Ремонт и техническое обслуживание транспортных средств и оборудования и сопутствующие услуги (Грузия - Тендер #69129689)

გორის მუნიციპალური ინსპექციის ბალანსზე რიცხული ავტოსატრანსპორტო საშუალებების შეკეთება და ტექნიკური მომსახურება.

1.ა(ა)იპ გორის მუნიციპალური ინსპექცია, Skoda Octavia, 2014, HF898FF, TMBAD4NE6F0093569
2.ა(ა)იპ გორის მუნიციპალური ინსპექცია, Skoda Fabia, 2012, AA109VV, TMBEA15J5C3153356
3.ა(ა)იპ გორის მუნიციპალური ინსპექცია, Toyota Hilux, 2012, II-110-JJ, AHTFK22GX03067393

1.3 პუნქტით განსაზღვრული პრეისკურანტით წარმოდგენილი, გორის მუნიციპალური ინსპექციის ბალანსზე რიცხული სხვადასხვა მარკის ავტოსატრანსპორტო საშუალებების შეკეთება და ტექნიკური მომსახურება.
ელექტრონულ ტენდერში გამარჯვების შემთხვევაში პრეტენდენტმა უნდა უზრუნველყოს შემდეგი სახის ტექ-მომსახურების გაწევა:
პროფილაქტიკური და დიაგნოსტიკური მომსახურება;
სათადარიგო ნაწილების შეკეთება ან/და შეცვლა;
საცხებ–საპოხი მასალების შეცვლა.
ავტომობილის ოპერატიული შეკეთება.

მომსახურების ვადები თითოეულ შემთხვევაში არ უნდა აღემატებოდეს:
სავალი ნაწილებისათვის - ერთიდან ორ სამუშაო დღემდე;
ელექტროობისათვის - ერთი სამუშაო დღე;
აგრეგატებისათვის - ერთიდან სამ სამუშაო დღემდე;
სათუნუქე სამღებრო სამუშაოებისათვის - ერთიდან ხუთ სამუშაო დღემდე;
ხანგრძლივი მომსახურების (ძრავის, სიჩქარეთა კოლოფის) გაწევის დრო ერთიდან თხუთმეტ კალენდარულ დღემდე,
დეფიციტური სათადარიგო ნაწილებით უზრუნველყოფა - არაუმეტეს ოცი კალენდარული დღე.

პრეისკურანტის სავარაუდო ღირებულება 449505,71(ოთხას ორმოცდაცხრა ათას ხუთას ხუთი ლარი და სამოცდათერთმეტი თეთრი) ლარით.
ტენდერში გამარჯვებულ პრეტენდენტთან ხელშეკრულება გაფორმდება 40000 (ორმოციათასი) ლარზე

ავტომობილების მომსახურება გაწეული უნდა იქნას დაუყოვნებლივ, რიგგარეშე.

ავტომობილის დაზიანებული ნაწილი უნდა შეიცვალოს ახალი, ორიგინალი სათადარიგო ნაწილით.

მიმწოდებლის მიერ შეცვლილ სათადარიგო ნაწილებზე ქარხნული გარანტია უნდა ვრცელდებოდეს მინიმუმ 6 (ექვსი) თვე.
შეკეთებულ სათადარიგო ნაწილებზე გარანტია უნდა ვრცელდებოდეს მინიმუმ 6 (ექვსი) თვე, გარდა შემდეგ სწრაფ ცვეთადი დეტალებისა კერძოდ; გახურების ნათურები, ანთების სანთლები, დამცველები, სამუხრუჭე ხუნდები, გადაბმულობის ამყოლი და მიმყოლი რგოლები (ფრიქციონები), კონდიციონერის ფილტრები, საწვავის ფილტრები, მინის მრეცხავები, ანთების საკონტაქტო ერთეულები, მტვერდამცავები (პილნიკები)
გარანტია არ ვრცელდება იმ დაზიანებებზე, რომლებიც გამოწვეულია არასწორი ექსპლუატაციით ან გარეგანი მექანიკური ზემოქმედებით.

პრეტენდენტმა უნდა მიუთითოს ფასი განსაფასებელი პრეისკურანტის_დანართი 1 ჩამონათვალში მოცემულ სათადარიგო ნაწილებისა და მომსახურების ყველა სახეობაზე, რომლებიც არ უნდა აღემატებოდეს შემსყიდველის მიერ განსაფასებელ პრეისკურანტში_დანართი 1 მითითებულ თითოეულ პოზიციაზე სავარაუდო მაქსიმალურ ღირებულებებს. პრეისკურანტში ნულით განფასებული სათადარიგო ნაწილები და მომსახურება შემსყიდველის მიერ არ ანაზღაურდება და ჩაითვლება, რომ ამ სათადარიგო ნაწილებისა და მომსახურების ღირებულება დაიფარება სხვა სათადარიგო ნაწილებისა და მომსახურების ხარჯზე.
განსაფასებელ ცხრილებში მითითებული მომსახურების ფასები უნდა იყოს საბოლოო და საჭიროების შემთხვევაში მოიცავდეს კონკრეტული მომსახურების გაწევასთან დაკავშირებული თანმდევი მომსახურების ღირებულებასაც.
ავტომობილების მომსახურება უნდა განხორციელდეს მიმწოდებელსა და შემსყიდველს შორის თითოეულ კონკრეტულ შემთხვევაში დეფექტური აქტის შედგენის შემდეგ, რომელშიც მითითებული უნდა იყოს გასაწევი მომსახურების ან/და ასეთი მომსახურებისათვის საჭირო საქონლის (სათადარიგო ნაწილების) დეტალური აღწერა, აგრეთვე, მომსახურების დაწყებისა და დასრულების ვადები.
თუ ხელშეკრულების დადების შემდეგ, ხელშეკრულების მოქმედების პერიოდში აღმოჩნდება, რომ პრეისკურანტში_დანართი 1 არ არსებობს რომელიმე სახის მომსახურება, აღნიშნული მომსახურების ერთეულის ფასი მისი შესყიდვის აუცილებლობისას, დადგინდება შემსყიდველი ორგანიზაციისა და მიმწოდებლის შეთანხმებით საბაზრო ფასის გათვალისწინებით. ასეთ შემთხვევაში პრეისკურანტში შესაბამისი მომსახურების ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს.

შენიშვნა: ყველა ზემოაღნიშნული დოკუმენტი, მათ შორის, ავტომანქანის სერვის ცენტრში შეყვანის დამადასტურებელი დოკუმენტი, დეფექტური აქტი, შესრულებელი სამუშაოების აქტი და ა.შ. უნდა იყოს ბეჭდვითი ფორმით, არ უნდა იყოს ხელნაწერი.

მომსახურების გაწევის პროცესში, შესაკეთებელი ავტოსატრანსპორტო საშუალებ(ებ)ის სხვა სერვისცენტრში სავალდებულო გადაყვანის ხარჯებს უზრუნველყოფს მიმწოდებელი ორგანიზაცია (საწვავი, ევაუკატორის მომსახურება და ა.შ.).

მომსახურება უნდა განხორციელდეს 2026 წლის პერიოდში - ეტაპობრივად, შემსყიდველის მოთხოვნის შესაბამისად - ხელშეკრულების გაფორმებიდან 2026 წლის 31 დეკემბრის ჩათვლით, შემდეგი პირობების გათვალისწინებით:
ავტოსატრანსპორტო საშუალების ტექნიკური მომსახურება გაწეული უნდა იქნას დაუყოვნებლივ, რიგგარეშედ. მომსახურებისას გაწევის ვადა თითოეულ შემთხვევაში არ უნდა აღემატებოდეს:
• სავალი ნაწილებისათვის - ერთიდან ორ სამუშაო დღემდე;
• ელექტროობისათვის - ერთი სამუშაო დღე;
• აგრეგატებისათვის - ერთიდან სამ სამუშაო დღემდე;
• სათუნუქე სამღებრო სამუშაოებისათვის - ერთიდან ხუთ სამუშაო დღემდე;
• ხანგრძლივი მომსახურების (ძრავის, სიჩქარეთა კოლოფის) გაწევის დრო ერთიდან თხუთმეტ კალენდარულ დღემდე,
• დეფიციტური სათადარიგო ნაწილებით უზრუნველყოფა - არაუმეტეს ოცი კალენდარული დღე.

• სათადარიგო ნაწილის საზღვარგარეთ შეკვეთის შემთხვევაში მომსახურების გაწევის ვადა 35 კალენდარულ დღე;

შენიშვნა: მიმწოდებელი ვალდებულია, თუ ავტოსათადარიგო ნაწილს საქართველოს ფარგლებს გარეთ უკვეთავს, ხელშეკრულების მოქმედების პერიოდში, დეფექტური აქტის შედგენიდან 2 კალენდარული დღის განმავლობაში, მოთხოვნის შემთხვევაში , შემსყიდველ წარუდგინოს შეკვეთის დამადასტურებელი დოკუმენტი, დოკუმენტი აუცილებლად უნდა შეიცავდეს (შეკვეთის თარიღს, შეკვეთილი ნაწილის ჩამოსვლის თარიღს, დასახელებულ დეტალს/ შესასყიდ ობიექტს.

ავტოსატრანსპორტო საშუალების შეკეთება და ტექნიკური მომსახურების გაწევა უნდა განხორციელდეს ქ. გორში მიმწოდებლის სერვის-ცენტრ(ებ)ში.

მიმწოდებლის მიერ შეცვლილ ახალ სათადარიგო ნაწილებზე ქარხნული გარანტია უნდა ვრცელდებოდეს მინიმუმ 6 (ექვსი) თვე, ხოლო შეკეთებულ სათადარიგო ნაწილებზე გარანტია უნდა ვრცელდებოდეს ასევე მინიმუმ 6 (ექვსი) თვე,

გარანტია არ ვრცელდება სწრაფ ცვეთად დეტალებზე კერძოდ:
გახურების ნათურებზე, ანთებისა და გახურების სანთლებზე, დამცველებზე, სამუხრუჭე ხუნდებზე, გადაბმულობის ამყოლ და მიმყოლ რგოლებზე, კონდიციონერის, ჰაერისა და საწვავის ფილტრებზე, მინის მრეცხავებზე, ანთების საკონტაქტო ერთეულებზე და მტვერდამცველებზე.
ასევე გარანტია არ ვრცელდება იმ დაზიანებებზე, რომლებიც გამოწვეულია არასწორი ექსპლუატაციით. მათ შორის გარეგანი ზემოქმედებით.


საგარანტიო პერიოდში სათადარიგო ნაწილზე/გაწეულ მომსახურებაზე დეფექტის/ნაკლის/წუნის/ხარვეზის გამოვლენის შემთხვევაში, ხელშეკრულების მოქმედების ნებისმიერ ეტაპზე და ასევე, მისი მოქმედების დასრულების შემდგომ მიმწოდებელი ვალდებულია შეტყობინების მიღებისთანავე გონივრულ ვადაში (მაგრამ არაუგვიანეს 5 კალენდარული დღისა) ნაკლის/წუნის გამოსწორების მიზნით შეცვალოს იგი ახალი სათადარიგო ნაწილით, შემსყიდველის მხრიდან დამატებითი დანახარჯების გაწევის გარეშე;

პრეტენდენტს გორის მუნიციპალიტეტის ტერიტორიაზე უნდა გააჩნდეს მინიმუმ 1(ერთი) მომსახურების ობიექტი; ამასთან დაკავშირებით წარმოდგენილ უნდა იქნას სერვისცენტრ(ებ)ის ჩამონათვალი მათი მისამართ(ებ)ის და ტექნიკური შესაძლებლობების მითითებით. პრეტენდენტის მიერ წარმოდგენილ უნდა იქნეს საკუთრებაში ან მმართველობაში არსებობის დამადასტურებელი დოკუმენტაცია.

იმ შემთხვევაში, თუ სერვისცენტრ(ები) არ წარმოადგენს პრეტენდენტის საკუთრებას, სისტემაში უნდა აიტვირთოს შესაბამისი ხელშეკრულებ(ებ)ა (იჯარის ან სხვა სარგებლობის უფლების დამადასტურებელი დოკუმენტი), რომლის მოქმედების ვადა უნდა ვრცელდებოდეს არანაკლებ 2027 წლის 31 იანვრის ჩათვლით.

მიმწოდებელს თითოეულ სერვისცენტრში უნდა გააჩნდეს:
1. ავტომანქანის არანაკლებ 3 (სამი) ამწე მექანიზმი;
2. საბურავის დაშლა აწყობის და ბალანსირების დანადგარი;
3. თვლების შეყრის კომპიუტერული (რაზვალი) დანადგარი;
4. კომპიუტერული დიაგნოსტიკის მოწყობილობა;
5. საყრდენი დისკოს გასაჩარხი მოწყობილობა;
6. ავტომატურ გადაცემათა კოლოფში ზეთის შეცვლის აპარატი;
7. ძრავში ზეთის შესაცვლელი აპარატი;
8. ელექტრო მომარაგების სარეზერვო წყარო_გენერატორი.

სერვის ცენტრში სამუშაო ფართობი დაფარული უნდა იყოს ბეტონის ან მსგავსი ზედაპირით, დაცული უნდა იყოს ჰიგიენური, სახანძრო და უსაფრთხოების ნორმები.

1. პრეტენდენტმა წერილობით უნდა აცნობოს შემსყიდველს მოცემული ხელშეკრულების ფარგლებში, ყველა ქვეკონტრაქტორთან დადებული ხელშეკრულებების შესახებ და მიიღოს მისგან წერილობითი თანხმობა;
2. ხელშეკრულების ფარგლებში ყველა ქვეკონტრაქტორთან დადებული ხელშეკრულების ასლი უნდა წარედგინოს შემსყიდველს.
3. ქვეკონტრაქორ(ებ)ის მიერ ნაკისრი ვალდებულებების შეუსრულებლობით ან არაჯეროვანი შესრულებით დამდგარ შედეგზე შემსყიდველის წინაშე პასუხისმგებელია მხოლოდ მიმწოდებელი.
4. ქვეკონტრაქტორ(ებ)ი (ფიზიკური ან/და იურიდიული პირ(ებ)ი) არ უნდა იყოს რეგისტრირებული სახელმწიფო შესყიდვებში მონაწილე არაკეთილსინდისიერ პირთა რეესტრში – „შავი სია“
5. ხელშეკრულებით განსაზღვრული მომსახურების ქვეკონტრაქტორ(ებ)ზე გადაცემით მიმწოდებელი არ თავისუფლდება ხელშეკრულებით ნაკისრი ვალდებულებ(ებ)ისგან და აღნიშნული მომსახურების შესრულებაზე შემყიდველთან პასუხისმგებელია მიმწოდებელი.

სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
სატენდერო წინადადებაში საერთო ფასი (ეროვნული ვალუტა) გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა გადასახადის გათვალისწინებით, დღგ-ს ჩათვლით.
პრეისკურანტის ღირებულება წარმოდგენილი უნდა იყოს 1.3 პუნქტში მოცემული პრეისკურანტის ჯამური ღირებულების მიხედვით, მაგრამ არაუმეტეს განცხადებაში მითითებული პრეისკურანტის სავარაუდო ღირებულებისა და პრეისკურანტ(ებ)ის თითოეულ პოზიციაზე მითითებული სავარაუდო მაქსიმალური ერთეულის ფასისა.
ტენდერში ვაჭრობა გაიმართება სატენდერო განცხადებით განსაზღვრული პრეისკურანტის სავარაუდო ღირებულებასთან მიმართებით;
პრეტენდენტი ელექტრონული ვაჭრობისას სატენდერო წინადადების ფასის კლებას ახორციელებს პრეისკურანტის სავარაუდო ღირებულებასთან მიმართებაში. მომსახურების ერთეულის ღირებულებები, პოზიციების შესაბამისად პრეტენდენტის მიერ მითითებული უნდა იქნას პრეისკურანტში (დანართი №1-ში) და არ უნდა აღემატებოდეს პრეისკურანტში შესაბამის პოზიციებზე დაფიქსირებულ ზღვრულ ერთეულის ფასებს.
პრეტენდენტის მიერ ელექტრონული ვაჭრობის შედეგად პრეისკურანტის საერთო ფასის შემცირების/კლების შემთხვევაში, ფასთა კლება პროცენტულად და პროპორციულად უნდა აისახოს პრეისკურანტით განსაზღვრულ ყოველ კონკრეტულ პოზიციაზე. საბოლოოდ დაფიქსირებული ერთეულის ფასები უნდა დამრგვალდეს მეასედის სიზუსტით.
პრეტენდენტის მიერ შერჩევა-შეფასების ეტაპზე წარმოდგენილ დაზუსტებულ პრეისკურანტში რომელიმე პოზიციის ერთეულის ფასების გაზრდა გამოიწვევს პრეტენდენტის დისკვალიფიკაციას.
პრეტენდენტის მიერ, „წინადადების მიღება დასრულებულია“ ეტაპზე, სატენდერო დოკუმენტაციის დანართი N1-ის (პრეისკურანტის) წარმოუდგენლობა ან არსებითად შეუსაბამო დანართი N1-ის (პრეისკურანტის) წარმოდგენა გამოიწვევს პრეტენდენტის დისკვალიფიკაციას აღნიშნულ ტენდერში.

პრეტენდენტმა უნდა წარმოადგინოს შემდეგი დოკუმენტაცია:
1.3 პუნქტით გათვალისწინებული პრეისკურანტი - დანართი 1 ექსელის (Excel)-ის ფაილის სახით.
პრეისკურანტის წარმოუდგენლობა ან წარდგენილ დოკუმენტში განუფასებელი პოზიცი(ებ)ის რაოდენობა თუ აღემატება განსაფასებელი პოზიციების 1%-ს, დაზუსტებას არ დაექვემდებარება და გამოიწვევს პრეტენდენტის დისკვალიფიკაციას;
2.3.1 პუნქტით გათვალისწინებული - ინფორმაცია მატერიალურ-ტექნიკური ბაზის შესახებ.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული მომსახურების განხორციელების შესაძლებლობა.
ექსპერტიზის ან/და აუდიტის მიერ გაცემული შესაბამისი დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას.
ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები. დამოუკიდებელი სერთიფიცირებული აუდიტის დასკვნის საფუძველზე.

1. ხელშეკრულების ფარგლებში ანგარიშსწორება იწარმოება უნაღდო ანგარიშსწორების ფორმით, საქართველოს ეროვნულ ვალუტაში, ხელშეკრულებით გათვალისწინებულ რეკვიზიტებზე.
2. ეტაპობრივი ანგარიშსწორება განხორციელდება საქართველოს კანონმდებლობით გათვალისწინებული დოკუმენტების დადასტურებისა და მიღება-ჩაბარების აქტის გაფორმების შემდგომ.

ანგარიშსწორებისთვის განსაზღვრული დოკუმენტების საბოლოოდ გაფორმებიდან 10 (ათი) სამუშაო დღის განმავლობაში.

სოფიკო ჭილაშვილი, 577955705, gori.inspection@gmail.com

10.1.1 სახელმწიფო შესყიდვების ერთიან ელექტრონულ სისტემაში (შემდგომში – სისტემა) შესყიდვის პროცედურები ხორციელდება „სახელმწიფო შესყიდვების შესახებ“ საქართველოს კანონისა და „ელექტრონული ტენდერის ჩატარების წესის დამტკიცების შესახებ“ - სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების შესაბამისად.

10.1.2 ელექტრონულ ტენდერთან დაკავშირებული დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.

10.1.3 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია. ამასთან, ქართულენოვან ტექსტში უცხოენოვანი სიტყვ(ებ)ის გამოყენების შემთხვევაში კომისია უფლებამოსილია იმსჯელოს აღნიშნული სიტყვ(ებ)ის ტექნიკურ დოკუმენტაციასთან შესაბამისობის თაობაზე.

10.1.4 .პრეტენდენტი ვალდებულია სახელმწიფო შესყიდვების ერთიან ელექტრონულ სისტემაში წარმოსადგენ მის მიერ შექმნილ დოკუმენტებზე ან/და ინფორმაციაზე (გარდა excel-ის ფორმატის ფაილისა) შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით,

10.1.5 პრეტენდენტის მიერ მექანიკური შეცდომის დაშვების შემთხვევაში, როგორიცაა არასწორი ჯამის ან ნამრავლის მითითება, სიტყვიერი და ციფრობრივი გამოსახულების შეუსაბამობა, შესაძლებელია შესწორდეს დაზუსტების გარეშე, ერთეულის ფასის უპირატესობის პრინციპის გათვალისწინებით, მხოლოდ იმ პირობით თუ აღნიშნული არ აღემატება სისტემის შესაბამის ველში დაფიქსირებულ საბოლოო ფასს.

10.1.6 სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.

10.1.7 იმ შემთხვევაში თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია, ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით და პრეტენდენტი ვალდებულია წარმოადგინოს ტექნიკური დოკუმენტაციით განსაზღვრული შესყიდვის ობიექტის მსგავსი ან ექვივალენტური მახასიათებლების მქონე საქონელი/მომსახურება.

10.1.8 პრეტენდენტს არა აქვს უფლება წარმოადგინოს ალტერნატიული სატენდერო წინადადება.