Спортивные товары и оборудование (Грузия - Тендер #68908803)

სპორტული ინვენტარის (თანმდევი მომსახურებით - მონტაჟი/განთავსება) სახელმწიფო შესყიდვა.

1.2.1 სპორტულ ინვენტარზე (ტრენაჟორებზე) განთავსებული უნდა იყოს საინფორმაციო ეტიკეტი შესასრულებელი ვარჯიშის სწორი ვარიანტით.
1.2.2 სპორტული ინვენტარის ტრანსპორტირებას და მონტაჟს/განთავსებას უზრუნველყოფს მიმწოდებელი. მიმწოდებელს ევალება შესყიდვის ობიექტის მონტაჟთან/განთავსებასთან დაკავშირებული ყველა საჭირო აქსესუარით, ინვენტარითა და სხვა საშუალებებით უზრუნველყოფა.
1.2.3 პრეტენდენტის მიერ შემოთავაზებული საქონლის ტექნიკური მახასიათებლები უნდა შეესაბამებოდეს ტექნიკური დავალებით განსაზღვრულ პარამეტრებს.
1.2.4 შემოთავაზებული პროდუქციის პარამეტრებისა და ტექნიკური მახასიათებლების შესახებ ინფორმაციის გადამოწმების უზრუნველსაყოფად, პრეტენდენტის მიერ წარმოდგენილ უნდა იქნას შემოთავაზებული პროდუქციის მწარმოებლ(ებ)ის ვებ-გვერდის მისამართ(ებ)ი-ბმულები (არსებობის შემთხვევაში) ან/და მწარმოებლ(ებ)ის მიერ გაცემული წერილი.
1.2.5 მიღება-ჩაბარების აქტის გაფორმებისას მიმწოდებელი ვალდებულია შემსყიდველს წარმოუდგინოს მწარმოებლის მიერ გაცემული, შესყიდვის ობიექტის ტექნიკური მახასიათებლების შესახებ დეტალური ინფორმაცია, რათა შემსყიდველმა იმსჯელოს მიწოდებული პროდუქციის ტექნიკურ მოთხოვნებთან შესაბამისობაზე.
1.2.6 შემსყიდველსა და მიმწოდებელს შორის მიღება-ჩაბარების აქტი გაფორმდება მხოლოდ ხელშეკრულებით გათვალისწინებული შესყიდვის ობიექტის სრულად მოწოდების შემდეგ.
1.2.7 შესყიდვის ობიექტის ტექნიკური დავალებით განსაზღვრული ნიმუშები წარმოდგენილია თვალსაჩინოებისათვის და არ მოითხოვება იდენტური საქონლის შეთავაზება.
1.2.8 შესყიდვის ობიექტის დასახელება, პარამეტრები (მახასიათებლები) და სპორტული ინვენტარის ნიმუშები მოცემულია შესყიდვის ობიექტის ტექნიკურ დავალებაში, რომელიც ატვირთულია სატენდერო დოკუმენტაციის 1.2 პუნქტში.

შესყიდვის ობიექტის (თანმდევი მომსახურებით: მონტაჟი/განთავსება) მიწოდების ვადა: ხელშეკრულების ძალაში შესვლიდან არაუგვიანეს 120 (ასოცი) კალენდარული დღე.

შესყიდვის ობიექტის (თანმდევი მომსახურებით: მონტაჟი/განთავსება) მიწოდების ადგილი: დ.ადიგენი. თორნიკე ერისთავის ქუჩა

1.7.1.2 ფასების ცხრილის (დანართი N1) გარდა მე-19(ღერძი), მე-20(კრივის ტომარა), 21-ე(კრივის ხელთათმანი), 22-ე (სავარჯიშო ჰანტელები) და 23-ე(ოლიმპიური ბლინი) პოზიციებით გათვალისწინებული შესყიდვის ობიექტის საგარანტიო ვადა შეადგენს მიღება-ჩაბარების აქტის გაფორმებიდან 2 (ორი) წელს.
1.7.1.3 საგარანტიო ვადაში შესყიდვის ობიექტის მიერ გამოვლენილი წუნის/ხარვეზის/დეფექტის შემთხვევაში (გარდა ვანდალიზმის ფაქტისა), მიმწოდებელი ვალდებულია შემსყიდველის დავალებიდან არაუგვიანეს 30 (ოცდაათი) კალენდარული დღის ვადაში აღმოფხვრას წუნი/ხარვეზი/დეფექტი, შეაკეთოს ან შეცვალოს ახლით წუნის/დეფექტის/ხარვეზის მქონე საქონელი.
1.7.1.4 წუნის/ხარვეზის/დეფექტის გამო საქონლის შეკეთების ან შეცვლის საჭიროების შემთხვევაში საქონლის ტრანსპორტირება უნდა უზრუნველყოს მიმწოდებელმა.

2.1.1.1 პრეტენდენტმა ინფორმაცია შესყიდვის ობიექტის მწარმოებელი ქვეყანის, მწარმოებლი კომპანიის და მარკა/მოდელის შესახებ უნდა წარმოადგინოს ფასების ცხრილის_(დანართი N1) შესაბამისად.

2.1.1.2 ფასების ცხრილის წარმოუდგენლობა ან/და წარმოდგენა, მწარმობელი ქვეყნის, მწარმოებლის და მარკა/მოდელის დასახელების მითითების გარეშე, დაზუსტებას არ დაექვემდებარება და გამოიწვევს პრეტენდენტის დისკვალიფიკაციას.
მარკა/მოდელის არ არსებობის შემთხვევაში საჭიროა შესაბამის გრაფაში მითითებულ იქნას - ,,მარკა/მოდელი არ გააჩნია".

2.1.1.3 მიმწოდებელი ვალდებულია გადასცეს შემსყიდველს უფლებრივად და ნივთობრივად უნაკლო საქონელი.

2.9.1. პრეტენდენტმა ერთიან ელექტრონული სისტემის მეშვეობით უნდა წარმოადგინოს სრული ინფორმაცია შემოთავაზებული საქონლის ტექნიკური მახასიათებლების შესახებ ფასების ცხრილის დანართი №1-ის გათვალისწინებით.
2.9.2 შემოთავაზებული პროდუქციის მწარმოებლ(ებ)ის ვებ-გვერდის მისამართ(ებ)ი-ბმულები (არსებობის შემთხვევაში) ან/და მწარმოებლ(ებ)ის მიერ გაცემული წერილი.

იმ შემთხვევაში, როდესაც ტენდერში ელექტრონული ვაჭრობის შედეგად გამარჯვებული მიმწოდებლის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის სავარაუდო ღირებულებაზე, პრეტენდენტმა ფასწარმოქმნის ადეკვატურობა ან/და ამ ფასად ტენდერით გათვალისწინებული ვალდებულების შესრულების შესაძლებლობა უნდა დაასაბუთოს საექსპერტო, აუდიტორული ან/და საშემფასებლო დადებითი დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობა. პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების დამადასტურებელი დოკუმენტი. დასკვნის წარმოუდგენლობა გამოიწვევს ტენდერში მონაწილე პრეტენდენტის დისკვალიფიკაციას.
- დასკვნაში დასაბუთებული უნდა იყოს, რომ დასკვნის გაცემის მომენტისათვის მიმწოდებელს ან/და ერიცხება მის მიერ წარმოდგენილ ფასების ცხრილში დაფიქსირებული ფასების შესაბამისი საქონლის მარაგი, ან/და გააჩნია ხელშეკრულება/ინვოისი საქონლის მოწოდებაზე შესაბამისი მომწოდებლისაგან და საქართველოს კანონმდებლობით განსაზღვრული სავალდებულო გადასახადებისა და მოსაკრებლების და მიწოდების ადგილზე ტრანსპორტირების ხარჯების ჩათვლით შეუძლია მის მიერ დაფიქსირებულ საბოლო სატენდერო წინადადების ფასად შესაბამისი საქონლის მოწოდება შემსყიდველისათვის.

ანგარიშსწორება განხორციელდება, მიღება-ჩაბარების აქტისა და ანგარიშფაქტურის (სასაქონლო ზედნადები) საფუძველზე

ანგარიშსწორებისთვის განსაზღვრული დოკუმენტების საბოლოოდ გაფორმებიდან 10 (ათი) სამუშაო დღის განმავლობაში.

თეა ბოჩიკაშვილი, 591111249, bochikashvilitea@gmail.com

- ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე დამოწმებული კვალიფიციური ხელმოწერით/კვალიფიციური შტამპით.
- იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელმოწერისათვის გაცემული მინდობილობა.
-დოკუმენტების ან/და ინფორმაციის უცხო ენაზე წარმოდგენის შემთხვევაში უნდა დაერთოს საქართველოს კანონმდებლობით დადგენილი წესით შესრულებული ნოტარიულად დამოწმებული თარგმანი ქართულ ენაზე.
-პრეტენდენტს არ აქვს უფლება წარმოადგინოს ალტერნატიული წინადადება;
-სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
-ტექნიკური პარამეტრები არის შემსყიდველის მიერ დადგენილი მინიმალური მოთხოვნები, რომელსაც უნდა აკმაყოფილებდეს პრეტენდენტის მიერ შემოთავაზებული შესყიდვის ობიექტი.
- სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე):
- თუ არ იქნება წარმოდგენილი ტექნიკური დოკუმენტაციის 1.3 პუნქტით გათვალისწინებული ფასების ცხრილი (ხარჯთაღრიცხვა) ან ის წარმოდგენილი იქნება განუფასებლად და პრეტენდენტის მიერ ფასების ცხრილში არ იქნება მითითებული შემოთავაზებული საქონლის წარმოშობის ქვეყნის და მწარმოებელი კომპანიის შესახებ ინფორმაცია. მითითებული ინფორმაციის წარმოუდგენლობა ან შემდგომში შეცვლა გამოიწვევს პრეტენდენტის დისკვალიფიკაციას ყოველგვარი დაზუსტების პროცედურის გარეშე.