Следственные услуги и услуги по обеспечению безопасности (Грузия - Тендер #68908738)

ქ. თბილისში, ლევან მიქელაძის ქუჩა №3-ში მდებარე, სსიპ საქართველოს დაზღვევის სახელმწიფო ზედამხედველობის სამსახურის ოფისის შენობის (შემდგომ - ობიექტი) დაცვის მომსახურების სახელმწიფო შესყიდვა.

1.2.1. მიმწოდებელმა უნდა უზრუნველყოს ობიექტის დაცვა 2026 წელს, მომსახურების ვადაში ყოველდღიურად, უწყვეტად 24 საათის განმავლობაში;
1.2.2. მიმწოდებელმა უნდა უზრუნველყოს ოფისში განთავსებული მატერიალური ფასეულობების დაცვა;
1.2.3. მიმწოდებელმა დაცვის ობიექტზე უნდა გამოყოს არანაკლებ 4 (ოთხი) კვალიფიციური, შესაბამისი გამოცდილებისა და პასუხისმგებლობის მქონე დაცვის თანამშრომელი და უზრუნველყოს მორიგეობით, ცვლაში არანაკლებ ერთი თანამშრომლის, დროული და მოწესრიგებული გამოცხადება დაცვის ობიექტზე (მიმწოდებლის მიერ განსაზღვრული ფორმით და ბეიჯით - მიმწოდებლის დასახელებითა და არსებობის შემთხვევაში ლოგოთი). მიმწოდებელი ვალდებულია დაიცვას კანონმდებლობით განსაზღვრული ცვლაში მუშაობის დადგენილი მოთხოვნები.
1.2.4. მიმწოდებელმა უნდა განახორციელოს ობიექტის დაცვა შემსყიდველთან წინასწარ შეთანხმებული დაცვის თანამშრომლებითა და შესაბამისი გრაფიკით;
1.2.5. მიმწოდებლის ინიციატივით დაცვის თანამშრომლ(ებ)ის ცვლილების შემთხვევაში წერილობით ან/და სიტყვიერად აცნობოს შემსყიდველს, ცვლილებამდე 5 (ხუთი) სამუშაო დღით ადრე.
1.2.6. შემსყიდველის ინიციატივით დაცვის თანამშრომლ(ებ)ის შეცვლის დასაბუთებული მოთხოვნის შემთხვევაში, მიმწოდებელი ვალდებულია, მოთხოვნიდან 10 (ათი) კალენდარული დღის განმავლობაში უზრუნველყოს დაცვის თანამშრომლის შეცვლა;
1.2.7. ხელშეკრულების დადების შემდეგ, თანამშრომელთა წარდგენის ან/და მომსახურების პერიოდში ჩანაცვლების დროს მიმწოდებელი ვალდებულია, წარმოადგინოს მათი პირადობის დამადასტურებელი დოკუმენტი, ხოლო შემსყიდველის მოთხოვნის შემთხვევაში - დადებითი დახასიათება უკანასკნელი სამუშაო ადგილიდან და ანალოგიური მომსახურების არანაკლებ 1 (ერთი) წლიანი გამოცდილების დამადასტურებელი ნებისმიერი დოკუმენტი. მოთხოვნილი დოკუმენტაციის წარდგენის გარეშე თანამშრომელი არ დაიშვება მომსახურების ადგილზე;
1.2.8. დაცვის თანამშრომელმა უნდა უზრუნველყოს გარეშე პირთა შენობაში შესვლის აღრიცხვა და საშვის დაშვება, შემსყიდველთან შეთანხმებული საშვის დაშვების რეჟიმის კონტროლი;
1.2.9. დაცვის თანამშრომელმა დაუყოვნებლივ უნდა აცნობოს შესაბამის სამართალდამცავ ორგანოებს და შემსყიდველს დაცვის ობიექტზე თავდასხმის ან მოსალოდნელი საფრთხის შესახებ;
1.2.10. დაცვის თანამშრომელმა უნდა უზრუნველყოს დაცვის ობიექტზე საზოგადოებრივი წესრიგის დაცვა სამსახურებრივი მოვალეობების შესრულებისას. მართლსაწინააღმდეგო ქმედებების დაფიქსირების შემთხვევაში დაუყონებლივ აცნობოს როგორც შემსყიდველის, ისე მიმწოდებლის შესაბამის წარმომადგენლებს და საჭიროებისამებრ კომპეტენტურ ორგანოებს. ასევე მის მიერ გამოძახებულ უნდა იქნას ოპერატიული ჯგუფი, აღნიშნულ პირთა მოსვლამდე უზრუნველყოს შემთხვევის ადგილის ხელშეუხებლობა. ამასთან, აღნიშნული შემთხვევის დაფიქსირებისას მიმწოდებელი ვალდებულია შეადგინოს შესაბამისი ოქმი და დააფიქსიროს მხარეების ხელმოწერები;
1.2.11. მიმწოდებელი ფინანსურ პასუხისმგებლობას იღებს ობიექტის შენობისა და იმ მატერიალური ფასეულობების დაზიანებაზე და განადგურებაზე, რომელთა დაზიანება ან/და განადგურება გამოწვეულია ხელშეკრულებით აღებული ვალდებულებებისა და მოვალეობების არაჯეროვანი შესრულებით.
1.2.12. მიმწოდებელმა ობიექტზე არ უნდა დაუშვას გარეშე პირები არასამუშაო დღეებში და საათებში, გარდა შემსყიდველთან შეთანხმებული შემთხვევებისა;
1.2.13. მიმწოდებელმა შესაბამისი ნებადართული სიხშირეების გამოყენებით უნდა აღჭურვოს თითოეული დაცვის თანამშრომელი რადიოკავშირის (რაციის) საშუალებით;
1.2.14. მიმწოდებელმა დაუყოვნებლივ უნდა აცნობოს შემსყიდველს ისეთი გარემოებების შესახებ, რომელმაც შეიძლება ზიანი მიაყენოს შემსყიდველს, ან გამოიწვიოს სხვა უარყოფითი შედეგი.

1.4.1. მომსახურების გაწევის ვადაა: 2026 წლის 01 იანვრიდან 2026 წლის 31 დეკემბრის ჩათვლით პერიოდი;
1.4.2. მომსახურება უნდა განხორციელდეს 1.4.1. პუნქტში მითითებულ პერიოდში ყოველდღიურად, უწყვეტად 24 საათის განმავლობაში;
1.4.3. თუ შესყიდვის პროცედურების გახანგრძლივებიდან გამომდინარე ხელშეკრულების დადების თარიღი გადაიწევს 2026 წლის 01 იანვრის შემდგომ, შესაბამისად მომსახურების გაწევის ვადა აითვლება ხელშეკრულების დადებიდან.

1.5.1. მომსახურების გაწევის ვადაში, მიმწოდებელმა უნდა უზრუნველყოს ობიექტის დაცვა ყოველდღიურად, უწყვეტად 24 საათის განმავლობაში;
1.5.2. დაცვის მომსახურება განხორციელდება ქ. თბილისში, შემსყიდველის მისამართზე: ლევან მიქელაძის ქ. №3 (ყოფილი თენგიზ აბულაძის ქუჩა №34).

2.2.1.1. ტენდერში მონაწილე პრეტენდენტმა ერთიანი ელექტრონული სისტემის საშუალებით უნდა წარმოადგინოს ინფორმაცია 2020 - 2025 წლების პერიოდში, ტენდერით გათვალისწინებული ანალოგიური მომსახურების არანაკლებ 4 (ოთხი) წლიანი გამოცდილების შესახებ დანართი N2-ის შესაბამისად, SPA ან/და NAT ან/და CMR ნომრების მითითებით (სადაც იქნება ატვირთული მომსახურების შესრულების დამადასტურებელი დოკუმენტაცია) ან/და წარმოადგინოს ზემოაღნიშნული მომსახურების შესყიდვის შესახებ დადებული ხელშეკრულებები და მისი შესრულების დამადასტურებელი დოკუმენტების ასლები (მიღება-ჩაბარების აქტი ან/და საგადასახადო ანგარიშფაქტურა) ან/და დამკვეთის/შემსყიდველის მიერ გაცემული გაწეული მომსახურების დამადასტურებელი ცნობა/წერილი (რომელიც შეიცავს შემდეგ ინფორმაციას: გამცემი ორგანიზაციის სრული იურიდიული დასახელება, მისამართი, საიდენტიფიკაციო კოდი, უფლებამოსილი პირის ხელმოწერა/ელ.ხელმოწერა/ელ.შტამპი, შტამპი/ბეჭედი (არსებობის შემთხვევაში), დოკუმენტის გაცემის თარიღი, საკონტაქტო ინფორმაცია, რომელზეც შესაძლებელი იქნება აღნიშნული დოკუმენტის ნამდვილობის გადამოწმება);
სახელმწიფო შესყიდვების ერთიან ელექტრონულ სისტემაში, წარმოდგენილი CMR/SPA/NAT ნომრების შესაბამის ველში, დაცვის მომსახურების შესრულების სრულყოფილი დოკუმენტების არსებობის შემთხვევაში, სხვა დოკუმენტების წარმოდგენა სავალდებულო არ არის.
2.2.1.2. ტენდერით გათვალისწინებული ანალოგიური მომსახურების არანაკლებ 4 (ოთხი) წლიანი გამოცდილების შესახებ წარმოდგენილი ინფორმაციით უნდა დასტურდებოდეს, პრეტენდენტის მიერ თითოეული კალენდარული წლის განმავლობაში არანაკლებ 10 (ათი) თვიანი მომსახურების გაწევა ერთ შემსყიდველთან/დამკვეთთან.
2.2.1.3. პრეტენდენტმა უნდა წარმოადგინოს ტენდერით გათვალისწინებული ანალოგიური დაცვის მომსახურების გაწევის შესახებ არანაკლებ 1 (ერთი) დადებითი სარეკომენდაციო წერილი/ცნობა, მათ შორის ერთი გაცემული უნდა იყოს შემსყიდველი ორგანიზაციის მიერ.
2.2.1.4. დამკვეთის/შემსყიდველის მიერ გაცემული, გაწეული მომსახურების დამადასტურებელი ცნობა/წერილი და სარეკომენდაციო წერილი/ცნობა გაცემული უნდა იყოს წინამდებარე ტენდერის გამოცხადებამდე არაუგვიანეს 3 თვისა. ამასთან, თუ წარმოდგენილი წერილი/ცნობა არ შეიცავს 2.2.1.1. ქვეპუნქტით გათვალისწინებულ რეკვიზიტებს და მითითებული გაცემის ვადა დარღვეულია, სატენდერო კომისია არ განიხილავს მასში მითითებულ სხვა ინფორმაციას და აღნიშნული განიხილება დოკუმენტის წარმოუდგენლობად.

2.4.1.1. ხელშეკრულების გაფორმების შემდეგ მიმწოდებელმა დაცვის ობიექტზე უნდა გამოყოს კვალიფიციური, შესაბამისი გამოცდილებისა და პასუხისმგებლობის მქონე დაცვის თანამშრომლები;
2.4.1.2. დაცვის თანამშრომლის ასაკი არ უნდა აღემატებოდეს 55 წელს;
2.4.1.3. დაცვის თანამშრომელს მოეთხოვება ინგლისური ენის არანაკლებ საბაზისო ცოდნა.
2.4.1.4. თანამშრომელთა წარდგენის ან/და მომსახურების პერიოდში ჩანაცვლების დროს, შემსყიდველის მოთხოვნის შემთხვევაში, მიმწოდებელი ვალდებულია, წარმოადგინოს თანამშრომელთა დადებითი დახასიათება უკანასკნელი სამუშაო ადგილიდან და ანალოგიური მომსახურების არანაკლებ 1 (ერთი) წლიანი გამოცდილების დამადასტურებელი დოკუმენტები.

პრეტენდენტმა უნდა წარმოადგინოს უფლებამოსილი ორგანოს მიერ გაცემული დაცვითი საქმიანობის გაწევის უფლებამოსილების დამადასტურებელი დოკუმენტის (ლიცენზია) ორიგინალი ან ნოტარიულად დამოწმებული ასლი.

2.9.1. პრეტენდენტის მიერ ერთიან ელექტრონულ სისტემაში ასატვირთი დოკუმენტებია:
ა) ფასების ცხრილი (დანართი №1) - სატენდერო დოკუმენტაციის 1.3. პუნქტში მოცემული ფორმით და მოთხოვნების შესაბამისად;
ბ) გამოცდილებასთან დაკავშირებული ინფორმაცია - სატენდერო დოკუმენტაციის 2.2.1.1, 2.2.1.2. და 2.2.1.4. ქვეპუნქტების მოთხოვნების შესაბამისად, დანართი №2-ის ფორმის გათვალისწინებით;
გ) ანალოგიური მომსახურების შესახებ დადებითი სარეკომენდაციო წერილ(ებ)ი/ცნობ(ებ)ი - სატენდერო დოკუმენტაციის 2.2.1.3. და 2.2.1.4. ქვეპუნქტების მოთხოვნების შესაბამისად;
დ) საქმიანობის გაწევის უფლებამოსილების დამადასტურებელი დოკუმენტი (ლიცენზია) - სატენდერო დოკუმენტაციის 2.7.1 პუნქტის მოთხოვნების შესაბამისად.

2.9.2. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, უპირატესობის მინიჭების საკითხს გადაწყვეტს სატენდერო კომისია.
2.9.3. „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების გათვალისწინებით, სახელმწიფო შესყიდვების ერთიან ელექტრონულ სისტემაში (შემდგომ – სისტემა) ატვირთული ყველა დოკუმენტი ან/და ინფორმაცია დადასტურებული/დამოწმებული უნდა იყოს უფლებამოსილი პირის მიერ (მინდობილი პირის შემთხვევაში, ატვირთული უნდა იქნეს მინდობილობა ან რწმუნებულება) კვალიფიციური ელექტრონული ხელმოწერით ან/და დამოწმებული უნდა იყოს კვალიფიციური ელექტრონული შტამპით.

4.1.1.1. იმ შემთხვევაში, თუ ტენდერში პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებული იქნება დაასაბუთოს ფასწარმოქმნის ადეკვატურობა საექსპერტო ან აუდიტორული დასკვნით (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების/აკრედიტაციის დამადასტურებელი დოკუმენტ(ებ)ის ასლ(ებ)ი) ან/და წარმოადგინოს წინამდებარე ტენდერით გათვალისწინებული მომსახურების, შემოთავაზებულ ან/და უფრო დაბალ ფასად, გაწევის გამოცდილების დამადასტურებელი დოკუმენტაცია (ხელშეკრულება, მიღება-ჩაბარების აქტები ან/და საგადასახადო ანგარიშ-ფაქტურები), რითაც დაადასტურებს დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას;
4.1.1.2. პრეტენდენტის მიერ წარმოდგენილი დოკუმენტაციით უნდა დასტურდებოდეს, რომ ხელშეკრულების ფარგლებში გაწეული მომსახურების მოცულობა არის მოცემული სატენდერო დოკუმენტაციით გათვალისწინებული მომსახურების მოცულობის ტოლფასი (გაწეული მომსახურების ღირებულების, მომსახურების პერიოდის ხანგრძლივობისა და დაცვის თანამშრომელთა რაოდენობასთან მიმართებაში).
4.1.1.3. პრეტენდენტი დაექვემდებარება დისკვალიფიკაციას, უარყოფითი დასკვნის წარმოდგენის ან დასკვნის ან მომსახურების დაბალ ფასად გაწევის გამოცდილების დამადასტურებელი დოკუმენტაციის წარმოუდგენლობის შემთხვევაში.

7.2.1. ანგარიშსწორება განხორციელდება უნაღდო ანგარიშსწორების ფორმით ლარში, ეტაპობრივად, ყოველი საანგარიშო თვის მომდევნო თვეს, ფაქტობრივად გაწეული მომსახურების შესაბამისად, გაფორმებული მიღება-ჩაბარების აქტისა და საგადასახადო ანგარიშ-ფაქტურის საფუძველზე (არსებობის შემთხვევაში);
7.2.2. არასრული თვის განმავლობაში (ასეთის არსებობის შემთხვევაში) გაწეული მომსახურების ღირებულება გამოითვლება ფაქტიურად შესრულებული სამუშაოს მიხედვით, კერძოდ, გამარჯვებული პრეტენდენტის მიერ შემოთავაზებული ერთი თვის მომსახურების ღირებულების საანგარიშო თვის კალენდარული დღეების რაოდენობაზე გაყოფის შედეგად მიღებული ოდენობის ფაქტიურად გაწეული მომსახურების დღეების რაოდენობაზე ნამრავლით;
7.2.3. ხელშეკრულების შეწყვეტის ან მოქმედების ვადის ამოწურვის მომენტისათვის ხელშეკრულების საერთო ღირებულებიდან დარჩენილი თანხა (ასეთის არსებობის შემთხვევაში) არ წარმოშობს მხარეებს შორის რაიმე დამატებით ვალდებულებებს. მხარეთა შეთანხმების საფუძველზე ხელშეკრულების საერთო ღირებულება შემცირდება აღნიშნული თანხით და განისაზღვრება ფაქტიურად გაწეული მომსახურების ჯამური ღირებულებით.

ანგარიშსწორება განხორციელდება ეტაპობრივად, 7.2.1. პუნქტში მითითებული დოკუმენტების წარმოდგენიდან 10 (ათი) სამუშაო დღის განმავლობაში.

მაკა ლეშკაშელი, 577187070, mleshkasheli@insurance.gov.ge

10.1.1. პრეტენდენტს არ აქვს უფლება წარმოადგინოს ალტერნატიული სატენდერო წინადადება;
10.1.2. სატენდერო წინადადებაში საერთო და ერთეულის ფასი გამოსახულ უნდა იყოს ყველა ხარჯის გათვალისწინებით, აგრეთვე მოიცავდეს საქართველოს კანონმდებლობით დადგენილ გადასახადებს, თუ მოსაკრებლებს (მათ შორის - დ.ღ.გ).
10.1.3. სატენდერო წინადადების ფასის წარმოდგენა დასაშვებია მხოლოდ ეროვნულ ვალუტაში - ლარი.
10.1.4. ხარჯები, რომლებიც წინადადების ფასში არ იქნება გათვალისწინებული არ დაექვემდებარება ანაზღაურებას.