Вспомогательные услуги при транспортировке по земле, воде и воздуху (Грузия - Тендер #69034254)

შპს „საქართველოს გაზის ტრანსპორტირების კომპანიის” კუთვნილ ავტომანქანებსა და სპეც.ტექნიკაზე „GPS” სანავიგაციო/მონიტორინგის სისტემის მომსახურება.

ტექნიკური დოკუმენტაცია

• შპს „საქართველოს გაზის ტრანსპორტირების კომპანიის” კუთვნილ ავტომანქანებსა და სპეც.ტექნიკაზე „GPS” სანავიგაციო/მონიტორინგის სისტემის მომსახურების (შემდგომში - მომსახურება) სახელმწიფო შესყიდვა.
• ავტომანქანებისა და სპეც.ტექნიკის რაოდენობა, რომლებზეც უნდა განხორციელდეს მომსახურება: არანაკლებ 140 ერთეული და არაუმეტეს 180 ერთეული.
• მიმწოდებელი, მომსახურების უზრუნველსაყოფად საკუთარ „GPS” მოწყობილობებს, ხელშეკრულების მოქმედების პერიოდში, უსასყიდლოდ გადასცემს შემსყიდველს და ასევე საკუთარი ხარჯით დაამონტაჟებს ავტომანქანებსა და სპეც.ტექნიკაზე. მიმწოდებლის კუთვნილი დამონტაჟებული „GPS” მოწყობილობები დარჩება მიმწოდებლის მფლობელობაში და ხელშეკრულებით გათვალისწინებული მომსახურების დასრულების შემდეგ დაუბრუნდება მას.
• შემსყიდველ ორგანიზაციას კუთვნილებაში გააჩნია 36 (შეიძლება გაიზარდოს - 45 ერთეულამდე) ერთეული საწვავის მზომი მოწყობილობა.
• საწვავის მზომი მოწყობილობის მოდელია EPSILON ES. შემოთავაზებული GPS მოწყობილობა თავსებადი უნდა იყოს საწვავის მზომ მოწყობილობასთან და უნდა უზრუნველყოს საწვავის ავზში საწვავის რაოდენობის ჩვენება (ჩასხმა/ამოსხმა) ლაივ რეჟიმში.
1. მომსახურება სათანადო მონიტორინგის სისტემის საშუალებით უნდა ხორციელდებოდეს დროის უწყვეტ რეჟიმში 24 საათის განმავლობაში (24/7);
2. მონიტორინგის განხორციელება შესაძლებელი უნდა იყოს ,“ონლაინ“ ვებ-სერვერის საშუალებით. მონიტორინგის სისტემაში წვდომა შესაძლებელი უნდა იყოს ნებისმიერ ინტერნეტში ჩართული მოწყობილობიდან Google Chrome, Mozilla Firefox, Internet Explorer, Safari ინტერნეტ ბრაუზერების გამოყენებით, მხოლოდ შესაბამისი პაროლისა და მომხმარებლის სახელის გამოყენებით.
3. უნდა გააჩნდეს Google Streets/Satellite, Open Street Map და Microsoft Bing რუქების მხარდაჭერა.
4. შემსყიდველს უნდა გააჩნდეს საშუალება ადმინისტრატორის მომხმარებლიდან შექმნას მომხმარებლების ულიმიტო რაოდენობა უფლებების და სერვისებზე წვდომის მითითებით.
5. მონიტორინგის სისტემა საშუალებას უნდა იძლეოდეს შემსყიდველის ავტოსატრანსპორტო საშუალებების მდებარეობის შესახებ ინფორმაციის მიწოდება ხდებოდეს რეალური დროის რეჟიმში, ამასთან მანქანის პიქტოგრამაზე კურსორის მიტანისას უნდა ისახებოდეს მონაცემები ავტომანქანის მიმდინარე სიჩქარეზე, კოორდინატებზე, ადგილმდებარეობის მისამართზე, ძრავის მდგომარეობაზე (ჩართული/გამორთული), და მიმდინარე - ჯამურ განვლილ მანძილზე.
6. შესაძლებელი უნდა იყოს ავტოსატრანსპორტო საშუალების შესახებ სხვადასხვა ინფორმაციის მიწოდება:
6.1. პერიოდის მიხედვით მოძრაობის ისტორია ვიზუალურად რუკაზე - მოძრაობის ტრაექტორია გაჩერებების მითითებით.
6.2. მითითებული პერიოდის, კვირის დღეების მიხედვით ან საათობრივად განვლილი მანძილის, მოძრაობის დროის და მაქსიმალური სიჩქარის შესახებ ინფორმაციის მიღება.
6.3. კონკრეტული პერიოდის მიხედვით მარშრუტზე ინფორმაციის მიღება: მოძრაობის დაწყების დრო და მისამართი, მოძრაობის დასრულების დრო და მისამართი, მოძრაობის ხანგრძლივობა, ძრავის მუშაობის ხანგრძლივობა, განვლილი მანძილი, დაფიქსირებული მაქსიმალური სიჩქარე და საშუალო სიჩქარე.
6.4. კონკრეტული პერიოდის მიხედვით ჩართული ძრავით გაჩერების შესახებ ინფორმაციის მიღება, გაჩერების დროის და მისამართის მითითებით.
7. მონიტორინგის სისტემაში შესაძლებელი უნდა იყოს თითოეულ ავტოსატრანსპორტო საშუალებაზე მომხმარებელმა მიუთითოს მარკა/მოდელი, შეცვალოს ვიზუალური ხატულა, მიუთითოს მძღოლის/მძღოლების მონაცემები, მაქსიმალური დასაშვები სიჩქარე, მიუთითოს ავტოსატრანსპორტო საშუალებათა ჯგუფი. მაქსიმალური დასაშვები სიჩქარის გადაჭარბების შემთხვევაში, მიიღოს შეტყობინება, როგორც რეალური დროის რეჟიმში, ისე ასახვა სტატისტიკურ მონაცემებში.
8. შესაძლებელი იყოს ყველა ზემოაღნიშნული სტატისტიკური მონაცემების რეპორტების გენერირება და ექსპორტი Excel, PDF ფორმატში.
9. მონიტორინგის სისტემა უნდა უზრუნველყოფდეს შეტყობინებების ელექტრონულ ფოსტაზე ავტომატურად გადაგზავნას, მითითებული პერიოდის მიხედვით.
10. სტატისტიკური მონაცემები შენახული და ხელმისაწვდომი უნდა იყოს შემსყიდველისთვის ხელშეკრულების გაფორმებიდან არანაკლებ 2 (ორი) წლის განმავლობაში. ამასთანავე „მიმწოდებელს“ უფლება არ აქვს „შემსყიდველის“ წერილობითი თანხმობის გარეშე, გადასცეს მესამე პირს მასთან დაცული ნებისმიერი სახის ინფორმაცია ან/და GPS სისტემაზე წვდომა. აღნიშნულზე სრული პასუხსმგებლობა ეკისრება მიმწოდებელს საქართველოს კანონდმებლობის შესაბამისად.
11. მონიტორინგის სისტემას უნდა გააჩნდეს შემდეგი დამატებითი ფუნქციები:
11.1. მარშრუტის დაგეგმვის ფუნქცია;
11.2. EcoDrive ფუნქცია, თუ რომელი ავტოსატრანსპორტო საშუალება მოძრაობს/იმართება ყველაზე ოპტიმალურად (მონიტორინგი ხდება დაძვრა/გაჩერების სისწრაფეზე, მოძრაობის საშუალო სიჩქარეზე).
11.3. დასახლებული პუნქტებში რუკაზე იძებნებოდეს ქუჩები და შენობები დასახელებისა და ნომრების მიხედვით.
11.4. ლოგირების სისტემა (მომხმარებლების სისტემაში შესვლის ისტორია, მომხმარებელის ID, დროის და IP მისამართის მითითებით).
11.5. ოდომეტრის ჩვენება „ლაივ“ რეჟიმში - ბორტ კომპიუტერის მონაცემი; (ავტომობილის ტექნიკური შესაძლებლობიდან გამომდინარე)
11.6. საშუალო წვის ჩვენება „ლაივ“ რეჟიმში - ბორტ კომპიუტერის მონაცემი; (გარდა იმ სპეცტექნიკისა, რომელზეც დამონტაჟებულია საწვავის მზომი მოწყობილობა, ავტომობილის ტექნიკური შესაძლებლობიდან გამომდინარე)
11.7. საწვავის ავზში საწვავის რაოდენობა „ლაივ“ რეჟიმში - ბორტ კომპიუტერის მონაცემი; (გარდა იმ სპეცტექნიკისა, რომელზეც დამონტაჟებულია საწვავის მზომი მოწყობილობა, ავტომობილის ტექნიკური შესაძლებლობიდან გამომდინარე)
12. GPS მოწყობილობას უნდა გააჩნდეს შიდა მეხსიერება, რაც საშუალებას მისცემს GSM/GPRS სიგნალის დაკარგვის შემთხვევაში მონაცემები შეინახოს ლოკალურად კავშირის აღდგენამდე.
13. GPS მოწყობილობას უნდა გააჩნდეს შიდა კვების წყარო, რისი საშუალებითაც მთავარი კვების შეწყვეტის შემთხვევაში შესაძლებელი იქნება მონაცემების გადაგზავნა; (არანაკლებ 30 წთ განმავლობაში);
14. GPS მოწყობილობას უნდა გააჩნდეს ასევე აქსელომეტრი, რომლის საშუალებითაც შესაძლებელი იქნება მოწყობილობიდან ინფორმაციის მიღება იმ შემთხვევაში, თუ მოხდა ავტოსატრანსპორტო საშუალების დაქოქვის გარეშე გადაადგილება, ასევე მკვეთრი აჩქარება-შენელების პარამეტრების დაფიქსირება.
15. GPS მოწყობილობას უნდა გააჩნდეს AGPS (Assisted GPS) ტექნოლოგია ან გლობალური/მულტი ნავიგაციის სატელიტური სისტემა (GLONASS Support), რომლის მეშვეობითაც მოხდება აღნიშნული მოწყობილობის ადგილსამყოფელის უმალვე გადმოგზავნა ავტომობილის მდებარეობის მაქსიმალური სიზუსტით.
16. პროგრამულ უზრუნველყოფას უნდა გააჩნდეს პროგრამაში აღნიშნული ინფორმაციის ჩვენების შესაძლებლობა:
16.1. დარღვევები დღის ჭრილში.
16.2. ჯამური დგომის დრო დღის განმავლობაში.
16.3. ჯამური კმ დღის განმავლობაში ერთ და ყველა ავტომობილზე.
16.5. ტოპ 5 ავტომობილი, რომელსაც ყველაზე მეტი გარბენი აქვს.
17. მონიტორინგის განხორციელება შესაძლებელი უნდა იყოს მობილური აპლიკაციის საშუალებით IOS/Android სისტემიდან.

18. „GPS“ მოწყობილობა გამართულად უნდა მუშაობდეს -40°C - +55°C ტემპერატურის ფარგლებში;
19. პროგრამული ხარვეზის ან/და დაზიანების დაფიქსირებისას თუნდაც დაზიანება გამოწვეული იყოს შემსყიდველის მხრიდან (როდესაც ერთ ან რამდენიმე ავტომანქანაზე ვერ სრულდება ტექნიკური დოკუმენტაციით მოთხოვნილი ყველა პუნქტი), მიმწოდებელი ვალდებულია შემსყიდველისგან მიმწოდებლის მიერ მითითებულ ელექტრონულ მისამართზე შეტყობინების მიღებისთანავე დაიწყოს ხარვეზის ან/და დაზიანების აღმოფხვრა, უსასყიდლოდ,რისთვისაც განესაზღვრება გონივრული ვადა ქ.თბილისში - შეტყობინების მიღების მომდევნო დღიდან არაუმეტეს 24 სთ (მოქმედების დროში არ ჩაითვლება საქართველოს კანონმდებლობის შესაბამისად არსებული არასამუშაო და უქმე დღეები) ხოლო რეგიონებში ტექ.პერსონალის გაგზავნა უნდა გადაწყდეს მიმწოდებელსა და შემსყიდველს შორის შეთანხმებულ ვადაში, მაგრამ არაუმეტეს შეტყობინების მიღების მომდევნო დღიდან 72 საათისა (მოქმედების დროში არ ჩაითვლება საქართველოს კანონმდებლობის შესაბამისად არსებული არასამუშაო და უქმე დღეები)
20. მიმწოდებელმა კომპანიამ, „GPS“ მონიტორინგის სამართავი სისტემის მუშაობასთან დაკავშირებით, შემსყიდველის მოთხოვნის შემთხვევაში უნდა უზრუნველყოს შემსყიდველი კომპანიის თანამშრომლების ინსტრუქტაჟი.
21. GPS“ მოწყობილობებმა შემსყიდველის კუთვნილი სპეც.ტექნიკის შემთხვევაში უნდა უზრუნველყოს აღნიშნული სპეც.ტექნიკის მიერ ნამუშევარი საათების აღრიცხვა და მუშაობის (ობიექტის) ადგილის ზუსტი იდენტიფიცირება, როგორც პირდაპირ რეჟიმში ისე ჩანაწერის სახით, ასევე ჩანაწერის მონიშვნისას ავტომატურ რეჟიმში უნდა დაფიქსირდეს რუკაზე შესაბამისი ადგილი. ხსენებული სპეც. ტექნიკიდან თითოეულს გააჩნია ნამუშევარი საათების აღმრიცხველი მოწყობილობა, რომელთა ჩვენებასა და „GPS“ მოწყობილობის მიერ აღრიცხულ შესაბამის მონაცემებს შორის ცდომილება არ აღემატება ნამუშევარი საათების 1%.
22. მიმწოდებელმა კომპანიამ, შემსყიდველს უნდა გამოუყოს პერსონალური მენეჯერი, რომელიც უზრუნველყოფს, შემდგომში ხელშეკრულების ფარგლებში, წარმოქმნილ ნებისმიერი ხარვეზის თუ საჭირო სერვისის მიწოდებას.
23. შემსყიდველი ორგანიზაციის მიერ დაფიქსირებული, „GPS“ მონიტორინგის მომსახურების შეჩერების შემთხვევაში (ავტომანქანა/სპეცტექნიკა) მომსახურების საფასურის გადახდა - ფაქტობრივად განხორციელებული დემონტაჟის განხორციელების დღის გამოკლებით.

1. GPS მოწყობილობების უსასყიდლოდ მონტაჟი და პროგრამული უზრუნველყოფა ხელშეკრულების გაფორმებიდან, 10 (ათი) სამუშაო დღის განმავლობაში.

2. მომსახურების გაწევა უნდა განხორციელდეს GPS მოწყობილობების მონტაჟიდან და პროგრამული უზრუნველყოფიდან (მაგრამ არაუადრეს 2026 წლის 01 იანვრიდან) 2026 წლის 31 დეკემბრის ჩათვლით.

მონიტორინგის სისტემა გამართულად უნდა ფუნქციონირებდეს საქართველოს მთელ ტერიტორიაზე.

GPS მოწყობილობების მონტაჟი უნდა განხორციელდეს დანართი N2 - ში მითითებულ მდებარეობებზე (იხ. სატენდერო დოკუმენტაციის პუნქტი 2.9).

პრეტენდენტს უნდა გააჩნდეს ავტოსატრანსპორტო საშუალებებზე GPS სისტემების მეშვეობით მონიტორინგის განხორციელების გამოცდილება, ამასთან პრეტენდენტმა უნდა ატვირთოს ინფორმაცია (2023 წლის პირველი იანვრიდან ტენდერის გამოცხადების თარიღამდე, ერთი წლის გამოცდილებაც მისაღებია, სრული წელი არ იგულისხმება) ავტოსატრანსპორტო საშუალებებზე GPS სისტემების მეშვეობით მონიტორინგის განხორციელების თაობაზე, რომელთა ჯამური ღირებულება არ უნდა იყოს შესყიდვის სავარაუდო ღირებულების 50 % ნაკლები.
ატვირთული უნდა იყოს ავტოსატრანსპორტო საშუალებებზე GPS სისტემების მეშვეობით მონიტორინგის განხორციელების დამადასტურებელი დოკუმენტების ასლები (მიღება-ჩაბარების აქტები ან ანგარიშ-ფაქტურები ან/და ორმხრივად დადასტურებული სხვა დოკუმენტაცია ან/და სახელმწიფო შესყიდვების ერთიან ელექტრონულ სისტემაში კონკრეტული /SPA ან/და NAT ან/და CMR ან/და GEO ნომრები საიდანაც დადასტურდება ავტოსატრანსპორტო საშუალებებზე GPS სისტემების მეშვეობით მონიტორინგის განხორციელების მომსახურება).

იმ შემთხვევაში თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტმა შემსყიდველი ორგანიზაციის წერილობითი მოთხოვნის შემდეგ, უნდა წარმოადგინოს/ატვირთოს ფასწარმოქმნის ადეკვატურობის დასაბუთება. ფასწარმოქმნის ადეკვატურობა, შესაძლებელია დასაბუთდეს სსიპ ლევან სამხარაულის სასამართლო ექსპერტიზის ეროვნული ბიუროს ან/და საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული ან/და საშემფასებლო დასკვნით. დასკვნასთან ერთად ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი. დასკვნა ცალსახად უნდა ადასტურებდეს პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასით და აგრეთვე ჯამური ღირებულებით ამავე ფასების ცხრილით განსაზღვრული შესყიდვის ობიექტის მიწოდების შესაძლებლობას.
დასკვნის წარმოუდგენლობა ან/და უარყოფითი დასვნის წარმოდგენა გამოიწვევს შესაბამისი პრეტენდენტის დისკვალიფიკაციას.

1. ანგარიშსწორება მიმწოდებელთან განხორციელდება ლარში.
2. ანგარიშსწორება განხორციელდება ეტაპობრივად, ფაქტიურად მიღებული მომსახურების შესაბამისად.

მიღება-ჩაბარების აქტ(ებ)ის გაფორმებიდან და შესაბამისი საგადახდო ანგარიშ-ფაქტურ(ებ)ის დადასტურებიდან 10 (ათი) სამუშაო დღის ვადაში.

სანდრო შანავა, 595883614, s.shanava@ggtc.ge

1. პრეტენდენტს არა აქვს უფლება წარმოადგინოს ალტერნატიული წინადადება;
2. სატენდერო წინადადების ღირებულება უნდა მოიცავდეს შესყიდვის ობიექტის მიწოდებასთან დაკავშირებულ ყველა ხარჯსა და კანონით გათვალისწინებულ გადასახადებს. ხარჯები, რომლებიც სატენდერო წინადადების ფასში არ იქნება გათვალისწინებული, არ დაექვემდებარება ანაზღაურებას;
3. სატენდერო წინადადების ერთეულის ფასის და საერთო ღირებულების წარმოდგენა დასაშვებია მხოლოდ საქართველოს ეროვნულ ვალუტაში (ლარი);
4. პრეტენდენტმა მის მიერ შექმნილი, წინადადების სახით წარსადგენი დოკუმენტები (მაგ.სპეციფიკაცია, ფასების ცხრილი, ინფორმაცია საკუთარი გამოცდილების შესახებ, საგარანტიო პირობები და ა.შ.). უნდა დაამოწმოს/დაადასტუროს კვალიფიციური ხელმოწერით/კვალიფიციური შტამპით.;
5. სატენდერო წინადადება, აგრეთვე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია და დოკუმენტაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში,მათ უნდა დაერთოს ნოტარიულად დამოწმებული ქართული თარგმანი. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.