Вспомогательные услуги при транспортировке по земле, воде и воздуху (Грузия - Тендер #69129691)

გორის მუნიციპალიტეტის მერიის და მის მიერ დაფუძნებული იურიდიული პირების ბალანსზე რიცხულ 100 (ასი) ერთეულ ავტომანქანაზე, ნავიგაციისა და ადგილმდებარეობის განსაზღვრის გლობალური სისტემის (GPS ან ეკვივალენტი) დამონტაჟებისა და შესაბამისი ტექნიკური მომსახურების შესყიდვა.

• ტენდერში გამარჯვებული კომპანია უზრუნველყოფს გორის მუნიციპალიტეტის მერიის და მის მიერ დაფუძნებული იურიდიული პირების საკუთრებაში არსებული 100 (ასი) ერთეული ავტომანქანისათვის ნავიგაციისა და ადგილმდებარეობის განსაზღვრის გლობალური სისტემის (GPS ან ეკვივალენტი) დამონტაჟებას, მონიტორინგის მომსახურების განხორციელების მიზნით.

• მიმწოდებლის მიერ დამონტაჟებული სისტემის მეშვეობით, შემსყიდველი მიიღებს შემდეგი შინაარსის მომსახურებას:

1. სათანადო მონიტორინგის ცენტრის საშუალებით მომსახურების მიღება შესაძლებელი იქნება ყოველდღიურად, 24 საათის განმავლობაში (24/7);
2. მონიტორინგის პროგრამა იმუშავებს 10 სახის ონლაინ ციფრულ რუკასთან. ამავდროულად, სერვერზე, ლოკალურად განთავსებული იქნება საქართველოს ციფრული რუკები, რომლის საშუალებითაც შესაძლებელი იქნება ქალაქების, ქუჩებისა და შენობა-ნაგებობების ნუმერაციის ძებნა. რუკაზე მონიშვნებით სისტემა მოიძიებს დასახლებული პუნქტის დასახელებას და მისამართს;
3. მონიტორინგის სისტემაში წვდომა შესაძლებელი იქნება ნებისმიერი კომპიუტერიდან, რომელიც ჩართული იქნება გლობალურ ქსელში. ასევე, წვდომა განხორციელდება სმარტფონებიდანაც. ამავდროულად, სისტემაში წვდომის საშუალება ექნებათ მხოლოდ შესაბამისი უფლებების მქონე პირებს. სისტემა საშუალებას იძლევა ადმინისტრატორის მიერ განისაზღვროს წვდომის სხვადასხვა დონე განსახვავებული უფლებების მქონე პირებისათვის;
4. GPS მონიტორინგი განხორციელდება ონლაინ ვებ სერვერის საშუალებით. მონიტორინგის სისტემაში წვდომა შესაძლებელი იქნება ნებისმიერი ინტერნეტში ჩართული კომპიუტერიდან მხოლოდ შესაბამისი პაროლისა და მომხმარებლის სახელის გამოყენებით;
5. მომსახურების რეგიონალური ფილიალი და ტექნიკური მომსახურების პერსონალი, აღჭურვილი იქნება შესაბამისი ტექნიკითა და სატრანსპორტო საშუალებ(ებ)ით მყისიერი რეაგირებისთვის;
6. შემსყიდველის წერილობითი მოთხოვნის შემთხვევაში, მიმწოდებელი უზრუნველყოფს დამკვეთი ორგანიზაციის თანამშრომლებისა და მძღოლების იდენტიფიკაციას სამსახურებრივი ბარათების მეშვეობით. მონიტორინგის სისტემა ასახავს მიმდინარე მომენტში საჭესთან მყოფი პიროვნების სახელს, გვარს და მის ფოტოსურათს. რეპორტების გენერირება შესაძლებელი იქნება როგორც მანქანების, ასევე მძღოლების მიხედვით. ამავდროულად, თუ საჭესთან მყოფმა პირმა არ მოახდინა თავისი სამსახურებრივი ბარათის საშუალებით იდენტიფიკაცია ავტომობილის სალონში გააქტიურდება ხმოვანი სიგნალი, რომელიც გაჩერდება მხოლოდ იდენტიფიკაციის პროცედურის გავლის შემდგომ;
7. პროგრამული უზრუნველყოფა მომხმარებელს საშუალებას მისცემს შაბლონების გამოყენების საშუალებით, მისთვის სასურველი სახით მოახდინოს სხვადასხვა სახის ანგარიშების გენერირება. ანგარიშები ხელმისაწვდომი იქნება თარიღის, ობიექტებისა და ობიექტების სხვადასხვა ჯგუფების მიხედვით. ანგარიშებს თანდართული ექნება შესაბამისი გრაფიკები;
8. GPS მოწყობილობას გააჩნია ფუნქცია, რომლის საშუალებითაც ხმოვანი სიგნალის საშუალებით განხორციელდება მძღოლის გაფრთხილება სიჩქარის გადაჭარბების შესახებ. ასევე, შესაძლებელი იქნება სხვადასხვა დასაშვები სიჩქარის ლიმიტის განსაზღვრა დასახლებული პუნქტებისათვის და მაგისტრალებისთვის. გამაფრთხილებელი ხმოვანი სიგნალი იმოქმედებს მანამ, სანამ სიჩქარის პარამეტრები არ დაბრუნდება დასაშვები ნორმის ფარგლებში. ამავდროულად, შესაძლებელი იქნება, სხვადასხვა სახის და ფუნქციის სატრანსპორტო საშუალებებზე ინდივიდუალურად დაწესდეს დასაშვები სიჩქარის პარამეტრები;
9. შეტყობინებების მიღება შესაძლებელი იქნება როგორც მონიტორინგის სისტემაში (pop-up window), ასევე, ელ.ფოსტითა და მოკლე ტექსტური შეტყობინებებით მობ. ტელეფონზე;
10. მონიტორინგის პროგრამა გამოცდილი და აპრობირებული იქნება 2 წლის განმავლობაში;
11. მხარდაჭერილი იქნება ანგარიშების ექსპორტი ხუთ სხვადასხვა ფორმატში (HTML, PDF, Excel, XML, CSV);
12. შესაძლებელი იქნება სატრანსპორტო საშუალებების დაჯგუფება მარშრუტების ან ნებისმიერი სხვა თემატიკის მიხედვით. ამავდროულად, შესაძლებელი იქნება ერთი და იგივე სატრანსპორტო საშუალების განთავსება სხვადასხვა თემატურ ჯგუფშ(ებ)ი;
13. შესაძლებელი იქნება მონიტორინგის სისტემაში სატრანსპორტო საშუალებების მონიტორინგი, როგორც ჯგუფების ასევე. საერთო ჩამონათვალის (ყველა ობიექტის ან შერჩევით) საშუალებით;
14. მინიტორინგის სისტემას გააჩნია ხუთი სახის განახლებადი ციფრული რუკა;
15. შესაძლებელი იქნება ნებისმიერი რაოდენობის ობიექტების დატანა რუკაზე, რომელთა დასახელებაც აისახება სტატისტიკურ მონაცემებში თუ სატრანსპორტო საშუალებები გაჩერდებიან ამ ობიექტებთან;
16. ტრანსპორტის სტატისტიკური მონაცემები (გავლილი მანძილი, მოძრაობის დრო, ძრავის მდგომარეობის პარამეტრები, შესრულებული მარშრუტები და სხვა) შენახული და ხელმისაწვდომი იქნება ერთი წლის განმავლობაში;
17. მხარდაჭერილი იქნება თავისუფლად ჩამოსატვირთი აპლიკაცია სმარტფონებისთვის, რომლის საშუალებითაც უფლებამოსილ პირს ეძლევა საშუალება განახორციელოს მონიტორინგი სმარტფონების გამოყენებით. აპლიკაცია წარმოადგენს მონიტორინგის განხორციელების სრულფასოვან საშუალებას და მასში გამოჩნდება შემდეგი ინფორმაცია: მანქანის მოძრაობა და ინფორმაცია პირდაპირ ეთერში,
ისტორია, სტატისტიკა და შეტყობინებები. აპლიკაცია იმუშავებს Android და iOS ოპერაციულ სისტემებზე;
18. შემსყიდველის წერილობითი მოთხოვნის საფუძველზე, მონიტორინგის სისტემაში დამატებით აისახება შემდეგი სახის ინფორმაცია: ინფორმაცია - შსს მიერ დაფიქსირებული საპატრულო ჯარიმების შესახებ, მონიტორინგში ჩართული ყველა სატრანსპორტო საშუალებისათვის ან კონკრეტულად არჩეულ მანქანაზე.
19. მონიტორინგის სისტემაში შესაძლებელი იქნება ზონის და პერიოდის მონიშვნის შემდგომ ძებნა, ერთი წლის განმავლობაში იმყოფებოდა თუ არა ავტომობილი მონიშნულ ზონაში დროის მითითებით;
20. მონიტორინგის სისტემა იძლევა სტატისტიკურ მონაცემებს, როგორც ცალკეულ სატრანსპორტო საშუალებებზე, ასევე ჯგუფების მიხედვით;
21. თუ სატრანსპორტო საშუალებებისათვის დაწესებულია მოძრაობის სიჩქარის ლიმიტი ან ზონირება, მონიტორინგის სისტემა ასახავს დარღვევებს როგორც რეალურ დროში შეტყობინებების საშუალებით, ასევე სტატისტიკურ მონაცემებში;
22. პრეტენდენტი უზრუნველყოფს GPS მონიტორინგის სისტემაზე დაფუძნებულ სადისპეტჩერო პროგრამულ უზრუნველყოფას. აღნიშნულ პროგრამას გააჩნია ორი ინტერფეისი:
22.1. სატრანსპორტო საშუალების მოთხოვნის განაცხადის ფორმა, რომელშიც დამკვეთი ორგანიზაციის თანამშრომლები გააკეთებენ განაცხადს ავტომობილის დასაჯავშნათ მითითებულ დროს და ასევე მიუთითებენ გამგზავრების საწყის და საბოლოო წერტილებს;
22.2. ადმინისტრატორის გვერდზე აისახება ყველა განაცხადი, რომელთა მიზნობრიობას განიხილავს უფლებამოსილი ადმინისტრატორი და დააკმაყოფილებს ან არ დააკმაყოფილებს მიღებულ განაცხადს. განაცხადის დაკმაყოფილების შემთხვევაში განაცხადის დამკვეთს და ადმინისტრატორის მიერ ამ განაცხადზე მიმაგრებული სატრანსპორტო საშუალების მძღოლს მიუვა შესაბამისი შინაარსის მოკლე ტექსტური შეტყობინება. განაცხადის ინტერფეისში შესვლა შესაძლებელი იქნება მხოლოდ დამკვეთი ორგანიზაციის IP მისამართიდან. ადმინისტრატორის გვერდი დაცული იქნება პაროლითა და მომხმარებლის სახელით. ადმინისტრატორის გვერდზე ხელმისაწვდომი იქნება რეპორტები, რომელთა საშუალებითაც განხორციელდება შესრულებული განაცხადის რეპორტების ამოღება და ექსპორტი;
23. შესაძლებელი იქნება ყველა ზემოაღნიშნული სტატისტიკური მონაცემების რეპორტების გენერირება და ექსპორტი Excel, PDF ფორმატში;
24. მონიტორინგის სისტემა უზრუნველყოფს შეტყობინებების ელ.ფოსტაზე ავტომატურად გადაგზავნას, მითითებული პერიოდის მიხედვით;
25. სტატისტიკური მონაცემები შენახული და შემსყიდველისთვის ხელმისაწვდომი იქნება ერთი წელი, ხოლო შემდგომ შემსყიდველის წერილობითი მოთხოვნის საფუძველზე, მოხდება მონაცემთა ბაზის არქივაცია და შემსყიდველისთვის გადმოცემა;
26. მონიტორინგის სისტემას გააჩნია შემდეგი დამატებითი ფუნქციები:

 მარშრუტის დაგეგმვის ფუნქცია;
 ავტომობილის ტექნიკური მომსახურების კონტროლი (მაგ. ძრავის ზეთის შეცვლის პერიოდი, სერვისზე დახარჯული თანხების მითითებით);
 ფუნქცია, თუ რომელი ავტომობილი მოძრაობს/იმართება ყველაზე ოპტიმალურად (მონიტორინგი ხდება - დაძვრა/გაჩერების სისწრაფეზე, მოძრაობის საშუალო სიჩქარეზე);
 დასახლებული პუნქტებში რუკაზე იძებნებოდეს ქუჩები და შენობები დასახელებისა და ნომრების მიხედვით;
 ლოგირების სისტემა (მომხმარებლების სისტემაში შესვლის ისტორია, მომხმარებელის ID, დროის და IP მისამართის მითითებით);

27. მიმწოდებელი უზრუნველყოფს GPS მოწყობილობების შემსყიდველისთვის დროებით სარგებლობაში უსასყიდლოდ გადაცემას და პროგრამულ უზრუნველყოფას;
28. მომწოდებელი უზრუნველყოფს GPS მოწყობილობების უსასყიდლოდ მონტაჟს შემსყიდველის მიერ მითითებულ სატრანსპორტო საშუალებებზე (საქართველოს ტერიტორიაზე) ხელშეკრულების გაფორმებიდან, 10 (ათი) სამუშაო დღის განმავლობაში. ამასთანავე აღნიშნულ ვადამდე პრეტენდენტი განახორციელებს სადისპეტჩერო პროგრამულ უზრუნველყოფას და იდენტიფიცირების მოწყობილობების მონტაჟს.
მიმწოდებელი გაუწევს შემსყიდველს მონიტორინგის სრულფასოვან მომსახურებას;
29. მიმწოდებელი უსასყიდლოდ მოახდენს GPS მოწყობილობის გადაადგილებას ერთი სატრანსპორტო საშუალებიდან მეორეზე - ულიმიტოდ, შემსყიდველის მითითების შესაბამისად;
30. GPS მოწყობილობას გააჩნია შიდა მეხსიერება, რაც საშუალებას იძლევა GSM/GPRS სიგნალის დაკარგვის შემთხვევაში მონაცემები შეინახოს ლოკალურად კავშირის აღდგენამდე;
31. შესაძლებელი იქნება მოწყობილობიდან ინფორმაციის მიღება იმ შემთხვევაში თუ მოხდა მანქანის დაქოქვის გარეშე გადაადგილება, ასევე მკვეთრი აჩქარება - შენელების პარამეტრების დაფიქსირებისთვის; GPS მოწყობილობები გამოირჩევა ელ. ენერგიის მოხმარების მცირე პარამეტრებით და გააჩნია ენერგიის დაზოგვის რეჟიმი, რომლიდანაც გამოდის სატრანსპორტო საშუალების მოძრაობის დაწყებისას;
32. GPS მოწყობილობას გაჩნია AGPS სისტემა, რომლის მეშვეობითაც ხდება აღნიშნული მოწყობილობის ადგილსამყოფელის უმალვე გადმოგზავნა ავტომობილის მდებარეობის მაქსიმალური სიზუსტით;
33. შემსყიდველისგან შეტყობინების მიღებისთანავე მიმწოდებელი დაიწყებს ხარვეზის ან/და დაზიანების აღმოფხვრას;
34. შემსყიდველის მოთხოვნის შემთხვევაში, მიმწოდებელი უზრუნველყოფს მონიტორინგის სისტემაში მუშაობასთან დაკავშირებით შემსყიდველი ორგანიზაციის თანამშრომლებისთვის ტრენინგის ჩატარებას;
35. GPS მოწყობილობას გააჩნია ელექტრომაგნიტურ თავსებადობასთან შესაბამისობის სერტიფიკატები;
36. მიმწოდებელი შემსყიდველს გამოუყოფს პერსონალურ მენეჯერს, რომელიც უზრუნველყოფს შემდგომში ხელშეკრულების ფარგლებში, წარმოქმნილი ნებისმიერი ხარვეზის თუ საჭირო სერვისის მიწოდებას;

37. შემსყიდველი უზრუნველყოფს, რომ GPS მოწყობილობის დასამონტაჟებლად წარდგენილი ტექნიკა იყოს სრულად გამართული ტექნიკური მდგომარეობით, მათ შორის, ელექტრო და ელექტრონული სისტემებით, რაც აუცილებელია GPS მოწყობილობის გამართული მუშაობისთვის, უსაფრთხო და ხარისხიანი მონტაჟისთვის;
38. შემსყიდველის მიერ, GPS მოწყობილობის დაზიანება/დაკარგვის შემთხვევაში, შემსყიდველი აუნაზღაურებს მიმწოდებელს მიყენებულ ზარალს არაუმეტეს 200 (ორასი) ლარის ოდენობით, მათ შორის, თუ GPS მოწყობილობის დაზიანება გამოწვეულია შემსყიდველის ტექნიკის გაუმართაობით;

1. ავტომანქანებისათვის ნავიგაციისა და ადგილმდებარეობის განსაზღვრის გლობალური სისტემის (GPS ან ეკვივალენტი) მომსახურების გაწევის პერიოდი განისაზღვრება - 2026 წლის 01 იანვრიდან 2026 წლის 31 დეკემბრის ჩათვლით, (იმ შემთხვევაში თუ ხელშეკრულება გაფორმდება 2026 წლის 01 იანვრის შემდგომ, მომსახურების მიწოდების ვადა განისაზღვრება - ხელშეკრულების გაფორმებიდან 2026 წლის 31 დეკემბრის ჩათვლით);
2. მიმწოდებელმა უნდა უზრუნველყოს GPS მოწყობილობების შემსყიდველისთვის დროებით სარგებლობაში უსასყიდლოდ გადაცემა და პროგრამული უზრუნველყოფა. GPS მოწყობილობების უსასყიდლოდ მონტაჟი უნდა განხორციელდეს შემსყიდველის მიერ მითითებულ სატრანსპორტო საშუალებებზე (საქართველოს ტერიტორიაზე) ხელშეკრულების გაფორმებიდან 10 (ათი) სამუშაო დღის განმავლობაში;

1. მომსახურება გაწეული უნდა იქნეს ყოველდღიურად, 24 საათის განმავლობაში (24/7);
2. მომსახურების გაწევის ადგილია - საქართველოს მთელი ტერიტორია;

1. მიმწოდებელი ვალდებულია უზრუნველყოს, ხელშეკრულების მოქმედების ნებისმიერ ეტაპზე, გაწეულ მომსახურებაზე გამოვლენილი ხარვეზის ან/და ნაკლის აღმოფხვრა;
2. მიმწოდებელი ვალდებულია შემსყიდველისგან შეტყობინების მიღებისთანავე (არაუმეტეს 1 სამუშაო დღის ვადაში) დაიწყოს ხარვეზის ან/და დაზიანების აღმოფხვრა - შემსყიდველის მხრიდან დამატებითი დანახარჯების გაწევის გარეშე.
3. ხელშეკრულების მოქმედების პერიოდში მიმწოდებელი ვალდებულია, შემსყიდველის მითითების შესაბამისად, უსასყიდლოდ მოახდინოს GPS მოწყობილობის გადაადგილება ერთი სატრანსპორტო საშუალებიდან მეორეზე - ულიმიტოდ;

1. პრეტენდენტს ანალოგიურ მომსახურებაზე უნდა ჰქონდეს არანაკლებ ორ წლიანი გამოცდილება (2024 და 2025 წელი), თითოეულ წელში არანაკლებ 100 (ასი) ერთეული ავტომანქანის მომსახურებაზე;

2. ინფორმაცია გამოცდილების შესახებ წარმოდგენილი უნდა იყოს დანართი N3–ის შესაბამისად;

2.1. პრეტენდენტი ვალდებულია წარმოადგინოს, საანგარიშო პერიოდში შესყიდვის ობიექტის - ანალოგიური მომსახურების გამოცდილების დამადასტურებელი, მხარეთა მიერ ხელმოწერილი დოკუმენტები: ხელშეკრულებები და მათი შესრულების დამადასტურებელი დოკუმენტები; მიღება-ჩაბარების აქტები;

2.2. სახელმწიფო შესყიდვის შესახებ ხელშეკრულებ(ებ)ის არსებობის შემთხვევაში თუ მოცემული დოკუმენტები ატვირთულია სახელმწიფო შესყიდვების ერთიან ელექტრონულ სისტემაში საკმარისია შესაბამისი განცხადების ნომრ(ებ)ის (SPA, NAT, DAP, CMR და ა.შ.) წარმოდგენა;

2.3. შემსყიდველი უფლებამოსილია ანალოგიური მომსახურების გამოცდილების იდენტიფიცირების მიზნით, პრეტენდენტისაგან დამატებითი ინფორმაციის სახით მოითხოვოს სხვა ნებისმიერი დოკუმენტი, რომლის მიწოდებაც კანონმდებლობით არ არის აკრძალული;

1. პრეტენდენტის მიერ სახელმწიფო შესყიდვების ერთიან ელექტრონულ სისტემაში ასატვირთი დოკუმენტაცია:

1.1. ფასების ცხრილი - დანართი N1 ექსელის (Excel) ფაილის სახით;

„ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების თანახმად, პრეტენდენტის მიერ Excel-ის ცხრილის სახით წარსადგენი დოკუმენტი არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს).

1.2. ინფორმაცია პრეტენდენტის გამოცდილების შესახებ - სატენდერო დოკუმენტაციის 2.2.1 პუნქტის და ,,დანართი - N3 - გამოცდილები"-ს შესაბამისად;

2. ფასი გამოსახული უნდა იყოს ლარში, რაც უნდა მოიცავდეს ტენდერით განსაზღვრული მომსახურების მიწოდებასთან დაკავშირებულ ყველა ხარჯსა და გადასახადს.
სატენდერო წინადადების ფასის დაანგარიშებისას დადგენილი მოთხოვნები მოცემულია ფასების ცხრილში - დანართი N1, რომელიც ატვირთულია სატენდერო დოკუმეტაციის 1.3. პუნქტში;

3. შესყიდვის ობიექტი უნდა შეესაბამებოდეს სატენდერო დოკუმენტაციის 1.2 პუნქტში არსებული ტექნიკური დავალებით განსაზღვრულ ტექნიკურ მახასიათებლებს.
ამასთან, ტექნიკურ დავალებაში მოცემულია შესყიდვის ობიექტის მინიმალური პარამეტრები/მოთხოვნები და პრეტენდენტს უფლება აქვს შესთავაზოს შემსყიდველს გაუმჯობესებული/უკეთესი პარამეტრების მქონე შესყიდვის ობიექტი;

4. სატენდერო დოკუმენტაციაში განსაზღვრულ შესყიდვის ობიექტზე, სადაც მითითებული იქნება კონკრეტული სასაქონლო ნიშანი, მოდელი, წარმოშობის წყარო ან მწარმოებელი (ასეთის არსებობის შემთხვევაში) იგულისხმება „მსგავსი“ ან „ეკვივალენტური“;

5. ზემოაღნიშნული ტენდერით გათვალისწინებული შესასრულებელი მომსახურების სრულად ან ნაწილობრივ ქვეკონტრაქტორზე გადაცემა დაუშვებელია;

1. წინამდებარე ტენდერის ფარგლებში, შემოთავაზებული „GPS“ მოწყობილობის ფუნქციების ტესტირების მიზნით, ერთიან ელექტრონულ სისტემაში დაფიქსირებული ყველაზე დაბალი ფასის მქონე პრეტენდენტი ვალდებულია სატენდერო კომისიის მოთხოვნიდან არაუგვიანეს 2 (ორი) სამუშაო დღის ვადაში უზრუნველყოს შემსყიდველის კუთვნილ 3 ერთეულ ავტომანქანაზე ტექნიკურ დავალებაში მითითებული მახასიათებლების შესაბამისი „GPS“ მოწყობილობის დამონტაჟება სატესტო რეჟიმში 2 (ორი) სამუშაო დღის ვადით;

2. იმ შემთხვევაში, თუ პრეტენდენტის მიერ სატესტო რეჟიმში დამონტაჟებული „GPS“ მოწყობილობა ვერ დააკმაყოფილებს სატენდერო დოკუმენტაციის 1.2 პუნქტის ტექნიკური დავალებით განსაზღვრულ მოთხოვნებს, სატენდერო კომისია დაზუსტების მექანიზმის გამოყენების გარეშე მოახდენს პრეტენდენტის დისკვალიფიკაციას სატენდერო პროცედურებიდან;

3. თუ სატენდერო კომისიის მიერ განხორციელდება ერთიან ელექტრონულ სისტემაში დაფიქსირებული ყველაზე დაბალი ფასის მქონე პრეტენდენტის დისკვალიფიკაცია, მომდევნო დაბალფასიანი პრეტენდენტ(ებ)ი ასევე ვალდებულია სატენდერო კომისიის მიერ განსაზღვრულ ვადაში (არაუმეტეს 2 (ორი) სამუშაო დღე) უზრუნველყოს შემსყიდველის კუთვნილ 3 ერთეულ ავტომანქანაზე „GPS“ მოწყობილობის დამონტაჟება სატესტო რეჟიმში 2 (ორი) სამუშაო დღის ვადით. აღნიშნულ შემთხვევაშიც, თუ პრეტენდენტის მიერ სატესტო რეჟიმში დამონტაჟებული „GPS“ მოწყობილობები ვერ დააკმაყოფილებს სატენდერო დოკუმენტაციის 1.2 პუნქტის ტექნიკური დავალებით განსაზღვრულ მოთხოვნებს, სატენდერო კომისია კვლავ, დაზუსტების მექანიზმის გამოყენების გარეშე მოახდენს პრეტენდენტის დისკვალიფიკაციას სატენდერო პროცედურებიდან;

ქ. გორი, გრიგოლ ფერაძის N5;

1. იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტი ვალდებული იქნება წარმოადგინოს ფასწარმოქმნის ადეკვატურობის დამადასტურებელი დოკუმენტები;

2. ფასწარმოქმნის ადეკვატურობის დამადასტურებელ დოკუმენტებში იგულისხმება:

2.1. ექსპერტიზის დასკვნა, ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნა (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი), რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას;

3. ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის/ფასების ცხრილის ჯამურ ღირებულებასთან), ასევე ხარჯთაღრიცხვის/ფასების ცხრილის ერთეულებთან მიმართებით;

4. ფასწარმოქმნის ადეკვატურობის დამადასტურებელი დოკუმენტ(ებ)ის დადგენილ ვადაში წარუდგენლობა ან მისი/მათი სატენდერო პირობებთან ან/და ტექნიკურ დოკუმენტაციასთან შეუსაბამობა გამოიწვევს პრეტენდენტის დისკვალიფიკაციას სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების 32-ე მუხლის პირველი პუნქტის „დ“ ქვეპუნქტის საფუძველზე;

ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები;

1. ანგარიშსწორება იწარმოებს უნაღდო ანგარიშსწორების ფორმით, საქართველოს ეროვნულ ვალუტაში, ხელშეკრულებით გათვალისწინებულ რეკვიზიტებზე;

2. ანგარიშსწორება განხორციელდება ფაქტიურად გაწეული მომსახურების შესაბამისად, საქართველოს კანონმდებლობით გათვალისწინებული დოკუმენტაციის წარმოდგენისა და შესაბამისი მიღება-ჩაბარების აქტის გაფორმების შემდეგ;

ანგარიშსწორება შემსყიდველის მიერ განხორციელდება საქართველოს კანონმდებლობის შესაბამისად, ანგარიშსწორებისთვის განსაზღვრული დოკუმენტების საბოლოოდ გაფორმებიდან 10 (ათი) სამუშაო დღის განმავლობაში;

ლალი მიჩიტაშვილი, 598270616, lalikomichitashvili@gmail.com

1. სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად;

2. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე. იმ შემთხვევაში თუ ტენდერში მონაწილე პირი უცხოეთის მოქალაქეა ან უცხოეთში რეგისტრირებული იურიდიული პირია, აუცილებელია წარმოდგენილ იქნას პირის ადმინისტრაციული ორგანოებიდან წარმო