Страховые и пенсионные услуги (Грузия - Тендер #68848202)

შესყიდვის ობიექტია სსიპ ეროვნული სატყეო სააგენტოს თანამშრომელთა სიცოცხლისა და ჯანმრთელობის დაზღვევის მომსახურება.

ძირითადი პირობები:
1. სსიპ ეროვნული სატყეო სააგენტოს იმ თანამშრომელთა რაოდენობა რომელსაც შემსყიდველი თავად დააზღვევს და თავად გადაუხდის სადაზღვევო პრემიას შეადგენს 920 ადამიანს (ძირითად ნაწილს შეადგენენ მამაკაცები) ხოლო იმ თანამშრომელთა რაოდენობა რომელსაც შემსყიდველები არ აზღვევენ, მაგრამ თავად შეუძლიათ ისარგებლონ შემოთავაზებული დაზღვევით, შეადგენს სავარაუდოდ 200 ადამიანს. სადაზღვევო მომსახურების გაწევა მოხდება სატენდერო დოკუმენტაციის დანართი N1–ში მოცემული პირობების და დანართი N2-ში მოცემული თანაგადახდის და წლიური სადაზღვევო ლიმიტების შესაბამისად.
2. დასაზღვევ პირთა რაოდენობა შესაძლებელია იყოს უფრო ნაკლები ან მეტი, ვიდრე მითითებულია ზემოაღნიშნულ პუნქტში. ხელშეკრულების ღირებულება საორიენტაციოა და დაკორექტირდება ფაქტიურად გაწეული მომსახურების შესაბამისად.
3. პრეტენდენტის მიერ სისტემაში დაფიქსირებული პრეისკურანტის საბოლოო ღირებულება ჩაითვლება სატენდერო დოკუმენტაციის დანართი N2-ით განსაზღვრული ინდივიდუალური „საბაზისო ბარათის“ ერთეულის ღირებულებად (ერთი თვის სადაზღვევო პრემია ერთ დაზღვეულ თანამშრომელზე), საქართველოს კანონმდებლობით გათვალისწინებული ყველა გადასახადის ჩათვლით (გარდა საშემოსავლო გადასახადისა);
4. პრეისკურანტის საბოლოო ღირებულება უნდა ითვალისწინებდეს შესაბამისი მომსახურების გაწევასთან დაკავშირებულ, მიმწოდებლის ყველა სახის ხარჯს (მოქმედი კანონმდებლობით დადგენილ გადასახადებს);
5. პრეტენდენტის მიერ, სატენდერო წინადადების ფასში გათვალისწინების გარეშე, შემოთავაზებული უნდა იქნას ერთი თვის სადაზღვევო პრემიის ოდენობა (საშემოსავლო გადასახადის გათვალისწინების გარეშე) სატენდერო დოკუმენტაციის დანართი N2-ით განსაზღვრულ ინდივიდუალურ „დამატებით სადაზღვევო ბარათებზე“ (A პაკეტი, B პაკეტი). ამასთან, შემოთავაზებული სადაზღვევო პრემიის ოდენობა არ შეიძლება აღემატებოდეს შესაბამის პოზიციებზე შემსყიდველის მიერ მითითებულ სავარაუდო ფასებს; საოჯახო სადაზღვევო პაკეტების ღირებულება დადგინდება დანართი N2-ის ფასების ცხრილში მითითებული პირობების შესაბამისად. ელექტრონული ვაჭრობის შემთხვევაში, პრეტენდენტი ვალდებულია განახორციელოს ფასის კლება „დამატებით სადაზღვევო ბარათებზე“ მითითებულ ფასებზე (A პაკეტი, B პაკეტი) არანაკლებ „საბაზისო ბარათზე“ განხორციელებული ფასის კლების შესაბამისი პროცენტული ოდენობით.
6. მიმწოდებელმა უნდა უზრუნველყოს შემსყიდველის იმ თანამშრომლების, რომლებსაც შემსყიდველი თავად არ უნაზღაურებს სადაზღვევო პრემიას, დაზღვევა აღნიშნული ელექტრონული ტენდერის პირობებით. ასეთი თანამშრომლების დაზღვევის შემთხვევაში, დაზღვეული ვალდებულია სრულად უზრუნველყოს შესაბამისი სადაზღვევო პრემიის გადახდა ყოველთვიურად და აღნიშნულის მიზნით, მისცეს შესაბამისი წერილობითი თანხმობა შემსყიდველს, რათა სადაზღვევო შენატანის მიმწოდებლისთვის გადარიცხვა განხორციელდეს მისი ხელფასიდან.
7. წინამდებარე ტენდერის ჩატარების შედეგად დასაზღვევ თანამშრომლებს, უფლება აქვთ სურვილისამებრ აირჩიონ სატენდერო დოკუმენტაციით გათვალისწინებული ნებისმიერი სადაზღვევო ბარათი;
8. პრეტენდენტს უნდა გააჩნდეს არანაკლებ 50 პროვაიდერი სამედიცინო დაწესებულება საქართველოს მასშტაბით. პროვაიდერი კლინიკების მინიმალური რაოდენობა და პროფილი, ასევე პირადი ექიმის მინიმალური რაოდენობა - იხილეთ დანართი N3-ში.
9. პრეტენდენტს უნდა გააჩნდეს არანაკლებ 3 პროვაიდერი სააფთიაქო ქსელი საქართველოს მასშტაბით. (დანართი N3-ის შესაბამისად)
10. ახლადმიღებული თანამშრომლის დაზღვევა შესაძლებელი უნდა იყოს წლის ნებისმიერ მონაკვეთში, შემსყიდველის მიერ შეტყობინების გაკეთებიდან არაუგვიანეს მომდევნო დღიდან (იანვარი - დეკემბერი).
11.გათავისუფლებული თანამშრომლისთვის სადაზღვევო მომსახურების შეწყვეტა შესაძლებელი უნდა იყოს წლის ნებისმიერ მონაკვეთში. შემსყიდველი აანაზღაურებს მხოლოდ იმ დღეების რაოდენობის შესაბამის თანხას, როცა დაზღვეული ირიცხებოდა მის თანამშრომლად. შემსყიდველის მეირ მიმწოდებლისთვის ოფიციალური შეტყობინების გაგზავნა მოხდება ინდივიდუალური სამართლებრივი აქტის გამოცემის დღეს ან არაუგვიანეს მომდევნო სამუშაო დღეს. მაგალითად თუ სადაზღვევო მომსახურების ათვლა ხდება თვის პირველი რიცხვიდან , 16 რიცხვში გათავისუფლებულ თანამშრომელს შემსყიდველი გადაუხდის მხოლოდ 15 დღის სადაზღვევო პრემიას რომელიც შემდეგნაირად გამოითვლება: სადაზღვევო პრემია გაყოფილი იმ თვეში არსებული დღეების რაოდენობაზე და გამრავლებული 15-ზე. გათავისუფლებულ თანამშრომელს უნდა ქონდეს უფლება თავად გააგრძელოს სადაზღვევო პრემიის გადახდა და მიიღოს მომსახურება აღნიშნული ელექტრონული ტენდერის პირობების შესაბამისად.

მომსახურების გაწევა განხორციელდება 2026 წლის 01 იანვრიდან (ან ხელშეკრულების გაფორმების დღიდან) - 2026 წლის 31 დეკემბრის ჩათვლით.

მომსახურების გაწევა უნდა განხორციელდეს საქართველოს მასშტაბით (გარდა სამოგზაურო დაზღვევის და საზღვარგარეთ მკურნალობის დაზღვევისათვის დადგენილი პირობებისა).

პრეტენდენტს 2023 წლის 1 იანვრიდან ტექნიკური დოკუმენტაციის სისტემაში ატვირთვის დღემდე უნდა გააჩნდეს ანალოგიური მომსახურების გაწევის გამოცდილება (სიცოცხლისა და ჯანმრთელობის დაზღვევის მომსახურება), რომლის ჯამური ღირებულება არ უნდა იყოს 400000.00 (ოთხასი ათასი) ლარზე ნაკლები.
აღნიშნული ინფორმაციის წარმოდგენა უნდა განხორციელდეს დანართი №4-ის მიხედვით;

იმ შემთხვევაში თუ პრეტენდენტის მიერ დანართი №4-ით წარმოდგენილი ხელშეკრულება არ არის გაფორმებული და რეგისტრირებული სახელმწიფო შესყიდვების ერთიან ელექტრონულ სისტემაში შემსყიდველის სტატუსით ფიქსირებულ შემსყიდველ ორგანიზაცი(ებ)თან, პრეტენდენტი ვალდებულია წარმოადგინოს აღნიშნული ხელშეკრულებები და ამ ხელშეკრულებების შესრულების დამადასტურებელი მიღება-ჩაბარებების აქტები ან/და სხვა სახის შესრულების დამადასტურებელი დოკუმენტი.

პრეტენდენტს უნდა გააჩნდეს შესაბამისი სადაზღვევო საქმიანობის (სიცოცხლის და ჯანმრთელობის დაზღვევა) განხორციელების ლიცენზია, რომელიც პრეტენდენტის მიერ სისტემაში უნდა იქნას ატვირთული.
წარმოდგენილი ლიცენზიის მოქმედების ვადა უნდა იყოს არანაკლებ 2027 წლის 31 იანვრამდე.

სატენდერო წინადადების საერთო და თითოეული ერთეულის ფასის წარმოდგენა დასაშვებია მხოლოდ ეროვნულ ვალუტაში - ლარი.
სხვადასხვა ვალუტაში გამოსახული სატენდერო წინადადებები არ განიხილება.
ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
დავის შემთხვევაში უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
პრედენდენტს არა აქვს უფლება წარმოადგინოს ალტერნატიული წინადადება.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან აუდიტის მიერ გაცემული შესაბამისი დასკვნა/ანგარიში, რომელშიც უნდა დასტურდებოდეს ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული, როგორც ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული საქონლის მიწოდების შესაძლებლობა.
დასკვნასთან ერთად წარმოდგენილ უნდაი ქნას „ბუღალტრული აღრიცხვის, ანგარიშგების და აუდიტის შესახებ“ საქართველოს კანონის შესაბამისად, დასკვნაზე/ანგარიშზე ხელმომწერი პირის, ქონების ან/და ბიზნესის შემფასებლის მოქმედი სერტიფიკატ(ებ)ის ასლი, რომელიც გაცემული უნდა იყოს სსიპ საქართველოს აკრედიტაციის ეროვნული ორგანოს - აკრედიტაციის ცენტრის მიერ, აკრედიტებულ შემფასებელთა სერტიფიკაციის ორგანოს მიერ.

4 Процентов

8 Процентов

ხელშეკრულების უზრუნველყოფის საბანკო გარანტიის მოქმედების ვადა არანაკლებ 30 (ოცდაათი) კალენდარული დღით უნდა აღემატებოდეს ხელშეკრულების მოქმედების ვადას. ხელშეკრულების მქომედების ვადად განისაზღვრება 2027 წლის 31 იანვარი.

1. ტენდერში გამოყენებულ იქნება ხელშეკრულების უზრუნველყოფის საბანკო გარანტია, ხელშეკრულების საერთო ღირებულების 4%–ის ოდენობით (20%-ით და მეტით ფასის დაკლების შემთხვევაში 8%-ის ოდენობით), (თეთრ სიაში დარეგისტრირებული პრეტენდენტის შემთხვევაში აღნიშნული ოდენობა ნახევრდება);
2. უპირობო, გამოუთხოვადი ხელშეკრულების შესრულების გარანტია წარმოდგენილი უნდა იქნას საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიიდან, ეროვნულ ვალუტაში - ლარში.

1. ანგარიშსწორება მოხდება, უნაღდო ანგარიშწორებით ლარებში, ფაქტობრივად გაწეული მომსახურების შესაბამისად.
2. ხელშეკრულების ღირებულების ფარგლებში სადაზღვევო პრემიის გადახდა განხორციელდება თითოეულ დაზღვეულ თანამშრომელზე არაუმეტეს ინდივიდუალური „საბაზისო ბარათის“ ღირებულების ოდენობით. ანგარიშსწორება იწარმოებს მომსახურების გაწევის შემდეგ, ყოველთვიურად, მხარეთა შორის გაფორმებული მიღება–ჩაბარების აქტის საფუძველზე.
3. იმ შემთხვევაში, თუ თანამშრომელს სურვილი აქვს, შეიძინოს ბარათი (საოჯახო ან ინდივიდუალური), რომლის ღირებულებაც აღემატება ინდივიდუალური „საბაზისო ბარათის“ ფასს - შემსყიდველი, დაზღვეულის სასარგებლოდ იხდის მხოლოდ ინდივიდუალური „საბაზისო ბარათის“ სადაზღვევო პრემიას, ხოლო ფასთა შორის სხვაობას, შემსყიდველის მიერ გადახდილ პრემიასა და სასურველი ბარათის პრემიებს შორის, იხდის დაზღვეული.
4. შემსყიდველი, დაზღვეული პირის წერილობითი თანხმობით, უზრუნველყოფს დაზღვეულის მიერ გადასახდელი თანხის მიმწოდებლისთვის გადარიცხვას თანამშრომლის ხელფასიდან.
5. იმ თანამშრომლების დაზღვევის შემთხვევაში რომლებსაც შემსყიდველი თავად არ გადაუხდის სადაზღვევო პრემიას, დაზღვეული ვალდებულია სრულად უზრუნველყოს შესაბამისი სადაზღვევო პრემიის გადახდა ყოველთვიურად და აღნიშნულის მიზნით, მისცეს შესაბამისი წერილობითი თანხმობა შემსყიდველს, რათა სადაზღვევო შენატანის მიმწოდებლისთვის გადარიცხვა განხორციელდეს მისი ხელფასიდან.

ფაქტიურად გაწეული მომსახურების ანაზღაურება განხორციელდება ხელმოწერილი მიღება-ჩაბარების აქტისა და შესაბამისი ფინანსური დოკუმენტაციის მიმწოდებლის მიერ წარდგენიდან 10 (ათი) სამუშაო დღის განმავლობაში.

ირაკლი ლილუაშვილი, 591079757, Irakli.Liluashvili@forestry.gov.ge

10.1.1. პრეტენდენტის ელექტრონულ ტენდერში მონაწილეობის მიღებით (წინადადების წარმოდგენა) სრულად ეთანხმება შემსყიდველის ელ. ტენდერის სატენდერო დოკუმენტაციით გათვალისწინებულ მოთხოვნებს.
10.1.2. პრეტენდენტის მიერ ერთიან ელექტრონულ სისტემაში ატვირთული დოკუმენტაცია გარდა 1.3.პუნქტით გათვალისწინებული Excel-ის ფორმატით წარმოსადგენი ფასების ცხრილი, დანართი N1-სა „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე საჭიროებს კვალიფიციურ ელექტრონულ ხელმოწერას ან/და კვალიფიციურ ელექტრონულ შტამპის დასმას.
10.1.3. ტენდერთან დაკავშირებული დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.4. სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტთან დაკავშირებული ყველა ხარჯისა და გადასახადის გათვალისწინებით.ხარჯები, რომელიც სატენდერო წინადადებაში არ არის გათვალისწინებული არ ანაზღაურდება.
10.1.5. სატენდერო დოკუმენტაციის შესახებ დამატებითი ინფორმაციისა და განმარტებების მიღება პრეტენდენტს შეუძლია სისტემის მოდულის-,,კითხვა/პასუხის“ მეშვეობით.