Отделочные строительные работы (Грузия - Тендер #68879540)

ბიუროს ადმინისტრაციულ შენობაში ჩასატარებელი სხვადასხვა სახის სარემონტო სამუშაობის შესყიდვა

აუცილებელი პირობა:

1) შესასრულებელი სამუშაოების ხარჯთაღრიცხვა თანდართული Excel ფაილის სახით (დანართი N1).
2) იმ შემთხვევაში თუ მიმწოდებელი სარემონტო სამუშაოების დაწყებას არ უზრუნველყოფს ხელშეკრულების გაფორმებიდან 10 კალენდარული დღის განმავლობაში, შემსყიდველი უფლებამოსილია შეწყვიტოს ხელშეკრულება და სანქციის სახით მიმწოდებელი დაჯარიმდება ხელშეკრულების ღირებულების 10%-ის ოდენობით.
3) მიმწოდებელმა უნდა უზრუნველყოს სარემონტო ადგილზე საჭიროების შემთხვევაში დამცავი გამაფრთხილებელი ნიშნების დაყენება. სამშენებლო მოედანზე დაცული უნდა იყოს უსაფრთხოების წესები.
4) სამუშაოთა სპეციფიკიდან გამომდინარე, მიმწოდებელი ვალდებულია სამუშაოები შეასრულოს იმგვარად, რომ არ შეფერხდეს ბიუროს ნორმალური ფუნქციონირება.
5) მიმწოდებელმა უნდა უზრუნველყოს, სამუშაოს შესრულების პროცესში, საკუთარი მიზეზით (მათ შორის გაუფრთხილებლობით), შემსყიდველისთვის ან/და მესამე პირისთვის მიყენებული ზიანის სრული ანაზღაურება საკუთარი სახსრებით.
6) მიმწოდებელი ვალდებულია სამუშაოს შესრულება განახორციელოს საქართველოში მოქმედი ნორმატიულ-ტექნიკური დოკუმენტაციისა და უსაფრთხოების ნორმების დაცვით.
7) მიმწოდებელი ვალდებულია სამუშაოს შესრულების პროცესში უზრუნველყოს ხარისხისა და სამუშაოების მიმდინარეობის ზედამხედველობისა და კონტროლის განმახორციელებელ პირთა მიერ გაცემული, როგორც ზეპირი ასევე წერილობითი რეკომენდაციების და მითითებების შესრულება.
8) მიმწოდებელმა სამუშაოების მიმდინარეობის პერიოდში და დასრულების შემდეგ ტერიტორია უნდა გაათავისუფლოს სამშენებლო ნარჩენებისაგან.
9) ფორს-მაჟორული პირობების გარდა, მიმწოდებლის ბრალეულობით, ხელშეკრულების პირობების შეუსრულებლობის ან არაჯეროვნად შესრულების გამო, ხელშეკრულების შეწყვეტის შემთხვევაში, მიმწოდებელი დაჯარიმდება ხელშეკრულების ღირებულების 10%-ის ოდენობით.

• ხარისხი:
1) შესრულებული სამუშაოების დროს გამოყენებული დანადგარები, მასალები და შესრულებული სამუშაო უნდა იყოს მაღალი ხარისხის და უნდა შეესაბამებოდეს სატენდერო დოკუმენტაციით მოთხოვნილ ნორმებსა და სტანდარტებს;
2) შემსყიდველის მოთხოვნის შემთხვევაში, მიმწოდებელი ვალდებული იქნება:
- სამუშაოების შესრულების პროცესში, მათ შორის მოსახვითი სამუშაოებისას, მასალის გამოყენებამდე შეათანხმოს (ფერი, ზომა და ფორმა) და მიაწოდოს მასალის ნიმუში შემსყიდველს, რომელიც, საჭიროების შემთხვევაში, უზრუნველყოფს აღნიშნული მასალის შემოწმებას/ინსპექტირებას მისი სატენდერო დოკუმენტაციით მოთხოვნილ ხარისხსა და სტანდარტებთან შესაბამისობის დადგენის მიზნით.
- წარუდგინოს გამოსაყენებელი მასალებისა და მოწყობილობების სერტიფიკატები (შემსყიდველის მოთხოვნის შემთხვევაში).

ხელშეკრულების გაფორმებიდან არაუგვიანეს 60 (სამოცი) კალენდარული დღის ვადაში.

სამუშაოების შესრულება უნდა განხორციელდეს - ქ. თბილისი, ჭავჭავაძის გამზ. N84.

შესრულებულ სამუშაოზე მხარეთა მიერ გაფორმებული მიღება-ჩაბარების აქტის გაფორმებიდან უნდა ვრცელდებოდეს არანაკლებ 3 წელიანი გარანტია.

2.2.1.1. პრეტენდენტს 2022 წლის 01 იანვრიდან ტენდერის გამოცხადებამდე პერიოდში უნდა გააჩნდესანალოგიურ სამუშაობზე არანაკლებ 300 000 ლარის ღირებულების გამოცდილება. აღნიშნულის დამადასტურებლად, პრეტენდენტი ვალდებულია ერთიან ელექტრონულ სისტემაში ატვირთვის გზით წარმოადგინოს შესაბამისი ხელშეკრულებები და მიღება-ჩაბარების აქტები, ხოლო თუ პრეტენდენტს ხელშეკრულებები გაფორმებული აქვს სახელმწიფო შემსყიდველ ორგანიზაციასთან, საკმარისია მითითებულ იქნას შესაბამისი SPA, NAT, CMR ან სხვა ნომრები.

2.2.1.2. პრეტენდენტმა უნდა წარმოადგინოს სარეკომენდაციო წერილ(ებ)ი 2022 წლის 01 იანვრიდან ტენდერის გამოცხადებამდე პერიოდში 1 (ერთი) წერილი, ტრანსფორმატორის სამონტაჟო სამუშაოებზე არანაკლებ 100 000 ლარისა. აღნიშნულის დამადასტურებლად, პრეტენდენტი ვალდებულია ერთიან ელექტრონულ სისტემაში ატვირთვის გზით წარმოადგინოს შესაბამისი ხელშეკრულებები და მიღება-ჩაბარების აქტები, ხოლო თუ პრეტენდენტს ხელშეკრულებები გაფორმებული აქვს სახელმწიფო შემსყიდველ ორგანიზაციასთან, საკმარისია მითითებულ იქნას შესაბამისი SPA, NAT, CMR ან სხვა ნომრები.

პრეტენდენტმა უნდა წამოადგინოს:

2.9.1. ხარჯთაღრიცხვა ატვირთული უნდა იყოს როგორც Excel-ის ფორმატის ფაილის სახით დანართი N1–ის მიხედვით. (პრეტენდენტი დაექვემდებარება დისკვალიფიკაციას, თუ მის მიერ არ იქნება წარმოდგენილი ხარჯთაღრიცხვა (სატენდერო დოკუმენტაციის დანართი N1) ან წარმოდგენილი იქნება განფასების გარეშე ან წარდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 5%-ს).

2.9.2. ინფორმაცია სამუშაოების შესრულების საგარანტიო ვადის შესახებ;


შენიშვნა:

„ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე სახელმწიფო შესყიდვების ერთიან ელექტრონულ სისტემაში ატვირთულ ელექტრონულ დოკუმენტებზე შესრულებული უნდა იყოს კვალიფიციური ელექტრონული ხელმოწერა ან/და ეს დოკუმენტები დამოწმებული უნდა იყოს კვალიფიციური ელექტრონული შტამპით.

4.1.1.1 იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან მოითხოვს ფასწარმოქმნის ადეკვატურობის დასაბუთებას, რაზეც პრეტენდენტი ვალდებული იქნება წარმოადგინოს შესაბამისი დასკვნა, ან/და შესაბამის სფეროში საქართველოს კანონმდებლობით განსაზღვრული უფლებამოსილების/ აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნა (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი), რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას.

4.1.1.2. ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით. ამასთან, ფასწარმოქნის ადეკვატურობის დასაბუთების (ექსპერტიზის დასკვნის) წარმოუდგენლობა გამოიწვევს შესაბამისი პრეტენდენტის დისკვალიფიკაციას სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული ,,ელექტრონული ტენდერის ჩატარების წესის დამტკიცების შესახებ“ წესის შესაბამისად.

მიმწოდებელთან ანგარიშსწორება განხორციელდება მთლიანად შესრულებული სამუშაოების შესამაბისი ფორმა N2-ის, ინსპექტირების აქტის, ორივე მხარის მიერ დამოწმებული მიღება-ჩაბარების აქტის, საგადახდო დოკუმენტაციისა და ექსპერტისიზის დადებთი დასკვნის საფუძველზე.

მიმწოდებელთან ანგარიშსწორება განხორციელდება მთლიანად შესრულებული სამუშაოების შესამაბისი ფორმა N2-ის, ინსპექტირების აქტის, ორივე მხარის მიერ დამოწმებული მიღება-ჩაბარების აქტის, საგადახდო დოკუმენტაციისა და ექსპერტისიზის დადებთი დასკვნის საფუძველზე 10 (ათი) სამუშაო დღის ვადაში.

ეთერ ალთუნაშვილი, 577078007, ealtunashvili@expertiza.gov.ge

10.1.1. სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება ,,სახელმწიფო შესყიდვების შესახებ“ საქართველოს კანონის და ,,ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების შესაბამისად.

10.1.2. ტექნიკური დოკუმენტაციის წარდგენა შესაძლებელია როგორც ქართულ, ისე უცხოურ ენებზე. დოკუმენტების უცხოურ ენაზე წარდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე. დოკუმენტაციასთან დაკავშირებული სადავო საკითხების გადაწყვეტისას უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს შემსყიდველი ორგანიზაცია.

10.1.3. ტენდერში მონაწილეობით პრეტენდენტი ეთანხმება სატენდერო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო. ამასთან, პრეტენდენტის მიერ ხელშეკრულების დადებისას რომელიმე პირობაზე უარის თქმის შემთხვევაში, მისი ქმედება განიხილება როგორც უარი ხელშეკრულების დადებაზე.

10.1.4 პრეტენდენტის მიერ სახელმწიფო შესყიდვის განხორციელების ნებისმიერ ეტაპზე, სახელმწიფო შესყიდვების ერთიან ელექტრონულ სისტემაში ატვირთული ან შემსყიდველისთვის გადაცემული პერსონალური ინფორმაცია, ლევან სამხარაულის სახელობის სასამართლო ექსპერტიზის ეროვნული ბიუროს მიერ, „პერსონალურ მონაცემთა დაცვის შესახებ“ საქართველოს კანონის შესაბამისად, შესაძლებელია დამუშავდეს სახელმწიფო შესყიდვის მიზნებისთვის.