Почтовая и курьерская службы (Грузия - Тендер #69067551)

საქართველოს კულტურის სამინისტროს მიერ საფოსტო-საკურიერო მომსახურების შესყიდვა.

მიმწოდებელმა უნდა უზრუნველყოს:

• ადგილობრივი (საქართველოს ნებისმიერი ქალაქი და დასახლებული პუნქტი) გზავნილების ჩაბარება არაუმეტეს 3 სამუშაო დღეში (მაღალმთიან რეგიონებში 3–5 სამუშაო დღეში), ხოლო საერთაშორისო (საქართველოს საზღვრებს გარეთ ნებისმიერი მიმართულებით) გზავნილების ჩაბარება არაუმეტეს სწრაფი გზავნილების შემთხვევაში 3-8 სამუშაო დღეში, ხოლო სტანდარტული საერთაშორისო გზავნილის შმთხვევაში არაუმეტეს 20 სამუშაო დღეში (დღეების ათვლა განხორციელდება გზავნილის ჩაბარების მომდევნო სამუშაო დღიდან) აღნიშნული გზავნილების ჩაბარების შესახებ ელექტრონულად დადასტურება ჩაბარებისთანავე.

• შესყიდვის ობიექტით გათვალისწინებული მომსახურების კონტროლისა და ანალიზის სპეციალური მენეჯერის გამოყოფა, რომელმაც უნდა უზრუნველყოს შემსყიდველის დროული ინფორმირება.

• გზავნილთა ჩაბარების მდგომარეობისა და გაწეული მომსახურების ამსახველი, მათ შორის განმეორებით (მეორეჯერ) მიტანილი გზავნილების შესახებ, ყოველთვიური სტატისტიკური მონაცემის მიწოდება შემსყიდველისათვის შესაბამისი გზავნილის რეკვიზიტებით, ასევე უნდა უზრუნველყოს შემსყიდველისათვის ყოველდღიურად მიწოდებული შესაბამისი გზავნილების/ჩაბარების დასტურის ამსახველი სრულყოფილი რეესტრის წარმოება, თითოეული გზავნილის ჩაბარებისა და ჩაუბარებლობის მიზეზის ამსახველ მატერიალური/ელექტრონული დადასტურების დოკუმენტში-უკუგზავნილში გათვალისწინებულ ყველა ველში ინფორმაციის სრულყოფილი სახით შეტანა.
ჩაუბარებელი და შემსყიდველთან დაბრუნებული ისეთი გზავნილების, რომელთა ჩაუბარებლობის საფუძველი შესაბამის დოკუმენტში არის დაუსაბუთებელი და ბუნდოვანი, განმეორებით, შესაბამისი საფასურის გადახდის გარეშე, ჩაბარების უზრუნველყოფა, (აღნიშნულის შესახებ გზავნილზე შემსყიდველის მიერ უნდა მიეთითოს სიტყვიერად-„განმეორებით“).

• ადგილობრივი და საერთაშორისო (PDF ფორმატში) გზავნილების ჩაბარების მატერიალური/ელექტრონული სახით დოკუმენტალური დადასტურება არაუმეტეს 3 სამუშაო დღეში;

• ადგილობრივი და საერთაშორისო გზავნილების ონლაინ რეჟიმში თვალყურისდევნების სისტემისა (ე.წ“თრექინგი“) და მისი კუთვნილი ვებგვერდის გამართული ფუნქციონირება, საიდანაც შესაძლებელი იქნება გზავნილის ნებისმიერი მოძრაობის სტატუსის ნახვა,რომლის სისწორეზე პასუხისმგებელი იქნება მიმწოდებელი.

• უფასო საკურიერო მომსახურება, ყოველ სამუშაო დღეს და 16 საათამდე. ასევე მოთხოვნის შემთხვევაში შემსყიდველთან წინასწარი შეთანხმების საფუძველზე შემსრულებელი ვალდებულია გამოცხადდეს საფოსტო გზავნილის მიღების ადგილზე და უზრუნველყოს მიმწოდებლისაგან საფოსტო გზავნილის წამოღება. სასწრაფო გზავნილის მისაღებად შემსრულებელი საფოსტო გზავნილის მიღების ადგილზე ცხადდება შემსყიდველთან დღის განმავლობაში.

• სწრაფი საერთაშორისო გზავნილის შემთხვევაში შემსყიდველის შესაბამისი შესაფუთი მასალით უზრუნველყოფა.

• გზავნილების ჩაბარება, შემსყიდველის მოთხოვნის საჭიროების შემთხვევაში, უნდა განხორციელდეს შაბათ დღეს.
გზავნილის კურიერის მეშვეობით ადრესატზე/ფიზიკურ პირზე ჩაბარება პირადად საქმიანობის ან საცხოვრებელი ადგილის მიხედვით, ადრესატისათვის საქმიანობის ადგილზე გაგზავნილი გზავნილი უნდა ჩაბარდეს კანცელარიას ან ასეთივე დანიშნულების სტრუქტურულ ერთეულს ან/და პირადად, ხოლო ასეთის არყოფნის შემთხვევაში - შესაბამის უფლებამოსილ პირს, რომელიც ვალდებულია გზავნილი გადასცეს ადრესატს. გზავნილის ჩაბარება უნდა დადასტურდეს შესაბამის უწყებაზე გზავნილის მიმღების ხელმოწერითა და პირადი ნომრის მითითებით. თუ გზავნილის ჩამბარებელმა ადრესატი ვერ ნახა ან საქმიანობის, ან საცხოვრებელ ადგილზე, იგი გზავნილს აბარებს საცხოვრებელ ადგილზე, მასთან მცხოვრებ ოჯახის რომელიმე სრულწლოვან, ქმედითუნარიან წევრს ან საქმიანობის ადგილზე - კანცელარიას. გზავნილის მიმღები ვალდებულია ჩამბარებლის მიერ წარდგენილ შესაბამის
უწყებაზე აღნიშნოს თავისი სახელი, გვარი, ადრესატთან დამოკიდებულება ან დაკავებული თანამდებობა. თუ ადრესატი ადგილზე არ იმყოფება, გზავნილის განმეორებით (მეორეჯერ) მიტანა მითითებულ მისამართზე უნდა განხორციელდეს უფასოდ მომდევნო ორი სამუშაო დღის განმავლობაში, ასევე გზავნილის ჩაბარების მიზნით დაკავშირება და მხოლოდ ამის შემდეგ კვლავ ჩაუბარებლობის შემთხვევაში დაუბრუნდეს შემსყიდველს. შესაბამისი მიზეზების მითითებით. ყოველი განმეორებით (მეორეჯერ) გატანილი გზავნილი უნდა აისახოს ელექტრონულად გზავნილის ისტორიაში გზავნილის უნიკალური შხრიკოდის
ქვეშ. მიმწოდებლის მიერ წარმოდგენილი თითოეული მიღება-ჩაბარების აქტი, შესაბამისი აღნიშვნით, ასევე უნდა შეიცავდეს ინფორმაციას განმეორებით (მეორეჯერ) მიტანილი გზავნილების შესახებ, თუ ადრესატმა უარი განაცხადა გზავნილის ჩაბარებაზე, შემსრულებელი ზეპირად განუმარტავს მას იმის თაობაზე, რომ უარის განცხადების შემთხვევაში, გზავნილი შეიძლება მიჩნეული იქნეს ჩაბარებულად. ამ პუნქტით გათვალისწინებულ შემთხვევაში ადრესატის მიერ გზავნილის არ მიღების თაობაზე, შემსრულებელი ელექტრონულ და მატერიალურ დოკუმენტზე აკეთებს შესაბამის აღნიშვნას, ხოლო გზავნილს 3 (სამი) სამუშაო დღის განმავლობაში უბრუნებს დამკვეთს.

მომსახურების გაწევა უნდა განხორციელდეს შემსყიდველის მოთხოვნის შესაბამისად, 2026 წლის 1 იანვრიდან 2026 წლის 31 დეკემბრის ჩათვლით.

საქართველოს კულტურის სამინისტრო, ქ.თბილისი, სანაპიროს N4.

პრეტენდეტნს უნდა გააჩნდეს 2020 წლიდან - დღემდე (ყოველ წელს) საქართველოში და მის ფარგლებს გარეთ საფოსტო-საკურიერო მომსახურების განხორციელების გამოცდილება, მაღალკვალიფიციურად და შეთანხმებულ ვადებში განხორციელების თაობაზე როგორც ადგილობრივი, ასევე, საერთაშორისო მასშტაბით, აღნიშნულის გამოცდილების დასადასტურებლად შესაბამისი დოკუმენტაცია (ხელშეკრულებ(ები)ა, მიღება-ჩაბარების აქტ(ებ)ი) ატვირთული უნდა იქნას ერთიან ელექტრონულ სისტემაში (სახელმწიფო შესყიდვის განხორციელების შემთხვევაში, შესაძლებელია, პრეტენდნტმა წარმოადგინოს შესაბამისი SPA/CMR/NAT ნომერი და ამ შემთხვევაში დამატებითი დოკუმენტაციის (ხელშეკრულება, მიღება-ჩაბარების აქტი) ან/და ინფორმაციის წარმოდგენა სავალდებულო არ არის).

ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6 და მე-7 პუნქტების საფუძველზე, იმ შემთხვევაში თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტმა შემსყიდველი ორგანიზაციის წერილობითი მოთხოვნის შემდეგ, უნდა წარმოადგინოს/ატვირთოს ფასწარმოქმნის ადეკვატურობის დასაბუთება. ფასწარმოქმნის ადეკვატურობა, შესაძლებელია დასაბუთდეს სსიპ ლევან სამხარაულის სასამართლო ექსპერტიზის ეროვნული ბიუროს ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული ან/და საშემფასებლო დასკვნით. დასკვნასთან ერთად ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი. დასკვნა ცალსახად უნდა ადასტურებდეს დაფიქსირებულ ფასად, მიმწოდებლის მხრიდან, ხელშეკრულებით ნაკისრი ვალდებულებების შესარულების შესაძლებლობას. პრეტენდენტმა უნდა გაითვალისწინოს, რომ „ ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების 28-ე მუხლის მე-5 პუნქტის თანახმად, ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ფასების ცხრილის ჯამურ ღირებულებასთან), ასევე ფასების ცხრილის ერთეულთან მიმართებით.

მიმწოდებელთან ანგარიშსწორება განხორციელდება ფაქტიურად გაწეული მომსახურების შესაბამისად, მხარეებს შორის მიღება-ჩაბარების აქტის გაფორმების საფუძველზე.

ანგარიშსწორება განხორციელდება მიღება-ჩაბარების აქტის გაფორმებიდან 10 სამუშაო დღის ვადაში.

გვანცა პაიჭაშვილი, 599899929, gpaichashvili@culture.gov.ge

10.1.1. სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა.
10.1.2. ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.
10.1.3. ალტერნატიული სატენდერო წინადადება არ განიხილება.
10.1.4. სატენდერო წინადადების ფასი გამოსახული უნდა იყოს ეროვნულ ვალუტაში - ლარში, შესყიდვის ობიექტის მიწოდებასთან დაკავშირებული მიმწოდებლის ყველა ხარჯის (მ.შ კანონმდებლობით გათვალისწინებული გადასახადები) გათვალისწინებით.
10.1.5. პრეტენდენტმა სატენდერო წინადადების ფასში უნდა გაითვალისწინოს დღგ.
10.1.6. პრეტენდენტი დაექვემდებარება დისკვალიფიკაციას, თუ მის მიერ არ იქნება წარმოდგენილი ფასების ცხრილი (სატენდერო დოკუმენტაციის დანართი №2) ან ფასების ცხრილი წარმოდგენილი იქნება განფასების გარეშე ან წარდგენილ ფასების ცხრილში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს.
10.1.7. ტენდერში მონაწილეობით პრეტენდენტი ეთანხმება სატენდრო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო.