Электрическое оборудование (Грузия - Тендер #68848197)

1 (ერთი) ერთეული ელექტრო ავტომობილის სწრაფი დამტენის შესყიდვა თამდევი მონტაჟითა და კონფიგურაციით.

დამტენის ტიპი:

• DC სწრაფი დამტენი (Fast Charger), CCS2 სტანდარტის მხარდაჭერით;
• აუცილებელია იყოს თავსებადი Opel Mokka Electric 2025 მოდელთან.

დამტენის ტექნიკური მახასიათებლები:

• DC სიმძლავრე: არანაკლებ 50 kW;
• გამოსული ძაბვის დიაპაზონი (Output Voltage Range): არანაკლებ 200 და არაუმეტეს1000 V;
• გამოსული დენი (Output Current): არანაკლებ125 A;
• დამტენის თავაკის ტიპი (Plug type): CCS Combo 2 (IEC 62196-3);
• მომხმარებლის ავტორიზაცია (User Authentication): RFID / App / QR Code;
• სამუშაო ტემპერატურის დიაპაზონი (Operating Temperature): -25°C to +50°C;
• მინიმალური დაცულობა მტვრისა და წყლისგან (IP Protection): IP54 (გარემო პირობების გათვალისწინებით);
• Plug-and-Charge ტექნოლოგიის მხარდაჭერა;
• თავაკის ტიპი – ავტომობილის მხარეს (Plug Type – Vehicle Side) - CCS Combo 2 (IEC 62196-3) (სიგრძე არანაკელბ 5 მ);
• თავაკის ტიპი – დამტენის მხარეს (Plug Type – Charger Side) - OEM Compatibility or permanently tethered;
• კაბელის გამტარუნარიანობა: არანაკლებ 50 kW და არაუმეტეს 105 kW .

ფიზიკური პარამეტრები:

• შესაძლო კედელზე ან სტენდზე დამონტაჟება;
• ხმაურის დონე (Noise Level) - არაუმეტეს 60 dB.

მიმწოდებელმა უნდა უზრუნველყოს მოწოდებული დამტენის სრული მონტაჟი და კონფიგურაცია მიწოდების ადგილზე. მონტაჟი გულისხმობს არსებული დენის წყაროზე დაერთებისა და სწრაფი დამტენი მოწყობილობის კონკრეტულ ლოკაციაზე მონტაჟისა და კონფიგურაციის მომსახურებას.

საქონლის მიწოდების ვადა თანმდევი მონტაჟით განისაზღვრება ხელშეკრულების გაფორმებიდან არაუმეტეს 60 (სამოცი) კალენდარული დღე.

შესყიდვის ობიექტის მიწოდება თანმდევი მონტაჟით უნდა განხორციელდეს შემდეგ მისამართზე: დავით აღმაშენებლის სახელობის ქუთაისის საერთაშორისო აეროპორტი.

საგარანტიო ვადა უნდა შეადგენდეს მხარეთა შორის მიღება-ჩაბარების აქტის გაფორმებიდან არანაკლებ 2 (ორი) წელს. საგარანტიო მომსახურების ვადის ათვლა დაიწყება მიღება-ჩაბარების აქტის გაფორმებიდან.

,,მიმწოდებლის“ მიერ საქონელი მოწოდებული უნდა იქნას იმ გარანტიით, რომ შესყიდვის ობიექტი საგარანტიო ვადის პერიოდში, სწორი მოხმარების პირობებში არ გახდება უვარგისი ექსპლუატაციისათვის და შეინარჩუნებს კარგ საექსპლუატაციო თვისებებს. შესყიდვის ობიექტს არ უნდა გააჩნდეს ნივთობრივი ნაკლი. წუნის აღმოჩენის შემთხვევაში, წუნდებულის ჩანაცვლება უნდა მოხდეს დამატებითი ხარჯების გარეშე.

მიწოდებული შესყიდვის ობიექტის საგარანტიო ვადის მოქმედების პერიოდში ხარვეზის, არაშემსყიდველის ბრალეულობით დაზიანების და დეფექტის, მათ შორის საექსპლუატაციო თვისებების ვადაზე ადრე გაუარესების დაფიქსირების შემთხვევაში, შემსყიდველი უფლებამოსილია მოითხოვოს გამოვლენილი ნაკლის ან ხარვეზის გამოსწორება (თუ ეს შესაძლებელია) ან მომსახურების ახლიდან განხორციელება. აღნიშნულის შესახებ ,,შემსყიდველი“ ატყობინებს ,,მიმწოდებელს” წერილობით ან/და კომუნიკაციის ელექტრონული საშუალებებით (ელექტრონული ფოსტის მეშვეობით), მომწოდებლის ელექტრონულ სისტემაში მითითებულ რეკვიზიტებში მითითებულ ელ.ფოსტის მისამართზე.

მიმწოდებელი ვალდებულია შეტყობინების მიღებიდან არაუგვიანეს 1 (ერთი) სამუშაო დღის ვადაში მოახდინოს რეაგირება. შეტყობინების გაგზავნის მომდევნო დღიდან აითვლება ხარვეზის გამოსწორების ვადა, რომელიც განისაზღვრება არაუმეტეს 5 (ხუთი) სამუშაო დღით.

შენიშვნა: ინფორმაცია საგარანტიო ვადის თაობაზე მიმწოდებელმა უნდა მიუთითოს ფასების ცხრილის შესაბამის ველში.

პრეტენდენტმა სატენდერო დოკუმენტაციის ფასების ცხრილის საშუალებით უნდა წარმოადგინოს ინფორმაცია შემოთავაზებული საქონლის წარმოშობის ქვეყნის, მწარმოებლის ან/და ბრენდის და მოდელის (არსებობის შემთხვევაში) შესახებ.

წარმოშობის ქვეყნის, მწარმოებლის ან/და ბრენდის და მოდელის (არსებობის შემთხვევაში) შესახებ ინფორმაციის წარმოუდგენლობა გამოიწვევს პრეტენდენტის დისკვალიფიკაციას ყოველგვარი დაზუსტების გარეშე, გარდა იმ შემთხვევისა თუ სატენდერო დოკუმენტაციის მოთხოვნ(ებ)ის შესაბამისად, წარდგენილი ინფორმაცია არასრულყოფილია ან შეიცავს უზუსტობებს, თუმცა პრეტენდენტის მიერ სატენდერო წინადადების სახით წარდგენილი დოკუმენტ(ებ)ის/ინფორმაციის ერთობლიობით, მათი შეფასების ანალიზისა და ურთიერთშეჯერების საფუძველზე შესაძლებელია შესყიდვის ობიექტის სასაქონლო ნიშნის, პატენტის, მოდელის, წარმოშობის წყაროს ან მწარმოებლის იდენტიფიკაცია.

შემოთავაზებული საქონელი შესაბამისობაში უნდა იყოს IEC სტანდარტებთან, კერძოდ, IEC 61851, ან IEC 62196 ან ექვივალენტი, რის დადასტურების მიზნითაც, პრეტენდენტმა სისტემის მეშვეობით უნდა წარმოადგინოს აღნიშნული შესაბამისობის დამდასტურებელი დოკუმენტი.

პრეტენდენტმა, ასევე უნდა წარმოადინოს შემოთავაზებული ტექნიკის CE მარკირების დამადასტურებელი დოკუმენტი.

ფასწარმოქმნის ადეკვატურობის დასაბუთება უნდა მოხდეს ექსპერტიზის დასკვნით ან/და შესაბამის სფეროში საქართველოს კანონმდებლობით განსაზღვრული უფლებამოსილების/ აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი).

ანგარიშსწორების საფუძველია მხარეების უფლებამოსილი პირების მიერ გაფორმებული „მიღება–ჩაბარების“აქტი, წარმოდგენილი სასაქონლო ზედნადები და საგადასახადო ანგარიშ–ფაქტურა (არსებობის შემთხვევაში).

შესაბამისი დოკუმენტაციის სრულყოფილად წარდგენიდან 10 (ათი) სამუშაო დღის ვადაში.

ანა ხაჩიაშვილი, 598799993, a.khachiashvili@airports.ge

დამატებითი ინფორმაცია ელექტრონულ ტენდერში მონაწილეთათვის:
• ელექტრონულ ტენდერთან დაკავშირებული ყველა დოკუმენტი და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე.
• სახელმწიფო შესყიდვების ერთიან ელექტრონულ სისტემაში ატვირთული დოკუმენტი ან/და ინფორმაცია დადასტურებული უნდა იყოს უფლებამოსილი პირის მიერ კვალიფიციურად, ელექტრონული ხელმოწერით;
• პრეტენდენტს არა აქვს უფლება წარმოადგინოს ალტერნატიული სატენდერო წინადადება.
• სატენდერო წინადადებაში საერთო და ერთეულის ფასი გამოსახულ უნდა იყოს ყველა ხარჯის გათვალისწინებით (დღგ-ს გარეშე).
• სატენდერო წინადადების საერთო და ერთეულის ფასების წარმოდგენა დასაშვებია მხოლოდ ეროვნულ ვალუტაში - ლარი.

იმ შემთხვევაში, თუ შემსყიდველმა ვერ მოახდინა შემოთავაზებული შესყიდვის ობიექტის ტექნიკური მახასიათებლების იდენტიფიცირება (გადამოწმება), იტოვებს უფლებას შერჩევა/შეფასების ეტაპზე პრეტენდენტს დამატებით მოსთხოვოს შემოთავაზებული საქონლის ტექნიკური დოკუმენტაციის წარმოდგენა სისტემის საშუალებით (მაგ: data sheet, თანხმლები ტექნიკური დოკუმენტაცია, მწარმოებლის წერილი და ა.შ), რომლითაც დადასტურდება შემოთავაზებული პროდუქციის შესაბამისობა შემსყიდველის მიერ მოთხოვნილ პარამეტრებთან.