Ремонт и техническое обслуживание транспортных средств и оборудования и сопутствующие услуги (Грузия - Тендер #68908767)

საქართველოს კულტურის სამინისტროს ბალანსზე რიცხული ავტოსატრანსპორტო საშუალებების რეცხვისა და ქიმწმენდის მომსახურების შესყიდვა.

1.2. ტექნიკური დავალება:

1.2.1. ავტომობილების რეცხვა/გასუფთავების მომსახურება უნდა განხორციელდეს საბარათე (პლასტიკური ბარათი) სისტემის მეშვეობით რაც გულისხმობს შემდეგს: მიმწოდებელი ვალდებულია ხელშეკრულების გაფორმებიდან 5 (ხუთი) სამუშაო დღის განმავლობაში შემსყიდველი უზრუნველყოს ისეთი ტიპის ელექტრონული საშუალებით, რომლის მეშვეობითაც შემსყიდველს შესაძლებლობა ექნება (სახელისა და საიდენტიფიკაციო პაროლის გამოყენებით), გააქტიუროს რეცხვის და ქიმწმენდის მომსახურების რაოდენობა სპეციალურ ანგარიშზე. შემსყიდველს უნდა გააჩნდეს უფლებამოსილება ონლაინ, 24 საათის განმავლობაში, შეუზღუდავად, პლასტიკურ ბარათებზე გაანაწილოს რეცხვისა და ქიმწმენდის მომსახურების რაოდენობა. სპეციალურ ანგარიშზე რეცხვისა და ქიმწმენდის მომსახურების მოთხოვნილი რაოდენობის ასახვის შემდეგ შემსყიდველს უფლება აქვს ანგარიშზე არსებული ნაშთის ფარგლებში შეუზღუდავად, თავისი შეხედულებისამებრ, გადაანაწილოს მის კუთვნილ ერთ ან რამდენიმე პლასტიკურ ბარათზე. პლასტიკური ბარათის წარდგენის შემდგომ მისი მფლობელი უფლებამოსილია მიიღოს ბარათზე არსებული რეცხვის ან ქიმწმენდის მომსახურება მიმწოდებლის ავტოსამრეცხაო სადგურებში. საბარათე სისტემა ავტომატურად, ონლაინ რეჟიმში უნდა ასახავდეს მომსახურების გაწევას.
1.2.2. ავტოსატრანსპორტო საშუალებების რეცხვა:
მიმწოდებელმა უნდა უზრუნველყოს ავტოსატრანსპორტო საშუალებების როგორც გარედან, ისე შიდა (სალონი, საბარგული) რეცხვა. ამასთან, რეცხვა უნდა მოხდეს ხელით სპეციალური მოწყობილობების, ინვენტარისა და სარეცხი საშუალებების გამოყენებით; რეცხვის შემდეგ უნდა მოხდეს ავტომობილის გამშრალება;
რეცხვისთვის გამოყენებულ უნდა იქნეს ავტომობილის რეცხვისათვის განკუთვნილი სარეცხი და საწმენდი საშუალებები; მომსახურების გაწევის დროს მიმწოდებლის ბრალეულობით შემსყიდველის ავტოსატრანსპორტო საშუალებაზე მიყენებული ნებისმიერი ზარალის აღმოფხვის ხარჯების ანაზღაურება ეკისრება მიმწოდებელს; მიმწოდებელმა რეცხვის მომსახურება უნდა განახორციელოს შემსყიდველის უფლებამოსილი წარმომადგენლის მიერ პლასტიკური ბარათის წარდგენის შემდეგ. მიმწოდებელმა რეცხვის მომსახურების გაწევა უნდა უზრუნველყოს შემსყიდველის მიერ შესაბამისი პლასტიკური ბარათის წარდგენიდან არაუმეტეს 1 საათში;
1.2.3 ავტოსატრანსპორტო საშუალებების ქიმწმენდა:
მიმწოდებელმა უნდა უზრუნველყოს ავტოსატრანსპორტო საშუალებების - ქიმიური წმენდის მომსახურების გაწევა, რაც მოიცავს ინტერიერის (სალონი და საბარგული) სრულად წმენდას შესაბამისი ხსნარებით, სპეციალური მოწყობილობების, ინვენტარისა და საწმენდი საშუალებების გამოყენებით;
წმენდისას უნდა მოხდეს სალონის პლასტიკური და ტყავის ელემენტების დამუშავება
დამცავი და დამარბილებელი სპეციალური სითხით და კრემებით, სალონის გაწმენდა და დეზინფექცია, არასასიამოვნო სუნის ლიკვიდაცია;
1.2.4. მომსახურების გაწევის დროს მიმწოდებლის ბრალეულობით შემსყიდველის ავტოსატრანსპორტო საშუალებაზე მიყენებული ნებისმიერი ზარალის აღმოფხვის ხარჯების ანაზღაურება ეკისრება მიმწოდებელს;
1.2.5. მიმწოდებელმა ქიმწმენდის მომსახურების გაწევა უნდა უზრუნველყოს შემსყიდველის მიერ შესაბამისი პლასტიკური ბარათის წარდგენიდან არაუმეტეს 48 საათში; შემოთავაზებული ფასი უნდა მოიცავდეს მომსახურების სრულყოფილად გაწევასთან დაკავშირებულ ყველა ხარჯსა და კანონმდებლობით გათვალისწინებულ გადასახადებს, მათ შორის: პლასტიკური ბარათების (საჭიროების შემთხვევაში) დამზადების ხარჯებს. ხარჯები, რომლებიც სატენდერო წინადადების ფასში არ იქნება გათვალისწინებული, არ დაექვემდებარება ანაზღაურებას. სატენდერო წინადადების ფასი მითითებული უნდა იქნეს დღგ-ს გათვალისწინებით.

მომსახურების გაწევა უნდა განხორციელდეს ეტაპობრივად, 2026 წლის 1 იანვრიდან 2026 წლის 31 დეკემბრამდე.

რეცხვის მომსახურება უნდა განხორციელდეს პრეტენდენტის ან მისი ქვეკონტრაქტორის საკუთრებაში ან მართლზომიერ მფლობელობაში არსებულ, თბილისში არანაკლებ 3 (სამი) სამრეცხაო სადგურზე რომელთაგან მინიმუმ ერთი სანაპიროს ქ.N4-დან არაუმეტეს 7კმ საავტომობილო გზით უნდა იყოს დაშორებული, თითოეული ავტოსამრეცხაოს ბოქსების ჯამური რაოდება არ უნდა იყოს 4-ზე ნაკლები. მომსახურების გაწევა უნდა განხორციელდეს საბარათე სისტემით.

2.2.1.1 პრეტენდენტს 2023 წლის 1 იანვრიდან მოცემულ ტენდერში წინადადებების მიღების დასრულების დღემდე უნდა ჰქონდეს არანაკლებ 45 000 ლარის ღირებულების ავტოსატრანსპორტო საშუალებების რეცხვის/ქიმიური წმენდის მომსახურების გაწევის გამოცდილება, რის დასტურად პრეტენდენტმა სისტემაში უნდა წარმოადგინოს, ხელშეკრულებები და ამ ხელშეკრულებ(ებ)ის შესრულების ამსახველი მიღება–ჩაბარების აქტ(ებ)ი ან მიღება–ჩაბარების აქტ(ებ)ი შემცვლელი სხვა დოკუმენტაცია, რომელიც დაადასტურებს მომსახურების გაწევას. ხელშეკრულების და მიღება–ჩაბარების აქტის ნაცვლად შესაძლებელია წარმოდგენილ იქნას სახელმწიფო შესყიდვის ელექტრონული სისტემის SPA, NAT, CMR ან/და სხვა ნომრები.

2.2.1.2. პრეტენდენტს სატენდერო დოკუმენტაციის 2.2.1.1. პუნქტის შესაბამისად სისტემაში წარმოდგენილი ერთი ხელშეკრულების ფარგლებში უნდა გააჩნდეს არანაკლებ 15 000 ლარის ღირებულების ავტოსატრანსპორტო საშუალებების რეცხვის მომსახურების გაწევის გამოცდილება, აღნიშნულის დასტურად წარმოდგენილ უნდა იქნეს დამკვეთი/შემსყიდველი ორგანიზაციის მიერ არაუგვიანეს 2025 წელს გაცემული დადებითი რეკომენდაცია, რომელშიც უნდა იყოს მითითებული, ხელშეკრულების გაფორმების თარიღი, ხელშეკრულების ნომერი, შესყიდვის ობიექტის დასახელება, ხელშეკრულების ფარგლებში გაწეული მომსახურების ჯამური ღირებულება და ინფორმაცია იმის შესახებ რომ ხელშეკრულებით ნაკისრი ვალდებულებები შესრულებულია სრულად და ჯეროვნად.

2.3.1.1 პრეტენდენტს ან მის ქვეკონტრაქტორს საკუთრებაში ან მართლზომიერ სარგებლობაში უნდა გააჩნდეს თბილისში, არანაკლებ 3 (სამი) სამრეცხაო სადგური რომელთაგან მინიმუმ ერთი სანაპიროს ქ.N4-დან არაუმეტეს 7კმ საავტომობილო გზით უნდა იყოს დაშორებული, თითოეული სამრეცხაოს ბოქსების ჯამური რაოდენობა არ უნდა იყოს 4-ზე ნაკლები. ავტოსამრეცხაო სადგურები აღჭურვილი უნდა იყოს მომსახურებისთვის საჭირო სპეციალური ტექნიკით. ავტო-სამრეცახაო/ები და მათი ბოქსები უნდა იყოს მოწესრიგებული, გამართული, გარემონტებული, სუფთა.

2.3.1.2 სამრეცხაოზე საკუთრების ან მასზე სარგებლობის უფლების დასადასტურებლად წარმოდგენილ უნდა იქნას უძრავ ქონებაზე ამონაწერი საჯარო რეესტრიდან ან უძრავი ქონების არანაკლებ 2026 წლის 31 დეკემბრამდე სარგებლობის დამადასტურებელი დოკუმენტი (ქირავნობის, იჯარის და ა.შ. ხელშეკრულება).

2.3.1.3 თუ პრეტენდენტი უზრუნველყოფს ავტომობილების რეცხვის/ქიმწმენდის მომსახურების გაწევას მისი ქვეკონტრაქტორი კომპანიის საკუთრებაში ან მართლზომიერ მფლობელობაში არსებულ სამრეცხაო სადგურზე, წარმოდგენილ უნდა იქნას ქვეკონტრაქტორ კომპანიასა და პრეტენდენტს შორის გაფორმებული ხელშეკრულება, რომლითაც ქვეკონტრაქტორი კომპანია კისრულობს ვალდებულებას პრეტენდენტის წინაშე 2026 წლის 01 იანვრიდან 2025 წლის 31 დეკემბრის ჩათვლით პერიოდის განმავლობაში, კონკრეტულ მისამართზე მდებარე ავტოსამრეცხაო სადგურზე გასწიოს ავტომობილის რეცხვის ან/და ქიმწმენდის მომსახურება პრეტენდენტი კომპანიის მიერ გაცემული პლასტიკური ბარათის საფუძველზე.

2.3.1.4 ავტოსამრეცხაოს და მისი აღჭურვილობის შესაბამისობა ზემოაღნიშნულ სატენდერო მოთხოვნებთან დადგინდება მიმწოდებლის მიერ ერთიან ელექტრონულ სისტემაში ატვირთული ფოტოსურათებით და შემსყიდველის წარმომადგენლის ადგილზე ფიზიკურად შემოწმებით.

„ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6 და მე-7 პუნქტების საფუძველზე, იმ შემთხვევაში თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტმა შემსყიდველი ორგანიზაციის წერილობითი მოთხოვნის შემდეგ, უნდა წარმოადგინოს/ატვირთოს ფასწარმოქმნის ადეკვატურობის დასაბუთება. ფასწარმოქმნის ადეკვატურობა, შესაძლებელია დასაბუთდეს სსიპ ლევან სამხარაულის სასამართლო ექსპერტიზის ეროვნული ბიუროს ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული ან/და საშემფასებლო დასკვნით. დასკვნასთან ერთად ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი. დასკვნა ცალსახად უნდა ადასტურებდეს დაფიქსირებულ ფასად, მიმწოდებლ ის მხრიდან, ხელშეკრულებით ნაკისრი ვალდებულებების შესარულების შესაძლებლობას. პრეტენდენტმა უნდა გაითვალისწინოს, რომ „ ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების 28-ე მუხლის მე-5 პუნქტის თანახმად, ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ფასების ცხრილის ჯამურ ღირებულებასთან), ასევე ფასების ცხრილის ერთეულთან მიმართებით.

ანგარიშსწორება იწარმოებს ეტაპობრივად, მომსახურების გაწევის შემდეგ, მიმწოდებლის მიერ შესაბამისი საგადასახადო ანგარიშ–ფაქტურის (კანონმდებლობით გათვალისწინებულ შემთხვევვებში) გამოწერისა და შესაბამისი მიღება–ჩაბარების აქტის გაფორმების შემდეგ.

გაწეული მომსახურების ღირებულება ანაზღაურდება მხარეთა მიერ შესაბამისი მიღება–ჩაბარების აქტის გაფორმებიდან 10 სამუშაო დღეში.

ირაკლი ციკოლია, 577959188, itsikolia@culture.gov.ge

10.1.1. სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა.

10.1.2. ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.

10.1.3. ალტერნატიული სატენდერო წინადადება არ განიხილება.

10.1.4. სატენდერო წინადადების ფასი გამოსახული უნდა იყოს ეროვნულ ვალუტაში - ლარში, შესყიდვის ობიექტის მიწოდებასთან დაკავშირებული მიმწოდებლის ყველა ხარჯის (მ.შ კანონმდებლობით გათვალისწინებული გადასახადები) გათვალისწინებით.

10.1.5. პრეტენდენტმა სატენდერო წინადადების ფასში უნდა გაითვალისწინოს დღგ.

10.1.6. პრეტენდენტი დაექვემდებარება დისკვალიფიკაციას, თუ მის მიერ არ იქნება წარმოდგენილი ფასების ცხრილი (სატენდერო დოკუმენტაციის დანართი №1) ან ფასების ცხრილი წარმოდგენილი იქნება განფასების გარეშე ან წარდგენილ ფასების ცხრილში განუფასებელი პოზიცი(ებ)ის რაოდენობა აღემატება განსაფასებელი პოზიციების 5%-ს.

10.1.7. ტენდერში მონაწილეობით პრეტენდენტი ეთანხმება სატენდრო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო.