Ремонт и техническое обслуживание строительных сооружений (Грузия - Тендер #69000504)

შპს „საქართველოს აეროპორტების გაერთიანების“ ადმინისტრაციულ შენობაში, სგპ-ში და UAG აკადემიის შენობებში დამონტაჯებული სახანძრო-სასიგნალო სისტემების გამართულად მუშაობის უზრუნველყოფისათვის საჭირო ტექნიკურ-პროფილაქტიკური მომსახურეობის შესყიდვა პრეისკურანტით.

არსებული სისტემის შემადგენელი კომპონენტების დეტალური აღწერა (მათ შორის მოდელი) მოცემულია ტექნიკურ დავალებაში (იხ. დანართი). ამასთან, პრეტენდენტი უფლებამოსილია ტექნიკური დავალებით განსაზღვრული მოდელები ჩაანაცვლოს სხვა, არსებულ სისტემასთან თავსებადი ანალოგიური ან და გაუმჯობესებული პარამეტრების მქონე მოდელებით.

• გასაწევ მომსახურებაზე, სატელეფონო ტექნიკური მხარდაჭერა უნდა განხორციელდეს 24/7 საათიან რეჟიმში.
• მწყობრიდან გამოსული კომპონენტების აღმოჩენის შემთხვევაში, მიმწოდებელმა უნდა განახორციელოს მათი შეცვლა, რა დროსაც გამოყენებული უნდა იქნას ახალი, ექსპლუატაციაში არნამყოფი, ქარხნული წარმოების ნაწილები. ამასთან, მომსახურების გაწევა უნდა განხორციელდეს ხარვეზის დაფიქსირებიდან არაუგვიანეს 3 (სამი) დღის ვადაში.


შენიშვნა:
* მომსახურების გაწევა უნდა განხორცილდეს პრეტენდენტის მიერ წარმოდგენილ ფასების ცხრილში (დანართი N1, პრეისკურანტი) მითითებულ შესაბამისი მომსახურების დასახელების და ფასის შესაბამისად.

* თუ ხელშეკრულების მოქმედების პერიოდში აღმოჩნდება, რომ ფასების ცხრილში (პრეისკურანტში) არ არის გათვალისწინებული იმ მომენტისათვის საჭირო მომსახურება, აღნიშნული ერთეულ(ებ)ის ფასი მისი შესყიდვის აუცილებლობისას, დგინდება მხარეთა შორის შეთანხმებით, საბაზრო ფასის გათვალისწინებით. ასეთ შემთხვევაში პრეისკურანტში რომელიმე ერთეულ(ებ)ის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული სისტემაში დაფიქსირებული პრეისკურანტის საბოლოო ჯამური ღირებულების 10%-ს.

* პრეტენდენტი ვალდებულია სატენდერო წინადადების წარდგენისას პრეისკურანტით განსაზღვრულ პოზიციებზე ფასების კლება განახორციელოს პროპორციულად (უცვლელი პროცენტული მნიშვნელობით) საბოლოო ფასები უნდა დაფიქსირდეს (დამრგვალდეს) მეასედის სიზუსტით.

* პრეტედენტის მიერ, სისტემაში ატვირთული პრეისკურანტის ღირებულებასა და მის მიერ დაფიქსირებულ ფასს შორის სხვაობა დაანგარიშდება პროცენტულად, პრეტენდენტმა აღნიშნული პროცენტული მაჩვენებლის მიხედვით, პროპორციულად უნდა შეამციროს თითოეული პოზიციის ღირებულება, რომლის მიხედვითაც უნდა წარმოადგინოს კორექტირებული ფასების ცხრილი (პრეისკურანტი).

* პრეტენდენტის მიერ, „წინადადების მიღება დასრულებულია“ ეტაპზე, ფასების ცხრილის (პრეისკურანტი) წარმოუდგენლობა გამოიწვევს პრეტენდენტის დისკვალიფიკაციას.

* პრეისკურანტში ნულით განფასებული პოზიცია არ ანაზღაურდება. ცარიელი სიმბოლოს ან სხვა აღნიშვნის („-“, „* “ ან მსგავსი) მითითება დაუშვებელია, ასეთ შემთხვევაში იგულისხმება რომ აღნიშნულ პოზიციაზე პრეტენდენტის მიერ სამუშაო განუფასებლადაა წარმოდგენილი. შესაბამისად, დაზუსტებას არ ექვემდებარება ტექნიკური დოკუმენტაცია, თუ სატენდერო დოკუმენტაციის მოთხოვნ(ებ)ის შესაბამისად, არ არის წარდგენილი პრეისკურანტი ან წარდგენილ პრეისკურანტში განუფასებელი პოზიცი(ებ)ის რაოდენობა აღემატება განსაფასებელი პოზიციების 5%-ს.

მომსახურების გაწევა უნდა განხორციელდეს ხელშეკრულების გაფორმებიდან 12 (თორმეტი) თვის ვადით, შემსყიდველი ორგანიზაციის მოთხოვნის საფუძველზე, ტექნიკურ დავალების შესაბამისად.

მომსახურების გაწევის ადგილებია:
შპს „საქართველოს აეროპორტების გაერთიანების“ ადმინისტრაციული ოფისი, სგპ-ს და UAG აკადემიის შენობები (ქ. თბილისი, აეროპორტების დასახლება, შალვა ჭანკოტაძის ხეივანი).

სამუშაოების განხორციელების პროცესში დაცული უნდა იყოს საქართველოს კანონმდებლობით გათვალისწინებული შრომის უსაფრთხოების მოთხოვნები.

1.7.1.1. გაწეულ მომსახურებაზე და შეცვლილ ნაწილებზე (გარდა სამისამართო სახანძრო პანელისა) საგარანტიო ვადა შეადგენს მიღება-ჩაბარების აქტის გაფორმებიდან არანაკლებ 1 (ერთი) წელს, ხოლო, სამისამართო სახანძრო პანელებზე საგარანტიო ვადა შეადგენს არანაკლებ 3 წელს. საგარანტიო მომსახურების ვადის ათვლა დაიწყება მიღება-ჩაბარების აქტის გაფორმებიდან.

1.7.1.2. ,,მიმწოდებლის“ მიერ მომსახურება გაწეულ უნდა იქნას იმ გარანტიით, რომ შესყიდვის ობიექტი საგარანტიო ვადის პერიოდში, სწორი მოხმარების პირობებში არ გახდება უვარგისი ექსპლუატაციისათვის და შეინარჩუნებს კარგ საექსპლუატაციო თვისებებს. შესყიდვის ობიექტს არ უნდა გააჩნდეს ნივთობრივი ნაკლი. წუნის აღმოჩენის შემთხვევაში, წუნდებულის ჩანაცვლება უნდა მოხდეს დამატებითი ხარჯების გარეშე.

1.7.1.3 მიწოდებული შესყიდვის ობიექტის საგარანტიო ვადის მოქმედების პერიოდში ხარვეზის, არაშემსყიდველის ბრალეულობით დაზიანების და დეფექტის, მათ შორის საექსპლუატაციო თვისებების ვადაზე ადრე გაუარესების დაფიქსირების შემთხვევაში, შემსყიდველი უფლებამოსილია მოითხოვოს გამოვლენილი ნაკლის ან ხარვეზის გამოსწორება (თუ ეს ესაძლებელია) ან მომსახურების ახლიდან განხორციელება. აღნიშნულის შესახებ ,,შემსყიდველი“ ატყობინებს ,,მიმწოდებელს” წერილობით ან/და კომუნიკაციის ელექტრონული საშუალებებით (ელექტრონული ფოსტის მეშვეობით), მომწოდებლის ელექტრონულ სისტემაში მითითებულ რეკვიზიტებში მითითებულ ელ.ფოსტის მისამართზე.

1.7.1.4. მიერ შეტყობინების გაგზავნის მომდევნო დღიდან აითვლება წუნდებული მომსახურების ხარვეზის გამოსწორების შემსყიდველთან შეთანხმებული გონივრული ვადა, მაგრამ არაუმეტეს 2 (ორი) კალენდარული დღე.

1.7.1.5 ინფორმაცია საგარანტიო ვადის თაობაზე მიმწოდებელმა უნდა მიუთითოს ფასების ცხრილის შესაბამის ველში.

2.1.1.1 პრეტენდენტმა სატენდერო დოკუმენტაციის ფასების ცხრილის საშუალებით უნდა წარმოადგინოს ინფორმაცია შემოთავაზებული საქონლის წარმოშობის ქვეყნის, მწარმოებლის ან/და ბრენდის და მოდელის (არსებობის შემთხვევაში) შესახებ.

2.1.1.2 წარმოშობის ქვეყნის, მწარმოებლის ან/და ბრენდის და მოდელის (არსებობის შემთხვევაში) შესახებ ინფორმაციის წარმოუდგენლობა გამოიწვევს პრეტენდენტის დისკვალიფიკაციას ყოველგვარი დაზუსტების გარეშე, გარდა იმ შემთხვევისა თუ სატენდერო დოკუმენტაციის მოთხოვნ(ებ)ის შესაბამისად, წარდგენილი ინფორმაცია არასრულყოფილია ან შეიცავს უზუსტობებს, თუმცა პრეტენდენტის მიერ სატენდერო წინადადების სახით წარდგენილი დოკუმენტ(ებ)ის/ინფორმაციის ერთობლიობით, მათი შეფასების ანალიზისა და ურთიერთშეჯერების საფუძველზე შესაძლებელია შესყიდვის ობიექტის სასაქონლო ნიშნის, პატენტის, მოდელის, წარმოშობის წყაროს ან მწარმოებლის იდენტიფიკაცია.

2.2.1.1 ტენდერში მონაწილე პრეტენდენტს, 2022 წლის პირველი იანვრიდან წინამდებარე ტენდერის გამოცხადებამდე პერიოდში, უნდა გააჩნდეს მსგავსი მომსახურების გაწევის (სახანძრო სასიგნალო სისტემის მოწყობის ან/და შეკეთების) გამოცდილება. კერძოდ, აღნიშნულ პერიოდში პრეტენდენტს შესრულებული უნდა ქონდეს არანაკლებ 3 პროექტი, რომელიც მოიცავს ზემოხსენებულ მომსახურებას.

2.2.1.2 გამოცდილების დასადასტურებლად პრეტენდენტმა ტენდერის მიმდინარეობის ეტაპზე უნდა წარმოადგინოს:მომსახურების განხორციელების დამადასტურებელი ხელშეკრულებები და ამ ხელშეკრულებების ფარგლებში შესრულების დამადასტურებელი დოკუმენტ(ებ)ი და/ან დამკვეთის მიერ გაცემული გაწეული მომსახურების დამადასტურებელი წერილი/ცნობა თუ სხვა დოკუმენტაცია, დამკვეთის საკონტაქტო ინფორმაციის მითითებით.

შენიშვნა:
პრეტენდენტის მხრიდან დამკვეთის მიერ გაცემული გაწეული მომსახურების დამადასტურებელი წერილი/ცნობა თუ სხვა დოკუმენტაციის წარმოდგენის შემთხვევაში, შემსყიდველი ორგანიზაცია უფლებამოსილია წარმოდგენილი ინფორმაცია გადაამოწმოს დამკვეთთან.
იმ შემთხვევაში, თუ აღნიშნულის დამადასტურებელი დოკუმენტები სრულად ატვირთულია ერთიან ელექტრონულ სისტემაში (https://tenders.procurement.gov.ge/), საკმარისია მხოლოდ მითითება შესაბამის რეგისტრაციის ნომრებზე (მაგ: NAT/CMR/SPA და ა.შ).

შრომის უსაფრთხოების პირობების უზრუნველყოფის დადასტურების მიზნით, პრეტენდენტმა ელექტრონული სისტემის მეშვეობით უნდა წარმოადგინოს შემდეგი დოკუმენტები:

1. კომპანიის ხელმძღვანელის/პასუხისმგებელი პირის მიერ შრომის უსაფრთხოების სპეციალისტის დანიშვნის/მოწვევის ბრძანება;

2. შრომის ინსპექციაში საქართველოს მოქმედი კანონმდებლობის შესაბამისად აკრედიტირებული პირის მიერ გაცემული კომპანიის შრომის უსაფრთხოების სპეციალისტის კვალიფიკაციის დამადასტურებელი მოქმედი სერტიფიკატის ასლი.

ხელშეკრულების გაფორმების შემდგომ, გაფორმებიდან არაუგვიანეს 7 კალენდარული დღის ვადაში მიმწოდებელმა უნდა წარმოადგინოს შემდეგი დოკუმენტები:

„შრომის უსაფრთხოების შესახებ“ საქართველოს ორგანული კანონის და რელევანტური ნორმატიული აქტების (მათ შორის ტექნიკური რეგლამენტების) შესაბამისად შედგენილი მძიმე, მავნე და საშიშპირობებიანი სამუშაოების ჩატარებასთან დაკავშირებული სამაშველო გეგმა;

„შრომის უსაფრთხოების შესახებ“ საქართველოს ორგანული კანონისა და „სამუშაო სივრცეში რისკის შეფასების წესის დამტკიცების თაობაზე“ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის 2020 წლის 30 იანვრის 01-15/ნ ბრძანების შესაბამისად შედგენილი სამუშაოების დაწყებამდე და სამუშაო პროცესში გამოვლენილი საფრთხეების იდენტიფიცირებისა და რისკის შეფასების დოკუმენტი;

„შრომის უსაფრთხოების შესახებ“ საქართველოს ორგანული კანონის შესაბამისად შემუშავებული თანამიმდევრული პრევენციული ღონისძიებების პოლიტიკის დოკუმენტი, რომელიც უნდა ითვალისწინებდეს საწარმოო გარემოსა და სამუშაო პროცესის თავისებურებებს;

„შრომის უსაფრთხოების შესახებ“ საქართველოს ორგანული კანონის შესაბამისად მანქანა დანადგარების, სამუშაო ტექნიკისა და სამუშაო აღჭურვილობის შემოწმებისა და უსაფრთხო გამოყენების დამადასტურებელი დოკუმენტაცია".

4.1.1.1 იმ შემთხვევაში, თუ პრეტენდენტის მიერ სისტემაში დაფიქსირებული საბოლოო ფასი 20%- ით ან მეტით არის დაბალი შესყიდვის ობიექტის სავარაუდო ღირებულებაზე, პრეტენდენტმა უნდა წარმოადგინოს საშემფასებლო ან აუდიტის ან ექსპერტიზის დასკვნა. დასკვნასთან ერთად ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტ(ებ)ი.

4.1.1.2 ფასწარმოქმნის ადეკვატურობის დამადასტურებელი დოკუმენტით უნდა დასტურდებოდეს (ტექსტობრივად მკაფიოდ უნდა იკითხებოდეს) ტენდერში პრეტენდენტის მიერ ატვირთულ საბოლოო პრეისკურანტში (შესაბამისი ტენდერის უნიკალური ნომრის მითითებით) დაფიქსირებული ერთეული ფასებით და აგრეთვე ჯამური ღირებულებით წინამდებარე ტენდერით განსაზღვრული საქონლის მოწოდებისა და მომსახურების გაწევის შესაძლებლობა.

4.1.1.3 სსიპ „ლევან სამხარაულის სახელობის ექსპერტიზის ეროვნული ბიუროს" მიერ გაცემული დასკვნის შემთხევაში, დასკვნის გამცემი პირის (როგორც დასკვნის გამცემი კომპანია ასევე დასკვნაზე ხელმომწერი პირები) შესაბამისი უფლებამოსილების/აკრედიტაციის დამადასტურებელი დოკუმენტის წარმოდგენა არ მოითხოვება.

4.1.1.4 ექსპერტიზის დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას.

„მიმწოდებელთან“ ანგარიშსწორება ხორციელდება უნაღდო ანგარიშსწორებით ეროვნულ ვალუტაში, ფაქტობრივად გაწეული მომსახურების მიხედვით. ანგარიშსწორების საფუძველია მხარეების უფლებამოსილი პირების მიერ გაფორმებული „მიღება–ჩაბარების“ აქტი და შესაბამისი საგადასახადო დოკუმენტაცია (არსებობის შემთხვევაში).

ანგარიშსწორება განხორციელდება მიღება-ჩაბარების აქტის გაფორმებისა და შესაბამისი საგადასახადო დოკუმენტაციის სრულყოფილად წარმოდგენიდან (არსებობის შემთხვევაში) 10 (ათი) სამუშაო დღის ვადაში.

ანნა გენელიძე, 577343332, a.genelidze@airports.ge

1) ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე.
2) სახელმწიფო შესყიდვების ერთიან ელექტრონულ სისტემაში ატვირთული დოკუმენტი ან/და ინფორმაცია დადასტურებული უნდა იყოს უფლებამოსილი პირის მიერ კვალიფიციურად.
3) პრეტენდენტს არა აქვს უფლება წარმოადგინოს ალტერნატიული სატენდერო წინადადება.
4) სატენდერო წინადადებაში საერთო და ერთეულის ფასი გამოსახულ უნდა იყოს ყველა ხარჯის გათვალისწინებით.
5) სატენდერო წინადადების საერთო და თითოეული ერთეულის ფასის წარმოდგენა დასაშვებია მხოლოდ ეროვნულ ვალუტაში - ლარი.