებელი ვალდებულია უზრუნველყოს მომსახურების გაწევა ტალონური ან საბარათე სისტემის მეშვეობით; ტალონის/ბარათის წარდგენის შემთხვევაში, მისი მფლობელი უფლებამოსილია მიიღოს შესაბამისი მომსახურება მიმწოდებლის ექსპლოატაციაში მყოფ ნებისმიერ ავტოსამრეცხაო სადგურში.

1.2.8. პრეტენდენტის მიერ ელექტრონული ვაჭრობის შედეგად პრეისკურანტის (დანართი N1) საერთო ფასის შემცირების/კლების შემთხვევაში, ფასთა კლება, პრეისკურანტის სავარაუდო ღირებულებასა (სატენდერო ღირებულება) და პრეტენდენტის მიერ დაფიქსირებული საბოლოო პრეისკურანტის ფასის პროცენტულად და პროპორციულად უნდა აისახოს პრეისკურანტით განსაზღვრულ ყველა პოზიციაზე. პრეტენდენტის მიერ საბოლოოდ დაფიქსირებული ერთეულის ფასები უნდა დამრგვალდეს მეასედის სიზუსტით.

1.2.9. სატენდერო დოკუმენტაციის 1.2 პუნქტით განსაზღვრული მოთხოვნები გათვალისწინებული იქნება ტენდერში გამარჯვებულ კომპანიასთან, სახელმწიფო შესყიდვის შესახებ გასაფორმებელ ხელშეკრულებაში.

1.2 10. პრეტენდენტის მიერ დანართი N1 პრეისკურანტი წარმოდგენილი უნდა იყოს EXCEL-ის ფორმატში.

1.2.11. შემსყიდველის მოთხოვნის შესაბამისად, მიმწოდებელმა უნდა უზრუნველყოს მოთხოვნაში მითითებული ტალონების/პლასტიკური ბარათების დამზადება და შემსყიდველისათვის გადაცემა მოთხოვნიდან 3 (სამი) სამუშაო დღის განმავლობაში;

1.2.12. მიმწოდებელმა ტენდერის შერჩევა/შეფასების ეტაპზე უნდა წარმოადგინოს ინფორმაცია, შემსყიდველს მომსახურებას გაუწევს ტალონური თუ საბარათე სისტემის მეშვეობით.

დანართი N2 მანქანების ჩამონათვალი.

1.4.1. მომსახურება უნდა განხორციელდეს ხელშეკრულების გაფორმებიდან,მაგრამ არაუადრეს 2026 წლის 01 იანვრიდან, 2026 წლის 31 დეკემბრის ჩათვლით;
1.4.2. მიმწოდებელმა რეცხვის მომსახურება უნდა განახორციელოს შემსყიდველის უფლებამოსილი წარმომადგენლის მიერ, რეცხვის ტალონის/ბარათის წარდგენიდან არაუმეტეს 1 საათის განმავლობაში.

1.5.1. მომსახურების გაწევის ადგილი:

ქ. თბილისი;

1.5.2. დასაშვებია შემსყიდველისათვის მომსახურების გაწევის უზრუნველსაყოფად, მიმწოდებელმა გამოიყენოს ქვეკონტრაქტორის მომსახურება;

1.5.3. მიმწოდებელი ვალდებულია უზრუნველყოს მომსახურების გაწევა ტალონური ან საბარათე სისტემის მეშვეობით;

1.5.4. ტალონის/ბარათის წარდგენის შემთხვევაში, მისი მფლობელი უფლებამოსილია მიიღოს შესაბამისი მომსახურება მიმწოდებლის ექსპლოატაციაში მყოფ ნებისმიერ ავტოსამრეცხაოში.

2.2.1 მოთხოვნა პრეტენდენტის გამოცდილების შესახებ

1. პრეტენდენტს 2023 წლიდან აღნიშნული ტენდერის გამოცხადებამდე პერიოდში უნდა გააჩნდეს ჯამურად არანაკლებ 5 000.00 (ხუთი ათასი ლარი და 00 თეთრი) ლარის ოდენობის თანხის ავტოსატრანსპორტო საშუალების რეცხვის მომსახურების გაწევის გამოცდილება;

2. იმ შემთხვევაში თუ პრეტენდენტის მიერ გაწეული ანალოგიური გამოცდილების შესახებ ინფორმაცია იძებნება სახელმწიფო შესყიდვების ერთიან ელექტრონულ სისტემაში, პრეტენდენტმა უნდა წარმოადგინოს ინფორმაცია CON, SPA, NAT ან CMR ნომრების მითითებით (დანართი N3-ის შესაბამისად);

3. იმ შემთხვევაში თუ შესყიდვის ხელშეკრულება და შესრულების დამადასტურებელი დოკუმენტაცია არ იძებნება სახელმწიფო შესყიდვების ერთიან ელექტრონულ სისტემაში, გამოცდილების დადასტურების მიზნით, პრეტენდენტმა უნდა წარმოადგინოს ანალოგიური გამოცდილების შესახებ ინფორმაცია (დანართი N3-ის შესაბამისად CON, SPA, NAT ან CMR ნომრების მითითების გარეშე), მიმწოდებლისა და შემსყიდველის მიერ ორმხრივად ხელმოწერილი, რომელიც უნდა იყოს დამოწმებული კვალიფიციური ხელმოწერით ან კვალიფიციური შტამპით.

პრეტენდენტმა უნდა წარმოადგინოს ინფორმაცია მის სარგებლობაში ან საკუთრებაში არსებული სერვის ცენტრების (ქ.თბილისი,) ადგილმდებარეობების შესახებ შესაბამისი მისამართების მითითებით. ამასთან, საკუთრების შემთხევაში წარმოდგენილი უნდა იქნას ამონაწერი საჯარო რეესტრიდან ხოლო სარგებლობის (ქირავნობა, იჯარა, ლიზინგი, უზუფრუქტი და/ან სხვა) შემთხვევაში წარმოდგენილი უნდა იქნას გაფორმებული ხელშეკრულებები, რომელიც ძალაში უნდა იყოს მინიმუმ 2027 წლის 31 იანვრის ჩათვლით.

პრეტენდენტის ავტოსამრეცხაოები აღჭურვილი უნდა იყოს შესაბამისი მანქანა-დანადგარებით როგორიცაა კერხერი, მტვერსასრუტი და ა.შ..

2.8.1.1. ქვეკონტრაქტორის არსებობის შემთხვევაში პრეტენდენტმა უნდა წარმოადგინოს მასთან/მათთან არსებული სამართლებრივი ურთიერთობის დოკუმენტ(ებ)ის ასლები (ხელშეკრულება, შეთანხმება ან სხვა ექვივალენტური დოკუმენტი, რომელიც ძალაში უნდა იყოს მინიმუმ 2027 წლის 31 იანვრის ჩათვლით), სადაც მითითებული უნდა იყოს ინფორმაცია ქვეკონტრაქტორ(ებ)ის სერვისცენტრის მდებარეობის შესახებ.

ქვეკონტრაქტორ(ებ)ი ანგარიშვალდებულია მიმწოდებლის წინაშე. ქვეკონტრაქორ(ებ)ის მიერ ნაკისრი ვალდებულებების შეუსრულებლობით ან არაჯეროვანი შესრულებით დამდგარ შედეგზე შემსყიდველის წინაშე პასუხისმგებელია მხოლოდ მიმწოდებელი.

2.9.1. სატენდერო წინადადების ფასი:

ა) ელექტრონული ვაჭრობა გაიმართება სატენდერო დოკუმენტაციის 1.3 პუნქტში ატვირთულ ცხრილში (დანართი N1 პრეისკურანტი) მოცემული ერთეულის ფასების ჯამურ ღირებულებაზე.
ბ) პრეტენდენტის მიერ ელექტრონული ვაჭრობის შედეგად პრეისკურანტის (დანართი N1) საერთო ფასის შემცირების/კლების შემთხვევაში, ფასთა კლება, პრეისკურანტის სავარაუდო ღირებულებასა (სატენდერო ღირებულება) და პრეტენდენტის მიერ დაფიქსირებული საბოლოო პრეისკურანტის ფასის პროცენტულად და პროპორციულად უნდა აისახოს პრეისკურანტით განსაზღვრულ ყველა პოზიციაზე. პრეტენდენტის მიერ საბოლოოდ დაფიქსირებული ერთეულის ფასები უნდა დამრგვალდეს მეასედის სიზუსტით.
გ) სატენდერო წინადადების ფასი წარმოდგენილი უნდა იყოს პრეისკურანტში მოცემული ერთეულის ფასების ჯამური ღირებულების შესაბამისად, მაგრამ არაუმეტეს ტენდერის ჩატარების შესახებ განცხადებაში მითითებული სავარაუდო ღირებულებისა.

2.9.2 პრეტენდენტის მიერ სატენდერო წინადადებით ერთიან ელექტრონულ სისტემაში ასატვირთი მონაცემები:
2.9.2.1. სატენდერო დოკუმენტაციის 1.3 მუხლით განსაზღვრული განფასებული დანართი N1 ხარჯთაღრიცხვა წარმოდგენილი უნდა იყოს EXCEL-ის ფორმატში;
2.9.2.2. სატენდერო დოკუმენტაციის 2.2.1. პუნქტით განსაზღვრული ინფორმაცია პრეტენდენტის გამოცდილებასთან დაკავშირებით;
2.9.2.3. სატენდერო დოკუმენტაციის 2.3.1 პუნქტით განსაზღვრული მოთხოვნები პრეტენდენტის მატერიალურ-ტექნიკურ ბაზასთან დაკავშირებით;
2.9.2.4. სატენდერო დოკუმენტაციის 2.8.1 პუნქტით განსაზღვრული მოთხოვნები ქვეკონტრაქტორის შესახებ.
2.9.2.5. მიმწოდებელმა ტენდერის შერჩევა/შეფასების ეტაპზე უნდა წარმოადგინოს ინფორმაცია, შემსყიდველს მომსახურებას გაუწევს ტალონური თუ საბარათე სისტემის მეშვეობით

შესყიდვის თავისებურებიდან (მომსახურების სპეციფიკიდან) გამომდინარე, ვინაიდან აღნიშნული შესყიდვის ობიექტი ძირითადად წარმოადგენს ადამიანური რესურსის შრომით გასამრჯელოს, მიმწოდებელს აქვს შესაძლებლობა აღნიშნული მომსახურება განახორციელოს საბაზრო ღირებულებასთან შედარებით დაბალ ფასად. ზემოაღნიშნულიდან გამომდინარე, პრეტენდენტის მიერ სისტემაში შესყიდვის ობიექტის სავარაუდო ღირებულებასთან 20%-ით ან მეტით დაბალი საბოლოო ფასის დაფიქსირების შემთხვევაში არ წარმოეშვება ფასწარმოქმნის ადეკვატურობის დასაბუთების ვალდებულება.

7.2.1. ფაქტიურად გაწეული მომსახურების შესაბამისად, მხარეებს შორის გაფორმდება მიღება-ჩაბარების აქტი შესაბამისი ღირებულების ასახვით, რაც წარმოადგენს ანგარიშსწორების საფუძველს;
7.2.2. ანგარიშწორება განხორციელდება ეროვნულ ვალუტაში - ლარში;
7.2.3. ანგარიშწორების ფორმა იქნება უნაღდო ანგარიშსწორება, თანხა ჩაირიცხება მომწოდებლის მიერ ხელშეკრულებაში მითითებულ საბანკო რეკვიზიტებზე.

ანგარიშსწორება მიმწოდებელთან განხორციელდება ფაქტიურად გაწეული მომსახურების შესაბამისად, მხარეთა შორის მიღება-ჩაბარების აქტის გაფორმებიდან და „მიმწოდებლის“ მიერ კანონმდებლობით განსაზღვრული დოკუმენტის წარმოდგენიდან არა უგვიანეს 20 (ოცი) სამუშაო დღის განმავლობაში.

ონიანი, 591919988, goniani@moh.gov.ge

10.1.1.ტენდერში მონაწილეობის მიღება შეუძლიათ მხოლოდ სისტემაში „მიმწოდებლად“ რეგისტრირებულ მომხმარებლებს.
10.1.2. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
10.1.3. სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად (გარდა excel-ის ფორმატის ფაილისა), კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
10.1.4. სატენდერო წინადადება, ასევე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია, დოკუმენტაცია ან/და ინფორმაცია, წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ თან უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე (დამოწმებული ნოტარიულად ან აპოსტილით). უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია. ქართულენოვან ტექსტში უცხოენოვანი სიტყვ(ებ)ის გამოყენების შემთხვევაში კომისია უფლებამოსილია იმსჯელოს აღნიშნული სიტყვ(ებ)ის ტექნიკურ დოკუმენტაციასთან შესაბამისობის თაობაზე.
10.1.5. სახელმწიფო შესყიდვების შესახებ ხელშეკრულების ფორმა/პროექტი და პირობები მოცემულია სატენდერო დოკუმენტაციის 8.1 პუნქტში. რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
10.1.6. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ეროვნულ ვალუტაში ლარში.
10.1.7. სატენდერო კომისიის გადაწყვეტილება ჩაითვლება პრეტენდენტისათვის გაგზავნილ შეტყობინებად, სატენდერო კომისიის სხდომის ოქმის სახელმწიფო შესყიდვების ერთიანი ელექტრონული სისტემის შესაბამის მოდულში ატვირთვით. პრეტენდენტის მიერ შეტყობინება ოფიციალურად მიღებულად ჩაითვლება ოქმის სისტემაში ატვირთვის მომენტიდან.
10.1.8. სატენდერო წინადადების წარდგენით, პრეტენდენტი ავტომატურად გამოხატავს თანხმობას სატენდერო დოკუმენტაციის პირობებით განსაზღვრულ მოთხოვნებზე.