Ремонт и техническое обслуживание насосов, вентилей, кранов и металлических емкостей и оборудования (Грузия - Тендер #69034415)

საქართველოს ფინანსთა სამინისტროს საგამოძიებო სამსახურის ბალანსზე არსებულ შენობებში (თბილისი და რეგიონები) განთავსებული გენერატორების შეკეთება და ტექნიკური მომსახურება.

გასაწევი მომსახურების აღწერილობა იხილეთ დანართი №1-ში პრესიკურანტში.

პრედენტენტის მიერ წარმოდგენილ პრეისკურანტში შემოთავაზებული ღირებულებები არ უნდა აღემატებოდეს მომსახურების პრეისკურანტში შესაბამის პოზიციებზე დაფიქსირებულ ზღვრული ერთეულის ღირებულებებს.

თუ პრეტენდენტი გეგმავს რომელიმე მომსახურება მიაწოდოს უფასოდ, ერთეულის ფასის შესაბამის გრაფაში უნდა ჩაიწეროს „0” ან ,,0.00". ცარიელი სიმბოლოს ან სხვა აღნიშვნის ( „-“, „* “ ან მსგავსი) მითითება დაუშვებელია, ასეთ შემთხვევაში იგულისხმება რომ აღნიშნულ პოზიციაზე პრეტენდენტის მიერ მომსახურება განუფასებლადაა წარმოდგენილი.

იმ შემთხვევაში, თუ პრეტენდენტის მიერ პრეისკურანტი არ არის წარდგენილი ან წარდგენილ პრეისკურანტში განუფასებელი პოზიცი(ებ)ის რაოდენობა აღემატება განსაფასებელი პოზიციების 5%-ს სატენდერო წინადადება დაზუსტებას არ დაექვემდებარება და გამოიწვევს პრეტენდენტის დისკვალიფიკაციას.

ელექტრონული ვაჭრობის შემთხვევაში, პრეტენდენტის მიერ პრეისკურანტში დაფიქსირებული ერთეულის ღირებულებები დაკლებულ უნდა იქნას პროპორციულად ყველა პოზიციაზე, სატენდერო დოკუმენტაციაში მოცემული პრეისკურანტის ზღვრული ერთეულის ფასებიდან, შემსყიდველი ორგანიზაციის მიერ ერთიან ელექტრონულ სისტემაში ატვირთული პრეისკურანტის თავდაპირველ ჯამურ ღირებულებასა და მიმწოდებლის მიერ დაფიქსირებულ წინადადების საბოლოო ფასს შორის არსებული სხვაობიდან გამოთვლილი (გამოყვანილი) პროცენტის შესაბამისად. პრეტენდენტმა მინიმუმ აღნიშნული პროცენტის შესაბამისად პროპორციულად უნდა შეამციროს თითოეული მომსახურების ღირებულება, ხოლო კლების შემდგომ, იმ შემთხვევაში თუ მომსახურების ერთეულის ღირებულება არ იქნება მთელი რიცხვი, უნდა დაამრგვალოს ლარის მეასედის სიზუსტით (არითმეტიკული დამრგვალების მეთოდით). ამასთანავე, გათვალისწინებული უნდა იქნას, რომ დამრგვალების შემდგომ მიღებული პრეისკურანტის ჯამური ღირებულება არ უნდა აღემატებოდეს ვაჭრობის შედეგად სისტემაში საბოლოოდ დაფიქსირებული პრეისკურანტის ჯამურ ღირებულებას.

მიმწოდებელთან ხელშეკრულების გაფორმების შემდეგ, პრეისკურანტში მომსახურების რომელიმე პოზიციის არარსებობისას (მისი შესყიდვის აუცილებლობისას), ერთეულის ფასი დადგინდება შემსყიდველი ორგანიზაციის და მიმწოდებლის ერთობლივი შეთანხმებით, საბაზრო ფასის გათვალისწინებით. ასეთ შემთხვევაში, პრეისკურანტში მომსახურების ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს.

2026 წლის 01 იანვრიდან 2026 წლის 20 დეკემბრის ჩათვლით.
მიმწოდებელმა გენერატორის მწყობრიდან გამოსვლის შემთხვევაში, რეაგირება (დიაგნოსტირება) უნდა განახორციელოს შეტყობინებიდან 24 საათის განმავლობაში, ხოლო შეკეთება/ნაწილის შეცვლა უნდა განხორციელდეს მოთხოვნიდან 5 სამუშაო დღის ვადაში.

მომსახურების გაწევა უნდა განხორციელდეს შემდეგ მისამართებზე:

თბილისი:
- საქართველოს ფინანსთა სამინისტროს საგამოძიებო სამსახურის ადმინისტრაციული შენობა (ქ. თბილისი, უნივერსიტეტის ქუჩა №4)
- სპეციალური დანიშნულების რაზმის საოფისე შენობა (ქ. თბილისი, უნივერსიტეტის ქუჩა №14)

აღმოსავლეთ საქართველოს რეგიონის სამმართველოები:
- შიდა ქართლის სამმართველოს შენობა (ქ. გორი, ჯორბენაძის ქ. N1)
- კახეთის სამმართველოს შენობა (ქ. თელავი, ერეკლე II გამზირი №16)
- მცხეთა-მთიანეთის სამმართველოს შენობა (ქ. მცხეთა, ღვინჯილიას ქ. №5)

დასავლეთ საქართველოს რეგიონის სამმართველოები:
- აჭარის და გურიის სამმართველოს შენობა (ქ. ბათუმი, ფიროსმანის ქ. №5ა )
- სამეგრელო-ზემო სვანეთის სამმართველოს შენობა (ქ. ფოთი, წმინდა გიორგის ქ. N4)

შემოთავაზებულ საქონელზე გარანტია უნდა ვრცელდებოდეს მიღება-ჩაბარების აქტის გაფორმებიდან არანაკლებ 6 (ექვსი) თვის განმავლობაში.

საგარანტიო ვადა გასულად არ ჩაითვლება და მიმწოდებელს ეკისრება წუნდებული საქონლის შეცვლის ვალდებულება საგარანტიო ვადის გასვლის შემდეგაც, თუკი საგარანტიო ვადის განმავლობაში აღნიშნულის თაობაზე შემსყიდველმა მიმართა მიმწოდებელს შესაბამისი წერილობითი მოთხოვნით.

მიმწოდებლის მიერ, საგარანტიო პერიოდის განმავლობაში (მიუხედავად ხელშეკრულების მოქმედების ვადის ამოწურვისა) წუნდებული საქონლის (ასეთის არსებობის შემთხვევაში) შეცვლა უნდა განხორციელდეს შემსყიდველის მხრიდან რაიმე დამატებითი ხარჯების გაწევის გარეშე.

პრეტენდენტს უნდა ჰქონდეს ანალოგიური ტიპის, ხასიათის, სირთულის და შინაარსის მომსახურების გაწევის გამოცდილება.

2.2.1.1 2023 წლის 1 იანვრიდან პრეტენდენტის მიერ ფაქტობრივად შესრულებული ანალოგიური ტიპის, ხასიათის, სირთულის და შინაარსის მომსახურების ღირებულებების ჯამი უნდა იყოს 50 000 ლარზე მეტი;
2.2.1.2 ანალოგიური ტიპის, ხასიათის, სირთულის და შინაარსის მომსახურებას მიეკუთვნება: გენერატორების შეკეთება ან/და ტექნიკური მომსახურება.
2.2.1.3 ინფორმაცია გამოცდილების შესახებ წარმოდგენილი უნდა იყოს დანართი N2-ის შესაბამისად;
2.2.1.4 პრეტენდენტის გამოცდილება უნდა დასადასტურდებოდეს:
2.2.1.4.1 ხელშეკრულებით;
2.2.1.4.2 წარმოდგენილი ხელშეკრულებების მიღება-ჩაბარების აქტებით და დადასტურებული ანგარიშ-ფაქტურებით ან/და სასაქონლო ზედნადებ(ებ)ით;
2.2.1.4.3 სახელმწიფო შესყიდვის განხორციელების შემთხვევაში პრეტენდენტს შეუძლია დანართი N2-ის ცხრილში მიუთითოს შესაბამისი SPA ან/და NAT ან/და CMR ან/და სხვა ნომერი (ასეთ შემთხვევაში არ არის სავალდებულო სისტემაში დადასტურებული ანგარიშ-ფაქტურების ან/და სასაქონლო ზედნადებების და იმ დოკუმენტაციის ატვირთვა, რომელიც უკვე ატვირთულია სახელმწიფო შესყიდვების ერთიან ელექტრონულ სისტემაში).

პრეტენდენტის მიერ ერთიან ელექტრონულ სისტემაში ასატვირთი ინფორმაცია/დოკუმენტაცია:

1. ფასების ცხრილი (პრეისკურანტი) (სატენდერო დოკუმენტაციის 1.3 პუნქტის შესაბამისად);
შენიშვნა: პრეტენდენტის მიერ პრეისკურანტი წარმოდგენილ უნდა იქნას „MS Excel“ ფორმატით და დამოწმებული PDF ფორმატით;
2. ინფორმაცია გარანტიის შესახებ (სატენდერო დოკუმენტაციის 1.7.1 პუნქტის შესაბამისად).
3. ინფორმაცია გამოცდილების შესახებ (სატენდერო დოკუმენტაციის 2.2.1 პუნქტის შესაბამისად).

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან აუდიტის მიერ გაცემული შესაბამისი დასკვნა (იმ შემთხვევაში, თუ დასკვნის გამცემი ორგანო არ იქნება სსიპ - ლევან სამხარაულის სახელობის სასამართლო ექსპერტიზის ეროვნული ბიურო, დასკვნასთან ერთად წარმოდგენილ უნდა იქნას დასკვნის გამცემი პირის, საქართველოს აკრედიტაციის ეროვნულ ორგანოს - აკრედიტაციის ცენტრის მიერ, საერთაშორისო სტანდარტის – ISO/IEC 17024 შესაბამისად აკრედიტირებული სერტიფიკაციის ორგანოს მიერ გაცემული ქონების შემფასებლის მოქმედი სერტიფიკატ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული საქონლის მიწოდების შესაძლებლობა.

დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების 28-ე მუხლთ განსაზღვრული პირობები.

7.2.1. სატენდერო წინადადების ფასი უნდა მოიცავდეს მომსახურების გაწევასთან დაკავშირებულ ყველა ხარჯს, ასევე საქართველოს კანონმდებლობით გათვალისწინებულ ყველა გადასახადს.
7.2.2. ანგარიშსწორება მოხდება უნაღდო ანგარიშსწორებით ეროვნულ ვალუტაში - ლარში, ყოველთვიურად, ფაქტიურად გაწეული მომსახურების შესაბამისად, მიღება–ჩაბარების აქტის გაფორმებისა და საქართველოს კანონმდებლობით გათვალისწინებული საგადასახადო დოკუმენტაციის შემსყიდველ ორგანიზაციაში წარმოდგენის შემდეგ.
7.2.3 არასრული თვის მომსახურების შემთხვევაში ანაზღაურება განხორციელდება პროპორციულად, დღეების შესაბამისად;
7.2.4. დაფინანსების წყარო: 2026 წლის სახელმწიფო ბიუჯეტი.

7.2 პუნქტში აღნიშნული დოკუმენტაციის გაფორმებიდან/წარმოდგენიდან არაუგვიანეს 10 სამუშაო დღე.

ნათია ქაშიბაძე, 558522622, n.kashibadze@mof.ge

10.1.1. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ორიგინალის სახით (ასლის შემთხვევაში ნოტარიულად დამოწმებული ასლი) ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.2. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3. პრეტენდენტი ვალდებულია სახელმწიფო შესყიდვებში ერთიან ელექტრონულ სისტემაში დოკუმენტაციის ატვირთვისას იხელმძღვანელოს „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონისა და 10.1 პუნქტში ატვირთული სახელმწიფო შესყიდვების განხორციელებისას, დოკუმენტებზე კვალიფიციური ელექტრონული ხელმოწერის შესრულების ან/და დოკუმენტების კვალიფიციური ელექტრონული შტამპით დამოწმების თაობაზე სახელმწიფო შესყიდვების სააგენტოს სახელმძღვანელო ინსტრუქციის შესაბამისად.
10.1.4. პრეტენდენტს არ აქვს უფლება წარმოადგინოს ალტერნატიული სატენდერო წინადადება.
10.1.5. პრეტენდენტი, რომელიც მონაწილეობას მიიღებს აღნიშნულ ტენდერში, ავტომატურად ეთანხმება სატენდერო დოკუმენტაციით გათვალისწინებულ ყველა მოთხოვნას.