Инженерные услуги (Грузия - Тендер #68908733)

კულტურული მემკვიდრეობის ძეგლების საპროექტო-სახარჯთაღრიცხვო დოკუმენტაციის და სარეაბილიტაციო სამუშაოებზე ექსპერტიზის დასკვნის/ინსპექტირების ანგარიშის წარმოდგენის მომსახურება

მომსახურება მოიცავს: კულტურული მემკვიდრეობის ძეგლების საპროექტო-სახარჯთაღრიცხვო დოკუმენტაციის ექსპერტიზას; ასევე სარეაბილიტაციო შესრულებულ სამუშაოებზე ექსპერტიზის დასკვნის/ინსპექტირების ანგარიშის მომზადებას. მათ შორის:

1. პროექტის კონსტრუქციული ნაწილის ექსპერტიზა (ერთი ობიექტი);
2. პროექტის საინჟინრო ნაწილების ექსპერტიზა: წყალ-კანალი, ელექტროობა, სუსტი დენები (ერთი ობიექტი);
3. გათბობა-გაგრილება-კონდიცირების ნაწილის ექსპერტიზა (ერთი ობიექტი);
4. სახანძრო უსაფრთხოების ნაწილის ექსპერტიზა (ერთი ობიექტი);
5. პროექტის საინჟინრო-გეოლოგიური ნაწილის ექსპერტიზა (ერთი ობიექტი);
6. პროექტის არქიტექტურული ნაწილის ექსპერტიზა (ერთი ობიექტი);
7. შესრულებული სამუშაოს (შუალედური და საბოლოო) მოცულობების და ხელშეკრულებით მოთხოვნილ ხარისხთან შესაბამისობის დადგენა;
8. ხარჯთაღრიცხვის ექსპერტიზა;
9. პროექტისა და (ყველა ნაწილი-შესასრულებელ სამუშაოთა) ხარჯთაღრიცხვის ურთიერთშესაბამისობი ექსპერტიზა (ერთი ობიექტი) და ხარჯთაღრიცხვის ექსპერტიზა.

ხარჯთაღრიცხვის საექსპერტო მომსახურება უნდა განხორციელდეს აღნიშნულ სფეროში ქვეყანაში მოქმედი მარეგულირებელი კანონმდებლობის შესაბამისად, ხოლო ისტორიული შენობა-ნაგებობებზე გასაცემი რეკომენდაციები - საპროექტო გადაწყვეტილების მართებულობის შესახებ.
დაექსპერტებული და შენიშვნა დადებული ობიექტის განმეორებითი ექსპერტიზა უნდა განხორციელდეს უფასოდ.
დაექსპერტებული და შენიშვნა დადებული ობიექტის მესამედ განხილვის შემთხვევაში, ექსპერტიზა უნდა განხორციელდეს - თავდაპირველი ღირებულების 25% ფარგლებში.
საექსპერტო დაწესებულებამ წარდგენილი დოკუმენტი (სრული საპროექტო დოკუმენტაცია, ხარჯთაღრიცხვა და სხვა) უნდა შეისწავლოს სრულად და მიუთითოს შენიშვნები, გასცეს რეკომენდაციები. დაუშვებელია წარდგენილი დოკუმენტაციის ნაწილობრივ შესწავლა.
პროექტის არქიტექტურულ ნაწილს ექსპერტიზა უნდა ჩაუტაროს დარგის შესაბამისმა სპეციალისტმა (არქიტექტორ-რესტავრატორი).

მომსახურების მიწოდების ვადაა ხელშეკრულების გაფორმების თარიღიდან 2026 წლის 31 დეკემბრის ჩათვლით (მაგრამ არაუადრეს 2026 წლის 01 იანვრისა).

მომსახურების მიწოდების ადგილი:
მატერიალურად - ქ. თბილისი, დავით აღმაშენებლის გამზირი N79. ექსპერტიზის დასკვნა/ინსპექტირების ანგარიში წარმოდგენილ უნდა იქნეს 1 პირი მატერიალური სახით და 1 ელექტრონული ვერსია CD დისკზე ჩაწერილი.

მომსახურების გაწევის ფორმა:
1. მომსახურების მიწოდება მოხდება შემსყიდველის მიერ გაცემული წერილობითი დავალებების შესაბამისად.
2. დოკუმენტაცია მიმწოდებელს გადაეცემა ეტაპობრივად.
3. ექსპერტიზის დასკვნა/ინსპექტირების ანგარიში წარმოდგენილი უნდა იქნას შემსყიდველის მიმართვიდან მომსახურების ჩამონათვალის შესაბამისად ფასების ცხრილში მითითებულ ვადაში.
4. შენიშვნების არსებობის შემთხვევაში, პრეტენდენტი (მიმწოდებელი) შემსყიდველს უგზავნის შუალედურ დასკვნას, ხარვეზების გამოსწორების თაობაზე, რაზედაც გონივრულ ვადაში შემსყიდველი უგზავნის გამოსწორებულ დოკუმენტაციას, პირველად შედგენილ შუალედურ დასკვნაზე დამატებითი ანაზღაურება არ ხორციელდება.
6. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით,
7. დასკვნა/ინსპექტირების ანგარიში წარმოდგენილ უნდა იქნეს 1 პირი მატერიალური სახით და ასევე, ელექტრონული ვერსია CD დისკზე ჩაწერილი.

შესყიდვაში მონაწილეობის მსურველ პირი შეიძლება იყოს:

სსიპ აკრედიტაციის ერთიანი ეროვნული ორგანოს - აკრედიტაციის ცენტრის მიერ აკრედიტებული ინსპექტირების პირები, რომელთა აკრედიტაციის სფეროს წარმოადგენს: პროექტის კონსტრუქციული ნაწილის ექსპერტიზა; პროექტის საინჟინრო ნაწილების ექსპერტიზა: წყალ-კანალი, ელექტროობა, სუსტი დენები; გათბობა-გაგრილება-კონდიცირების ნაწილის ექსპერტიზა; სახანძრო უსაფრთხოების ნაწილის ექსპერტიზა; პროექტის საინჟინრო-გეოლოგიური ნაწილის ექსპერტიზა; პროექტის არქიტექტურული ნაწილის ექსპერტიზა; შესრულებული სამუშაოს მოცულობების და ხელშეკრულებით მოთხოვნილ ხარისხთან შესაბამისობის ექსპერტიზა; ხარჯთაღრიცხვის ექსპერტიზა; პროექტისა და ხარჯთაღრიცხვის ურთიერთშესაბამისობის ექსპერტიზა.
პრეტენდენტის მიერ წარმოდგენილი უნდა იქნას აკრედიტაციის დამადასტურებელი ძალაში მყოფი "A-ტიპის ინსპექტირების ორგანო (მშენებლობის სფეროში)" დოკუმენტ(ებ)ი. რომელიც დაადასტურებს, რომ პრეტენდენტს უფლება აქვს აწარმოოს ტექნიკურ დავალებაში მითითებული მომსახურებების შესაბამისი ექსპერტიზა.
იმ შემთხვევაში, თუ პირს აკრედიტაცია გაუუქმდება ნებისმიერი მიზეზით, მასთან შეწყდება ხელშეკრულება.

იმ შემთხვევაში თუ მომსახურების გაწევა უნდა განხორციელდეს ქვეკონტრაქტორის საშუალებით, სისტემაში პრეტენდენტმა უნდა ატვირთოს შესაბამისი ხელშეკრულების ასლი, რომელიც დამოწმებული უნდა იყოს ნოტარიული წესით ან/და ელექტრონული კვალიფიციური ხელმოწერით/შტამპით. ხელშეკრულება ძალაში უნდა იყოს მინიმუმ 2026 წლის 31 დეკემბრის ჩათვლით. ქვეკონტრაქტორ(ებ)თან გაფორმებულ ხელშეკრულებ(ები)აში აუცილებელი პირობაა ფიქსირდებოდეს კონკრეტული საექსპერტო მომსახურება, რომლის განხორციელების ვალდებულება ეკისრება ქვეკონტრაქტორს.
ქვეკონტრაქტორი ვალდებულია წარმოადგინოს შესაბამისი აკრედიტაციის დამადასტურებელი დოკუმენტი.
ქვეკონტრაქტორი კომპანია არ უნდა იყოს რეგისტრირებული შესყიდვებში მონაწილე არაკეთილსინდისიერ პირთა რეესტრში – „შავი სია“.

შემსყიდველის მიერ საექსპერტო განცხადებისა და დოკუმენტაციის წარდგენა მიმწოდებელთან განხორციელდება ელექტრონული ფოსტის საშუალებით.

მომსახურების სპეციფიკიდან გამომდინარე (ვინაიდან შესყიდვა მოიცავს ინტელექტუალურ მომსახურებას), ტენდერში არ გამოიყენება ფასწარმოქმნის ადეკვატურობის დასაბუთების ვალდებულება.

2 Процентов

5 Процентов

ხელშეკრულების უზრუნველყოფის საბანკო გარანტიის მოქმედების ვადა 90 კალენდარული დღით უნდა აღემატებოდეს შესყიდვის ობიექტის მიწოდების ვადას.

ხელშეკრულების შესრულების უპირობო და გამოუთხოვადი გარანტია წარმოდგენილი უნდა იყოს საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიიდან, ეროვნულ ვალუტაში - ლარში.

უცხოური ბანკიდან ან/და სადაზღვევო კომპანიიდან საბანკო გარანტიის წარმოდგენის შემთხვევაში მასთან ერთად მიმწოდებელმა უნდა წარმოადგინოს ზემოაღნიშნული საბანკო გარანტიის საფუძველზე საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ საქართველოს დაზღვევის სახელმწიფო ზედამხედველობის სამსახურის მიერ ლიცენზირებული სადაზღვევო კომპანიიდან გაცემული „კონტრგარანტია“ (ლარში).

საბანკო გარანტია და მასთან დაკავშირებული დოკუმენტაცია წარმოდგენილი უნდა იქნას ქართულ ენაზე (დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე).
გარანტია უნდა იყოს უპირობო და შემსყიდველს უნდა აძლევდეს უფლებას გარანტიის გამცემი დაწესებულებისგან პირველი მოთხოვნისთანავე, ყოველგვარი დასაბუთების გარეშე, მიიღოს შესაბამისი თანხა.

მიმწოდებლის მიერ წარმოდგენილი, ხელშეკრულების შესრულების უზრუნველყოფის უპირობო საბანკო გარანტია გამოიყენება მიმწოდებლის მიერ ხელშეკრულების პირობების შეუსრულებლობის, ან არაჯეროვნად შესრულების გამო, აგრეთვე შემსყიდველის მიერ პირგასამტეხლოს გამოყენებისა და ხელშეკრულებით გათვალისწინებულ სხვა შემთხვევებში.

მიმწოდებლის მიერ ხელშეკრულების შეწყვეტის შემთხვევაში შემსყიდველს უფლება აქვს აამოქმედოს ხელშეკრულების შესრულების უზრუნველყოფის საბანკო გარანტია სრული ოდენობით.

მიმწოდებლის მიერ ხელშეკრულების შეუსრულებლობის ან არაჯეროვნად შესრულების გამო, შემსყიდველის მიერ ხელშეკრულების ცალმხრივად შეწყვეტის შემთხვევაში, შემსყიდველი უფლებამოსილია აამოქმედოს ხელშეკრულების შესრულების უზრუნველყოფის მიზნით მიმწოდებლის მიერ წარმოდგენილი უპირობო საბანკო გარანტია სრული ოდენობით. ამ შემთხვევაში საბანკო გარანტიის ამოქმედება მიმწოდებელს არ ათავისუფლებს შემსყიდველისთვის მიყენებული ზიანის ანაზღაურებისგან.

გაწეული მომსახურების ანგარიშსწორება განხორციელდება ეტაპობრივად, წარმოდგენილი დასკვნის შესაბამისად მხარეთა მიერ შედგენილი მიღება-ჩაბარების აქტ(ებ)ის მიხედვით, ანაზღაურებისათვის შესაბამისი საგადასახადო ანგარიშფაქტურის საფუძველზე, უნაღდო ანგარიშსწორების ფორმით ლარში.

ანგარიშსწორება მოხდება მიღება-ჩაბარების აქტების გაფორმებისა და საქართველოს კანონმდებლობით გათვალისწინებული შესაბამისი საგადასახადო დოკუმენტაციის წარდგენიდან 10 (ათი) სამუშაო დღის ვადაში.

ხათუნა მენაბდიშვილი, 577253365, khatuna.menabdishvili@gmail.com

1. ტენდერში მონაწილეობის მიღებით პრეტენდენტი ავტომატურად გამოხატავს თანხმობას სატენდერო დოკუმენტაციით განსაზღვრულ მოთხოვნებზე.
2. მიმწოდებელი ვალდებულია, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით.
3. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს სანოტარო წესით დამოწმებული ქართული თარგმანი.
4. დავის შემთხვევაში უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
5. სახელმწიფო შესყიდვების ერთიან ელექტრონულ სისტემაში (შემდგომში – სისტემა) ატვირთული ყველა დოკუმენტი ან/და ინფორმაცია დამოწმებული უნდა იყოს კვალიფიციური ელექტრონული ხელმოწერით ან/და კვალიფიციური ელექტრონული შტამპით უფლებამოსილი პირის მიერ (საჭიროების შემთხვევაში ატვირთულ უნდა იქნას მინდობილობა ან რწმუნებულება).
6. იმ შემთხვევაში, თუ სატენდერო პირობებზე ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა უნდა წარმოადგინოს ხელისმოწერისათვის გაცემული მინდობილობა.
7. პრედენდენტს არა აქვს უფლება წარმოადგინოს ალტერნატიული სატენდერო წინადადება.
8. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებულ ყველა ხარჯის ჩათვლით.
9. სატენდერო წინადადების ფასი სახელმწიფო შესყიდვების ერთიან ელექტრონულ სისტემაში მითითებული უნდა იქნეს დღგ-ს გათვალისწინებით.
10. პრეტენდენტის მიერ ერთიანი ელექტრონული სისტემის მეშვეობით ხარჯთაღრიცხვის წარმოუდგენლობა გამოიწვევს მის დისკვალიფიკაციას დაზუსტების გარეშე.
11. შესყიდვა ხორციელდება ათვისების ვალდებულების გარეშე და შემსყიდველს ანგარიშსწორების ვადლებულება წარმოეშობა ფაქტობრივად გაწეული მომსახურების შესაბამისად.

12. პრეტენდენტის მიერ სავალდებულოდ წარმოსადგენი დოკუმენტებია:
სატენდერო დოკუმენტაციის 1.3. პუნქტის თანახმად - ფასების ცხრილი;
სატენდერო დოკუმენტაციის 2.7.1. პუნქტის თანახმად - პრეტენდენტის აკრედიტაციის დამადასტურებელი დოკუმენტები.