Автотранспортные услуги (Грузия - Тендер #69067565)

გარდაბნისა და მარნეულის იუსტიციის სახლების თანამშრომელთა ტრანსპორტირების მომსახურების სახელმწიფო შესყიდვა.

1.2.1. მიმწოდებელმა უნდა უზრუნველყოს მარნეულის იუსტიციის სახლის თანამშრომლების ტრანსპორტირება სამუშაო დღეებში, დროის შემდეგი მონაკვეთითა და მარშრუტით:

• დილით გამგზავრება: არაუგვიანეს 08:00 საათზე, მის: ქ. რუსთავი, რკინიგზის სადგური
ადგილზე მისვლა: არაუგვიანეს 08:40 საათი, მის:ქ. მარნეული, რუსთაველის ქუჩა №1, მარნეულის იუსტიციის სახლის მიმდებარე ტერიტორია.
• საღამოს გამომგზავრება: 18:15-საათიდან, მის: ქ. მარნეული, რუსთაველის ქუჩა №1, მარნეულის იუსტიციის სახლის მიმდებარე ტერიტორია.
ადგილზე მისვლა: არაუგვიანეს 19:00 საათი, მის: ქ. რუსთავი, რკინიგზის სადგურის მიმდებარე ტერიტორია.

*შენიშვნა: მიმწოდებელი ვალდებულია, შემსყიდველის წინასწარი შეტყობინების საფუძველზე შეცვალოს სამარშუტო მგზავრობის საათები.

1.2.2. მიმწოდებელმა უნდა უზრუნველყოს გარდაბნის იუსტიციის სახლის თანამშრომლების ტრანსპორტირება სამუშაო დღეებში დროის შემდეგი მონაკვეთითა და მარშრუტით:

• დილით გამგზავრება: არაუგვიანეს 08:00 საათზე, მის: ქ. რუსთავი, ჟიული შარტავას ქუჩა №11, ცენტრალური შემოსასვლელის მიმდებარე ტერიტორია,
ადგილზე მისვლა: არაუგვიანეს 08:40 საათი, მის: ქ. გარდაბანი, დავით აღმაშენებლის ქუჩა №81ა, გარდაბნის იუსტიციის სახლის მიმდებარე ტერიტორია.
• საღამოს გამომგზავრება: 18:15-საათიდან, მის: ქ. გარდაბანი, დავით აღმაშენებლის ქუჩა №81ა, გარდაბნის იუსტიციის სახლის მიმდებარე ტერიტორია,
ადგილზე მისვლა: არაუგვიანეს 19:00 საათი, მის: ქ. რუსთავი ჟიული შარტავას ქუჩა №11, ცენტრალური შემოსასვლელის მიმდებარე ტერიტორია.

*შენიშვნა: მიმწოდებელი ვალდებულია, შემსყიდველის წინასწარი შეტყობინების საფუძველზე შეცვალოს სამარშუტო მგზავრობის საათები.

1.2.3. მოთხოვნები ავტომანქანებისა და მძღოლების მიმართ:
• მომსახურების გაწევისას გამოყენებული სატრანსპორტო საშუალებები უნდა იყოს არანაკლებ 2008 წლის გამოშვების და არანაკლებ 17 მგზავრის ტრანსპორტირებისათვის განკუთვნილი, თითოეული სატრანსპორტო საშუალება აღჭურვილი უნდა იყოს გათბობის და გაგრილების (კონდენცირების) სისტემით, გაღებადი ფანჯრებით (არანაკლებ 4).
• მომსახურების გაწევის პერიოდში სატრანსპორტო საშუალებებს გავლილი უნდა ჰქონდეს ტექ.დათვალიერება.
• სატრანსპორტო საშუალებები ყოველდღე უნდა იყოს ტექნიკურად გამართულ და სუფთა მდგომარეობაში.
• მომსახურე მძღოლს უნდა გააჩნდეს ამ სატრანსპორტო საშუალებისათვის კანონმდებლობით დადგენილი კატეგორიის მართვის მოწმობა.
• მგზავრთა რაოდენობის შემცირების შემთხვევაში (10-ზე ნაკლები თანამშრომელი) შემსყიდველი უფლებამოსილია შეწყვიტოს ხელშეკრულება ან შეაჩეროს მომსახურების გაწევა. მომსახურების შეჩერების ვადა არ უნდა აღემატებოდეს 3 (სამი) თვეს. შეჩერებული მომსახურების პერიოდის ღირებულება არ ანაზღაურდება.

*შენიშვნა: არასრული თვის შემთხვევაში ანაზღაურდება ფაქტიურად გაწეული მომსახურების ღირებულება, შესაბამის სამუშაო დღეთა რაოდენობის პროპორციულად.

ხელშეკრულების გაფორმებიდან, მაგრამ არაუადრეს 2026 წლის 1 იანვრიდან 2026 წლის 31 დეკემბრის ჩათვლით.

მომსახურების გაწევა უნდა განხორციელდეს ტექნიკური დავალების 1.2.1 და 1.2.2 ქვეპუნქტში მითითებული მარშრუტის შესაბამისად.

2.2.1.1 პრეტენდენტს 2023 წლიდან წინამდებარე ტენდერის გამოცხადებამდე პერიოდში უნდა გააჩნდეს ანალოგიური/მსგავსი მომსახურების (ტრანსპორტირების მომსახურება) გამოცდილება, რომელთა ღირებულება ჯამურად უნდა შეადგენდეს არანაკლებ 200 000 ლარს საქართველოს კანონმდებლობით დადგენილი ყველა გადასახადის ჩათვლით, მათ შორის, ერთი ხელშეკრულების ფარგლებში შესრულებული უნდა ჰქონდეს არანაკლებ 30 000.00 ლარის ღირებულების მომსახურება. აღნიშნულის დასტურად, პრეტენდენტის მიერ წარმოდგენილი უნდა იქნეს შესაბამისი ხელშეკრულებები და გაწეულ მომსახურებაზე გაფორმებული მიღება-ჩაბარების აქტები ან/და ექსპერტიზის დასკვნები ან/და ნებისმიერი სხვა სახის დოკუმენტი, რომელიც დაადასტურებს აღნიშნული მომსახურების გაწევის ფაქტს.
2.1.1.3 იმ შემთხვევაში, თუ მომსახურება გაწეულია კერძო სამართლის იურიდიული პირის ან ფიზიკური პირის დაკვეთით, (არა სახელმწიფო შემსყიდველი ორგანიზაცია), პრეტენდენტმა ზემოაღნიშნული დოკუმენტებთან ერთად უნდა წარმოადგინოს ამ მომსახურების შესრულების ამსახველი ფინანსური დოკუმენტაცია: საგადასახადო ანგარიშ-ფაქტურები და შემყიდველის მოთხოვნის შემთხვევაში ამონაწერი საბანკო ანგარიშებიდან.
2.1.1.4 იმ შემთხვევაში, თუ სატენდერო დოკუმენტაციის 2.2.1 პუნქტით მოთხოვნილი გამოცდილების დამადასტურებელი დოკუმენტაცია ატვირთულია შესყიდვების ერთიან ელექტრონულ სისტემაში, პრეტენდენტს შეუძლია, გამოცდილების შესახებ ინფორმაცია წარმოადგინოს CMR, SPA, NAT და ა.შ ნომრების სახით და არ ატვირთოს ზემოაღნიშნული დოკუმენტაცია. თუ პრეტენდენტის მიერ წარმოდგენილ 2.2.1 პუნქტში მითითებულ დოკუმენტაციასა და სისტემაში (CMR, SPA, NAT და ა.შ ნომრების შესაბამისად) ატვირთულ დოკუმენტებს შორის აღმოჩნდება უზუსტობა, უპირატესობის მინიჭების საკითხს გადაწყვტეს სატენდერო კომისია.

შერჩევა/შეფასების ეტაპზე, შემსყიდველის მოთხოვნი შესაბამისად პრეტენდენტი ვალდებულია წარმოადგინოს შესაბამისი სატრანსპორტო საშუალებები, რომლითაც უნდა განხორციელდეს მომსახურების გაწევა, რომლებიც სრულად უნდა აკმაყოფილებდეს წინამდებარე სატენდერო დოკუმენტაციის 1.2.3. ქვეპუნქტით განსაზღვრულ მოთხოვნებს. ასევე, უნდა წარმოადგინოს სატრანსპორტო საშუალებების ტექნიკური პასპორტის, მძღოლების პირადობის დამადასტურებელი და მართვის მოწმობის ასლები.

ქ.თბილისი, ზვიად გამსახურდიას სანაპირო №1 (სსიპ "იუსტიციის სახლის" თბილისის ცენტრალური იუსტიციის სახლი).

4.1.1.1. იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას;
4.1.1.2. ფასწარმოქმნის ადეკვატურობა, შესაძლებელია დასაბუთდეს სსიპ "ლევან სამხარაულის სახელობის სასამართლო ექსპერტიზის ეროვნული ბიუროს" ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული შესაბამისი დასკვნით, შესაბამისი ტენდერის უნიკალური ნომრის მითითებით (პრეტენდენტის მიერ დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი);
4.1.1.3.ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს, როგორც პრეტენდენტის მიერ დაფიქსირებულ წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.

7.2.1. ანგარიშსწორება განხორციელდება ყოველთვიურად, მომსახურების გაწევის შემდეგ, ფაქტობრივად გაწეულ მომსახურებაზე (არასრული თვის შემთხვევაში ანაზღაურდება ფაქტიურად გაწეული მომსახურების ღირებულება, შესაბამის სამუშაო დღეთა რაოდენობის პროპორციულად), ხელშეკრულების შესრულების კონტროლის განმახორციელებელი პირ(ებ)ის მიერ შედგენილი ინსპექტირების დასკვნისა და მხარეთა უფლებამოსილი წარმომადგენლების ხელმოწერით გაფორმებული მიღება-ჩაბარების აქტის შესაბამისად.
7.2.2. ანგარიშსწორება განხორციელდება ყოველთვიურად, უნაღდო ანგარიშსწორებით, ეროვნულ ვალუტაში – ლარში, მხარეთა შორის გაფორმებული მიღება-ჩაბარების აქტის და მიმწოდებლის მიერ წარმოდგენილი ანგარიშ-ფაქტურის (კანონმდებლობით გათვალისწინებულ შემთხვევაში) საფუძველზე.
7.2.3. წინასწარი ანგარიშსწორება არ გამოიყენება.

ანგარიშსწორებისთვის აუცილებელი დოკუმენტების სრულყოფილად გაფორმებიდან არაუგვიანეს 10 (ათი) სამუშაო დღის განმავლობაში.

ალექსანდრე ჟვანია, 591447034, alzhvania@psh.gov.ge

10.1.1. სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია (გარდა ფასების ცხრილისა) უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა.
10.1.2. ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.
10.1.3. ალტერნატიული სატენდერო წინადადება არ განიხილება.
10.1.4. სატენდერო წინადადების ფასი გამოსახული უნდა იყოს ეროვნულ ვალუტაში - ლარში, შესყიდვის ობიექტის მიწოდებასთან დაკავშირებული მიმწოდებლის ყველა ხარჯის (მ.შ კანონმდებლობით გათვალისწინებული გადასახადები) გათვალისწინებით.
10.1.5. პრეტენდენტმა სატენდერო წინადადების ფასში უნდა გაითვალისწინოს დღგ.
10.1.6. პრეტენდენტი დაექვემდებარება დისკვალიფიკაციას, თუ მის მიერ არ იქნება წარმოდგენილი ფასების ცხრილი ან ფასების ცხრილი წარმოდგენილი იქნება განფასების გარეშე ან წარდგენილ ფასების ცხრილში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს.
10.1.7. ტენდერში მონაწილეობით პრეტენდენტი ეთანხმება სატენდრო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო.
10.1.8. სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის" მე-8 მუხლით დადგენილი წესის შესაბამისად.