Оборудование для подъема и перемещения и запасные части для подобного оборудования (Грузия - Тендер #69000574)

შეზღუდული შესაძლებლობის მქონე პირებისთვის განკუთვნილი სავარძლის ტიპის შიდა კიბის ლიფტის (პლათფორმა) (თანმდევი მომსახურებით - მონტაჟი) სახელმწიფო შესყიდვა.

1.2.1 შესყიდვის ობიექტის მინიმალურ-ტექნიკური მახასიათებლები:
1.2.1.1 დანიშნულება: დახურულ სივრცეში შეზღუდული შესაძლებლობის მქონე პირთა გადასაადგილებელი;
1.2.1.2 განკთვნილი: კიბეზე დასამონტაჟებელი:
1.2.1.3 ტვირთ ამწეობა: არანაკლებ 125 კგ;
1.2.1.4 სიჩქარე (მ/წმ): არანაკლებ 0.10 მ/წმ;
1.2.1.5 მოძრაობის მანძილი: არანაკლებ 6550 მმ;
1.2.1.6 გაჩერების რაოდენობა: 2;
1.2.1.7 სავარძლის ტიპი: ასაკეცი სავარძელი;
1.2.1.8 სავარძელის სახელურები: ასაკეცი;
1.2.1.9 კორპუსის მასალა: მეტალი;
1.2.1.10 სავარძელი და სახელურები დაფარული უნდა იყოს ტყავით ან ტყავის შემცვლელით.
1.2.1.11 მოხვევის სახეობა: სრული მოხვევა.

1.2.2 ლიფტის დამონტაჟების ადგილზე და მონტაჟის სირთულის წარმოდგენის შექმნის მიზნით სატენდერო დოკუმენტაციის 1.2 პუნქტში ატვირთულია „კიბის უჯრედში შეზღუდული შესაძლებლობების მქონე პირთა ლიფტის მოწყობის პროექტი“ (დანართი N2).

1.2.3 რაოდენობა: 1 (ერთი) კომპლექტი.

1.2.4 მიმწოდებელი ვალდებულია, შესყიდვის ობიექტის (თანმდევი მომსახურებით - მონტაჟი) მიწოდების პროცესში დაიცვას კანონმდებლობით გათვალისწინებული შრომისა და ტექნიკური უსაფრთხოების ნორმები.
1.2.5 მიმწოდებლის მიერ თანმდევი მომსახურების (მონტაჟი) გაწევის პროცესში გამოყენებული ყველა მასალა უნდა შეესაბამებოდეს ამ სფეროში აღიარებულ სტანდარტებს.
1.2.6 მიმწოდებლის მიერ თანმდევი მომსახურების (მონტაჟი) გაწევისას გათვალისწინებული უნდა იქნას, საქართველოს მთავრობის 2013 წლის 31 დეკემბრის N446 დადგენილებით დამტკიცებული, „ლიფტების უსაფრთხო ექსპლუატაციის შესახებ ტექნიკური რეგლამენტისა“ და საქართველოს მთავრობის 2011 წლის 26 ივლისის N289 დადგენილებით დამტკიცებული, „ლიფტების უსაფრთხოების შესახებ ტექნიკური რეგლამენტის“ მოთხოვნები.
1.2.7 მიმწოდებელი ვალდებულია, მომსახურების (მონტაჟი) გაწევის შემდგომ, მიღება-ჩაბარების აქტის გაფორმებამდე წარმოადგინოს სსიპ „ლევან სამხარაულის სახელობის სასამართლო ექსპერტიზის ეროვნული ბიუროს“ ან სხვა აკრედიტირებული პირის (სხვა აკრედიტირებული პირის მიერ გაცემულ აქტთან ერთად წარმოდგენილ უნდა იქნას აქტის გამცემი პირის აკრედიტაციის დამადასტურებელი დოკუმენტის ასლი) მიერ გაცემული დამიწების კონტურის წინაღობის გაზომვის აქტი.
1.2.8 მიმწოდებელი ვალდებულია, მომსახურების (მონტაჟი) გაწევის შემდგომ, მიღება-ჩაბარების აქტის გაფორმებამდე, წარმოადგინოს სსიპ „ლევან სამხარაულის სახელობის სასამართლო ექსპერტიზის ეროვნული ბიუროს“ ან სხვა აკრედიტირებული პირის (სხვა აკრედიტირებული პირის მიერ გაცემულ „ინსპექტირების სერთიფიკატთან“ ერთად წარმოდგენილ უნდა იქნას აქტის გამცემი პირის აკრედიტაციის დამადასტურებელი დოკუმენტის ასლი) მიერ გაცემული „ლიფტების უსაფრთხო ექსპლუატაციის შესახებ ტექნიკური რეგლამენტის“/„ლიფტების უსაფრთხოების შესახებ ტექნიკური რეგლამენტის“ მოთხოვნებთან შესაბამისობის „ინსპექტირების სერთიფიკატი“.
1.2.9 მიმწოდებელი ვალდებულია, ლიფტის ექსპლუატაციაში გაშვებამდე, „მომეტებული ტექნიკური საფრთხის შემცველი ობიექტების უწყებრივი რეესტრის წარმოების წესის დამტკიცების შესახებ” საქართველოს მთავრობის 2012 წლის 31 ივლისის №317 დადგენილებით დამტკიცებული „მომეტებული ტექნიკური საფრთხის შემცველი ობიექტების უწყებრივი რეესტრის წარმოების წესი“-ს შესაბამისად, დაარეგისტრიროს სსიპ „ტექნიკური და სამშენებლო ზედამხედველობის სააგენტოს“ მომეტებული ტექნიკური საფრთხის შემცველი ობიექტების უწყებრივი რეესტრში.

1.2.10 პრეტენდენტს უფლება აქვს შემსყიდველის მიერ გამოყოფილ ტექნიკურ ზედამხედველთან ერთად ტენდერის დასრულებამდე ადგილებზე გაეცნოს შესყიდვის ობიექტის დამონტაჟების ადგილს და ვითარებას.

ხელშეკრულების ძალაში შესვლიდან არაუგვიანეს 90 კალენდარული დღე, სსიპ „ლევან სამხარაულის სახელობის ექსპერტიზის ეროვნული ბიუროს“ ან სხვა აკრედიტირებული პირის მიერ გაცემული დამიწების კონტურის წინაღობის გაზომვის აქტის და დადებითი „ინსპექტირების სერთიფიკატი“-ს მიწოდების ჩათვლით.

ქ. დუშეთი, გალაკტიონ ტაბიძის ქ. N2 (ს.კ. 71.51.03.900).

1.7.1.1 შემოთავაზებული საქონელი უნდა იყოს ახალი, ნივთობრივად და უფლებრივად უნაკლო.
1.7.1.2 შესყიდვის ობიექტის საგარანტიო ვადა უნდა შეადგენდეს მიწოდების დღიდან არანაკლებ 2 წელს.
1.7.1.3 შესყიდვის ობიექტის მიერ გამოვლენილი წუნის/ხარვეზის/დეფექტის შემთხვევაში, მიმწოდებელი ვალდებულია შემსყიდველის მოთხოვნიდან არაუგვიანეს 5 (ხუთ) კალენდარული დღის ვადაში, შემსყიდველის მხრიდან რაიმე დამატებითი დანახარჯების გაწევის გარეშე, წუნის/ხარვეზის/დეფექტის მქონე საქონელი შეაკეთოს ან შეცვალოს ახლით.
1.7.1.4 წუნის/ხარვეზის/დეფექტის გამო საქონლის შეკეთების ან შეცვლის საჭიროების შემთხვევაში საქონლის ტრანსპორტირება უნდა უზრუნველყოს მიმწოდებელმა.

2.1.1.1 პრეტენდენტი ვალდებულია ფასების ცხრილში (დანართი N1) მიუთითოს შესყიდვის ობიექტის წარმოშობის წყარო, მწარმოებელი ან/და სავაჭრო ნიშანი და მარკა ან/და მოდელი
2.1.1.2 პრეტენდენტი ვალდებულია ფასების ცხრილში (დანართი N1) შესყიდვის ობიექტის წარმოშობის წყარო, მწარმოებელი ან/და სავაჭრო ნიშანი და მარკა ან/და მოდელი მითითებისას დასახელება მიუთითოს სრულად და ზუსტად.
2.1.1.3 პრეტენდენტის მიერ შესყიდვის ობიექტის წარმოშობის წყაროს, მწარმოებელის ან/და სავაჭრო ნიშანის და მარკას ან/და მოდელის შესახებ წარდგენილი ინფორმაცია არასრულყოფილია ან შეიცავს უზუსტობებს, თუმცა, მის მიერ სატენდერო წინადადების სახით წარდგენილი დოკუმენტ(ებ)ის/ინფორმაციის ერთობლიობით, მათი შეფასების, ანალიზისა და ურთიერთშეჯერების საფუძველზე შესაძლებელია შესყიდვის ობიექტის შესყიდვის ობიექტის წარმოშობის წყაროს, მწარმოებელის ან/და სავაჭრო ნიშანის და მარკას ან/და მოდელის იდენტიფიკაცია, სატენდერო კომისია უფლებამოსილია მიმართოს პრეტენდენტს აღნიშნულის დაზუსტების მოთხოვნით.
2.1.1.4 პრეტენდენტის მიერ გათვალისწინებული ინფორმაციის წარმოუდგენლობა დაზუსტებას არ დაექვემდებარება და გამოიწვევს მის დისკვალიფიკაციას.

2.2.1.1 პრეტენდენტს 2022 წლის 1 იანვრიდან გაგაჩნიათ არანაკლებ 50 000.00 ლარის ოდენობის ლიფტების (თანმდევი მომსახურებით - მონტაჟი) მიწოდების განხორციელების გამოცდილება. აღნიშნულის დასადასტურებლად პრეტენდენტის მიერ ერთიან ელექტრონულ სისტემაში ატვირთული უნდა იქნას ხელშეკრულებ(ები)ა და ამ ხელშეკრულებ(ებ)ის შესრულების დამადასტურებელი დოკუმენტაცია (მიღება-ჩაბარების აქტ(ებ)ი ან შესრულების დამადასტურებელი სხვა დოკუმენტაცია).
2.2.1.2 იმ შემთხვევაში თუ შესყიდვის ხელშეკრულება და შესრულების დამადასტურებელი დოკუმენტაცია არ იძებნება შესყიდვების ერთიან ელექტრონულ სისტემაში, პრეტენდენტმა უნდა წარმოადგინოს ანალოგიური გამოცდილების შესახებ ინფორმაცია, რომელიც მიმწოდებლისა და შემსყიდველის მიერ უნდა იყოს ელექტრონულად ხელმოწერილი ან/და დამოწმებული კვალიფიციური შტამპით.
2.2.1.3 იმ შემთხვევაში, თუ სატენდერო დოკუმენტაციის 2.2.1.1 პუნქტით მოთხოვნილი დოკუმენტაცია ატვირთულია შესყიდვების ერთიან ელექტრონულ სისტემაში, პრეტენდენტს შეუძლია გამოცდილების შესახებ დანართში N3-ში („ინფორმაცია გამოცდილების შესახებ“) მიუთითოს შესაბამისი CMR ან/და SPA ან/და NAT ან/და სხვა შესყიდვის საშუალების ნომრები და არ წარმოადგინოს მოთხოვნილი დოკუმენტაცია.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის ან/და საშემფასებლო დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტის ასლი), რომლებშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული შესყიდვის ობიექტის მიწოდების შესაძლებლობა.
დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული წესის მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

7.1.1.1 თუ მიმწოდებელი შესყიდვის ობიექტის (თანმდევი მომსახურებით - მონტაჟი) მიწოდებას ვერ შეძლებს 2025 წლის 20 დეკემბრის ჩათვლით, მისაწოდებელი შესყიდვის ობიექტის, 2025 წლის სახელმწიფო ბიუჯეტით გათვალისწინებული, ღირებულება (მოსაწოდებელი შესყიდვის ობიექტის 2025 წლის სახელმწიფო ბიუჯეტით გათვალისწინებული ღირებულების 100%-ის ოდენობით) ანაზღაურდება მიმწოდებლის მიერ წარმოდგენილი წინასწარი ანგარიშსწორების, საავანსო საბანკო გარანტიის საფუძველზე, საავანსო თანხის იდენტური ოდენობის, უპირობო, გამოუთხოვადი საბანკო გარანტიის წარმოდგენის შემდგომ. საავანსო საბანკო გარანტია შემსყიდველთან წარმოდგენილი უნდა იქნეს არაუგვიანეს 2025 წლის 25 დეკემბრისა. მიმწოდებელმა ავანსის თანხები უნდა გამოიყენოს მხოლოდ ამ შესყიდვებთან დაკავშირებული ვალდებულებების შესასრულებლად.
7.1.1.2 უპირობო, გამოუთხოვადი ხელშეკრულების შესრულების გარანტია წარმოდგენილი უნდა იქნას საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის“ მიერ ლიცენზირებული სადაზღვევო კომპანიიდან ეროვნულ ვალუტაში - ლარში და მისი მოქმედების ვადა არანაკლებ 30 (ოცდაათი) კალენდარული დღით უნდა აღემატებოდეს ხელშეკრულების მოქმედების ვადას.

7.2.1 ანგარიშსწორება მოხდება უნაღდო ანგარიშსწორებით ლარში, 2025 წლის სახელმწიფო ბიუჯეტის სახსრებით (ბიუჯეტის კოდი: 270205 - 38 %) და ჩეხეთის საგრანტო პროეტი - „სააგენტოს გაძლიერება მოწყვლადი ჯგუფებისთვის სოციალური სერვისების განვითარების მიმართლებით“ (62 %).
7.2.2 ანგარიშსწორება განხორციელდება, მიმწოდებლის მიერ ფაქტიურად მიწოდებული შესყიდვის ობიექტის შესახებ სსიპ „ლევან სამხარაულის სახელობის ექსპერტიზის ეროვნული ბიუროს“ ან სხვა აკრედიტირებული პირის მიერ გაცემული დამიწების კონტურის წინაღობის გაზომვის აქტის და დადებითი „ინსპექტირების სერთიფიკატი“-ს, ინსპექტირების დასკვნის, საბოლოო მიღება-ჩაბარების აქტის და მოქმედი კანონმდებლობით გათვალისწინებული შესაბამისი საგადასახადო დოკუმენტაციის „შემსყიდველისათვის“ წარმოდგენის შემდეგ.

ფაქტობრივად მიწოდებული შესყიდვის ობიექტის შემდეგ, საბოლოო მიღება–ჩაბარების აქტის გაფორმებიდან და მოქმედი კანონმდებლობით გათვალისწინებული საგადასახადო დოკუმენტაციის „შემსყიდველისათვის“ წარმოდგენის შემდეგ 10 სამუშაო დღის განმავლობაში.

ჯულიეტა მგელაძე, 571901011, jmgeladze@moh.gov.ge

10.1.1 ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3 სახელმწიფო შესყიდვების ერთიან ელექტრონულ სისტემაში (შემდგომში – სისტემა) ატვირთული ყველა დოკუმენტი ან/და ინფორმაცია ხელმოწერილი უნდა იყოს უფლებამოსილი პირის მიერ (საჭიროების შემთხვევაში ატვირთულ უნდა იქნას მინდობილობა ან რწმუნებულება). პრეტენდენტის მიერ სახელმწიფო შესყიდვების ერთიან ელექტრონულ სისტემაში ატვირთული სატენდერო დოკუმენტაციის დანართ N1-ის (ფასების ცხრილი/მომსახურების ხარჯთაღრიცხვა/პრეისკურანტი) შესაბამისი ინფორმაცია წარმოდგენილ უნდა იქნეს MS Excel-ის ფორმატის ფაილის სახით, რომელიც არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს), ხოლო პრეტენდენტის მიერ ტენდერის ფარგლებში შედგენილ სხვა დოკუმენტაციაზე სავალდებულოა კვალიფიციური ელექტრონული ხელმოწერის შესრულება ან კვალიფიციური ელექტრონული შტამპის დასმა. აღნიშნული ვალდებულებისგან არარეზიდენტი პირები „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტით გათვალისწინებული ვალდებულებისგან გათავისუფლების თაობაზე“ საქართველოს მთავრობის 2022 წლის 20 დეკემბრის №2380 განკარგულების შესაბამისად გათავისუფლებულები არიან და წარმოსადგენ დოკუმენტაციაზე ევალებათ მატერიალურად ხელმოწერის შესრულება.
10.1.4 სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის და შესყიდვის ობიექტის მიწოდებასთან დაკავშირებული ხარჯის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.5 პრეტენდენტს არ აქვს უფლება წარმოადგინოს ალტერნატიული სატენდერო წინადადება.

10.1.6 პრეტენდენტის მიერ ერთიან ელექტრონულ სისტემაში ასატვირთი მონაცემები:
10.1.6.1 მომსახურების ხარჯთაღრიცხვა (დანართი N1) MS Excel-ის ფორმატის ფაილის სახით;
10.1.6.2 ინფორმაცია პრეტენდენტის გამოცდილების შესახებ, სატენდერო დოკუმენტაციის 2.2.1 პუნქტის შესაბამისად.