Ремонт и техническое обслуживание транспортных средств и оборудования и сопутствующие услуги (Грузия - Тендер #69096399)

შესყიდვის ობიექტია ავტომობილების რეცხვისა და ქიმწმენდის მომსახურება.

შესასყიდი მომსახურებაა ავტომობილების რეცხვისა და ქიმწმენდის მომსახურება შემსყიდველის მოთხოვნის შესაბამისად.

ავტომობილის რეცხვის მომსახურება გულისხმობს ავტომობილის გარეგან, მისი სალონის, ძარის, საბარგულის და საბურავების სრულფასოვან რეცხვასა და დასუფთავებას.


რეცხვის/ქიმწმენდის მომსახურებას დაექვემდებარება:
- 207 ერთეული პიკაპი/ჯიპი;
- 20 ერთეული მსუბუქი ავტომობილი
- 5 ერთეული მიკროავრობუსი
- 2 ერთეული სატვირთო.
ტენდერის სახელშეკრულებო ღირებულების ფარგლებში, შემსყიდველის მთხოვნის შესაბამისად, ქიმწმენდა უნდა განხორციელდეს ყველა ზემოაღნიშნულ ავტომობილზე არაუმეტეს 1 - ჯერ, ხოლო რეცხვა - ნებისმიერი რაოდენობით.

– მომსახურება უნდა განხორციელდეს მიმწოდებლის სახარჯი მასალითა და ხარჯებით.
– მომსახურება (რეცხვისა და ქიმწმენდის) უნდა განხორციელდეს თბილისში, გორგასლის ქ.#22-იდან არაუმეტეს 12 კმ. საავტომობილი გზით დაშორებულ ერთ ან რამოდენიმე ავტოსამრეცხაო სადგურში, რომელთა ბოქსების ჯამური რაოდენობა არ უნდა იყოს 20-ზე ნაკლები.

- ასევე, მიმწოდებელმა უნდა უზურუნველყოს რეცხვის მომსახურების გაწევა შემსყიდველის ავტომობილებისათვის სულ ცოტა შემდეგ რეგიონებში: შიდა ქართლი, ქვემო ქართლი, იმერეთი, სამეგრელო, სამცხე-ჯავახეთი, კახეთი, გურია, - ყოველ რეგიონში სულ ცოტა ერთ ავტოსამრეცხაო სადგურზე.

– ავტომობილის რეცხვის/ქიმწმენდის მომსახურება უნდა განხორციელდეს შემსყიდველის მიერ ავტომობილის სამრეცხაოში მიყვანიდან 1 საათის განმავლობაში, ხოლო მანქანის ქიმწმენდა უნდა განხორციელდეს მანქანის სამრეცხაოში მიყვანიდან 24 საათის განმავლობაში, მიმწოდებლის მიერ გაცემული ტალონის ან ბარათის წარდგენის საფუძველზე. ამასთან, შემსყიდველი ელექტრონული ფოსტის ან მოკლე ტექსტური შეტყობინების მეშვეობით ავტომობილის მიყვანამდე ნახევარი საათით ადრე ატყობინებს მიმწოდებელს მომსახურების გაწევის საჭიროების შესახებ.

– მომსახურების გაწევის დროს მიმწოდებლის ან მისი თანამშრომლის ბრალეულობით წარმოქმნილი ხარვეზები (ავტომობილის შიგა და გარე დაზიანება) უნდა სრულად აღმოფხვრას მიმწოდებელმა საკუთარი ხარჯებით.

– შემსყიდველის ან მისი უფლებამოსილი პირის მიმართვიდან ორ სამუშაო დღეში მიმწოდებელი ამზადებს და გადასცემს შემსყიდველს მოთხოვნის შესაბამისი რაოდენობის ტალონებს ან პლასტიკურ ბარათებს. თითოეული ტალონი დამოწმებული უნდა იყოს მიმწოდებლის ბეჭდით, ხოლო პლასტიკურ ბარათით შესაძლებელი უნდა იყოს მისი მიმწოდებლისადმი კუთვნილების დადგენა.
– ავტომობილები უნდა გაირეცხოს ხელით, სპეციალური მოწყობილობების, ინვენტარისა და მაღალი ხარისხის სარეცხი/ საწმენდი საშუალებების გამოყენებით.

შესასყიდი მომსახურება უნდა გაეწიოს შემსყიდველს ხელშეკრულების ძალაში შესვლიდან მაგრამ არაუდრეს 2026 წლის 01 იანვრიდან 2026 წლის 31 დეკემბრის ჩათვლით პერიოდის განმავლობაში.

რეცხვის/ქიმწმენდის მომსახურება უნდა განხორციელდეს პრეტენდენტის ან მისი ქვეკონტრაქტორის საკუთრებაში ან მართლზომიერ სარგებლობაში არსებულ, თბილისში, გორგასლის ქ.#22-დან არაუმეტეს 12კმ. საავტომობილო გზით დაშორებულ ერთ ან რამოდენიმე სამრეცხაო სადგურზე, რომლის (რომელთა) ბოქსების ჯამური რაოდება არ უნდა იყოს 20-ზე ნაკლები. მომსახურების გაწევა განხორციელდება სატალონე ან საბარათე სისტემის მეშვეობით.

ასევე, მიმწოდებელმა უნდა უზურუნველყოს რეცხვის მომსახურების გაწევა შემსყიდველის ავტომობილებისათვის სულ მცირე შემდეგ რეგიონებში: შიდა ქართლი, ქვემო ქართლი, იმერეთი, სამეგრელო, კახეთი, სამცხე-ჯავახეთი, გურია.

პრეტენდენტმა უნდა წარმოადგინოს მის მიერ შემოთავაზებული სატალონე ან საბარათე სისტემის ფუნქციონირების აღწერილობა.

პრეტენდენტს 2022 წლიდან ტენდერის გამოცხადების დღემდე, ჯამში, უნდა ჰქონდეს არანაკლებ 20 000.00 (ოცი ათასი) ლარის ღირებულების ავტოსატრანსპორტო საშუალებების რეცხვის/ქიმიური წმენდის მომსახურების გაწევის გამოცდილება, რის დასტურადაც პრეტენდენტმა სისტემაში უნდა წარმოადგინოს სახელმწიფო შესყიდვის ერთიანი ელექტრონული სისტემის NAT, SPA, CMR ან/და სხვა ნომრები, რომლებშიც დარეგისტრირებული დოკუმენტაცია (ხელშეკრულებები და მიღება-ჩაბარების აქტები) დაადასტურებს ზემოაღნიშნულ გამოცდილებას.
თუ პრეტენდენტს მომსახურება გაწეული აქვს იმ პირების დაკვეთით, რომლებიც არ არიან რეგისტრირებული ერთიან ელექტრონულ სისტემაში „შემსყიდველ ორგანიზაციებად“, გამოცდილების დასადასტურებლად უნდა წარმოდგენილ იქნას ხელშეკრულებები და მიღება-ჩაბარების აქტები და, ასევე, თუ პრეტენდენტი დღგ-ს გადამხდელია, საგადასახადო ანგარიშფაქტურაც.

ა) პრეტენდენტს ან მის ქვეკონტრაქტორს საკუთრებაში ან მართლზომიერ სარგებლობაში უნდა გააჩნდეს თბილისში, გორგასლის ქ.#22–დან არაუმეტეს 12კმ. საავტომობილო გზით დაშორებული ერთი ან რამდენიმე ავტოსამრეცხაო სადგური, რომლის(რომელთა) ბოქსების ჯამური რაოდენობა არ უნდა იყოს 20-ზე ნაკლები. ასევე, პრეტენდენტს ან მის ქვეკონტრაქტორს საკუთრებაში ან მართლზომიერ სარგებლობაში უნდა გააჩნდეს სულ ცოტა შემდეგ რეგიონებში მდებარე ავტოსამრეცხაო სადგურები: შიდა ქართლი, ქვემო ქართლი, სამეგრელო, იმერეთი, სამცხე-ჯავახეთი, კახეთი, გურია. (თითოეულ რეგიონში სულ ცოტა ერთი ავტოსამრეცხაო სადგური).
ავტოსამრეცხაო სადგურები აღჭურვილი უნდა იყოს მომსახურებისთვის საჭირო სპეციალური ტექნიკით. ავტო-სამრეცახაო/ები და მათი ბოქსები უნდა იყოს მოწესრიგებული, გამართული, გარემონტებული, სუფთა.

ბ) თუ პრეტენდენტი თავის საკუთრებაში ან თავის მართლზომიერ სარგებლობაში არსებული უძრავი ქონებით-ავტოსამრეცხაო სადგურებით მოემსახურება შემსყიდველს, უნდა წარმოდგენილ იქნას, როგორც თბილისში, ისე რეგიონებში მდებარე ავტოსამრეცხაო სადგურებზე პრეტენდენტის საკუთრების ან მათზე პრტენდენტის მართლზომიერი სარგებლობის უფლების დასადასტურებლად უძრავ ქონებაზე ამონაწერი საჯარო რეესტრიდან ან/და უძრავ ქონებაზე მართლზომიერ სარგებლობის დამადასტურებელი დოკუმენტი (ქირავნობის, ქვექირავნობის, იჯარის, ქვეიჯარის, თხოვების ხელშეკრულება).

გ) თუ პრეტენდენტი უზრუნველყოფს ავტომობილების რეცხვის/ქიმწმენის მომსახურების გაწევას ქვეკონტრაქტორი კომპანიის საკუთრებაში ან მართლზომიერ სარგებლობაში არსებულ სამრეცხაო სადგურის მეშვეობით, უნდა წარმოდგენილ იქნას, როგორც თბილისში, ისე რეგიონებში მდებარე ავტოსამრეცხაო სადგურებთან მიმართებაში, ქვეკონტრაქტორ კომპანიასა და პრეტენდენტს შორის გაფორმებული ხელშეკრულებ(ები)ა, რომლითაც ქვეკონტრაქტორი კომპანია კისრულობს ვალდებულებას პრეტენდენტის წინაშე, წინამდებარე ტენდერის ფარგლებში გასაწევი მომსახურების პერიოდის განმავლობაში, კონკრეტულ მისამართზე მდებარე ავტოსამრეცხაო სადგურზე გასწიოს ავტომობილის რეცხვის/ქიმწმენდის (თბილისში რეცხვის და ქიმწმენდის, ხოლო რეგიონებში მხოლოდ რეცხვის) მომსახურება, მიმწოდებლის მიერ გაცემული პლასტიკური ბარათის ან ტალონის წარდგენის საფუძველზე.

დ) ავტოსამრეცხაოების, როგორც თბილისში, ისე რეგიონებში და მისი აღჭურვილობის შესაბამისობა ზემოაღნიშნულ სატენდერო მოთხოვნებთან დადგინდება ადგილზე დათვალიერებით და მიმწოდებლის მიერ ერთიან ელექტრონულ სისტემაში ატვირთული ფოტოსურათებით. შესაბამისად ასატვირთ ტექნიკურ დოკუმენტაციად მოთხოვნილია ფოტოსურათებიც.

ე) იმ შემთხვევაში თუ პრეტენდენტი, ბოლო ორი წლის მანძილზე (2024-2025 წწ), ერთხელ მაინც იყო ტენდერის საშუალებით გაფორმებულ სახელშეკრულებო ურთიერთობაში შემსყიდველთან და შესრულებული აქვს ხელშეკრულებით ნაკისრი ვალდებულებები, მისთვის არ არის სავალდებულო სატენდერო დოკუმენტაციის 2.3.1 პუნქტის "დ" ქვეპუნქტით მოთხოვნილი ადგილზე დათვალიერება, თუმცა ერთიან ელექტრონულ სისტემაში უნდა ატვირთოს ფოტოსურათები.

ა) ქვეკონტრაქტორის გამოყენება გულისხმობს ისეთ შემთხვევას (პრეტენდენტის მიერ სატენდერო პირობების შესრულების უზრუნველყოფის ისეთ ფორმას) როდესაც, პრეტენდენტს არც საკუთრებაში და არც მართლზომიერ სარგებლობაში არ აქვს უძრავი ქონება (ავტოსამრეცხაო სადგურები), მაგრამ სხვა კომპანიასთან (ქვეკონტრაქტორთან) დადებული ხელშეკრულების საფუძველზე, ეს კომპანია (ქვეკონტრაქტორი) კისრულობს ვალდებულებას პრეტენდენტის წინაშე, თავის (ქვეკონტრაქტორის) საკუთრებაში ან/და მართლზომიერ სარგებლობაში არსებული ავტოსამრეცხაო სადგურებით განახორციელოს მომსახურების გაწევა პრეტენდენტის მიერ გაცემული პლასტიკური ბარათის ან ტალონის წარდგენის საფუძველზე, წინამდებარე სატენდერო დოკუმენტაციის შესაბამისად.

ბ) იმ შემთხვევაში თუ პრეტენდენტი ტენდერით გათვალისწინებულ მომსახურებას შემსყიდველს სთავაზობს ქვეკონტრაქტორების მომსახურების გამოყენებით - შესყიდვების ერთიანი ელექტრონული სისტემის მეშვეობით წარმოდგენილი უნდა იქნას შესაბამისი მოქმედი ხელშეკრულების ასლი ავტოსამრეცხაო სადგურის მისამართის მითითებით, რომელიც ძალაში უნდა იყოს მინიმუმ 2026 წლის 31 დეკემბრის ჩათვლით, რომლითაც უნდა დასტურდებოდეს, რომ კომპანია კისრულობს ვალდებულებას პრეტენდენტის წინაშე, წინამდებარე ტენდერის ფარგლებში გასაწევი მომსახურების პერიოდის განმავლობაში, გასწიოს ავტომობილის რეცხვის/ქიმწმენდის (თბილისში რეცხვის და ქიმწმენდის, ხოლო რეგიონებში მხოლოდ რეცხვის) მომსახურება პრეტენდენტი კომპანიის მიერ გაცემული პლასტიკური ბარათის ან ტალონის წარდგენის საფუძველზე.

1. პრეტენდენტმა სახელმწიფო შესყიდვების ერთიან ელექტრონულ სისტემაში უნდა წარმოადგინოს (ატვირთოს):
1.1 სატენდერო დოკუმენტაციის 1.3 პუნქტით მოთხოვნილი პრეისკურანტი;
1.2 სატენდერო დოკუმენტაციის 2.2.1 პუნქტით მოთხოვნილი დოკუმენტაცია პრეტენდენტის გამოცდილების შესახებ;
1.3 დოკუმენტაცია სატენდერო დოკუმენტაციის 2.3.1 და 2.8.1 პუნქტების მოთხოვნების შესაბამისად;
1.4 პრეტენდენტის მიერ შემოთავაზებული სატალონე ან საბარათე სისტემის ფუნქციონირების აღწერილობა.
1.5 პრეტენდენტი კომპანიის ხელმძღვანელის სახელი, გვარი და სრული საბანკო რეკვიზიტები,იმ შემთხვევაში, თუ პრეტენდენტს ერთიან ელექტრონულ სისტემაში მიმწოდებლის მოდულში მითითებული არ აქვს აღნიშნული ინფორმაცია.

ფასწარმოქმნის ადეკვატურობა შესაძლებელია დასაბუთდეს სსიპ ლევან სამხარაულის სასამართლო ექსპერტიზის ეროვნული ბიუროს ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე წარმოდგენილი უნდა იქნას დასკვნის მომამზადებელი პირის - თანამშრომლის შესაბამისი უფლებამოსილების/აკრედიტაციის დამადასტურებელი დოკუმენტი), რომელიც დაადასტურებს პრეტენდენტის მიერ დაფიქსირებულ ფასად - ერთეულის ღირებულებებად ხელშეკრულებით ნაკისრი ვალდებულებების შესრულების შესაძლებლობას. წარმოდგენილი დოკუმენტაციით უნდა დასაბუთდეს პრეტენდენტის მიერ შეთავაზებული როგორც პრეისკურანტის ჯამური ღირებულების, ასევე, მომსახურების ერთეული ღირებულების წარმოქმნის ადეკვატურობა.

აუდიტორული დასკვნის წარმოდგენის შემთხვევაში, უნდა წარმოდგენილ იქნას დასკვნის გამცემი, როგორც აუდიტორული კომპანიის, ისე ფიზიკური პირის სახელმწიფო რეგისტრაციების შესახებ სათანადო ბრძანებები.

ანგარიშსწორება იწარმოებს ეტაპობრივად-ყოველთვიურად, ყოველი კალენდარული თვის განმავლობაში, ფაქტობრივად გაწეული მომსახურების შესაბამისად, მიმწოდებლის მიერ შესაბამისი საგადასახადო ანგარიშ–ფაქტურის გამოწერისა (ასეთის არსებობის შემთხვევაში) და მიღება–ჩაბარების აქტის გაფორმების შემდეგ.

ყოველი კალენდარული თვის განმავლობაში გაწეული მომსახურების ღირებულება ანაზღაურდება მხარეთა მიერ შესაბამისი შესაბამისი საგადასახადო ანგარიშ–ფაქტურის გამოწერისა (ასეთის არსებობის შემთხვევაში) და მიღება–ჩაბარების აქტის გაფორმებიდან 10 სამუშაო დღის ვადაში.

თენგიზი ჯუღელი, 577620353, tjugheli@napr.gov.ge სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული ,,ელექტრონული ტენდერის ჩატარების წესის“ მე-8 მუხლის შესაბამისად.

10.1 დამატებითი ინფორმაცია/დოკუმენტები
10.1სატენდერო წინადადების ღირებულება უნდა წარმოდგეილ იქნას დანართი #1–ში მოცემული განფასების ცხრილის (პრეისკურანტის) ჯამური ღირებულების მიხედვით, მაგრამ არაუმეტეს სატენდერო განცხადებაში მითითებული პეისკურანტის სავარაუდო ჯამური ღირებულებისა და განფასების ცხრილის თითოეულ პოზიციაზე მითითებული ზღვრული ერთეულის ფასისა.
10.2 თუ ელექტრონულ ველში პრეტენდენტის მიერ დაფიქსირებული საბოლოო ღირებულება ნაკლებია სატენდერო განცხადებით განსაზღვრულ შესყიდვის სავარაუდო ღირებულებაზე, პრეტენდენტი ვალდებულია წარმოადგინოს ისეთი პრეისკურანტი - განფასების ცხრილი, რომელშიც თითოეული ერთეულის ღირებულება იმავე პროცენტული მაჩვენებლით ნაკლები იქნება სატენდერო დოკუმენტაციის 1.3 პუნქტით განსასაზღვრული პრეისკურანტის (ფასთა ცხრილის) შესაბამისი ერთეულის ღირებულებაზე, რა პროცენტული მაჩვენებლითაც ნაკლებია პრეტენდენტის მიერ ელექტრონულ ველში დაფიქსირებული საბოლოო ღირებულება სატენდერო განცხადებით განსაზღვრულ შესყიდვის სავარაუდო ღირებულებაზე.

დამატებითი პირობები:
• წარმოდგენილი პრეისკურანტით შემოთავაზებული ერთი ავტომობილის რეცხვის/ქიმწმენდის მომსახურების ფასი უნდა მოიცავდეს შესაბამისი მომსახურების სრულფასოვნად გაწევისთვის საჭირო ყველა ხარჯს და საქართველოს კანონმდებლობით გათვალისწინებულ გადასახადებს, დღგ-ს ჩათვლით.
• ყველა დოკუმენტი ან/და ინფორმაცია წარმოდგენილი უნდა იქნეს ქართულ ენაზე, დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.წარმოდგენილი ინფორმაცია და დოკუმენტები ხელმოწერილი უნდა იყოს მოქმედი კანონმდებლობის შესაბამისად.
• პრეტენდენტი უფლებამოსილია წარმოადგინოს ფასთა ცხრილი ექსელის ფორმატის ცხრილის სახით, რომელზეც არანაირი სახით ხელის მოწერა ან/და ბეჭდის დასმა არ მოეთხოვება პრეტენდენტს.
• სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია (გარდა ექსელის ფორმატით წარმოდგენილი ფასთა ცხრილისა) უნდა იქნეს ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე (გარდა ექსელის ფორმატით წარმოდგენილი ფასთა ცხრილისა) შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა.
- ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.
- ალტერნატიული სატენდერო წინადადება არ განიხილება.
- სატენდერო წინადადების ფასი გამოსახული უნდა იყოს ეროვნულ ვალუტაში - ლარში, რომელშიც გათვალისწინებული იქნება მიმწოდებლის ხელშეკრულებით ნაკისრი ყველა ვალდებულების შესრულებასთან დაკავშირებული ყველა ხარჯი (მ.შ კანონმდებლობით გათვალისწინებული გადასახადები, ტექნიკური დავალებით გათვალისწინებული ყველა გასაწევი მომსახურების, სახარჯი მასალის და სამუშაოს ხარჯი).
- პრეტენდენტმა სატენდერო წინადადების ფასში უნდა გაითვალისწინოს დღგ.
- ტენდერში მონაწილეობით პრეტენდენტი ეთანხმება სატენდრო დოკუმენტაციაში ასახულ ყველა იმ პირობას, რომელთა შესახებ ან/და დასასადსტურებლად ინფორმაციის ან/და დოკუმენტაციის წარდგენის ვალდებულებაზე მითითება სატენდერო დოკუმენტაციაში პირდაპირ არ არის მოცემული. პრეტენდენტი ვალდებულია წარმოადგინოს ყველა ის ინფორმაცია/მონაცემი, რომელთა წარმოდგენის ვალდებულება პირდაპირ არის მითითებული სატენდერო დოკუმენტაციაში (იხილეთ სატენდერო დოკუმენტაციის 2.9 პუნქტი).
- იმ შემთხვევაში, თუ პრეტენდენტს ერთიან ელექტრონულ სისტემაში მითითებული არ აქვს ხელმძღვანელის სახელი, გვარი და სრული საბანკო რეკვიზიტები, პრეტენდენტი ვალდებულია წარმოადგინოს აღნიშნული ინფორმაცია.