Нефть, уголь и нефтепродукты (Грузия - Тендер #69034238)

წინამდებარე სატენდერო დოკუმენტაციით განსაზღვრულ შესყიდვის ობიექტს წარმოადგენს სატრანსპორტო საშუალებების ძრავის ზეთებისა და ზეთის ფილტრების შესყიდვა (თანმდევი მომსახურებით).

ტექნიკური დავალება:

კონსოლიდირებულ ტენდერში გამარჯვების შემთხვევაში პრეტენდენტმა უნდა უზრუნველყოს შემდეგი სახის ტექ-მომსახურების გაწევა:

• სატრანსპორტო საშუალების ძრავის ზეთისა და ფილტრის შეცვლა (თანმდევი მომსახურება). მიმწოდებელი არ არის ვალდებული განახორციელოს ფილტრის შეცვლა/მიწოდება ზეთის შეცვლა/მიწოდების გარეშე.

• მიმწოდებელი არ არის ვალდებული განახორციელოს ძრავის ზეთისა და ფილტრის შეცვლა სპეც. ტექნიკასა და სატვირთო სატრანსპორტო საშუალებებზე.

ძრავის ზეთის ტექნიკური აღწერილობა მოცემულია მიბმულ ფაილში.

1.4.1.სატრანსპორტო საშუალების ძრავის ზეთის მიწოდება კასრებით (თითოეული ტექნიკური მახასიათებლის არანაკლებ 200 ლიტრისა) უნდა განხორცილდეს შემსყიდველის მოთხოვნიდან 10 (ათი) კალენდარული დღის ვადაში ხელშეკრულების გაფორმებიდან 2026 წლის 31 დეკემბრის ჩათვლით.

1.4.1.1. იმ შემთხვევაში თუ მისაწოდებელი ძრავის ზეთის რაოდენობა მეტია ან ტოლი 1000 (ათასი) ლიტრისა, მიწოდება უნდა განხორციელდეს შემსყიდველის მოთხოვნიდან 10 (ათი) სამუშაო დღის ვადაში.

1.4.2.სატრანსპორტო საშუალების ძრავის ზეთის და ფილტრის შეცვლა (მიმწოდებლის სერვის ცენტრი) უნდა განხორციელდეს შემსყიდველის მოთხოვნიდან 5 (ხუთი) კალენდარული დღის ვადაში ხელშეკრულების გაფორმებიდან არაუგვიანეს 2026 წლის 31 დეკემბრის ჩათვლით.

1.5.1. სატრანსპორტო საშუალების ძრავის ზეთის და ფილტრის შეცვლა, სავალდებულოდ, მიმწოდებელმა უნდა განახორციელოს შემდეგ ქალაქებში ან მათ მიმდებარე ტერიტორიაზე არაუმეტეს 15 კმ-ის რადიუსში (გარდა ქ. თბილისისა) განთავსებულ სერვის-ცენტრებში:

• ქ. თბილისი (არანაკლებ 5 სერვის-ცენტრი)
• ქ. ქუთაისი;
• ქ. ბათუმი;
• ქ. თელავი;
• ქ. ზუგდიდი;
• ქ. ახალციხე;
• ქ. გორი;
• ქ. მარნეული;
• ქ. ფოთი.

1.5.2. მიმწოდებელი საკუთარი ხარჯებით უზრუნველყობს სატრანსპორტო საშუალების ძრავის ზეთის მიწოდებას კასრებით (თითოეული ტექნიკური მახასიათებლის არანაკლებ 200 ლიტრისა) ზემოაღნიშნულ ქალაქებში. სხვა შემთხვევაში შემსყიდველი თავად უზრუნველყოფს შესყიდული ძრავის ზეთის ტრანსპორტირებას.

2.1.1.1.პრეტენდენტი ვალდებულია "ფასების ცხრილში" მოცემულ შესაბამის გრაფაში მიუთითოს ინფორმაცია შემოთავაზებული ძრავის ზეთის ბრენდის, ბრენდის წარმოშობის ქვეყნის და მწარმოებელი კომპანიის შესახებ.

2.1.1.2. იმ შემთხვევაში, თუ პრეტენდენტი არ მიუთითებს ინფორმაციას ძრავის ზეთის ბრენდის, ბრენდის წარმოშობის ქვეყნის ან/და მწარმოებელი კომპანიის შესახებ, პრეტენდენტი დაზუსტების გარეშე დაექვემდბარება დისკვალიფიკაციას. სატრანსპორტო საშუალებების ძრავის ზეთის ბრენდის, ბრენდის წარმოშობის ქვეყნის ან/და მწარმოებელი კომპანიის შესახებ ინფორმაცია არ ექვემდებარება ცვლილებას და უნდა იყოს საბოლოო, წინააღმდეგ შემთხვევაში პრეტენდენტი ასევე დაექვემდებარება დისკვალიფიკაციას. ამასთან თუ ძრავის ზეთის ბრენდის, ბრენდის წარმოშობის ქვეყნის ან/და მწარმოებელი კომპანიის შესახებ წარდგენილი ინფორმაცია არასრულყოფილია ან შეიცავს უზუსტობებს, თუმცა პრეტენდენტის მიერ სატენდერო წინადადების სახით წარდგენილი დოკუმენტ(ებ)ის/ინფორმაციის ერთობლიობით, მათი შეფასების, ანალიზისა და ურთიერთშეჯერების საფუძველზე შესაძლებელია შესყიდვის ობიექტის ბრენდის, ბრენდის წარმოშობის ქვეყნის ან/და მწარმოებელი კომპანიის იდენტიფიკაცია, სატენდერო კომისია უფლებამოსილია მიმართოს პრეტენდენტს აღნიშნულის დაზუსტების მოთხოვნით.

კონსოლიდირებულ ტენდერში მონაწილე პრეტენდენტს 2023 წლის 1 იანვრიდან წინამდებარე ტენდერის გამოცხადების თარიღამდე უნდა გააჩნდეს წინამდებარე ტენდერის სავარაუდო ღირებულების ოდენობის არანაკლებ ნახევრის (არანაკლებ 50%) ღირებულების (ლარის) სატრანსპორტო საშუალებების ძრავის ზეთების მიწოდების გამოცდილება. აღნიშნულის დასტურად, პრეტენდენტმა ელექტრონულ სისტემაში უნდა ატვირთოს პროდუქციის მიწოდების დამადასტურებელი დოკუმენტები:
ა) აუდიტორული ფირმების ან/და აუდიტორების სახელმწიფო რეესტრში რეგისტრირებული პირის მიერ გაცემული შესაბამისი დასკვნა (დასკვნაში მითითებული უნდა იყოს დასკვნის გამცემი პირის სახელმწიფო რეესტრში რეგისტრაციის ნომერი ან წარმოდგენილი უნდა იყოს "ბუღალტრული აღრიცხვის, ანგარიშგებისა და აუდიტის ზედამხედველობის სამსახურის ბრძანება აუდიტორების სახელმწიფო რეესტრში რეგისტრაციის თაობაზე". ამასთან, დასკვნის გამცემი პირი უნდა იძებნებოდეს https://www.saras.gov.ge ვებ-გვერდზე შესაბამის რეესტრში), რომლითაც უნდა დასტურდებოდეს, რომ პრეტენდენტს ზემოაღნიშნული პერიოდის განმავლობაში გააჩნია მოთხოვნილი ღირებულების სატრანსპორტო საშუალებების ძრავის ზეთების მიწოდების გამოცდილება,
ან
ბ)- ხელშეკრულებ(ები)ა და ამ ხელშეკრულების საფუძველზე გაფორმებული მიღება-ჩაბარების აქტ(ებ)ი (თუ მხოლოდ მიღება-ჩაბარების დამადასტურებელი დოკუმენტიდან ირკვევა სატრანსპორტო საშუალებების ძრავის ზეთების მიწოდება, მაშინ აუცილებელი არ არის ხელშეკრულების წარმოდგენა) ან/და
- სახელმწიფო შესყიდვების ერთიანი ელექტრონული სისტემის მონაცემები (SPA/NAT/CON/CMR… ნომრები, რომელშიც ატვირთული იქნება შესაბამისი დოკუმენტები ან/და ინფორმაცია) ან/და
-საგადასახოდო დოკუმენტი, სასაქონლო ზედნადები, ან საგადასახადო ანგარიშფაქტურა.

2.3.1.1. ტენდერში გამარჯვებული პრეტენდენტის მიერ სატრასპორტო საშუალების ძრავის ზეთისა და ფილტრის შესაცვლელად წარმოდგენილი საკუთრებაში და/ან სარგებლობაში არსებული ყველა სერვის-ცენტრი (ადგილმდებარეობის მიხედვით) აღჭურვილი უნდა იყოს ზეთის შემცვლელი ვაკუუმური ბალონით და მომსახურების გაწევისთვის საჭირო სხვა თანამედროვე აპარატურით და დანადგარებით. სერვისცენტრებში დაცული უნდა იყოს ჰიგიენური ნორმები.

2.3.1.2. მიმწოდებელმა წინამდებარე ტენდერის ფარგლებში, მისი ტექნიკური დოკუმენტაციით განსაზღვრულ სერვის-ცენტრებში უნდა უზრუნველყოს სატრანსპორტო საშუალების ძრავის ზეთისა და ფილტრის შეცვლა, ერთდროულად შემდეგი რაოდენობის ავტომანქანებისათვის:
- ქ. თბილისში (მითითებულ თითოეულ მისამართზე) - არანაკლებ 2 ავტომანქანა;
- რეგიონებში (ადგილმდებარეობის მიხედვით - მითითებულ თითოეულ მისამართზე) - არანაკლებ 1 ავტომანქანა;

2.3.1.3. სერვის ცენტრებს უნდა გააჩნდეს საჭირო ფართი იმისათვის, რომ უზრუნველყოს ზემოაღნიშნული რაოდენობების ფარგლებში შემსყიდველის ავტომობილების განთავსება ბოქსებში ან/და შესაბამის სადგომზე (დაცულ ტერიტორიაზე).

2.3.1.4. ავტომობილების ტექნიკური მომსახურება უნდა განხორციელდეს დაუყოვნებლივ, რიგგარეშედ.

პრეტენდენტი ვალდებულია ერთიან ელექტრონულ სისტემაში ატვირთოს ვებ-ბმული მწარმოებლის ოფიციალური ვებ-გვერდიდან, რომელიც დაადასტურებს შემოთავაზებული ზეთების ტექნიკური მახასიათებლების/სპეციფიკაციის შესაბამისობას სატენდერო დოკუმენტაციით განსაზღვრულ მოთხოვნებთან.

2.9.1. მომსახურების გაწევის პერიოდში, მიმწოდებლის ბრალეულობით ავტოსატრანსპორტო საშუალების დაზიანების შემთხვევაში, მიყენებული ზიანის აღმოფხვრის ხარჯების სრულად ანაზღაურება ეკისრება მიმწოდებელს.

2.9.2. შემოთავაზებული სატრანსპორტო საშუალების ძრავის ზეთის ფილტრების მწარმოებელს უნდა გააჩნდეს სტანდარტიზაციის საერთაშორისო ორგანიზაციის „ISO-16949“ ან IATF 16949 სერტიფიკატი. ხელშეკრულების გაფორმების შემდგომ შემსყიდველის მოთხოვნის შემთხვევაში მიმწოდებელი ვალდებულია წარუდგინოს მას აღნიშნული სერტიფიკატი.

იმ შემთხვევაში, თუ ტენდერში პრეტენდენტის მიერ დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტმა უნდა წარმოადგინოს ფასწარმოქმნის ადეკვატურობის დასაბუთება. ფასწარმოქმნის ადეკვატურობის დასაბუთება უნდა მოხდეს სსიპ ,,აკრედიტაციის ერთიანი ეროვნული ორგანო აკრედიტაციის ცენტრი’’-ს (https://gac.gov.ge/ka) მიერ აკრედიტებული ორგანიზაციის (პირი) დასკვნის საფუძველზე (დასკვნასთან ერთად ერთიან ელექტრონულ სისტემაში წარმოდგენილი უნდა იყოს აკრედიტაციის დამადასტურებელი დოკუმენტი), ან სსიპ ლევან სამხარაულის სახელობის სასამართლო ექსპერტიზის ეროვნული ბიუროს (http://expertiza.gov.ge/) დასკვნით, ან აუდიტის დასკვნით (დასკვნას თან უნდა ახლდეს „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონის შესაბამისად უფლებამოსილი ორგანოს (https://saras.gov.ge/) მიერ გაცემული საექსპერტო ან/და აუდიტორული საქმიანობის განხორციელების უფლების დამადასტურებელი დოკუმენტი).
ფასწარმოქმნის ადეკვატურობის დამადასტურებელი დოკუმენტით უნდა დასტურდებოდეს (ტექსტობრივად მკაფიოდ უნდა იკითხებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეული ფასებით და აგრეთვე ჯამური ღირებულებით წინამდებარე ტენდერით განსაზღვრული საქონლის მიწოდების შესაძლებლობა.

175680

5

10

ხელშეკრულების უზრუნველყოფის საბანკო გარანტიის მოქმედების ვადა უნდა განისაზღვრებოდეს ხელშეკრულების გაფორმებიდან მინიმუმ 2027 წლის 01 მარტის ჩათვლით.

6.2.4.1 ტენდერში გამოყენებული იქნება საბანკო ან სადაზღვევო კომპანიის მიერ გაცემული ხელშეკრულების შესრულების უზრუნველყოფის უპირობო (გარანტიით გათვალისწინებული თანხა შემსყიდველმა უნდა მიიღოს ყოველგვარი დამატებითი განმარტებებისა და მტკიცებულებების წარდგენის გარეშე, პირველი მოთხოვნისთანავე) და გამოუთხოვადი საბანკო გარანტია, ხელშეკრულების საერთო ღირებულების 5%–ის ოდენობით, ხოლო იმ შემთხვევაში, თუ პრეტენდენტის მიერ სისტემაში დაფიქსირებული სატენდერო წინადადების საბოლოო ფასი 20%-ით ან მეტით ნაკლები იქნება შესყიდვის სავარაუდო ღირებულებაზე, ხელშეკრულების საერთო ღირებულების 10%-ის ოდენობით. მიმწოდებელმა უნდა წარმოადგინოს გარანტია წინამდებარე ტენდერის საფუძველზე გასაფორმებელი თითოეული ხელშეკრულების ფარგლებში ინდივიდუალურად, თუ სახელშეკრულებო ღირებულება შეადგენს ან აღემატება 20 000.00 (ოცი ათასი) ლარს.

6.2.4.2 უპირობო, გამოუთხოვადი ხელშეკრულების შესრულების გარანტია წარდგენილი უნდა იქნეს შემსყიდველი ორგანიზაციისთვის ხელშეკრულების გაფორმებამდე.

6.2.4.3 უპირობო, გამოუთხოვადი ხელშეკრულების შესრულების გარანტია შემსყიდველ ორგანიზაციას წარედგინება მატერიალური დოკუმენტის ფორმით ან ელექტრონული დოკუმენტის ფორმით. (არარეზიდენტი პირის მიერ გაცემული ხელშეკრულების შესრულების გარანტია შემსყიდველ ორგანიზაციას წარედგინება მხოლოდ მატერიალური დოკუმენტის ფორმით).

6.2.4.4 უპირობო, გამოუთხოვადი ხელშეკრულების შესრულების გარანტია წარმოდგენილი უნდა იქნას საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიიდან, ეროვნულ ვალუტაში - ლარში.

6.2.4.5 პრეტენდენტის მიერ წარმოდგენილ ხელშეკრულების შესრულების უზრუნველყოფის გარანტიაში არ უნდა იყოს მითითებული, რომ გარანტია მცირდება შესრულების პროპორციულად.

ანგარიშსწორება განხორციელდება ეტაპობრივად ან მთლიანად საქონლის მიწოდების შემდეგ, შესაბამისი "მიღება-ჩაბარების" აქტ(ებ)ის გაფორმებისა და საქართველოს კანონმდებლობით დადგენილი შესაბამისი დოკუმენტების წარმოდგენის შემდეგ;

- ანგარიშსწორების ვალუტა - ლარი;

- გადახდის ფორმა იქნება უნაღდო, გადარიცხვა მოხდება მიმწოდებლის საბანკო ანგარიშზე;

ანგარიშსწორება განხორციელდება ეტაპობრივად ან მთლიანად საქონლის მიწოდების შემდეგ, შესაბამისი „მიღება-ჩაბარების “აქტ(ებ)ის გაფორმებისა და საქართველოს კანონმდებლობით დადგენილი შესაბამისი დოკუმენტების წარმოდგენიდან 10 (ათი) სამუშაო დღის განმავლობაში.

ლაშა კირვალიძე, 571255255, lkirvalidze@spa.ge

10.1.1. წინამდებარე სატენდერო დოკუმენტაცია შემუშავებულია „სახელმწიფო შესყიდვების შესახებ“ საქართველოს კანონის (შემდგომში - კანონი) მე-20 მუხლის 2 პრიმა მუხლის, სახელმწიფო შესყიდვების სააგენტოს თავმჯდომარის 2018 წლის 14 დეკემბრის N14 ბრძანებით დამტკიცებული „კონსოლიდირებული ტენდერის ჩატარების წესისა და პირობების დამტკიცების შესახებ“ და აგრეთვე, საქართველოს მთავრობის 2025 წლის 29 სექტემბრის N1575 განკარგულების „2026-2027 წლების განმავლობაში სხვადასხვა სახის საქონლისა და მომსახურების სახელმწიფო შესყიდვის კონსოლიდირებული ტენდერ(ებ)ის საშუალებით განხორციელების თაობაზე“ პირველი მუხლის „დ“ ქვეპუნქტის („2026 წლის განმავლობაში სატრანსპორტო საშუალებების ძრავის ზეთებისა და ზეთის ფილტრების სახელმწიფო შესყიდვის კონსოლიდირებული ტენდერ(ებ)ი") საფუძველზე.

10.1.2. კონსოლიდირებულ ტენდერში მონაწილეობის მიღება შეუძლიათ მხოლოდ სისტემაში „მიმწოდებლად“ რეგისტრირებულ მომხმარებლებს.

10.1.3. სისტემაში რეგისტრირებული ყველა შემსყიდველი ორგანიზაცია ვალდებულია, სახელმწიფო შესყიდვების შესახებ“ საქართველოს კანონის მე-3 მუხლის პირველი პუნქტის „ა“ ქვეპუნქტით გათვალისწინებული სახსრების განკარგვის მიზნითა და მხოლოდ მის ფარგლებში, 2026 წლის 31 დეკემბრის ჩათვლით, წინამდებარე სატენდერო დოკუმენტაციის დანართი №1-ით განსაზღვრული პარამეტრების მქონე ძრავის ზეთებისა და ფილტრების სახელმწიფო შესყიდვა განახორციელოს 2026 წლის განმავლობაში სატრანსპორტო საშუალებების ძრავის ზეთებისა და ზეთის ფილტრების სახელმწიფო შესყიდვის კონსოლიდირებული ტენდერის საშუალებით, გარდა უცხო ქვეყანაში საქართველოს შინაგან საქმეთა სამინისტროს, საქართველოს სახელმწიფო უსაფრთხოების სამსახურის, საქართველოს თავდაცვის სამინისტროს, თავდაცვის ატაშეს, აგრეთვე საქართველოს დიპლომატიური წარმომადგენლობისა, საკონსულო დაწესებულების მიერ ავტოსატრანსპორტო საშუალებებისთვის განკუთვნილი ძრავის ზეთების შესყიდვის შემთხვევებისა ან თუ აღნიშნული შესყიდვა ეწინააღმდეგება რაციონალური ხარჯვის პრინციპს (მაგ: ტერიტორიულობის პრინციპიდან გამომდინარე; საქართველოს მთავრობის 2011 წლის 21 იანვრის №26 დადგენილების ფარგლებში ავტოსატრანსპორტო საშუალებების ტექნიკური მომსახურების გამარტივებული შესყიდვის საშუალებით სახელმწიფო შესყიდვის განხორცილებისას ან თუ სატრანსპორტო საშუალების ძრავის შეკეთების შემდგომ, ძრავზე გავრცელდება გარანტია მხოლოდ იმ შემთხვევში თუ ძრავის ზეთის შეცვლა განხორციელდება იმავე ხელშეკრულების ფარგლებში).

10.1.4. სატენდერო დოკუმენტაციით განსაზღვრული შემსყიდველი ორგანიზაცია, რომელზეც სავალდებულო წესით ვრცელდება კონსოლიდირებული ტენდერის მოქმედება, წინამდებარე სატენდერო დოკუმენტაციით განსაზღვრული საქონლის კონსოლიდირებული ტენდერის ფარგლებს გარეთ შესყიდვის საჭიროების შემთხვევაში, შესაბამისი დასაბუთებით მიმართავს 2026 წლის განმავლობაში სატრანსპორტო საშუალებების ძრავის ზეთებისა და ზეთის ფილტრების კონსოლიდირებული ტენდერების სატენდერო კომისიას (შემდეგში - სატენდერო კომისია). სატენდერო კომისიის თანხმობის შემთხვევაში, შესყიდვა განხორციელდება სახელმწიფო შესყიდვების მარეგულირებელი კანონმდებლობის შესაბამისად;

10.1.5. სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით. ფასის წარმოდგენა დასაშვებია მხოლოდ ლარში;

10.1.6. პრეტენდენტი ვალდებულია საქონლის ერთეულის ფასი დააფიქსიროს (დაამრგვალოს) ლარის მეასედის სიზუსტით; დანართი N1-ში პრეტენდენტის მიერ თითოეულ პოზიციაზე მითითებული ერთეულის ფასი არ უნდა აღემატებოდეს სატენდერო დოკუმენტაციით იმავე პოზიციაზე განსაზღვრულ ზღვრულ ერთეულის ღირებულებას.

10.1.7. პრეტენდენტმა თავის სატენდერო წინადადებაში დეტალურად უნდა მიუთითოს შემოთავაზებული საქონლის შესახებ ინფორმაცია დანართი N1-ის შესაბამისად, რაც უნდა ქმნიდეს შემოთავაზებული საქონლის ზუსტი იდენტიფიცირების შესაძლებლობას.

10.1.8. პრეტენდენტი ვალდებულია სახელმწიფო შესყიდვების ერთიან ელექტრონულ სისტემაში წარმოსადგენ მის მიერ შექმნილ დოკუმენტებზე ან/და ინფორმაციაზე (გარდა excel-ის ფორმატის ფაილისა) შეასრულოს კვალიფიციური ელექტრონული ხელმოწერა ან/და ეს დოკუმენტ(ებ)ი დაამოწმოს კვალიფიციური ელექტრონული შტამპით, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის შესაბამისად;

10.1.9. გამარჯვებული პრეტენდენტის სატენდერო წინადადება ძალაშია 2026 წლის 31 დეკემბრის ჩათვლით.

10.1.10.პრეტენდენტის მიერ სატენდერო წინადადების ან მისი შემადგენელი დოკუმენტის წარდგენა შესაძლებელია როგორც ქართულ, ასევე უცხოურ ენებზე. დოკუმენტის უცხოურ ენაზე წარდგენის შემთხვევაში, პრეტენდენტი ვალდებულია წარადგინოს მათი სანოტარო წესით დამოწმებული თარგმანი (დიპლომირებული მთარგმნელის ხელმოწერის დამოწმება). დოკუმენტთან დაკავშირებული სადავო საკითხ(ებ)ის გადაწყვეტისას უცხოურენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია. სატენდერო კომისია, უფლებამოსილია, მოსთხოვოს პრეტენდენტს შესაბამისი დოკუმენტის ორიგინალის ან/და ნოტარიულად დამოწმებული ასლის წარმოდგენა, რომლითაც შესაძლებელი იქნება წარმოდგენილი დოკუმენტების ნამდვილობის დადასტურება;
10.1.10.1. პრეტენდენტის მიერ წარმოდგენილ დოკუმენტს თარგმნა არ სჭირდება, თუ იგი შედგენილია ერთი დოკუმენტის სახით, რომელშიც ტექსტი პარალელურად ქართულ და უცხოურ ენებზეა. ასეთ შემთხვევაში შეუსაბამობის არსებობისას პრიორიტეტი ენიჭება ქართულ ენას.

10.1.11. სატენდერო კომისია სატენდერო წინადადებებს განიხილავს გონივრულ ვადაში და შედეგები გამოქვეყნდება სისტემის მეშვეობით.

10.1.12. შემსყიდველი ორგანიზაცია ვალდებულია, ხელშეკრულების გაფორმების თაობაზე გამარჯვებულ პრეტენდენტს მიმართოს წერილობითი ფორმით. თავის მხრივ, გამარჯვებული პრეტენდენტი ვალდებულია, შემსყიდველი ორგანიზაციის მიმართვიდან არაუგვიანეს ხუთი სამუშაო დღის ვადაში, გააფორმოს მასთან ხელშეკრულება ან არგუმენტირებული წერილობითი უარი განაცხადოს ხელშეკრულების გაფორმებაზე.

10.1.13. სატენდერო კომისიასთან მიმოწერა კონსოლიდირებულ ტენდერთან დაკავშირებული ნებისმიერ საკითხზე შესაძლებელია განხორციელდეს შემდეგი ელექტრონული ფოსტის filter2026@spa.gov.ge ან/და კონსოლიდირებული ტენდერების მენეჯმენტის სისტემის ctd.spa.ge მეშვეობით. აღნიშნული ელექტრონული ფოსტისა და კონსოლიდირებული ტენდერების მენეჯმენტის სისტემის საშუალებით გაგზავნილი კორესპონდენცია წარმოადგენს იურიდიული ძალის მქონე დოკუმენტს.

10.1.14. შესაბამისი სტატისტიკის წარმოების მიზნით მიმწოდებელი ვალდებულია სატენდერო კომისიას წარუდგინოს ინფორმაცია კონსოლიდირებული ტენდერის ფარგლებში ფაქტობრივად მიწოდებული საქონლის შესახებ (მათ შორის იმ შემსყიდველისათვის მიწოდებული საქონლის შესახებ, რომელიც შემდგომ შემოუერთდა აღნიშნულ ტენდერს), სატენდერო კომისიის მიერ დადგენილი ფორმით, მოთხოვნიდან 5 სამუშაო დღის ვადაში.

10000