Ремонт и техническое обслуживание транспортных средств и оборудования и сопутствующие услуги (Грузия - Тендер #69081127)

აჭარის ავტონომიური რესპუბლიკის სოფლის მეურნეობის სამინისტროს საქვეუწყებო დაწესებულება - გარემოს დაცვისა და ბუნებრივი რესურსების სამმართველოს ბალანსზე არსებული ავტოსატრანსპორტო საშუალებების რეცხვის მომსახურების სახელმწიფო შესყიდვა, ტალონური სისტემის მეშვეობით.

1.2.1 რეცხვის მომსახურება უნდა განხორციელდეს ეტაპობრივად, ტალონური სისტემის მეშვეობით, წინამდებარე სატენდერო დოკუმენტაციის დანართი N1-ში „ფასების ცხრილი“ მითითებული რაოდენობების შესაბამისად, ამასთან შემსყიდველი არ არის ვალდებული გასაწევი მომსახურების ჯამური რაოდენობა შეისყიდოს სრულად;

1.2.2 ავტოსამრეცხაო უნდა მდებარეობდეს აჭარის ავტონომიური რესპუბლიკის სოფლის მეურნეობის სამინისტროს საქვეუწყებო დაწესებულება - გარემოს დაცვისა და ბუნებრივი რესურსების სამმართველოს ადმინისტრაციული შენობიდან (მისამართი: ქ. ბათუმი, ვახტანგ გორგასალის ქ. N124) მაქსიმუმ 5 კმ. მანძილზე;

1.2.3 მიმწოდებელმა უნდა უზრუნველყოს რეცხვის ტალონების დამზადება და შემსყიდველისათვის მიწოდება საკუთარი ხარჯებით. მიმწოდებლის მიერ დამზადებული რეცხვის ტალონი უნდა შეიცავდეს მინიმუმ შემდეგ ინფორმაციას:
ა) მიმწოდებლის დასახელებას;
ბ) რეცხვის ტალონის იდენტიფიცირების ნომერს;
გ) მომსახურების სახეობას (ჰეჩბეკი/მცირე გაბარიტების მქონე მაღალი გამავლობის ავტომანქანა, ჯიპი, პიკაპი).

1.2.4 შემსყიდველისათვის გადაცემული ტალონების გამოყენება შესაძლებელი უნდა იყოს ტალონების გადაცემიდან 2026 წლის 25 დეკემბრამდე;

1.2.5 შემსყიდველის წარმომადგენელი უფლებამოსილია დაესწროს მიმწოდებლის მიერ შესაბამისი ავტომანქანის რეცხვის პროცესს;

1.2.6 მიმწოდებელმა უნდა უზრუნველყოს სატრანსპორტო საშუალებების ექსტერიერისა (ძარა) და ინტერიერის (სალონი, საბარგული) სრულად რეცხვა, გასუფთავება და გამშრალება, ხელით, სპეციალური მოწყობილობების, ინვენტარისა და მაღალი ხარისხის სარეცხი და საწმენდი საშუალებების გამოყენებით;

1.2.7 მომსახურების გაწევის დროს მიმწოდებლის ბრალეულობით შემსყიდველის ავტომანქანაზე მიყენებული ნებისმიერი ზარალის აღმოფხვრის ხარჯების ანაზღაურება ეკისრება მიმწოდებელს შესაბამისი შეტყობინებიდან 10 სამუშაო დღის ვადაში;

1.2.8 პრეტენდენტი ვალდებულია წარმოადგინოს ავტოსამრეცხაო(ები)ს მისამართ(ებ)ი.

1.4.1 მიმწოდებელმა რეცხვის ტალონების მიწოდება უნდა განახორციელოს ხელშეკრულების გაფორმებიდან ან 2026 წლის 1 იანვრიდან (რომელიც უფრო გვიან დადგება) - 2026 წლის 25 დეკემბრამდე, ეტაპობრივად, შემსყიდველის მიერ მოთხოვნილი რაოდენობის შესაბამისად;

1.4.2 მიმწოდებელმა რეცხვის მომსახურების გაწევა უნდა განახორციელოს ტალონური სისტემით პერიოდულად, ხელშეკრულების გაფორმებიდან ან 2026 წლის 1 იანვრიდან (რომელიც უფრო გვიან დადგება) 2026 წლის 25 დეკემბრის ჩათვლით 09:00 სთ-დან 19:00 სთ-მდე პერიოდში, მათ შორის უქმე დღეებში, ავტოსამრეცხაო სადგურზე შემსყიდველის მიერ ტალონის წარდგენიდან არაუგვიანეს 30 წუთისა.

1.5.1 მიმწოდებლის მიერ ტალონების მიწოდება უნდა განხორციელდეს შემსყიდველისათვის შემდეგ მისამართზე: ქ. ბათუმი, ვახტანგ გორგასალის ქუჩა N124, აჭარის ავტონომიური რესპუბლიკის სოფლის მეურნეობის სამინისტროს საქვეუწყებო დაწესებულება - გარემოს დაცვისა და ბუნებრივი რესურსების სამმართველო;

2.3.1.1 პრეტენდენტს ქალაქ ბათუმის მუნიციპალიტეტის ტერიტორიაზე, საკუთრებაში ან სარგებლობაში უნდა გააჩნდეს ავტოსამრეცხაო(ები) (თითოეული) არანაკლებ 2 (ორი) ბოქსით. აღნიშნული ინფორმაციის დასადასტურებლად პრეტენდენტმა ერთიან ელექტრონულ სისტემაში უნდა წარმოადგინოს საკუთრების ან/და სარგებლობის უფლების დამადასტურებელი დოკუმენტები. საკუთრების შემთხვევაში წარმოდგენილ უნდა იქნას საკუთრების დამადასტურებელი დოკუმენტი, ხოლო სარგებლობის უფლებით ფლობის შემთხვევაში – სარგებლობის უფლების დამადასტურებელი დოკუმენტ(ებ)ი, რომელთა მოქმედების ვადა ტოლი უნდა იყოს ან აღემატებოდეს სატენდერო დოკუმენტაციით გათვალისწინებული მომსახურების გაწევის ვადას. სარგებლობის უფლებით ფლობის შემთხვევაში ასევე ატვირთული უნდა იქნას სამრეცხაოების მესაკუთრის საკუთრების დამადასტურებელი დოკუმენტაცია;

2.3.1.2 სამრეცხაო ობიექტები უნდა იყოს კეთილმოწყობილი, აღნიშნულთან დაკავშირებით, შემსყიდველი უფლებამოსილია შერჩევა/შეფასების ეტაპზე პრეტენდენტის მიერ წარმოდგენილი ინფორმაცია გადაამოწმოს და მოახდინოს ავტოსამრეცხაოების ვიზუალური დათვალიერება. თუ აღმოჩნდება, რომ ობიექტ(ებ)ი არ არის კეთილმოწყობილი (არ იქნება სისუფთავე, ტექნიკური აღჭურვილობა, რეცხვისთვის შესაბამისი მაღალი ხარისხის სარეცხი საშუალებები და ა.შ.), პრეტენდენტი დაექვემდებარება დისკვალიფიკაციას სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული „ელექტრონული ტენდერის ჩატარების წესის“ 32-ე მუხლის პირველი პუნქტის „ზ“ ქვეპუნქტის შესაბამისად.

4.1.1.1 იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, მიმწოდებელი ვალდებულია დაასაბუთოს ფასწარმოქმნის ადეკვატურობა.;

4.1.1.2 ფასწარმოქმნის ადეკვატურობის დასაბუთება უნდა მოხდეს პრეტენდენტის მიერ წარმოდგენილი ექპერტიზის დასკვნის ან/და დამოუკიდებელი აუდიტორის მიერ გაცემული დასკვნის მიხედვით, (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი);

4.1.1.3 იმ შემთხვევაში, თუ პრეტენდენტის მიერ არ იქნა წარმოდგენილი ან წარმოდგენილი დასაბუთება შემსყიდველის მიერ არ ჩაითვლება დამაკმაყოფილებლად, მოხდება პრეტენდენტის დისკვალიფიკაცია; პრეტენდენტის მიერ წარდგენილი ფასწარმოქმნის ადეკვატურობის დასაბუთება დაზუსტებას არ ექვემდებარება.

ანგარიშსწორება განხორციელდება უნაღდო ანგარიშსწორებით, ეროვნულ ვალუტაში – ლარში, თვეში ერთხელ, ფაქტობრივად გაწეული მომსახურების შესაბამისად, მხარეთა შორის გაფორმებული მიღება-ჩაბარების აქტის და მიმწოდებლის მიერ წარმოდგენილი ანგარიშ-ფაქტურის (კანონმდებლობით გათვალისწინებულ შემთხვევაში) საფუძველზე.

ანგარიშსწორებისთვის აუცილებელი დოკუმენტების სრულყოფილად გაფორმებიდან არაუგვიანეს 10 (ათი) სამუშაო დღის განმავლობაში.

იამზე შავაძე, 577577599, garemo.adjara@gmail.com რაულ აბუსელიძე, 599001813, rauli.abuselidze@gmail.com

10.1.1 პრეტენდენტის მიერ სახელმწიფო შესყიდვების ერთიან ელექტრონულ სისტემაში ატვირთული მხოლოდ მის მიერ შექმნილი დოკუმენტი ან/და ინფორმაცია (მხოლოდ პრეტენდენტის მიერ შექმნილი სატენდერო წინადადების სახით წარსადგენი დოკუმენტები) დამოწმებული/დადასტურებული უნდა იყოს კვალიფიციური ელექტრონული ხელმოწერით ან/და კვალიფიციური ელექტრონული შტამპით;

10.1.2 ტენდერის ნებისმიერ ეტაპზე ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია;

10.1.3 სატენდერო წინადადების ერთეული და საერთო ფასი გამოსახული უნდა იყოს მხოლოდ ეროვნულ ვალუტაში - ლარში, შესყიდვის ობიექტის მიწოდებასთან დაკავშირებული საქართველოს კანონმდებლობით გათვალისწინებული ყველა გადასახადის ჩათვლით;

10.1.4 ალტერნატიული სატენდერო წინადადება არ განიხილება;

10.1.5 ტენდერში მონაწილეობით პრეტენდენტი ეთანხმება სატენდრო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო;

10.1.6 ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისთვის დაზუსტდება სატენდერო წინადადების შესაბამისად;

10.1.7 სატენდერო დოკუმენტაციასთან დაკავშირებული განმარტებების მიღება პრეტენდენტს შეუძლია ერთიანი ელექტრონული სისტემის შესაბამისი მოდულის მეშვეობით;

10.1.8 პრეტენდენტის მიერ ერთიან ელექტრონულ სისტემაში ასატვირთი მონაცემები:
10.1.8.1 სატენდერო პირობების 1.3 პუნქტით განსაზღვრული ფასების ცხრილი - დანართი N1;
10.1.8.2 ინფორმაცია ავტოსამრეცხაო(ები)ს საკუთრების/სარგებლობის დოკუმენტები, სატენდერო პირობების 2.3.1.1 პუნქტის შესაბამისად.