Услуги офисного обеспечения (Грузия - Тендер #68947606)

სსიპ იურიდიული დასმარების სამსახურის მიერ სათარჯიმნო მომსახურების შესყიდვა.

მომსახურების გაწევის წესი:
სათარჯიმნო მომსახურების გაწევა უნდა განხორციელდეს 2026 წლის 01 იანვრიდან 2026 წლის 31 დეკემბრის ჩათვლით.
სათარჯიმნო მომსახურების გაწევა უნდა განხორციელდეს როგორც ზეპირად, ასევე წერილობით; საქართველოს მთელ ტერიტორიაზე.
• ზეპირი და წერილობითი სათარჯიმნო მომსახურება უნდა განხორციელდეს სატენდერო დოკუმენტაციით გათვალისწინებულ დანართი N1-ში (პრეისკურანტი) მოცემული ენების შესაბამისად;
• თარგმნა უნდა განხორციელდეს როგორც ქართულიდან დანართი N1-ში მითითებულ ენებზე ასევე პირიქით დანართი N1-ში მითითებული ენებიდან ქართულ ენაზე, მაღალკვალიფიციური სპეციალისტ(ებ)ის მიერ, რომლებიც კარგად იცნობენ შესაბამის ტერმინოლოგიას;
• ზეპირი თარგმნის შემთხვევაში, ყოველ კონკრეტულ ფაქტზე, მომსახურების გაწევის ვადის ათვლა დაიწყება თარჯიმნის შესაბამის ორგანოში ან/და უფლებამოსილ პირთან გამოცხადების წუთიდან და დასრულდება შესაბამისი პროცედურ(ებ)ის დასრულებისთანავე, შესაბამისად ანაზღაურებაც განხორციელდება აღნიშნული ვადების გათვალისწინებით;
• მიმწოდებელმა სათარჯიმნო მომსახურება უნდა განახორციელოს 24 საათის განმავლობაში საქართველოს მთელ ტერიტორიაზე. თარჯიმნის გამოცხადება უნდა მოხდეს მოთხოვნის შესაბამისად, სატელეფონო ან/და ელექტრონული ფოსტის მეშვეობით შეტყობინების მიღებიდან დაუყოვნებლივ არაუგვიანეს 2 (ორი) საათისა;
• პრეტენდენტს უნდა შეეძლოს ერთდროულად ერთი და იგივე ენის მინიმუმ 2 (ორი) თარჯიმნის მომსახურება;
• წერილობითი თარგმანი უნდა განხორციელდეს შემსყიდველის მიერ შესაბამისი დოკუმენტების მიწოდებიდან არაუგვიანეს 1 (ერთი) სამუშაო დღის ვადაში (სათარგმნი დოკუმენტების სირთულისა და სიმრავლის შემთხვევაში შესაძლებელია ვადის გაზრდა შემსყიდველის თანხმობის საფუძველზე). ერთ სტანდარტულ გვერდად ჩაითვლება შესაბამის ენაზე ფაქტობრივად გადათარგმნილი 2000 ნაბეჭდი სიმბოლო, ინტერვალის გარეშე;
• საჭიროების შემთხვევაში მიმწოდებელმა უნდა უზრუნველყოს ნათარგმნი დოკუმენტების ნოტარიულად დამოწმება, თარგმნის დასრულებიდან 1(ერთი) სამუშაო დღის ვადაში;
• შემსყიდველის მხრიდან მიმწოდებელთან დაკავშირების პირობები და აღნიშნულ საკითხებთან დაკავშირებით მიმწოდებლის ყველა ვალდებულება განისაზღვრება სატენდერო დოკუმენტაციით გათვალისწინებულ დანართი N2-ში მოყვანილი პირობების შესაბამისად;
• გაწეულ მომსახურებაზე მხარეები ადგენენ მიღება-ჩაბარების აქტს, რომელშიც მითითებული უნდა იყოს გამოყენებული ენა, ზეპირი თარგმნის შემთხვევაში გაწეული მომსახურეობის ხანგრძლივობა, წერილობითი თარგმნის შემთხვევაში ნათარგმნი გვერდების რაოდენობა და გაწეული მომსახურების ღირებულება. მომსახურების ფასი გათვალისწინებული იქნება პრეისკურანტში (დანართი N1) მოცემული ფასების შესაბამისად;
• თუ გასაწევი მომსახურება არ არის გათვალისწინებული პრეისკურანტში მაშინ ხელშეკრულების მიმდინარეობის პერიოდში მხარეები აღნიშნულ მომსახურებაზე გააფორმებენ შესაბამის შეთანხმების აქტს, გამოსაყენებელი ენისა და ფასის მითითებით. (ფასი დადგინდება შემსყიდველთან წინასწარ შეთანხმების საფუძველზე მიმდინარე დროისთვის ბაზარზე არსებული ღირებულებების შესაბამისად).


მომსახურების გაწევის პერიოდი და ოპერატიულობა:

მიმწოდებელმა უნდა უზრუნველყოს მომსახურების გაწევა ხელშეკრულების გაფორმების შემდეგ სატენდერო დოკუმენტაციის დანართი N3-ით გათვალისწინებული ვადებისა და პირობების შესაბამისად.

სატენდერო წინადადების ფასი:
• გასაწევი მომსახურების ერთეულის ღირებულებები უნდა შეიცავდეს მიმწოდებლის ყველა ხარჯს და საქართველოს კანონმდებლობით დადგენილ ყველა გადასახადს;
• გასაწევი მომსახურების ღირებულების წარმოდგენა დასაშვებია მხოლოდ ლარებში;
• ხელშეკრულების ღირებულების თანხა, რომელიც განსაზღვრული იქნება 135 000.00 ლარის ოდენობით აღებულია შესაძლო გასაწევი მომსახურებების მიხედვით, ხოლო ანაზღაურება "მიმწოდებელთან" განხორციელდება მის მიერ ფაქტობრივად გაწეული მომსახურებების მიხედვით, შესაბამისად ხელშეკრულების მოქმედების ვადის ამოწურვის მომენტისათვის ხელშეკრულების საერთო ღირებულებიდან გამოუმუშავებელი თანხა დარჩება "შემსყიდველთან" და იგი არ წარმოშობს მხარეებს შორის რაიმე დამატებით ვალდებულებებს.

აუცილებელი პირობა:
• პრეტენდენტის მიერ ერთიანი ელექტრონული სისტემის მეშვეობით წარდგენილი წინადადების ფასი არ უნდა აღემატებოდეს პრეისკურანტის სავარაუდო ღირებულებას და ელექტრონული ვაჭრობის შედეგად წინადადების ფასის კლება შესაძლებელია განხორციელდეს მხოლოდ პრეისკურანტის სავარაუდო ღირებულებასთან მიმართებაში.
• გასაწევი მომსახურებების ერთეულის ღირებულებები პოზიციების შესაბამისად პრეტენდენტის მიერ მითითებული უნდა იქნას პრეისკურანტში (დანართი N1) და არ უნდა აღემატებოდეს პრეისკურანტში ამავე პოზიციებზე დაფიქსირებულ ფასებს. ერთეულის ღირებულებების ჯამურმა ოდენობამ არ უნდა გადააჭარბოს 3 384 ლარს (დანართი N1 პრეტენდენტის მიერ ატვირთულ უნდა იქნას ერთიან ელექტრონულ სისტემაში).
• ელექტრონული ვაჭრობის შემთხვევაში, ელექტრონულ სისტემაში დაფიქსირებული საბოლოო ფასიდან გამომდინარე საუკეთესო დაბალი ფასის მქონე პრეტენდენტის მიერ პრეისკურანტით გათვალისწინებული ერთეულის ღირებულებები დაკლებულ უნდა იქნას პროპორციულად ყველა პოზიციაზე, პრეისკურანტის თავდაპირველ ჯამურ ღირებულებასა და სისტემაში დაფიქსირებულ პრეისკურანტის საბოლოო ღირებულებას შორის არსებული სხვაობიდან გამოთვლილი (გამოყვანილი) პროცენტის შესაბამისად. ამასთან თუ ელექტრონული ვაჭრობის შედეგად ერთიან ელექტრონულ სისტემაში დაფიქსირებული საბოლოო ფასიდან გამომდინარე გასაწევი მომსახურებების ერთეულის ღირებულებები დაჯდება მრავალნიშნა ათწილადი, პრეტენდენტი ვალდებულია აღნიშნული ღირებულებები შეამციროს და დაამრგვალოს მეასედებამდე, შესაბამისად შეამციროს პრეისკურანტის ჯამური ღირებულებაც.
• მიმწოდებელი ვალდებულია დაიცვას კონფიდენციალურობა და არ გასცეს ინფორმაცია, რომელიც მიიღო მან მომსახურების გაწევის დროს.

2026 წლის 01 იანვრიდან 2026 წლის 31დეკემბრის ჩათვლით.

სათარჯიმნო მომსახურების გაწევა უნდა განხორციელდეს როგორც ზეპირად, ასევე წერილობით; საქართველოს მთელ ტერიტორიაზე.

დანართი N2

პრეტენდენტს 2021 წლის 1 იანვრიდან მოცემულ ტენდერში წინადადებების მიღების დასრულების დღემდე უნდა ჰქონდეს სათარჯიმნო მომსახურების გაწევის გამოცდილება, ჯამურად არანაკლებ 405 000.00 ლარის ღირებულების ფაქტობრივი შესრულება. მათ შორის, მინიმუმ ერთი ხელშეკრულება ფაქტობრივი შესრულებით - არანაკლებ 135 000.00 ლარისა. აღნიშნულის დასადასტურებლად, პრეტენდენტმა სისტემის მეშვეობით უნდა წარმოადგინოს შესაბამისი ხელშეკრულებ(ები)ა და ამ ხელშეკრულებ(ებ)ით გათვალისწინებული მომსახურების ფაქტობრივი შესრულების დამადასტურებელი დოკუმენტ(ებ)ი. იმ შემთხვევაში, თუ შემსყიდველი იყო სახელმწიფო ორგანიზაცია, დადებული ხელშეკრულებ(ებ)ის და მათი შესრულების დამადასტურებელი დოკუმენტ(ებ)ის სისტემაში ატვირთვა აუცილებელი არ არის. პრეტენდენტმა საკმარისია, წარმოადგინოს სახელმწიფო შესყიდვის ერთიანი ელექტრონული სისტემის მონაცემები, კერძოდ: SPA /NAT/DAP/CMR ნომრები.

მომსახურების გაწევა უნდა განხორციელდეს დანართი N3-ით გათვალისწინებული ვადებისა და პირობების შესაბამისად.

იმ შემთხვევაში, თუ ყველაზე დაბალი წინადადების ფასის მქონე პრეტენდენტის მიერ ელექტრონული ვაჭრობის შედეგად დაფიქსირებული წინადადების საბოლოო ფასი 20%-ით ან მეტით ნაკლებია შესყიდვის ობიექტის სავარაუდო ღირებულებაზე, სატენდერო კომისია პრეტენდენტისგან ითხოვს ფასწარმოქმნის ადეკვატურობის დამადასტურებელი დოკუმენტ(ებ) ის წარდგენას. ფასწარმოქმნის ადეკვატურობა, შესაძლებელია დასაბუთდეს საექსპერტო, აუდიტორული ან/და საშემფასებლო დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას. (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების დამადასტურებელი დოკუმენტი).

ანგარიშსწორება განხორციელდება ეტაპობრივად, ფაქტობრივად გაწეული მომსახურების შესაბამისად, მიღება-ჩაბარების აქტ(ებ)ის საფუძველზე.

ხელშეკრულების შესრულების დამადასტურებელი დოკუმენტის გაფორმებიდან არაუგვიანეს 10 სამუშაო დღე.

ზურაბ ჩინჩალაძე, 577343336, zchinchaladze@legalaid.ge