Ремонт и техническое обслуживание строительных сооружений (Грузия - Тендер #68947600)

შსს სსიპ-დაცვის პოლიციის დეპარტამენტის შენობაში არსებული ორი ერთეული (400 კგ. და 500 კგ. ტვირთამწეობის) თურქული წარმოების ლიფტის ტექნიკური მომსახურების (პრეისკურანტის მიხედვით) სახელმწიფო შესყიდვა.

1.2.1 დაცვის პოლიციის დეპარტამენტის შენობაში არსებული ორი ერთეული - 400 კგ. და 500 კგ. ტვირთამწეობის თურქული წარმოების ლიფტების ტექნიკური მომსახურება.

1.2.2 - 400 კგ. ტვირთამწეობა,
სახეობა - სამგზავრო, ელექტრული სამანქანო განყოფილებით, სიჩქარე - არანაკლებ 1 მ/წმ, გაჩერებების რაოდენობა - 5, სართულების რაოდენობა - 6, კაბინაში შესასვლელი - 1, სამანქანო - ზევით.
მიმწოდებლმა თვეში ერთხელ (12 თვის განმავლობაში) ლიფტზე უნდა განახორციელოს ტექნიკური მომსახურება, რომელიც მოიცავს შემდეგი ფუნქციების, ნაწილებისა თუ საცხების კონტროლს/შემოწმებას:
მართვის კარადის ფუნქციონირება, მართვის მოწყობილობის მდგომარეობა და მუშაობა, მართვის მოწყობილობილობის და სხვა ელექტრო სადენები, შახტის კარების მექანიზმი, კაბინის მდებარეობისა და მიმართულების მაჩვენებელის შემოწმება, მიმმართველების შემზეთი მოწყობილობება, იუპიესის შემოწმება, ამძრავის გაჩერების ღილაკის მუშაობა, ბაგირის მიმმართველი ბორბალი, რედუქტორის ზეთი, ელექტრო ძრავი, ძრავის ვენტილაცია, მთავარი ჯალამბარი, სამუხრუჭე ხუნდი, სამუხრუჭე სისტემა, რედუქტორის დამუხრუჭება, ამწევი ბაგირი, ბაგირის გადასაბმელები, მთავარი გამთიშველი, გამთიშველები, სიჩქარის შემზღუდველი, სიჩქარის შემზღუდველის ბაგირი, კაბინის ავარიული დამჭერები, ამომრთველები, კონტაქტორები, კაბინა, კაბინის კარების მექანიზმი, კარების ჩამკეტი, კაბინის ღილაკები, სართულების კარები, კარების ძრავი, გამოძახების და ბრძანების პოსტები, საპირწონე ზამბარები, ზედმეტი ტვირთის მაჩვენებელი, შახტა, ელექტრო უსაფრთხოების კვანძები, მექანიკური უსაფრთხოების კვანძები, ძრავის სამაგრები, ძრავის სამუხრუჭე მოწყობილობის და ხელით გამღები მექანიზმის ფუნქციონირება, ძრავის საკისრები, ძრავის ვენტილატორი, სართულის მაჩვენებელი, ბოლო გამომრთველები.

1.2.3 - 500 კგ. ტვირთამწეობა
სახეობა - სამგზავრო, ელექტრული სამანქანო განყოფილებით, სიჩქარე - არანაკლებ 1 მ/წმ, გაჩერებების რაოდენობა - 5, სართულების რაოდენობა - 6, კაბინაში შესასვლელი - 1, სამანქანო - ზევით. მომსახურება პრეისკურანტის შესაბამისად.
ლიფტების ტექნიკური მომსახურების ფასების ცხრილში დანართი 2-500კგ. ტვირთამწეობა მე-4 პოზიცია-სიჩქარის შემზღუდველი ბაგირი 8 მმ; 24-ე პოზიცია - მზიდი ბაგირების შეცვლა; 44-ე პოზიცია - მიმყოლი კაბელის შეცვლა; 47-ე პოზიცია მიმმართველების გამაგრება-გასწორება და 56-ე პოზიციაზე - ჯალამბარის ზეთი 1 ლიტრი ზეთის შეცვლა - დამატება 1 ჯერზე შემთხვევაში, მომსახურებებზე მითითებული ღირებულება წარმოადგენს ერთ ჯერზე ასანაზღაურებელ ღირებულებას, მიუხედავად დამატებული ან/და შეცვლილი საქონლის ოდენობისა.

1.2.4 მომსახურების გაწევა უნდა განხორციელდეს კვალიფიციური სპეციალისტისა და ტექნიკური პერსონალის მიერ, რომელიც აღჭურვილი უნდა იყოს მომსახურებისთვის აუცილებელი ყველა ინსტრუმენტით.
1.2.5 სამუშაოების შესრულების დროს დაცული უნდა იყოს უსაფრთხოების ნორმები. მიმწოდებლის მიერ შემსყიდველის ქონების დაზიანების შემთხვევაში, მიმწოდებელი ვალდებულია საკუთარი ხარჯებით აღმოფხვრას აღნიშნული დაზიანება/მიყენებული ზიანი.
1.2.6 მიმწოდებელი ვალდებულია ლიფტის ტექნიკური გაუმართაობის შემთხვევაში (ლიფტის ექსპლუატაციის უსაფრთხოების ნორმებთან შეუსაბამობა) შეწყვიტოს ლიფტის ექსპლუატაცია და დამკვეთს აცნობოს წერილობით არსებულის შესახებ.
1.2.7 შემსყიდველი უფლებამოსილია შეწყვიტოს მიმდინარე ხელშეკრულება, თუ მიმწოდებელზე გაგზავნილ იქნა ორი ან მეტი გამაფრთხილებელი წერილი, სადაც დაფიქსირებული იქნება მათ მიერ მომსახურების არაჯეროვნად ან ვადაგადაცილებით გაწევის შემთხვევები.
1.2.8 ყოველი განხორციელებული რევიზიის შემდეგ, მომწოდებელი ვალდებულია შეადგინოს შესაბამისი დათვალიერების აქტი დეტალური აღწერით.
1.2.9 მიმწოდებელი ვალდებულია მომსახურების გაწევისას გამოიყენოს ახალი (არამეორადი) სათადარიგო ნაწილები. მეორადი ნაწილების გამოყენება დასაშვებია მხოლოდ შემსყიდველთან შეთანხმებით, მოცემულ შემთხვევაში მეორადი სათადარიგო ნაწილის ფასი უნდა იყოს განსხვავებული და ის უნდა განისაზღვროს საბაზრო ფასის გათვალისწინებით, ურთიერთშეთანხმების საფუძველზე.
1.2.10 შემსრულებელმა შეცვლილი დეტალები უნდა დატოვოს ობიექტზე, შესაბამის უფლებამოსილ პირთან.
1.2.11 მომსახურება უნდა განხორციელდეს მიმწოდებელსა და შემსყიდველ ორგანიზაციას შორის თითოეულ კონკრეტულ შემთხვევაში დეფექტური აქტის შედგენის შემდეგ, რომელშიც მითითებული უნდა იყოს გასაწევი მომსახურების ან/და ასეთი მომსახურებისათვის საჭირო საქონლის (სათადარიგო ნაწილების) ჩამონათვალი.

1.4.1. მომსახურება უნდა განხორციელდეს: 2026 წლის 1 აპრილიდან 2027 წლის 1 აპრილამდე პრეისკურანტისა და (400 კგ. ტვირთამწეობის ლიფტის ყოველთვიურად გეგმიური მომსახურება და ლიფტის ავარიულად გამორთვის დროს, ხოლო 500 კგ. ტვირთამწეობის ლიფტის შემთხვევაში პრეისკურანტის მიხედვით) შემსყიდველის შეტყობინების შესაბამისად.

1.4.2. შეტყობინება განხორციელდება სატელეფონო ზარის მეშვეობით, რის შემდგომაც მიმწოდებელი ვალდებულია რეაგირება მოახდინოს შეტყობინებიდან არაუგვიანეს 2 სთ-ის განმავლობაში.
ავარიულად გაჩერებული ლიფტის გაშვება უნდა მოხდეს შეტყობინების მიღებიდან დაუყონებლივ, მაგრამ არუგვიანეს 2 საათისა (როდესაც არ არის შესაკეთებელი ან გამოსაცვლელი რაიმე დეტალი).

1.4.3. დაზიანებული სათადარიგო ნაწილის შეკეთება (როდესაც ნაწილი ექვემდებარება შეკეთებას და არ საჭიროებს შეცვლას) და გაჩერებული ლიფტის გაშვება უნდა მოხდეს ყოველდღიურად (შაბათ-კვირის ჩათვლით), შემსყიდველის მოთხოვნიდან 24 საათის განმავლობაში.

1.4.4. დაზიანებული სათადარიგო ნაწილის შეცვლა (როდესაც ნაწილი არ ექვემდებარება შეკეთებას და აუცილებლად საჭიროებს შეცვლას) და გაჩერებული ლიფტის გაშვება უნდა მოხდეს ყოველდღიურად (შაბათ-კვირის ჩათვლით), შემსყიდველის მოთხოვნიდან 48 საათის განმავლობაში.

შენიშვნა: შეტყობინება შესაძლებელია განხორციელდეს სატელეფონო ან/და ელექტრონულ ფოსტაზე შეტყობინების გზით.

1.5.1. მომსახურების გაწევის ადგილი: შსს სსიპ დაცვის პოლიციის დეპარტამენტი, ქ. თბილისი, ლევან ფირცხელიანის ქ. N1

1.7.1.1. საგარანტიო ვადა შეცვლილ ნაწილზე განისაზღვრება არანაკლებ 1 (ერთი) წლის ვადით, მიღება-ჩაბარების აქტის გაფორმებიდან.
1.7.1.2. საგარანტიო ვადის პერიოდში გამოვლენილი ხარვეზების აღმოფხვრა მიმწოდებელმა უნდა უზრუნველყოს საკუთარი ხარჯებით.
1.7.1.3. ხარვეზის მქონე მომსახურების ან საქონლის დაფიქსირების შემთხვევაში, შემსყიდველი უფლებამოსილია მიმწოდებელს მოსთხოვოს გამოვლენილი ხარვეზის გამოსწორება არაუმეტეს 1 კალენდარული დღის ვადაში აღნიშნულის შესახებ შემსყიდველი ატყობინებს მიმწოდებელს წერილობით ან/და ელექტრონული ფოსტის მეშვეობით (მიმწოდებლის მიერ მითითებულ ელ. მისამართზე), შეტყობინების გაგზავნის მომდევნო დღიდან აითვლება ხარვეზის გამოსწორების 1 კალენდარულ დღიანი ვადა.

შენიშვნა: რეკვიზიტების, მათ შორის ელექტრონული ფოსტის მისამართის შეცვლის შემთხვევაში, „მომწოდებელი“ ვალდებულია დაუყოვნებლივ აცნობოს „შემსყიდველს“ განხორციელებული ცვლილების შესახებ. რეკვიზიტებში (ელ.ფოსტის მისამართი შეცვლის) განხორციელებიული ცვლილების „შემსყიდველისათვის“ შეუტყობინებლობის შემთხვევაში, ელექტრონული ფოსტით ან მისამართზე გაგზავნილი წერილი ჩაითვლება ჩაბარებულად

2.2.1.1. ტენდერში მონაწილე პრეტენდენტს 2023 წლის 01 იანვრიდან უნდა გააჩნდეს არანაკლებ 6 000 (ექვსი ათასი) ლარის ღირებულების ლიფტების ტექნიკური მომსახურების გამოცდილება.

2.2.1.2. ზემოაღნიშნულის დასტურად, პრეტენდენტმა ელექტრონულ სისტემაში უნდა ატვირთოს ხელშეკრულებ(ები)ა, ამ ხელშეკრულებ(ებ)ის შესრულების დამადასტურებელი დოკუმენტ(ებ)ი: მიღება-ჩაბარების აქტ(ებ)ი ან შესრულების დამადასტურებელი სხვა დოკუმენტაცია.

2.9.1. პრეტენდენტის მიერ წარმოდგენილი წინადადების ფასი არ უნდა აღემატებოდეს პრეისკურანტის სავარაუდო ღირებულებას და ელექტრონული ვაჭრობის შედეგად წინადადების ფასის კლება შესაძლებელია განხორციელდეს მხოლოდ პრეისკურანტის სავარაუდო ღირებულებასთან მიმართებაში.
2.9.2. პრეტენდენტის მიერ შესყიდვის ერთიან ელექტრონული სისტემის მეშვეობით წარმოდგენილ პრეისკურანტში მითითებული ერთეულის ფასები არ უნდა აღემატებოდეს შემსყიდველის მიერ პრეისკურანტის შესაბამის გრაფაში მითითებულ ერთეულის სავარაუდო მაქსიმალურ ზღვრულ ფასებს.
2.9.3. პრეტენდენტის მიერ ელექტრონული ვაჭრობის შედეგად პრეისკურანტის საერთო ფასის შემცირების შემთხვევაში, ფასთა კლება პროცენტულად და პროპორციულად უნდა აისახოს პრეისკურანტის მოცემული ჩამონათვალის ერთეულის ფასებზე.

შენიშვნა: მიმწოდებელი ვალდებულია დაიცვას ლიფტის უსაფრთხო ექსპლუატაციის წესებით გათვალისწინებული ყველა მოთხოვნა.
- მიმწოდებელი პასუხისმგებელია იმ უბედურ შემთხვევებზე, რომლებიც შეიძლება გამოწვეული იყოს ლიფტის ტექნიკური გაუმართაობით.
- მიმწოდებელი ვალდებულია გამოყოს კვალიფიციური ტექნიკური პერსონალი ზედამხედველად ლიფტის გამართულ ფუნქციონირებაზე.

4.1.1.1 იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილი უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული შესყიდვის ობიექტის მიწოდების შესაძლებლობა.
4.1.1.2 დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

7.2.1. ანგარიშსწორება განხორცილდება ეტაპობრივად უნაღდო ანგარიშსწორებით, ლარებში, მიმწოდებლის საბანკო ანგარიშზე, მიღება-ჩაბარების აქტის და საგადასახადო ანგარიშ-ფაქტურის (კანონმდებლობით გათვალისწინებულ შემთხვევაში) წარმოდგენის შემდეგ.
7.2.2. ანგარიშსწორება ხორციელდება შსს სსიპ-დაცვის პოლიციის დეპარტამენტის 2026-2027 წლის საკუთარი სახსრებით.

7.3.1 ანგარიშსწორება განხორციელდება 7.2.1. პუნქტში მითითებული დოკუმენტების წარმოდგენიდან არაუგვიანეს 10 (ათი) სამუშაო დღის ვადაში.

ნინო ბერიძე, 599181715, n.beridze@spd.ge

10.1.1. ტენდერთან დაკავშირებული ყველა დოკუმენტი ან/და ინფორმაცია ერთიანი ელექტრონული სისტემის მეშვეობით წარმოდგენილი უნდა იქნეს ორიგინალის სახით (ასლის შემთხვევაში ნოტარიულად დამოწმებული ასლი). დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.2. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3. სატენდერო წინადადების ფასი წარმოდგენილი უნდა იყოს მხოლოდ ლარებში, საერთო და ერთეულის ფასი უნდა შეიცავდეს როგორც შესყიდვის ობიექტის მიწოდებასთან დაკავშირებულ ყველა ხარჯს (კანონმდებლობით გათვალისწინებულ შემთხვევაში) და საქართველოს კანონმდებლობით გათვალისწინებულ ყველა გადასახადს (დღგ-ს). სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.4. პრეტენდენტს არ აქვს უფლება წარმოადგინოს ალტერნატიული სატენდერო წინადადება.
10.1.5. პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები დაამოწმოს/დაადასტუროს კვალიფიციური ხელმოწერით/კვალიფიციური შტამბით.
10.1.6. პრეტენდენტის მიერ სახელმწიფო შესყიდვის განხორციელების ნებისმიერ ეტაპზე, სახელმწიფო შესყიდვების ერთიან ელექტრონულ სისტემაში ატვირთული ან შემსყიდველისთვის გადაცემული პერსონალური ინფორმაცია, საქართველოს შინაგან საქმეთა სამინისტროს სსიპ დაცვის პოლიციის დეპარტამენტის მიერ, „პერსონალურ მონაცემთა დაცვის შესახებ“ საქართველოს კანონის შესაბამისად, შესაძლებელია დამუშავდეს სახელმწიფო შესყიდვის მიზნებისთვის.
10.1.7. პრეტენდენტის მიერ შერჩევა-შეფასების ეტაპზე წარმოდგენილ დაზუსტებულ პრეისკურანტში რომელიმე პოზიციის ერთეულის ფასების გაზრდა გამოიწვევს პრეტენდენტის დისკვალიფიკაციას.
პრეტენდენტის მიერ, „წინადადების მიღება დასრულებულია“ ეტაპზე, სატენდერო დოკუმენტაციის დანართი N1-ის (პრეისკურანტის) წარმოუდგენლობა ან არსებითად შეუსაბამო დანართი N1-ის (პრეისკურანტის) წარმოდგენა გამოიწვევს პრეტენდენტის დისკვალიფიკაციას აღნიშნულ ტენდერში.

შენიშვნა: პრეტენდენტის მიერ ერთიან ელექტრონულ სისტემაში ასატვირთი დოკუმენტები:
- ფასების ცხრილი (დანართი 1) - პრეისკურანტი, დამოწმებული კვალიფიციური ხელმოწერით/კვალიფიციური შტამბით.
- ინფორმაცია პრეტენდენტის ლიფტების ტექნიკური მომსახურების გამოცდილების შესახებ, სატენდერო დოკუმენტაციის 2.2.1 პუნქტის შესაბამისად.