Автомобили (Грузия - Тендер #68908709)

2 (ორი) ერთეული მიკროავტობუსის შესყიდვა

მიკროავტობუსის ტექნიკური პარამეტრები, იხილეთ დანართ N2-ში (ტექნიკური დავალება).

ტექნიკურ მახასიათებლებში მითითებულია მინიმალური მოთხოვნები, რომელსაც უნდა აკმაყოფილებდეს შემოთავაზებული მიკროავტობუსი. პრეტენდენტს შეუძლია გაუმჯობესუბელი მახასიათებლების მქონე შესყიდვის ობიექტის შემოთავაზება.

პრეტენდენტი ვალდებულია დანართ N1-ში განაფასოს მიკროავტობუსის და მისი გეგმიური ფლობის ღირებულება კომპონენტების მიხედვით (მიკროავტობუსის და მიკროავტობუსის სერვისის/ნაწილის ხარჯის ჯამი), რომელიც შემდგომში აისახება სახელმწიფო შესყიდვის შესახებ ხელშეკრულებ(ებ)ში.

პრეტენდენტი უფლებამოსილია დანართ N1-ში განსაზღვროს მწარმოებლის მიერ განსაზღვრული გეგმიური ფლობის კომპონენტები, რომლის შესყიდვაც განხორციელდება მთლიან მიკროავტობუსზე საგარანტიო პერიოდის განმავლობაში.

შესყიდვის ობიექტის მიწოდება უნდა განხორციელდეს ხელშეკრულების გაფორმებიდან 180 (ას ოთხმოცი) კალენდარული დღის განმავლობაში,

შენიშვნა: თუ მიწოდების ბოლო დღე დაემთხვევა არასამუშაო დღეს, საქონლის მიწოდება უნდა განხორციელდეს მომდევნო სამუშაო დღეს.

მიმწოდებელმა საკუთარი ხარჯებით უნდა უზრუნველყოს მიკროავტობუსების შემსყიდველის სახელზე სახელმწიფო რეგისტრაცია და შემსყიდველისათვის მფლობელობაში გადაცემა ქ. თბილისში

ა) შემოთავაზებულ მიკროავტობუსებზე უნდა ვრცელდებოდეს მწარმოებლის გარანტია: არანაკლებ 3 (სამი) წელი ძირითად აგრეგატებზე (ძრავი, ხიდი, გადაცემათა კოლოფი), ასევე არანაკლებ 3 (სამი) წელი ან 150 000 კილომეტრი (რომელიც ადრე შესრულდება) სრულ მიკროავტობუსზე, გარდა სწრაფცვეთადი ნაწილებისა და მასალებისა (ანტიფრიზი, ფრეონი, საბურავები, ელექტრონათურები, ელექტრომცველები, შუშის საწმენდი ჯაგრისები).

პრეტენდენტმა უნდა წარმოადგინოს შემოთავაზებული მიკროავტობუსის მწარმოებლის მიერ გაცემული და დამოწმებული გარანტიის დამადასტურებელი დოკუმენტაცია.

ბ) საგარანტიო ვადაში შესყიდვის ობიექტზე გამოვლენილი წუნის/ხარვეზის/დეფექტის შემთხვევაში, მიმწოდებელი ვალდებულია შემსყიდველის დავალებიდან არაუგვიანეს 5 (ხუთი) სამუშაო დღის ვადაში (ან გონივრულ ვადებში, საგარანტიო მომსახურების სპეციფიურობის შესაბამისად) წუნის/დეფექტის/ხარვეზის მქონე საქონელი შეაკეთოს ან შეცვალოს ახლით.

2.1.1.1. პრეტენდენტმა შემოთავაზებული მიკროავტობუსის მარკის, მწარმოებლის, მოდელის და წარმოშობის ქვეყნის შესახებ ინფორმაცია უნდა წარმოადგინოს დანართი N1-ის შესაბამისად.

2.1.1.2 იმ შემთხვევაში, თუ სატენდერო წინადადებით წარმოდგენილ დანართი N2-ში არ იქნება მითითებული შემოთავაზებული მიკროავტობუსის მარკის, მოდელის, მწარმოებლის ან მწარმოებელი ქვეყნის დასახელება, პრეტენდენტი დაექვემდებარება დისკვალიფიკაციას. მიკროავტობუსის ბრენდის, მოდელის, მწარმოებლის ან მწარმოებელი ქვეყნის შესახებ ინფორმაცია არ ექვემდებარება ცვლილებას და უნდა იყოს საბოლოო, წინააღმდეგ შემთხვევაში პრეტენდენტი ასევე დაექვემდებარება დისკვალიფიკაციას. ამასთან, თუ მიკროავტობუსის ბრენდის, მოდელის, მწარმოებლის ან მწარმოებელი ქვეყნის შესახებ წარდგენილი ინფორმაცია არასრულყოფილია ან შეიცავს უზუსტობებს, თუმცა პრეტენდენტის მიერ სატენდერო წინადადების სახით წარდგენილი დოკუმენტ(ებ)ის/ინფორმაციის ერთობლიობით, მათი შეფასების, ანალიზისა და ურთიერთშეჯერების საფუძველზე შესაძლებელია შესყიდვის ობიექტის ბრენდის, მოდელის, მწარმოებლის ან მწარმოებელი ქვეყნის იდენტიფიკაცია, სატენდერო კომისია უფლებამოსილია მიმართოს პრეტენდენტს აღნიშნულის დაზუსტების მოთხოვნით.


2.1.1.3 შემოთავაზებული ავტობუსი უნდა იწარმოებოდეს ევროკავშირის ან/და ეკონომიკური თანამშრომლობისა და განვითარების ორგანიზაციის (OECD) წევრ ქვეყანაში.

პრეტენდენტს 2024 წლის 1 იანვრიდან წინამდებარე ელექტრონული ტენდერის გამოცხადების დღემდე უნდა გააჩნდეს 1 (ერთი) ერთეული ავტობუსის ან/და მიკროავტობუსის მიწოდების გამოცდილება.

აღნიშნულის დასადასტურებლად პრეტენდენტმა უნდა წარმოადგინოს ხელშეკრულება და შესაბამისი მიღება-ჩაბარების აქტ(ებ)ი, ან სხვა დოკუმენტაცია, რომლითაც დადასტურდება პრეტენდენტის მიერ ზემოაღნიშნული საქონლის მიწოდების ფაქტი. (იმ შემთხვევაში, თუ ხელშეკრულება და მიღება-ჩაბარების აქტები სრულად არის ატვირთული სახელმწიფო შესყიდვების სააგენტოს ვებგვერდზე, საკმარისია შესაბამისი SPA/NAT/CMR მითითება).

ა) პრეტენდენტმა ერთიანი ელექტრონული სისტემის მეშვეობით უნდა წარმოადგინოს ინფორმაცია მწარმოებლის მიერ ავტორიზებული არანაკლებ 1 (ერთი) სერვისცენტრის ადგილმდებარეობის შესახებ ქ. თბილისში, სადაც უნდა განხორციელდეს მომსახურების გაწევა საგარანტიო პირობების შესაბამისად.

ბ) პრეტენდენტის მიერ სისტემაში წარმოდგენილი უნდა იყოს შემოთავაზებული მიკროავტობუსის მწარმოებლის მიერ გაცემული სერთიფიკატი ავტორიზირებული სერვისცენტრის თაობაზე ან/და მწარმოებლის წერილი, სადაც მითითებული უნდა იყოს ავტორიზირებული სერვისცენტრის დასახელება და მისამართი.

სატენდერო წინადადების ფასი გამოსახული უნდა იყოს შესყიდვის ობიექტის მიწოდებასთან დაკავშირებული საქართველოს კანონმდებლობით გათვალისწინებული ყველა გადასახადის გათვალისწინებით, მათ შორის, აქციზის ღირებულების გათვალისწინებით. სატენდერო წინადადების ფასი ასევე უნდა ითვალისწინებდეს სატრანსპორტო საშუალების შემსყიდველის საკუთრებაში გადაცემასთან და მიწოდებასთან დაკავშირებულ ყველა ხარჯს, მათ შორის იმპორტირების, განბაჟების, შემსყიდველის სახელზე ავტობუსების გადაფორმების, შემსყიდველის მიასმართზე მიკროავტობუსების ტრანსპორტირების ხარჯს.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, ფასწარმოქმნის ადეკვატურობა უნდა დასაბუთდეს სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული „ელექტრონული ტენდერის ჩატარების წესის დამტკიცების შესახებ“ წესის 28-ე მუხლის მე-5 პუნქტის მოთხოვნათა გათვალისწინებით, საშემფასებლო დასკვნით (ამასთან,ბუღალტრული აღრიცხვის, ანგარიშგებისა და აუდიტის შესახებ საქართველოს კანონის 28-ე მუხლის მე-8 პუნქტის ,,გ“ ქვეპუნქტის შესაბამისად, საშემფასებლო მომსახურების გაწევის უფლება ეძლევა მხოლოდ იმ პირს, რომელშიც დასაქმებულია აკრედიტებული შემფასებელთა სერტიფიკაციის ორგანოს მიერ სერტიფიცირებული შემფასებელი. შეფასების განხორციელების და შეფასების ანგარიშზე/დასკვნაზე ხელის მოწერის უფლება ენიჭება აკრედიტებული შემფასებელთა სერტიფიკაციის ორგანოს მიერ სერტიფიცირებულ შემფასებელს) საშემფასებლო დასკვნასთან ერთად ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი)).

2 Процентов

4 Процентов

ხელშეკრულების უზრუნველყოფის საბანკო/სადაზღვევო გარანტიის მოქმედების ვადა 30 (ოცდაათი) კალენდარული დღით უნდა აღემატებოდეს ხელშეკრულების მოქმედების ვადას.

ა) ხელშეკრულების უზრუნველყოფის უპირობო გამოუთხოვადი საბანკო/სადაზღვევო გარანტია, გარანტია წარმოდგენილი უნდა იყოს ეროვნულ ვალუტაში - ლარში.

ბ) მიმწოდებლის მიერ ხელშეკრულებით გათვალისწინებული ვალდებულების დარღვევის (ხელშეკრულებით გათვალისწინებული ვალდებულების შესრულებაზე უარის თქმა, ხელშეკრულებით გათვალისწინებული ვადების დარღვევა, ვალდებულების უხარისხოდ, არაჯეროვნად, არასრულად შესრულება და სხვა) შემთხვევაში, შემსყიდველს უფლება აქვს მიმწოდებელს არ დაუბრუნოს საბანკო/სადაზღვევო გარანტიით გათვალისწინებული თანხა. შემსყიდველს უფლება აქვს ასევე მიმწოდებელს არ დაუბრუნოს საბანკო/სადაზღვევო გარანტიით გათვალისწინებული თანხა იმ შემთხვევაში თუ იგი უარს აცხადებს დაკისრებული პირგასამტეხლოს გადახდაზე (პირგასამტეხლოს პროპორციულად).

გ) ხელშეკრულების უზრუნველყოფის უპირობო გამოუთხოვადი გარანტია წარმოდგენილი უნდა იქნას საბანკო ან სადაზღვევო დაწესებულებიდან (გარანტია წარმოდგენილი უნდა იყოს საქართველოს ეროვნული ბანკის მიერ ლიცენზირებული საბანკო დაწესებულებიდან ან/და სსიპ „საქართველოს დაზღვევის სახელმწიფო ზედამხედველობის სამსახური“-ს მიერ ლიცენზირებული სადაზღვევო კომპანიიდან).

დ) უცხოური ბანკებიდან საბანკო გარანტი(ებ)ის წარმოდგენის შემთხვევაში მათთან ერთად მიმწოდებელმა უნდა წარმოადგინოს ზემოაღნიშნული საბანკო გარანტი(ებ)ის საფუძველზე საქართველოში აკრედიტირებული საბანკო დაწესებულების ან/და სსიპ „საქართველოს დაზღვევის სახელმწიფო ზედამხედველობის სამსახური“-ს მიერ ლიცენზირებული სადაზღვევო კომპანიის მიერ გაცემული „კონტრ გარანტიები“ (მიმწოდებლის მიერ მოთხოვნილ ვალუტაში). საბანკო გარანტიები და მასთან დაკავშირებული დოკუმენტაცია წარმოდგენილი უნდა იქნას ქართულ ენაზე (დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი).

1. ანგარიშსწორება განხორციელდება წინასწარი ანგარიშსწორების ფორმით ხელშეკრულების ღირებულების 100%-ის ოდენობით. მიმწოდებელი ვალდებულია ხელშეკრულების გაფორმებიდან 3 (სამი) სამუშაო დღის ვადაში წარმოადგინოს წინასწარ გადასხდელი თანხის (100%) იდენტური ოდენობის გარანტია.

2. გარანტიის მოქმედების ვადა მინიმუმ 2 (ორი) თვით უნდა აღემატებოდეს შესყიდვის ობიექტის მიწოდების დასრულებისათვის განსაზღვრულ ვადას. ანგარიშსწორება განხორციელდება საავანსო საბანკო/სადაზღვევო გარანტიის წარდგენიდან არაუმეტეს 10 სამუშაო დღეში.

3. გარანტია წარმოდგენილ უნდა იქნეს ეროვნულ ვალუტაში − ლარში.

4. თეთრ სიაში რეგისტრირებული პრეტენდენტისთვის მოქმედებს სახელმწიფო შესყიდვების სააგენტოს თავმჯდომარის 2016 წლის 26 თებერვლის N2 ბრძანება "თეთრი სიის წარმოების წესისა და პირობების დამტკიცების შესახებ"

ანგარიშსწორება მოხდება უნაღდო ანგარიშსწორებით ლარში.

წინასწარი ანგარიშსწორება მოხდება მიმწოდებლის მიერ საბანკო გარანტიის წარმოდგენიდან არაუგვიანეს 10 (ათი) სამუშაო დღის ვადაში.

ქეთევან პაპელიშვილი, 593571571, ketpapelishvili@sps.gov.ge ტექნიკურ საკითხებთან დაკავშირებით დაუკავშირდით თენგიზ საცერაძეს - 577284857

10.1.1 ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ორიგინალის სახით ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე, რომელშიც, თარგმანის სისწორე ან/და მთარგმნელის ხელმოწერის ნამდვილობა დამოწმებული უნდა იყოს ნოტარიული წესით.
10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.
10.1.3 სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია უნდა იქნეს ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა. გარდა, სატენდერო დოკუმენტაციის კითხვარის 1.3 პუნქტით გათვალისწინებული დანართისა (ფასების ცხრილი/ხარჯთაღრიცხვა) რომელიც წარმოდგენილი იქნება Excel-ის ფორმატის სახით.
10.1.4 „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების თანახმად, პრეტენდენტის მიერ Excel-ის ცხრილის სახით წარსადგენი დოკუმენტი არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს).
10.1.5 იმ შემთხვევაში, თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია, ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით და პრეტენდენტი ვალდებულია წარმოადგინოს ტექნიკური დოკუმენტაციით განსაზღვრული შესყიდვის ობიექტის მსგავსი ან ექვივალენტური მახასიათებლების მქონე საქონელი/მომსახურება.
10.1.6 სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის და შესყიდვის ობიექტის მიწოდებასთან დაკავშირებული ხარჯის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.7 პრეტენდენტს არ აქვს უფლება წარმოადგინოს ალტერნატიული სატენდერო წინადადება.
10.1.8 მიმწოდებელი ვალდებულია გადასცეს შემსყიდველს უფლებრივად და ნივთობრივად უნაკლო და ახალი საქონელი.
10.1.9 სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული ,,ელექტრონული ტენდერის ჩატარების წესის“ მე-8 მუხლის შესაბამისად.
10.1.10. მიმწოდებლის მიერ სახელმწიფო შესყიდვის განხორციელების ნებისმიერ ეტაპზე, სახელმწიფო შესყიდვების ერთიან ელექტრონულ სისტემაში ატვირთული ან შემსყიდველისთვის გადაცემული პერსონალური ინფორმაცია, სპეციალური პენიტენციური სამსახურის მიერ, „პერსონალურ მონაცემთა დაცვის შესახებ“ საქართველოს კანონის შესაბამისად, შესაძლებელია დამუშავდეს სახელმწიფო შესყიდვის მიზნებისთვის.