Ремонт и техническое обслуживание транспортных средств и оборудования и сопутствующие услуги (Грузия - Тендер #69080149)

შესყიდვის ობიექტს წარმოადგენს, სახელმწიფო რწმუნებულის ადმინისტრაციის ბალანსზე რიცხული ავტოსატრანსპორტო საშუალებების შეკეთება და ტექნიკური მომსახურება (სათადარიგო ნაწილების/საცხებ-საპოხი მასალების გათვალისწინებით),ასევე რეცხვითი მომსახურება და საჭიროების შემთხვევაში ევაკუატორით მომსახურება (შემდგომში მომსახურება).

შესყიდვის ობიექტის რაოდენობაა სახელმწიფო რწმუნებულის ადმინისტრაციის ბალანსზე რიცხული 6 ერთეული ავტოსატრანსპორტო საშუალება რომელთა ჩამონათვალი და მონაცემები თან ერთვის.
გამარჯვების შემთხვევაში, პრეტენდენტმა უნდა უზრუნველყოს შემდეგი სახის ტექ-მომსახურების გაწევა:

• ავტოსატრანსპორტო საშუალებების პროფილაქტიკური და დიაგნოსტიკური მომსახურება, მათ შორის სათადარიგო ნაწილების შეკეთება ან/და შეცვლა;
• საცხებ–საპოხი მასალების შეცვლა;
• რეცხვის მომსახურება;
• საჭიროების შემთხვევაში ევაკუატორით მომსახურება.
რეცხვის მომსახურება, საბურავებთან დაკავშირებული მომსახურებები (მოხსნა-დაყენება, აღდგენა, ბალანსირება), საჭიროების შემთხვევაში ევაკუატორით მომსახურება, ასევე ყინვაგამძლე სითხით, ატიფრიზით გამართვის მომსახურებები და სხვა საერთო მომსახურებები, გარდა ამ პუნქტის დანართში აღნიშნული ავტომობილებისა, უნდა გაეწიოს ასევე სახელმწიფო რწმუნებულის ადმინისტრაციის ბალანსზე რიცხულ ავტომობილებს, რომლებიც იმყოფებიან საგარანტიო მომსახურებაზე და არ შედიან წარმოდგენილ პრეისკურანტში:
1. TOYOTA QAMRY HYBRID, სახ. N GE010GG;
2.FIAT TIPO, სახ. N VN030NN;
3. KIA SELTOS, სახ N WT070WT;
4. MITSUBISHI L200, სახ N GQ012QQ.
ამ შემთხვევაში, მომსახურების ფასი განისაზღვრება 1.3 პუნქტში წარმოდგენილ პრეისკურანტის „საერთო მომსახურებების“ ცხრილით გათვალისწინებული ფასების შესაბამისად.

მომსახურების გაწევა იწარმოებს ხელშეკრულების გაფორმებიდან, მაგრამ არაუადრეს 2026 წ. 01 იანვრიდან, 2026 წლის 25 დეკემბრის ჩათვლით, მოთხოვნის შესაბამისად. მომსახურება გაწეულ უნდა იქნეს შემსყიდველის მოთხოვნის დაფიქსირებიდან არაუგვიანეს:
1 დღე სავალ ნაწილებზე,
6 დღე ძრავის ნაწილებზე,
2 დღე ელექტრობაზე,
10 დღე სათუნუქე და სამღებრო სამუშაოებზე.
ხანგრძლივი მომსახურების (ძრავი, ხიდი, სიჩქარეთა კოლოფი) გაწევის ვადა არ უნდა აღემატებოდეს 20 კალენდარულ დღეს;
იმ შემთხვევაში, როცა შესაცვლელი ნაწილი არ არის ადგილზე და საჭიროებს ჩამოტანს, სამუშაოების შესრულების გონივრული ვადა დგინდება ურთიერთშეთანხმებით.
მომსახურება გაწეულ უნდა იქნეს რიგგარეშე.

• მიმწოდებელს, ერთი სერვისცენტრი მაინც, სადაც შეძლებს წინამდებარე ტენდერის სატენდერო პირობებით განსაზღვრული ტექ-მომსახურება გაუწიოს შემსყიდველს, განთავსებული უნდა ქონდეს აუცილებლად ქ. თელავში. მომსახურების გაწევა იწარმოებს ხელშეკრულების გაფორმებიდან, მაგრამ არაუადრეს 2026 წ. 01 იანვრიდან, 2026 წლის 25 დეკემბრის ჩათვლით, მოთხოვნის შესაბამისად.
მომსახურება გაწეულ უნდა იქნეს რიგგარეშედ.
• მომსახურების ფარგლებში შეცვლილი ნაწილები სავალდებულოა იყოს ახალი, ქარხნული (არამეორადი).
• ავტოტრანსპორტის ტექნიკური მომსახურება უნდა განხორციელდეს მიმწოდებლისა და შემსყიდველის წარმომადგენლების მიერ თითოეულ კონკრეტულ შემთხვევაში ავტოსატრანსპორტო საშუალების დათვალიერების აქტის შედგენის შემდეგ, რომელშიც მითითებული უნდა იყოს გასაწევი მომსახურების ან/და მომსახურებისათვის საჭირო საქონლის (სათადარიგო ნაწილების) დეტალური აღწერა, ღირებულება, მომსახურების დაწყების ვადა და შემსყიდველთან შეთანხმებული სხვა ინფორმაცია.
იმ შემთხვევაში, თუ აღმოჩნდება, რომ მიმწოდებლის მიერ არ არის სრულყოფილად შესრულებული მომსახურება და/ან შეცვლილი ნაწილი აღმოჩნდა წუნდებული, მიმწოდებელი ვალდებულია აღმოჩენილი ხარვეზი აღმოფხვრას საკუთარი ხარჯებით;
• მომსახურების გაწევის პროცესში მიმწოდებლის ბრალეულობით ავტოსატრანსპორტო საშუალებაზე მიყენებული ნებისმიერი ზიანის აღმოფხვრის ხარჯები უნდა ანაზღაურდეს მიმწოდებლის მიერ.

• ექსპლუატაციის პირობების დაცვის შემთხვევაში (თუ არ აღინიშნება გარეგანი მექანიკური ზემოქმედებით გამოწვეული დაზიანება) მიმწოდებლის მიერ გაწეულ ტექ-მომსახურებზე, ახალ (არამეორად), შეკეთებულ და მეორად ნაწილებზე გარანტია უნდა ვრცელდებოდეს არანაკლებ 6 თვე მიღება-ჩაბარების აქტის გაფორმებიდან (თუ პრეისკურანტში არ არის მითითებული განსხვავებული საგარანტიო პირობა (ვადა/გარბენი));
ძირითად აგრეგატებზე (ძრავი, ხიდი, გადაცემათა კოლოფი) გაწეული მომსახურება უზრუნველყოფილ უნდა იქნას 1 (ერთი) წლიანი გარანტიით მიღება-ჩაბარების აქტის გაფორმებიდან.
• საგარანტიო პერიოდში, ავტომანქანის სათადარიგო ნაწილზე/გაწეულ მომსახურებაზე დეფექტის/ნაკლის/წუნის/ხარვეზის გამოვლენის შემთხვევაში, ხელშეკრულების მოქმედების ნებისმიერ ეტაპზე და ასევე, მისი მოქმედების დასრულების შემდგომ, მიმწოდებელი ვალდებულია შეტყობინების მიღებისთანავე გონივრულ ვადებში აღმოფხვრას ხარვეზი შემსყიდველის მხრიდან დამატებითი დანახარჯების გაწევის გარეშე.

• ტენდერში მონაწილე პრეტენდენტს, ბოლო სამი წლის განმავლობაში, 2023 წლის 01 იანვრიდან უნდა გააჩნდეს არანაკლებ 400 000 (ოთხასი ათასი) ლარის ღირებულების ანალოგიური საქმიანობის გამოცდილება, რომლის დამადასტურებლად პრეტენდენტმა ელექტრონულ სისტემაში უნდა ატვირთოს ტექ-მომსახურების გაწევის დამადასტურებელი დოკუმენტები: ხელშეკრულებ(ები)ა ან/და შესრულების დამადასტურებელი სხვა დოკუმენტაცია.
• პრეტენდენტის მიერ წარმოდგენილი უნდა იქნეს ერთი მაინც დადებითი სარეკომენდაციო წერილი, გაცემული იმ ორგანიზაცი(ებ)ის მიერ, რომლებსაც 2024-2025 წლებში გაუწია ავტომანქანების ტექნიკური მომსახურება. (ერთი ხელშეკრულების ფარგლებში არანაკლებ 45000 (ორმოცდახუთიათასი) ლარის ღირებულების). სარეკომენდაციო წერილში მითითებული უნდა იყოს მომსახურების გაწევის პერიოდი და ხელშეკრულების ნომერი.
• შემსყიდველი უფლებამოსილია ორგანიზაციებთან გადაამოწმოს წარმოდგენილი სარეკომენდაციო წერილის ვალიდურობა.

• პრეტენდენტის საკუთრებაში არსებული სერვის-ცენტრი აღჭურვილი უნდა იყოს კომპიუტერული დიაგნოსტიკის აპარატით, ზეთის შესაცვლელი ვაკუუმური ბალონით, კონდიციონერის დასატუმბი აპარატით, თვლების შეყრის და განშლადობის გასასწორებელი დანადგარით, საბურავების ვულკანიზაციისა და ბალანსირების დანადგარით, საყრდენი დისკის გასაჩარხი დანადგარით, ძრავის ამოსაღები ამწეებით, ავტო-ამწეებით (არსებულ სერვის-ცენტრებში უნდა გააჩნდეს არანაკლებ 10 ერთეული ავტო-ამწე), საშრობი კამერა და მომსახურების გაწევისთვის საჭირო სხვა თანამედროვე აპარატურით და დანადგარებით, რომლის დასადასტურებლად პრეტენდენტი ვალდებულია სისტემის საშუალებით წარმოადგინოს შესაბამისი ინფორმაცია. ამასთან, შემსყიდველი უფლებამოსილია გადაამოწმოს წარმოდგენილი ინფორმაციის ნამდვილობა.
• პრეტენდენტს უნდა შეეძლოს დღეში ერთდროულად არანაკლებ 7 ავტოსატრანსპორტო საშუალების მიღება და მომსახურების გაწევა;

• პრეტენდენტის სერვისცენტრი დაკომპლექტებული უნდა იყოს მაღალკვალიფიციური სპეციალისტებით.

• ქვეკონტრაქტორების არსებობის შემთხვევაში, მათზე ასევე მოითხოვება 2.2.1 პუნქტით გათვალისწინებული მოთხოვნები. პრეტენდენტმა უნდა წარმოადგინოს ქვეკონტრაქტორებთან 1.2 პუნქტით განსაზღვრულ მომსახურებაზე გაფორმებული მოქმედი ხელშეკრულებები და თითოეულის სერვისცენტრის ტექნიკური აღჭურვილობის ჩამონათვალი, რომელიც უნდა შეესაბამებოდეს 2.3.1. პუნქტის მოთხოვნებს.
ამასთან, სავალდებულოა რომ აღნიშნულ ხელშეკრულებ(ებ)აში შესაბამისი მომსახურების გაწევის ვადები განსაზღვრული იყოს არაუადრეს 2025 წლის 31 დეკემბრისა.
• ასევე უნდა წარმოადგინოს ქვეკონტრაქტორის სერვის-ცენტრის საკუთრების და/ან სარგებლობის უფლების დამადასტურებელი შესაბამისი დოკუმენტაცია. ამასთან, შემოთავაზებული სერვის-ცენტრის იჯარის შემთხვევაში, იჯარის ვადა შესაბამისი ხელშეკრულებით განსაზღვრული უნდა იყოს არაუადრეს 2026 წლის 31 დეკემბრისა.
• საჯარო რეესტრის ამონაწერის წარმოდგენა სავალდებულოა. ამონაწერის მომზადების თარიღი უნდა იყოს ტენდერის გამოცხადების შემდეგ თარიღი.

• სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
• პრეტენდენტის მიერ, პრეისკურანტის ღირებულება წარმოდგენილი უნდა იყოს პრესიკურანტის ჯამური ღირებულების მიხედვით, მაგრამ არაუმეტეს განცხადებაში მითითებული პრეისკურანტის სავარაუდო ღირებულებისა რომელიც შეადგენს 913473,40 (ცხრაასცამეტიათასოთხასსამოცდაცამეტი ლ. 40 თ.) ლარს.
შემსყიდველის მიერ სატენდერო დოკუმენტაციაში წარმოდგენილ პრეისკურანტის ფასსა და ვაჭრობის შედეგად დაფიქსირებულ პრეისკურანტის საბოლოო ფასს შორის სხვაობა, პროპორციულად უნდა აისახოს პრეისკურანტის შემადგენელ თითოეული ერთეულის ღირებულებაზე. საბოლოოდ დაფიქსირებული ერთეულის ფასები უნდა დამრგვალდეს მეასედის სიზუსტით.
• პრეტენდენტის მიერ წარმოდგენილ პრეისკურანტებში, პოზიციაზე შემოთავაზებული ფასები არ უნდა აღემატებოდეს პრეისკურანტში (დანართ №1) შესაბამის პოზიციებზე დაფიქსირებულ სავარაუდო ფასებს. იმ პრეტენდენტის სატენდერო წინადადება/ტექნიკური დოკუმენტაცია, რომლის პრეისკურანტშიც პოზიციაზე დაფიქსირებული ერთეულის ფასი გადააჭარბებს აღნიშნულ პოზიციაზე სატენდერო პირობებით განსაზღვრულ ერთეულის სავარაუდო ფასს, არ ჩაითვლება მისაღებად და დაექვემდებარება დისკვალიფიკაციას.
• პრეისკურანტში ავტოსატრანსპორტო საშუალების ტექნიკური მომსახურების რომელიმე ერთეულის არარსებობისას, აღნიშნული ერთეულის ფასი მისი შესყიდვის აუცილებლობისას, დადგინდება შემსყიდველი ორგანიზაციისა და მიმწოდებლის შეთანხმებით საბაზრო ფასის გათვალისწინებით. ასეთ შემთხვევაში პრეისკურანტში ავტოსატრანსპორტო საშუალების ტექნიკური მომსახურების ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%–ს.
სატენდერო წინადადებაში საერთო და ერთეულის ფასი გამოსახულ უნდა იყოს საქართველოს კანონმდებლობით გათვალისწინებული ყველა გადასახადის და შესყიდვის ობიექტის მიწოდებასთან დაკავშირებული ყველა ხარჯის გათვალისწინებით;
სისტემაში პრეტენდენტის მიერ ასატვირთი ყველა დოკუმენტი დამოწმებული/დადასტურებული უნდა იყოს კვალიფიციური ხელმოწერით ან/და კვალიფიციური ელ. შტამპით;

ხელშეკრულება გაფორმდება 27590 (ოცდაშვიდიათასხუთასოთხმოცდაათი) ლარზე.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, ფასწარმოქმნის ადეკვატურობის დასასაბუთებლად, პრეტენდენტის მიერ წარმოდგენილ უნდა იქნეს სსიპ "ლევან სამხარაულის ექსპერტიზის ეროვნული ბიუროს" ან/და სხვა აკრედიტირებული პირის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო პრეისკურანტში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე პრეისკურანტით განსაზღვრული შესყიდვის ობიექტის მიწოდების შესაძლებლობა.
ექსპერტიზის დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას.

• ანგარიშსწორება ტექმომსახურებაზე განხორციელდება ყოველ კონკრეტულ შემთხვევაში მიმწოდებლის მიერ ფაქტიურად გაწეული მომსახურების რაოდენობის მიხედვით, ანგარიშ-ფაქტურის და მიღება-ჩაბარების აქტის საფუძველზე, ხოლო რეცხვით მომსახურებაზე - ყოველთვიურად, მიმწოდებლის მიერ საანგარიშო თვის მომდევნო თვის 10 რიცხვამდე წარმოდგენილი ანგარიშფაქტურის და მიღება–ჩაბარების აქტის საფუძველზე.
• ხელშეკრულების ვადის ამოწურვის მომენტისათვის ხელშეკრულების საერთო ღირებულებიდან გამოუმუშავებელი (აუთვისებელი) თანხა დარჩება შემსყიდველთან და იგი არ წარმოშობს მხარეებს შორის რაიმე დამატებით ვალდებულებებს.

• ანგარიშსწორება მოხდება ანგარიშფაქტურის წარმოდგენიდან (მიღება-ჩაბარების აქტის გაფორმებიდან) 10 სამუშაო დღის განმავლობაში, საქართველოს ეროვნული ვალუტით. თუ ანგარიშსწორების განხორციელების ვადის ბოლო დღე ემთხვევა არასამუშაო დღეს, მაშინ ანგარიშსწორება განხორციელდება მომდევნო სამუშაო დღეს.

ბეჟან გიორგანაშვილი, 599175923, info@kakheti.gov.ge