Следственные услуги и услуги по обеспечению безопасности (Грузия - Тендер #68879533)

ობიექტების ცოცხალი ძალით დაცვის მომსახურება

1.2.1. ოფისების ცოცხალი ძალით და სპეც.საშუალებებით დაცვის მომსახურება მომსახურების ტექნიკური დავალება
1.2.1.1.შესყიდვის ობიექტი: ობიექტის ცოცხალი ძალით დაცვის მომსახურება
1.2.1.2.მომსახურების მიზანი:
უზრუნველყოს ობიექტის, იქ არსებული მატერიალურ-ტექნიკურირესურსების, დოკუმენტაციის, ტექნიკისა და პერსონალის უსაფრთხოება, პრევენციული ზომების გატარება საქართველოს კანონმდებლობის შესაბამისად.
1.2.1.3. ძირითადი მოთხოვნები:
მიმწოდებელმა უნდა უზრუნველყოს:
* 24 საათიანი ,,ქოლ-ცენტრის“ მომსახურება;
* ოპერატიული და ტექნიკური ჯგუფის 24 საათიანი სერვისი;
* ობიექტის 24/7 ცოცხალი ძალით დაცვა;
* პერიმეტრის, შესასვლელების, ავტოსადგომის და საერთო სივრცეების კონტროლი;
* ვიდეო-სათვალთვალო და სასიგნალიზაციო სისტემების მონტაჟი და მონიტორინგი;
* საგანგებო ვითარებაში შესაბამისი რეაგირება (ხანძარი, პერიმეტრზე უკანონო შეღწევა და ა.შ);
* ვიზიტორების კონტროლი (შემოსვლა/გასვლა);
* დაცვის რეპორტების წარმოება და ყოველთვიური ანგარიშგება შემყიდველისთვის;
* წვდომის კონტროლის პროცედურების დაცვა - დაცვამ არ უნდა დაუშვას, რომ თანამშრომლის ნაცნობი ან უცხო პირი "უბრალოდ შევიდეს შიგნით" – მან უნდა გაიაროს რეგისტრაცია, დამოწმდეს ვიზიტის მიზანი და მხოლოდ ამის შემდეგ იყოს დაშვებული, იმ ზონაში, რაც მის მიზანს ეხება.
* დაცვის თანამშრომელმა უნდა უზრუნველყოს დასაცავი ობიექტისა და მიმდებარე ტერიტორიის პერიოდული შემოვლა;
* ვიდეო-სათვალთვალო სისტემით ჩაწერა უნდა შესრულდეს უწყვეტად 24/7, კამერის იდენტიფიკატორის, თარიღისა და დროის იდენტიფიცირებით, ყოველდღიური ჩანაწერი უნდა ინახებოდეს სულ მცირე ერთი თვის განმავლობაში;
* შემსყიდველის მიერ ნებისმიერი კამერის ჩანაწერების ძებნისა და ნახვის შესაძლებლობის უზრუნველყოფა, ნებისმიერ დროს;
* აღმოჩენილი მართლსაწინააღმდეგო ქმედების დაფიქსირების შემთხვევაში მიმწოდებელმა დაუყოვნებლივ უნდა აცნობოს როგორც „შემსყიდველს“, ისე შესაბამის სამართალდამცავ სტრუქტურებს, ასევე უნდა უზრუნველყოს შემთხვევის ადგილის ხელშეუხებლობა. მიმწოდებელი ვალდებულია შეადგინოს შესაბამისი ოქმი მომხდარი შემთხვევის შესახებ დაზიანებული, დაკარგული, განადგურებული ქონების მითითებით, საქართველოს კანონმდებლობის შესაბამისად;
* მიმწოდებელი ვალდებულია, საქართველოს კანონმდებლობით დადგენილი წესით, სრულად აანაზღაუროს ზარალი, რომელიც გამოწვეულია მიმწოდებლის მიერ ვალდებულებების არაჯეროვანი შესრულებით;
1.2.1.4. დაცვის პერსონალი:
მიმწოდებელმა, საქართველოს კანონმდებლობის შესაბამისად, დაცვისორგანიზებისათვის უნდა გამოყოს სათანადო გამოცდილებისა და პასუხისმგებლობის მქონე მცველები, რითაც უზრუნველყოფილი იქნება გაწეული სადღეღამისო (24 საათიანი) მომსახურება. ობიექტის დაცვა უნდა განხორციელდეს არანაკლებ ცვლაში 1 მცველის მიერ (24 საათის განმავლობაში), 3 ცვლად.
1.2.1.5. ტექნიკური აღჭურვილობა:
მომწოდებელი ვალდებულია უზრუნველყოს დაცვის პერსონალი სპეც. ტანსაცმლითა (მაიდენტიფიცირებელი წარწერით) და შესაბამისი ტექნიკური საშუალებებით.

1.2.2. დაცვითი საქმიანობა უნდა განხორციელდეს საქართველოს კანონმდებლობით დადგენილი ნორმების შესაბამისად, რომლის განუხრელად დაცვაზე სრული პასუხისმგებლობა ეკისრება მიმწოდებელს.

1.2.3. სატენდერო წინადადების ფასი და ფასების ცხრილი (დანართი N1) პრეტენდენტმა უნდა წარმოადგინოს (ატვირთოს სისტემაში) Excel ფორმატში. მიმწოდებელმა დანართის N1 VII სვეტში უნდა მიუთითოს მცველების ზუსტი რაოდენობა.

ხელშეკრულების გაფორმებიდან, მაგრამ არაუადრეს 2026 წლის 1 იანვრიდან 2026 წლის 31 დეკემბრის ჩათვლით, 24 საათიან რეჟიმში.

1.5.1.მიმწოდებელმა უნდა უზრუნველყოს ცოცხალი ძალით შენობა-ნაგებობების, მატერიალურ-ტექნიკური რესურსების, დოკუმენტაციის, ტექნიკისა და პერსონალის უსაფრთხოების დაცვა შემდეგ მისამართებზე:
1.5.1.1.პირველი ობიექტი: ქალაქი თბილისი, ქვემო ფონიჭალა, რუსთავის გზატკეცილი N 26 (ს/კ 01.18.12.010.073);
1.5.1.2. მეორე ობიექტი: ქალაქი თბილისი, ორხევის დასახლება, ახვლედიანი ქუჩა N 21, (ნაკვ. 041/012) (ს/კ 01.19.10.041.248).
1.5.1.3. მესამე ობიექტი: ქალაქი თბილისი, ცოლიკაურის N 5 (ს/კ 01.18.05.003.148);

2.2.1.1. პრეტენდენტს საანგარიშო პერიოდში* უნდა გააჩნდეს ანალოგიური სირთულის და შინაარსის** ცოცხალი ძალით დაცვის მომსახურების გაწევის გამოცდილება.

*საანგარიშო პერიოდი მოიცავს 2022 წლის 1-ლი ნოემბრიდან ელ. ტენდერის გამოცხადების დღემდე პერიოდს (მათ შორის, უწყვეტი მომსახურება უნდა შეადგენდეს არანაკლებ 12 თვეს).
**ანალოგიური სირთულის და შინაარსის ცოცხალი ძალით დაცვის მომსახურება გულისხმობს ოფისების ან/და საწყობების ან/და საქმიანი ეზოების დაცვას.

2.2.1.2. დოკუმენტები, რომლითაც უნდა დასტურდებოდეს გამოცდილება:
2.2.1.2.1. მხარეთა მიერ ხელმოწერილი ხელშეკრულებ(ებ)ის ან მისი ნაწილის წარმოდგენა, რომელიც უნდა მოიცავდეს სულ მცირე შემდეგ ინფორმაციას: ხელშეკრულების გაფორმების თარიღი, მხარეთა რეკვიზიტები, მომსახურების შინაარსი და მომსახურების ღირებულება);
2.2.1.2.2. მიღება-ჩაბარების აქტ(ებ)ი ან/და ნებისმიერი სხვა სახის დოკუმენტი, რომელიც დაადასტურებს აღნიშნული მომსახურების გაწევის ფაქტს.

2.2.1.3. იმ შემთხვევაში, თუ მომსახურება გაწეულია სახელმწიფო შესყიდვის ფარგლებში და ყველა შესაბამისი ინფორმაცია ატვირთულია სრულად სახელმწიფო შესყიდვების ერთიან ელექტრონულ სისტემაში, ზემოაღნიშნული დოკუმენტების ნაცვლად შესაძლებელია წარმოდგენილ იქნას სახელმწიფო შესყიდვის შესაბამისი ნომერი (SPA, NAT, CMR და სხვ.).“

2.2.1.4. იმ შემთხვევაში, თუ მომსახურება შესრულებულია კერძო სამართლის იურიდიული პირის ან ფიზიკური პირის დაკვეთით (არა სახელმწიფო შემსყიდველი ორგანიზაცია), პრეტენდენტმა ზემოაღნიშნული დოკუმენტებთან ერთად უნდა წარმოადგინოს დადასტურებული საგადასახადო ანგარიშ-ფაქტურები.

2.2.1.5. წარმოდგენილი დოკუმენტებიდან შესაძლებელი უნდა იყოს გაწეული მომსახურების შინაარსისა და ღირებულების იდენტიფიცირება, ასევე, უნდა იკვეთებოდეს ხელშეკრულებასა და მომსახურების გაწევის დამადასტურებელ დოკუმენტთა შორის ურთიერთკავშირი.

2.7.1.1. პრეტენდენტმა უნდა წარმოადგინოს, შესაბამისი უფლებამოსილი ორგანოს მიერ გაცემული, კერძო დაცვითი საქმიანობის განხორციელების ლიცენზია, ,,კერძო დაცვითი საქმიანობის შესახებ’’ საქართველოს კანონის მოთხოვნის შესაბამისად.

პრეტენდენტმა წინამდებარე ელ. ტენდერის ფარგლებში უნდა წარმოადგინოს შემდეგი დოკუმენტაცია:

1. შევსებული დანართი N1 EXCEL ფორმატში (წინამდებარე სატენდერო პირობების 1.3 პუნქტი).

2. გამოცდილების დამადასტურებელი დოკუმენტ(ებ)ი (წინამდებარე სატენდერო პირობების 2.2.1 პუნქტი).

3. უფლებამოსილი ორგანოს მიერ გაცემული ლიცენზია (წინამდებარე სატენდერო პირობების 2.7.1 პუნქტი).

4.1.1.1 იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, ფასწარმოქმნის ადეკვატურობის დასაბუთება უნდა მოხდეს:
ექსპერტიზის დასკვნით ან/და შესაბამის სფეროში საქართველოს კანონმდებლობით განსაზღვრული უფლებამოსილების/ აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი).

4.1.1.2 ფასწარმოქმნის ადეკვატურობის დამადასტურებელი დოკუმენტით უნდა დასტურდებოდეს (ტექსტობრივად მკაფიოდ უნდა იკითხებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეული ფასებით და აგრეთვე ჯამური ღირებულებით წინამდებარე ტენდერით განსაზღვრული ვალდებულებების შესრულების შესაძლებლობა.

7.2.1. ანგარიშსწორება განხორციელდება უნაღდო ანგარიშსწორების ფორმით ეროვნულ ვალუტაში - ლარში, მიმწოდებლის საბანკო ანგარიშზე.
7.2.2. შემსყიდველი უფლებამოსილია, ხოლო მიმწოდებელი თანახმაა ხელშეკრულების 9.3 და 9.5 პუნქტ(ებ)ით დაკისრებული პირგასამტეხლოს თანხა (ასეთის არსებობის შემთხვევაში) გამოქვითოს მიღება-ჩაბარების აქტის შესაბამისი, მიმწოდებელზე გადასარიცხი თანხიდან.
7.2.3. საქართველოს კანონმდებლობით გათვალისწინებული ყველა გადასახადის გადახდაზე პასუხისმგებელია მიმწოდებელი.

7.3.1. ანგარიშსწორება განხორციელდება 10 სამუშაო დღის განმავლობაში, გაფორმებული მიღება-ჩაბარების აქტისა და საქართველოს კანონმდებლობით გათვალისწინებული შესაბამისი საგადასახადო დოკუმენტაციის წარდგენის საფუძველზე.

მარიამი ნაცვლიშვილი, 595044400, Mariam.Natsvlishvili@ag.ge

10.1.1. 2019 წლის 1 იანვრიდან, შემსყიდველი ორგანიზაციები და შესყიდვებში მონაწილეობის მსურველები/პრეტენდენტები/მიმწოდებლები „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულები არიან, სახელმწიფო შესყიდვებში ერთიან ელექტრონულ სისტემაში ასატვირთ, მის მიერ შექმნილ, ელექტრონულ დოკუმენტებზე შეასრულონ კვალიფიციური ელექტრონული ხელმოწერა ან/და ეს დოკუმენტები დაამოწმონ კვალიფიციური ელექტრონული შტამპით, გარდა საქართველოს კანონმდებლობით გათვალისწინებული შემთხვევებისა (იხილეთ სახელმძღვანელო ინსტრუქცია).
10.1.2. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. დავის შემთხვევაში უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3. ელ.ტენდერის დღგ-ს გარეშე გამოცხადების შემთხვევაში, თუ ხელშეკრულების გაფორმების მომენტისთვის გამარჯვებული პრეტენდენტი იქნება დარეგისტრირებული დღგ-ს გადამხდელად, შესასყიდი მომსახურების ღირებულებას (შემოთავაზებულ მთლიან თანხას) დაემატება დღგ (18 %).