Ремонт и техническое обслуживание транспортных средств и оборудования и сопутствующие услуги (Грузия - Тендер #69067588)

ადმინისტრაციის ბალანსზე რიცხული ავტომობილების და მათთან დაკავშირებული მოწყობილობების შეკეთების (მომსახურებისათვის საჭირო სათადარიგო ნაწილების გათვალისწინებით) და ტექნიკური მომსახურების შესყიდვა.

მიმწოდებელმა უნდა უზრუნველყოს სსიპ საქართველოს ტურიზმის ეროვნული ადმინისტრაციის ბალანსზე რიცხული ავტომობილების და მათთან დაკავშირებული მოწყობილობების შეკეთება (მომსახურებისათვის საჭირო სათადარიგო ნაწილების გათვალისწინებით) და ტექნიკური მომსახურება.
ავტომობილები:
1)MITSUBISHI L200 2015წ. სახ. ნომრით OO-508-GG, ს/ნ MMBJNKL30GH040128 - 2.5 ტურბო დიზელი მექანიკა;
2)RENAULT DUSTER 2015წ. სახ. ნომრით OO-031-GG, ს/ნ VF1HSRC9N52686573 1.6 ბენზინი მექანიკა;
3) RENAULT DUSTER 2019 წლიანი სახ. ნომრით MW-685-MM, ს/ნ VF1HJD40764086019 ძრავის მოცულობა 1.5 ტურბო დიზელი მექანიკა;
4) RENAULT Sandero 2019წლიანი სახ. ნომრით PP-945-FF, ს/ნ VF15SRA1464106728 ძრავის მოცულობა 0.9 ტურბო ბენზინი მექანიკა;
5) Toyota Land cruiser LC 150 სახ. ნომრით LA-840-AL.

შენიშვნა:
1) პრეისკურანტის ღირებულება წარმოდგენილი უნდა იყოს სატენდერო დოკუმენტაცის 1.3 პუნქტის შესაბამისად მოცემული განფასების ცხრილების (პრეისკურანტების) ჯამური ღირებულების მიხედვით, მაგრამ არაუმეტეს განცხადებაში მითითებული პრეისკურანტის სავარაუდო ღირებულებისა და განფასების ცხრილების თითოეულ პოზიციაზე მითითებული სავარაუდო მაქსიმალური ერთეულის ფასისა;
2) მიმწოდებლის მიერ განფასების ცხრილებში მითითებული ფასები არის მაქსიმალური და არ უნდა აღემატებოდეს განფასების ცხრილებში არსებულ ერთეულის ფასებს;
3) ტენდერში ვაჭრობა გაიმართება განფასების ცხრილების ჯამურ სავარაუდო ღირებულებაზე;
4) დაბალფასიანი პრეტენდენტის მიერ დაფიქსირებულ პირვანდელ და საბოლოო ფასებს შორის სხვაობა სატენდერო კომისიის მიერ გამოანგარიშდება პროცენტულად, რომლის მიხედვითაც დაევალება პრეტენდენტს წარმოადგინოს კორექტირებული პრეისკურანტები.
5) იმ შემთხვევაში, თუ აღმოჩნდება, რომ მიმწოდებლის მიერ არ არის სრულყოფილად შესრულებული მომსახურება და/ან შეცვლილი ნაწილი აღმოჩნდება წუნდებული, მიმწოდებელი ვალდებულია აღმოჩენილი ხარვეზი აღმოფხვრას საკუთარი ხარჯებით.
6) ავტომობილების და მათთან დაკავშირებული მოწყობილობების შეკეთების (მომსახურებისათვის საჭირო სათადარიგო ნაწილების გათვალისწინებით) და ტექნიკური მომსახურების შესყიდვაზე ხელშეკრულება გაფორმდება 40 000.00 (ორმოცი ათასი ლარი და 00 თეთრი) ლარზე.
7) პრეტენდენტს უნდა გააჩნდეს გამართული სასაწყობე მეურნეობა პრეისკურანტით გათვალისწინებული ავტომანქანების მოდელებისათვის პირველადი ხარჯვადი სათადარიგო ნაწილების მინიმალური მარაგით;
8)მიმწოდებელმა უნდა უზრუნველყოს ანქანის შეკეთებასთან დაკავშირებით სრული მომსახურება ერთ სივრცეში;
9) ავტომობილების მომსახურება გაწეული უნდა იქნას დაუყონებლივ, რიგგარეშე;
10) ავტომობილის დაზიანებული ნაწილი უნდა შეიცვალოს ახალი (არა მეორადი) მაღალი ხარისხის სათადარიგო ნაწილით გარდა განფასების ცხრილში (პრეისკურანტში) გათვალისწინებული მეორადი სათადარიგო ნაწილისა, ახალი (არამეორადი) სათადარიგო ნაწილები უნდა იყოს წარმოებული წამყვანი კომპანიების მიერ და შეესაბამებოდეს ავტომობილებისათვის დადგენილ სტანდარტებს;
11) პრეტენდენტმა ხელშეკრულების მოქმედების პერიოდში საჭიროების შემთხვევაში უნდა უზრუნველყოს შემსყიდველის წარმომადგენლისათვის თავისუფალი ფართის გამოყოფა. სერვისცენტრებში დაცული უნდა იყოს ჰიგიენური ნორმები;
12) ხელშეკრულების მოქმედების პერიოდში, პრეისკურანტში ავტოსტრანსპორტო საშუალების ტექნიკური მომსახურების რომელიმე ერთეულის არარსებობისას, აღნიშნული ერთეულის ფასი მისი შესყიდვის აუცილებლობისას, დგინდება შემსყიდველი ორგანიზაციისა და მიმწოდებლის შეთანხმებით საბაზრო ფასის გათვალისწინებით. ასეთ შემთხვევაში პრეისკურანტში ავტოსტრანსპორტო საშუალების ტექნიკური მომსახურების ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს;

მიმწოდებელმა უნდა უზრუნველყოს სსიპ საქართველოს ტურიზმის ეროვნული ადმინისტრაციის ბალანსზე რიცხული ავტომობილების და მათთან დაკავშირებული მოწყობილობების შეკეთება (მომსახურებისათვის საჭირო სათადარიგო ნაწილების გათვალისწინებით) და ტექნიკური მომსახურება ეტაპობრივად, შემსყიდველის მოთხოვნის შესაბამისად, დაუყოვნებლივ, რიგგარეშედ მაგრამ არაუგვიანეს 2026 წლის 31 დეკემბრისა.
ამასთან, მომსახურების ვადა თითოეულ შემთხვევაში არ უნდა აღემატებოდეს:
ა) სავალი ნაწილებისათვის ერთიდან ორ დღემდე;
ბ) ელექტროობისათვის ერთიდან ორ დღემდე;
გ) აგრეგატებისათვის ერთიდან სამ დღემდე;
დ) ხანგრძლივი მომსახურების (ძრავის, სიჩქარეთა კოლოფის) გაწევის დრო ერთიდან თხუთმეტ დღემდე, ხოლო დეფიციტური სათადარიგო ნაწილებით უზრუნველყოფა - არაუმეტეს ოც კალენდარული დღემდე.

მომსახურების გაწევა შემსყიდველის საჭიროების მიხედვით შესაძლებელი უნდა იყოს ქ. თბილისში და საქართველოს არანაკლებ 2 სხვა რეგიონში, ერთი აღმოსავლეთ, ხოლო მეორე დასავლეთ საქართველოს ტერიტორიაზე.

მიმწოდებლის მიერ შეცვლილ სათადარიგო ნაწილებზე უნდა ვრცელდებოდეს ქარხნული გარანტია არანაკლებ 6 (ექვსი) თვის განმავლობაში, შეკეთებულ სათადარიგო ნაწილებზე გარანტია უნდა ვრცელდებოდეს არანაკლებ 6 (ექვსი) თვის განმავლობაში, გარდა სწრაფ ცვეთადი დეტალებისა და იმ შემთხვევისა, როდესაც დაზიანება გამოწვეულია არასწორი ექსპლუატაციით მიყენებულ დაზიანებებზე. კერძოდ, გარეგანი მექანიკური ზემოქმედებით გამოწვეულ დაზიანებებზე.

1. პრეტენდენტს უნდა გააჩნდეს ბოლო 3 (სამი) წლის მანძილზე (2023, 2024 და 2025 წლები) მინიმუმ 3 (სამი) მსგავსი შინაარსის ავტომობილების და მათთან დაკავშირებული მოწყობილობების შეკეთების (მომსახურებისათვის საჭირო სათადარიგო ნაწილების გათვალისწინებით) და ტექნიკური მომსახურების გაწევის გამოცდილება.
2. ინფორმაცია გამოცდილების შესახებ წარმოდგენილი უნდა იყოს თანდართული ფორმის შესაბამისად.
2.1 პრეტენდენტი ვალდებულია წარმოადგინოს, საანგარიშო პერიოდში მომსახურების გაწევის გამოცდილების დამადასტურებელი, მხარეთა მიერ ხელმოწერილი დოკუმენტები: ხელშეკრულებები და მათი შესრულების დამადასტურებელი დოკუმენტები: მიღება-ჩაბარების აქტები, სახელმწიფო შესყიდვის შესახებ ხელშეკრულებ(ებ)ის არსებობის შემთხვევაში თუ მოცემული დოკუმენტები ატვირთულია სახელმწიფო შესყიდვების ერთიან ელექტრონულ სისტემაში საკმარისია შესაბამისი განცხადების ნომრ(ებ)ის (SPA, NAT, DAP და ა.შ.) მითითება „შენიშვნის“ გრაფაში.
2.2 შემსყიდველი უფლებამოსილია ანალოგიური სამუშაოების იდენტიფიცირების მიზნით მოითხოვოს პრეტენდენტისაგან დამატებითი ინფორმაციის სახით სხვა ნებისმიერი დოკუმენტი, რომლი მიწოდებაც კანონმდებლობით არ არის აკრძალული.

1. პრეტენდენტს უნდა გააჩნდეს არანაკლებ 3 სერვისცენტრი. ერთი სერვისცენტრი ქ. თბილისში - არანაკლებ 8 ბოქსი, ხოლო აღმოსავლეთ და დასავლეთ საქართველოში თითო-თითო სერვისცენტრი არანაკლებ 2-2 ბოქსი. ასევე, საჭირო ფართი იმისათვის, რომ უზრუნველყოს შემსყიდველის ავტომობილების განთავსება აღნიშნულ ტერიტორიაზე.
2. პრეტენდენტი ვალდებულია ინფორმაცია მატერიალურ-ტექნიკური ბაზის შესახებ წარმოადგინოს თანდართული ფორმის შესაბამისად და ასევე, ინფორმაციის დასადასტურებლად შესაბამისი დოკუმენტები (საკუთარი ან საქართველოს სამოქალაქო კოდექსით ნებადართული ან აუკრძალავი ნებისმიერი ფორმით (ქირა, თხოვება)).

1. სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად.
2. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე. იმ შემთხვევაში თუ ტენდერში მონაწილე პირი უცხოეთის მოქალაქეა ან უცხოეთში რეგისტრირებული იურიდიული პირია, აუცილებელია წარმოდგენილ იქნას პირის ადმინისტრაციული ორგანოებიდან წარმოსადგენი სარეგისტრაციო/უფლებრივი მონაცემების ამსახველი დოკუმენტები. აღნიშნული დოკუმენტები დამოწმებული უნდა იყოს კანონმდებლობით დადგენილი წესით (ლეგალიზებული ან აპოსტილით დამოწმებული) და მას თან უნდა ერთვოდეს ნოტარიულად დამოწმებული ქართული თარგმანი.
3. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
4. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით.
5. პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები (მაგ., ფასების ცხრილი, ინფორმაცია საკუთარი გამოცდილების შესახებ და ა.შ.). დაამოწმოს/დაადასტუროს კვალიფიციური ელექტრონული ხელმოწერით/კვალიფიციური ელექტრონული შტამპით.

თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე:
1. შემსყიდველი ორგანიზაციის წერილობითი მოთხოვნის შემდგომ, პრეტენდენტმა უნდა უზრუნველყოს ფასწარმოქმნის ადეკვატურობის დასაბუთების წარმოდგენა - დასაბუთება უნდა განხორციელდეს აუდიტის დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას. იმ შემთხვევაში, თუ პრეტენდენტის მიერ არ იქნა წარმოდგენილი ან წარმოდგენილი დასაბუთება შემსყიდველის მიერ არ ჩაითვლება დამაკმაყოფილებლად, მოხდება პრეტენდენტის დისკვალიფიკაცია; პრეტენდენტის მიერ წარდგენილი ფასწარმოქმნის ადეკვატურობის დასაბუთება დაზუსტებას არ ექვემდებარება.
2. დასკვნასთან ერთად დამატებით პრეტენდენტმა უნდა წარმოადგინოს უფლებამოსილი ორგანოს მიერ გაცემული აუდიტორული საქმიანობის განხორციელების უფლების დამადასტურებელი დოკუმენტი.
3. პრეტენდენტმა ფასწარმოქმნის ადეკვატურობის დამადასტურებელი დოკუმენტის წარმოდგენასთან დაკავშირებული ხარჯის გაწევა უნდა უზრუნველყოს საკუთარი სახსრებით.

ანგარიშსწორება მოხდება უნაღდო ანგარიშსწორებით ლარში;
ანგარიშსწორება მოხდება ეტაპობრივად, მიღება–ჩაბარების აქტის გაფორმებისა და შესაბამისი საგადასახადო დოკუმენტების წარმოდგენის შემდეგ;
სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა გადასახადის გათვალისწინებით.

ანგარიშსწორება მოხდება ეტაპობრივად, მიღება–ჩაბარების აქტის გაფორმებიდან და შესაბამისა საგადასხადო დოკუმენტების წარმოდგენიდან 10 სამუშაო დღის განმავლობაში.

ნანა დოლაკიძე, 577929777, n.dolakidze@gnta.ge