Ремонт и техническое обслуживание транспортных средств и оборудования и сопутствующие услуги (Грузия - Тендер #69034263)

საქართველოს კულტურის სამინისტროს ბალანსზე რიცხული ავტოსატრანსპორტო საშუალებების შეკეთებისა და ტექნიკური მომსახურების სახელმწიფო შესყიდვა.

1. „საქართველოს კულტურის სამინისტროს სააგენტოს ბალანსზე რიცხული სხვადასხვა სახის ავტოსატრანსპორტო საშუალებების შეკეთება და ტექნიკური მომსახურება უნდა განხორციელდეს სატენდერო დოკუმენტაციით გათვალისწინებულ დანართი N2-ში მოცემულ კონკრეტულ ავტოსატრანსპორტო საშუალებებზე (კონკრეტული მარკის, მოდელის, საიდენტიფიკაციო ნომრის, გამოშვების წელის შესაბამისად);

2. მომსახურების გაწევის პირობები:

- მომსახურების გაწევა უნდა განხორციელდეს: ქ. თბილისი, ქ. ქუთაისი.
- პრეტენდენტს საკუთრებაში ან სარგებლობაში (იჯარა) უნდა გააჩნდეს მინიმუმ ერთი სერვისცენტრი ქ. თბილისში, რის დასტურადაც უნდა წარმოადგინოს ამონაწერი საჯარო რეესტრიდან ან საიჯარო ხელშეკრულება, რომლის მოქმედების ვადაც უნდა იყოს არანაკლებ 2026 წლის 31 დეკემბრისა.
- სერვისცენტრის ადგილმდებარეობა და რეკვიზიტები მითითებული უნდა იქნას სატენდერო დოკუმენტაციის დანართი N4-ში.
- პრეტენდენტმა თავისი ტექნიკური შესაძლებლობებით უნდა უზრუნველყონ სატენდერო დოკუმენტაციის დანართი N2-ში მოცემული ავტოსატრანსპორტო საშუალებების გამართული ფუნქციონირება, რაც თავისმხრივ გულისხმობს - საწარმოო ფართს, საწარმოო და სასაწყობო სათავსოებს, დაცულ ავტოსადგომს, სამუშაოს შესრულებისათვის საჭირო ძირითად და სათადარიგო მანქანა-დანადგარებს, საწარმოო სიმძლავრეებს, ავტონომიურ ელექტრო კვებასა და უსაფრთხოების უზრუნველყოფას.
- პრეტენდენტს ერთ საწარმო ფართში უნდა გააჩნდეს მინიმუმ 3 (სამი) საავტომობილო ამწე (მათ შორის ქ. თბილისში 8 (რვა) საავტომობილო ამწე). პრეტენდენტს ერთ საწარმოო ფართში ან მიმდებარედ არაუმეტეს 200მ რადიუსისა ასევე უნდა გააჩნდეს ელ. სისტემის დიაგნოსტიკური აპარატურა, ალტერნატიული ელექტრო კვების წყარო, საბურავის დაშლა აწყობის და ბალანსირების დანადგარი და განშლადობის გასასწორებელი დანადგარი.
- ტენდერში გამარჯვებულმა კომპანიამ ოპერატიულად უნდა უზრუნველყოს სატენდერო დოკუმენტაციით გათვალისწინებულ დანართ N2-ში მითითებული ავტოსატრანსპორტო საშუალებების შეკეთება და ტექნიკური მომსახურება სერვისცენტრში, ხოლო საჭიროების შემთხვევაში უზრუნველყოს ევაკუატორის დაქირავება და ავტომანქანის გადაყვანა სერვისცენტრში შესაკეთებლად ან საკუთარი მობილური ჯგუფის მეშვეობით ადგილზე ან სერვისცენტრში გადაყვანის შემდგომ მოახდინოს ავტომანქანის შეკეთება და ტექმომსახურების გაწევა. ავტოსატრანსპორტო საშუალებების შეკეთება გულისხმობს ყველა სახის სამუშაოებს ავტოსატრანსპორტო საშუალებების შეუფერხებელი ფუნქციონირების უზრუნველყოფის მიზნით, მათ შორის მიმდინარე და კაპიტალურ რემონტს, პროფილაქტიკური და დიაგნოსტიკური სამუშაოების ჩატარებას, უწესრიგობების აღმოფხვრას, სათადარიგო ნაწილების მოხსნა-დაყენებას, შეკეთებას ან/და გამოცვლას, საცხებ- საპოხი მასალების გამოცვლას, სათუნუქე და სამღებრო სამუშაოებს, ელექტროგაყვანილობების რემონტს და სხვა ძირითად კვანძებსა და სამუშაოებს რომლებიც მთლიანობაში ასახულია სატენდერო დოკუმენტაციით გათვალისწინებულ დანართ N2-ში (პრეისკურანტი).
- სხვადასხვა სახის ავტოსატრანსპორტო საშუალებების ტექნიკური მომსახურება უნდა განხორციელდეს მიმწოდებლისა და შემსყიდველის მიერ გამოყოფილი უფლებამოსილი პირების მიერ შედგენილი დეფექტური აქტის საფუძველზე;
- შემსყიდველის წარმომადგენლის მიერ ავტომანქანის მიმწოდებლის სერვისცენტრში შეყვანიდან მაქსიმუმ 1 (ერთ) საათის განმავლობაში მიმწოდებელი ვალდებულია შეადგინოს დეფექტური აქტი, რომლის ელექტრონული ვერსია დაუყოვნებლივ უნდა გაუგზავნოს შემსყიდველის მიერ გამოყოფილ კოორდინატორს ელ. ფოსტის მისამართზე შემდგომი შეთანხმებისთვის და შემსყიდველის თანხმობის (შესაძლებელია შემსყიდველის მიერ განხორციელდეს დეფექტურ აქტში მითითებული მომსახურების ან საქონლის რაოდენობის კორექტირება) შემთხვევაში მისი ხელმოწერის (ორივე მხარის მიერ ხელმოწერის შემდეგ დეფექტურ აქტში აუცილებლად უნდა დაფიქსირდეს თარიღი და დრო) შემდეგ მიმწოდებელმა დაიწყოს მომსახურების განხორციელება, ხოლო თუ მიმწოდებელი არ მოაწერს დეფექტურ აქტს ხელს შემსყიდველს უფლება აქვს ცალმხრივად გაწყვიტოს ხელშეკრულება. დეფექტურ აქტში მითითებულ უნდა იქნას დაზიანებული ავტოსატრანსპორტო საშუალების ფირმა, მოდელი, გამოშვების წელი, საიდენტიფიკაციო ნომერი და გარბენი (კილომეტრაჟი), აღმოჩენილი ხარვეზი, აღნიშნული ხარვეზის აღმოფხვრისათვის საჭირო
გასაწევი მომსახურებების ჩამონათვალი (საჭიროების შემთხვევაში შესაცვლელი სათადარიგო ნაწილების გათვალისწინებით), ხელშეკრულების პრეისკურანტში (დანართი N2) მითითებული ღირებულებების შესაბამისად;
- მიმწოდებლის მიერ ავტოსატრანსპორტო საშუალებების ტექნიკური მომსახურება თითოეულ შემთხვევაზე (შემსყიდველის წერილობითი შეტყობინებიდან ან დეფექტური აქტის დამტკიცებიდან), არ უნდა აღემატებოდეს: სავალი ნაწილებისათვის - 1 (ერთი) დღეს; ელექტროობისათვის - 1 (ერთი) დღეს; აგრეგატებისათვის - 2 (ორი) დღეს. იმ შემთხვევაში თუ საჭიროა ძრავის კაპიტალური რემონტის ჩატარება შესაძლებელია მომსახურების ვადა განისაზღვროს შემსყიდველთან შეთანხმებით, მაგრამ არაუმეტეს 10 (ათი) სამუშაო დღისა, ხოლო თუ ავტოტექმომსახურება ეხება დეფიციტური სათადარიგო ნაწილით უზრუნველყოფას, მომსახურების გაწევის ვადა განისაზღვრება არაუმეტეს 40 (ორმოცი) სამუშაო დღით. ამასთან, თუ რომელიმე სათადარიგო ნაწილის რეალიზაციას ახორციელებს საქართველოს ტერიტორიაზე არსებული ერთი ორგანიზაცია მაინც, ასეთი სათადარიგო ნაწილი არ ჩაითვლება დეფიციტურ ნაწილად.
- თუ გასაწევი მომსახურება არ არის გათვალისწინებული პრეისკურანტში მაშინ მხარეები შეთანხმების საფუძველზე აღნიშნულ გასაწევ მომსახურებას ან/და შესაცვლელი სათადარიგო ნაწილს ღირებულებების გათვალისწინებით უთითებენ დეფექტურ და მიღება-ჩაბარების აქტებში, ხელშეკრულებაში დამატებითი ცვლილებების შეტანის შემდგომ, სახელშეკრულებო ღირებულების შეუცვლელად.
- გაწეულ მომსახურებაზე ყოველ კონკრეტულ შემთხვევაში მხარეები ადგენენ მიღება-ჩაბარების აქტს, რომელშიც მითითებული უნდა იყოს გაწეული მომსახურების დეტალური აღწერა (საჭიროების შემთხვევაში სათადარიგო ნაწილ(ებ)ის გათვალისწინებით), რაოდენობა ან/და მოცულობა, ფასი და საერთო ღირებულება (მომსახურებების ფასები გათვალისწინებული იქნება პრეისკურანტში მოცემული ფასების შესაბამისად, ხოლო პრეისკურანტით გაუთვალისწინებელი მომსახურების ან/და შესაცვლელი სათადარიგო ნაწილის შემთხვევაში ფასი დადგინდება შემსყიდველთან წინასწარ შეთანხმების საფუძველზე მიმდინარე დროისთვის ბაზარზე არსებული ღირებულებების შესაბამისად).
3. პრეტენდენტის მიერ ერთიანი ელექტრონული სისტემის მეშვეობით წარდგენილი წინადადების ფასი არ უნდა აღემატებოდეს პრეისკურანტის სავარაუდო ღირებულებას და ფასის კლება შესაძლებელია განხორციელდეს მხოლოდ პრეისკურანტის სავარაუდო ღირებულებასთან მიმართებაში.
4. გასაწევი მომსახურებების და სათადარიგო ნაწილების ერთეულის ღირებულებები პოზიციების შესაბამისად პრეტენდენტის მიერ მითითებული უნდა იქნას პრეისკურანტში სატენდერო დოკუმენტაციის (დანართი N2) და არ უნდა აღემატებოდეს პრეისკურანტში ამავე პოზიციებზე დაფიქსირებულ ფასებს.
5. შემსყიდველის მიერ წარმოდგენილი პრეისკურანტის სავარაუდო ღირებულებასა და პრეტენდენტის მიერ დაფიქსირებულ ფასს შორის სხვაობის არსებობის შემთხვევაში, სხვაობა უნდა გამოანგარიშდეს პროცენტულად, რომლის მიხედვითაც ფასთა კლება პრეტენდენტმა პროცენტულად და პროპორციულად უნდა ასახოს სატენდერო დოკუმენტაციის დანართი №2‐ში მოცემულ ყველა პოზიციაზე.

ავტოსატრანსპორტო საშუალებების შეკეთება და ტექნიკური მომსახურება უნდა განხორციელდეს 2026 წლის 1 იანვრიდან 2026 წლის 31 დეკემბრამდე.

1.5.1 მომსახურების გაწევა უნდა განხორციელდეს მიმწოდებლის მიერ, მისივე ხარჯებით, დაუყოვნებლივ და რიგგარეშე.
1.5.2 მომსახურების გაწევა უნდა განხორციელდეს: ქ. თბილისში და ქ. ქუთაისში არსებულ სერვის ცენტრებში (დანართი N4).

1. ავტომანქანების ტექნიკური მომსახურება უნდა განხორციელდეს მაღალხარისხოვნად, აღნიშნულ მომსახურებაზე არსებული სტანდარტების სრული დაცვით. ყველა გამოცვლილი დეტალი უნდა იყოს ახალი (გამონაკლისის შემთხვევაში, შემსყიდველთან შეთანხმების დასაშვებია მეორადი), ხარისხიანი და ქარხნული წარმოების, წინააღმდეგ შემთხვევაში იგი ვალდებულია საკუთარი სახსრებით თავად უზრუნველყოს, როგორც მომსახურეობის მიმდინარეობის პერიოდში, ასევე საგარანტიო პერიოდში აღმოჩენილი ნებისმიერი ხარვეზის აღმოფხვრა, ასევე აღნიშნული მომსახურების პროცესში და საგარანტიო პერიოდში არახარისხოვნად გაწეული მომსახურების შედეგად გამოვლენილი ნებისმიერი სხვა ზიანის აღმოფხვრა შემსყიდველის მხრიდან დამატებითი ხარჯების გაწევის გარეშე.
2. მიმწოდებლის მიერ გაწეულ მომსახურებას და გამოყენებულ სათადარიგო ნაწილებზე უნდა გავრცელდეს გარანტია, კერძოდ: ძრავზე, გადაცემათა კოლოფზე და ხიდზე არანაკლებ 6 (ექვსი) თვე, ხოლო სხვა დანარჩენზე არანაკლებ 3 (სამი) თვე, გარდა იმ შემთხვევისა, როდესაც დაზიანება გამოწვეულია არასწორი ექსპლუატაციითა და გარეგანი ზემოქმედების შედეგად.
3. საცხებ-საპოხი მასალებზე, საგარანტიო ვადა განისაზღვრება კილომეტრაჟით:
- ძრავის ზეთებზე გარანტია - არანაკლებ 8 000 კმ;
- ავტომატური და მექანიკური გადაცემათა კოლოფის ზეთებზე გარანტია - არანაკლებ 30 000 კმ;

იხ. თანდართული დანართი N3 - გაწეული მომსახურებისა და გამოყენებულ სათადარიგო ნაწილების საგარნტიო პირობები და ვადების შესახებ.

პრეტენდენტს, უნდა გააჩნდეს ანალოგიური მომსახურების არანაკლებ 3 წლიანი გამოცდილება. პრეტენდენტს 2023, 2024 და 2025 წლებში, ყოველ წელიწადს, გაფორმებული უნდა ჰქონდეს მინიმუმ 1 ხელშეკრულება ანალოგიურ მომსახურებაზე (ავტოსატრანსპორტო საშუალების შეკეთება და ტექნიკური მომსახურება), რომელთა ფარგლებში ფაქტობრივად გაწეული მომსახურების ჯამური ღირებულება არ უნდა იყოს 300 000 (სამასი ათასი) ლარზე ნაკლები. ამასთან, თითოეული წლის განმავლობაში ფაქტობრივად გაწეული მომსახურების ჯამური ღირებულება არ უნდა იყოს 100 000 (ასიი ათასი) ლარზე ნაკლები.

ზემოაღნიშნული ინფორმაციის დასადასტურებლად პრეტენდენტმა უნდა წარმოადგინოს (სისტემაში ატვირთოს) ტენდერით გათვალისწინებულ ანალოგიურ მომსახურებაზე (ავტოსატრანსპორტო საშუალების შეკეთება და ტექნიკური მომსახურება) გაფორმებული ხელშეკრულებებისა და მიღება-ჩაბარების აქტის ასლები ან ინფორმაცია სატენდერო განცხადების SPA, NAT, CMR და ა.შ ნომრების შესახებ (ამ შემთხვევაში დამატებითი დოკუმენტაციის, ხელშეკრულება და მიღება-ჩაბარების აქტი, წარმოდგენა სავალდებულო არ არის), რითაც პრეტენდენტი დაადასტურებს ანალოგიური მომსახურების შესახებ თავის გამოცდილებას.

პრეტენდენტმა ასევე უნდა წარმოადგინოს მინიმუმ 2 სახელმწიფო შემსყიდველი ორგანიზაციის მიერ გაცემული დადებითი სარეკომენდაციო წერილი 2023 წლიდან ტენდერის გამოცხადებამდე პერიოდში გაწეულ ავტოსატრანსპორტო საშუალების შეკეთება და ტექნიკურ მომსახურებაზე, რომელიც გაცემული უნდა იყოს ტენდერის გამოცხადების შემდგომ პერიოდში. მათ შორის ერთი რეკომენდაცია უნდა იყოს მინიმუმ 100 000 (ასიი ათასი) ლარზე ფაქტობრივად გაწეულ მომსახურებაზე. (აღნიშნული მითითებული უნდა იყოს სარეკომენდაციო წერილში). სარეკომენდაციო წერილში ასევე მითითებული უნდა იყოს მომსახურების გაწევის პერიოდი, ხელშეკრულების ნომერი და შესრულდა თუ არა პირნათლად მიმწოდებლის მიერ ნაკისრი ვალდებულებები. სარეკომენდაციო წერილი უნდა იყოს სახელემწიფო შემსყიდველი ორგანიზაციის ბლანკზე, უფლებამოსილი პირის მიერ ხელმოწერით დადასტურებული.

2.3.1 მოთხოვნა პრეტენდენტის მატერიალურ-ტექნიკური ბაზის შესახებ.
- მომსახურების გაწევა უნდა განხორციელდეს: ქ. თბილისი, ქ.ქუთაისი.
- პრეტენდენტს საკუთრებაში ან სარგებლობაში (იჯარა) უნდა გააჩნდეს მინიმუმ ერთი სერვისცენტრი ქ. თბილისში, რის დასტურდაც უნდა წარმოადგინოს ამონაწერი საჯარო რეესტრიდან ან საიჯარო ხელშეკრულება, რომლის მოქმედების ვადაც უნდა იყოს არანაკლებ 2026 წლის 31 დეკემბრისა.
- თითოეულ სერვის-ცენტრს საწარმოო ფართის მიმდებარედ უნდა გააჩნდეს სასაწყობე ფართი და დაცული ავტოსადგომი.
პრეტენდენტს ერთ საწარმოო ფართში უნდა გააჩნდეს მინიმუმ:
• 3 (სამი) საავტომობილო ამწე (მათ შორის ქ. თბილისში 8 საავტომობილო ამწე)

პრეტენდენტს ერთ საწარმოო ფართში ან მიმდებარედ არაუმეტეს 200მ რადიუსისა უნდა გააჩნდეს:
• ელ. სისტემის დიაგნოსტიკური აპარატურა
• ალტერნატიული ელექტრო კვების წყარო
• საბურავის დაშლა აწყობის და ბალანსირების დანადგარი
• განშლადობის გასასწორებელი დანადგარი

- პრეტენდენტმა უნდა წარმოადგინოს ინფორმაცია, სერვისცენტრის ტექნიკური შესაძლებლობების შესახებ დანართ N4-ის შესაბამისად.

2.8.1 მიუთითეთ ქვეკონტრაქტორთან დაკავშირებული მოთხოვნები:
2.8.1.1 ქვეკონტრაქტორის არსებობის შემთხვევაში პრეტენდენტმა უნდა წარმოადგინოს ქვეკონტრაქტორ(ებ)თან სამართლებრივი ურთიერთობის დოკუმენტ(ებ)ი (ხელშეკრულება, შეთანხმება ან სხვა ექვივალენტური დოკუმენტი).
2.8.1.2 სავალდებულოა რომ აღნიშნულ ხელშეკრულებ(ებ)აში შესაბამისი მომსახურების გაწევის ვადები განსაზღვრული იყოს არანაკლებ ტენდერით განსაზღვრული მომსახურების გაწევის ვადების შესაბამისად - 2026 წლის 31 დეკემბრის ჩათვლით.
2.8.1.3 ავტოსატრანსპორტო საშუალებების შეკეთებისა და ტექნიკური მომსახურების გასაწევად შემოთავაზებული სერვის-ცენტრის იჯარის შემთხვევაში, იჯარის ვადა შესაბამისი ხელშეკრულებით განსაზღვრული უნდა იყოს არანაკლებ ტენდერით განსაზღვრული მომსახურების გაწევის ვადების შესაბამისად - 2026 წლის 31 დეკემბრის ჩათვლით.
2.8.1.4 ქვეკონტრაქტორი კომპანია არ უნდა იყოს რეგისტრირებული სახელმწიფო შესყიდვებში მონაწილე არაკეთილსინდისიერ პირთა რეესტრში – „შავი სია“
2.8.1.5 ხელშეკრულებით განსაზღვრული მომსახურების ქვეკონტრაქტორ(ებ)ზე გადაცემით მიმწოდებელი არ თავისუფლდება ხელშეკრულებით ნაკისრი ვალდებულებ(ებ)ისგან და აღნიშნული მომსახურების შესრულებაზე შემყიდველთან პასუხისმგებელია მიმწოდებელი.

პრეტენდენტის მიერ სისტემაში სავალდებულოდ ასატვირთი დოკუმენტებია:
- დანართი N2 (პრეისკურანტი);
- დანართი N3 (მომსახურებისა და სათადარიგო ნაწილების საგარანტიო პირობები და ვადები);
- დანართი N4 (სერვისცენტრის ტექნიკური შესაძლებლობები);
- პრეტენდენტის რეკვიზიტები, იმ შემთხვევაში, თუ პრეტენდენტს ერთიან ელექტრონულ
სისტემაში მითითებული არ აქვს ინფორმაცია რეკვიზიტების შესახებ;
- პრეტენდენტის გამოცდილების დამადასტურებელი დოკუმენტები, სატენდერო დოკუმენტაციის 2.2.1
პუნქტის შესაბამისად.
- მინიმუმ 2 შემსყიდველი ორგანიზაციის დადებითი რეკომენდაცია.

პრეტენდენტმა „შერჩევა-შეფასების“ ეტაპზე უნდა უზრუნველყოს, საქართველოს კულტურის სამინისტროს წარმომადგენლების წვდომა მის სერვის ცენტრებზე, რათა მათ შეაფასონ აღნიშნული სერვის ცენტრების შესაბამისობა სატენდერო დოკუმენტაციით გათვალისწინებულ პირობებთან.

პრეტენდენტმა „შერჩევა-შეფასების“ ეტაპზე უნდა უზრუნველყოს, საქართველოს კულტურის სამინისტროს წარმომადგენლების წვდომა მის სერვის ცენტრებზე, რათა მათ შეაფასონ აღნიშნული სერვის ცენტრების შესაბამისობა სატენდერო დოკუმენტაციით გათვალისწინებულ პირობებთან.

პრეტენდენტს სავარაუდო ღირებულებასთან შედარებით საბოლოო ფასის 20 %-ით ან მეტით კლების შემთხვევაში მოეთხოვება ფასწარმოქმნის ადეკვატურობა.

ფასწარმოქმნის ადეკვატურობა, შესაძლებელია დასაბუთდეს ექსპერტიზის დასკვნით, ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი), რომელიც ადასტურებს პრეტენდენტის მიერ ხელშეკრულებით ნაკისრი ვალდებულებების შესრულების შესაძლებლობას, როგორც მის მიერ დაფიქსირებულ წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებაში.

7.2.1 სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა გადასახადის გათვალისწინებით.
7.2.2 ანგარიშსწორება მიმწოდებელთან განხორციელდება უნაღდო ანგარიშწორების ფორმით ლარში;
7.2.3 ანგარიშსწორება განხორციელდება ეტაპობრივად, ფაქტიურად გაწეული მომსახურების ღირებულებების მიხედვით, შესაბამისი მიღება-ჩაბარების აქტ(ებ)ის გაფორმებისა და საქართველოს კანონმდებლობით დადგენილი შესაბამისი საგადასახადო დოკუმენტების წარმოდგენის საფუძველზე.
7.2.4 წინასწარი ანგარიშსწორების მექანიზმი არ გამოიყენება.

ანგარიშსწორება განხორციელდება ხელშეკრულების შესაბამისად გაფორმებული მიღება-ჩაბარების აქტისა და საგადასახადო დოკუმენტაციის წარდგენის საფუძველზე წარდგენიდან 10 (ათი) სამუშაო დღის განმავლობაში.

ირაკლი ციკოლია, 577959188, itsikolia@culture.gov.ge

10.1 დამატებითი ინფორმაცია/დოკუმენტები:
10.1.1 ტენდერთან დაკავშირებული დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე. დოკუმენტებთან დაკავშირებული სადავო საკითხების გადაწყვეტისას, უცხოურენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.2 სახელმწიფო შესყიდვების ერთიან ელექტრონულ სისტემაში (შემდგომში – სისტემა), ატვირთული ყველა დოკუმენტი (მათ შორის დანართები) ან/და ინფორმაცია, უფლებამოსილი პირის მიერ (საჭიროების შემთხვევაში ატვირთულ უნდა იქნას უფლებამოსილი პირის მინდობილობა ან რწმუნებულება) დამოწმებული უნდა იყოს ელექტრონული ხელმოწერით ან/და კვალიფიციური ელექტრონული შტამპით, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების გათვალისწინებით.
10.1.3 სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული „ელექტრონული ტენდერის ჩატარების წესის“ მე-8 მუხლით დადგენილი წესის შესაბამისად.
10.1.4 პრეტენდენტის მიერ წარმოდგენილ პრეისკურანტში დაფიქსირებული მომსახურების ერთეულის ღირებულება არ უნდა აღემატებოდეს ფასების ცხრილში შესაბამის პოზიციაზე დაფიქსირებულ ერთეულის სავარაუდო ღირებულებას.
10.1.5 შემსყიდველის მიერ წარმოდგენილი პრეისკურანტის სავარაუდო ღირებულებასა და პრეტენდენტის მიერ დაფიქსირებულ ფასს შორის სხვაობის არსებობის შემთხვევაში, სხვაობა უნდა გამოანგარიშდეს პროცენტულად, რომლის მიხედვითაც ფასთა კლება პრეტენდენტმა პროცენტულად და პროპორციულად უნდა ასახოს დანართი №2‐ში მოცემულ ყველა პოზიციაზე.
10.1.7 ტექნიკური დოკუმენტაცია დაზუსტებას არ დაექვემდებარება, თუ ხარჯთაღრიცხვა (პრეისკურანტი) არ იქნება წარმოდგენილი, ან იქნება წარმოდგენილი განუფასებლად, ან თუ განუფასებელი პოზიცი(ებ)ის რაოდენობა აღემატება განფასებულის - 5 %, ან იქნება არსებითად შეუსაბამო (ერთეულის ფას(ებ)ი აღემატება შემსყიდველის მიერ მომსახურების პრეისკურანტის შესაბამის გრაფაში მითითებულ ერთეულის სავარაუდო ფას(ებ)ს), აღნიშნულ შემთხვევაში მოხდება პრეტენდენტის დისკვალიფიკაცია შესყიდვის პროცედურიდან.
10.1.8 სატენდერო წინადადების წარდგენა გულისხმობს, რომ პრეტენდენტი ეთანხმება სატენდერო პირობებს.
10.1.9 სატენდერო წინადადების საერთო და თითოეული ერთეულის ფასის წარმოდგენა დასაშვებია მხოლოდ ეროვნულ ვალუტაში - ლარი.
10.1.10 პრეტენდენტს არა აქვს უფლება წარმოადგინოს ალტერნატიული სატენდერო წინადადება.