Компьютерное оборудование и принадлежности (Грузия - Тендер #68848181)

1.1.1 უწყვეტი ელექტრომომარაგების წყარო (UPS) — 1 ერთეული;

ტექნიკური დავალება – უწყვეტი ელექტრომომარაგების წყარო (UPS)

მოწყობილობა განკუთვნილია ინფორმაციული და სერვერული ინფრასტრუქტურის უწყვეტი ელექტრომომარაგების უზრუნველსაყოფად, მაღალი საიმედოობითა და დისტანციური მართვის შესაძლებლობით.

1. ძირითადი მახასიათებლები

• ტიპი: Rack Mount ან Convertible Rack/Tower
• ტოპოლოგია: Double-Conversion Online (VFI – Voltage and Frequency Independent)
• ნომინალური სიმძლავრე: არანაკლებ 6000VA
• გამომავალი დენის ფაქტორი :Power Factor ≥ 0.9 (სასურველია 1.0)
• ეფექტურობა: არანაკლებ 93 % Online რეჟიმში, არანაკლებ 97 % ECO რეჟიმში.
• გამომავალი ტალღის ფორმა: სუფთა სინუსოიდური
• გარდაქმნის დრო: 0 ms (Online ტიპი)
• ეფექტურობა: არანაკლებ 93% ჩვეულ რეჟიმში, არანაკლებ 97% ECO რეჟიმში
• შესასვლელი ძაბვა: 110–240V, ავტომატური რეგულაციით
• შესასვლელი ძაბვის დიაპაზონი: 100–276 V (სრული დატვირთვისას ≥ 160 V)
• სიხშირე: 50/60Hz ავტომატური იდენტიფიკაციით
• Crest Factor: ტიპურად 3:1 ან უკეთესი.

2. ბატარეის მოდული

• ბატარეის ტიპი: დალუქული, მოვლა-განუჭრელი VRLA ან ეკვივალენტური Li-Ion
• ინტეგრირებული ბატარეის მოდული გაფართოების შესაძლებლობით
• ბატარეის შეცვლის შესაძლებლობა: Hot-Swap ტიპის
• დამუხტვის სისტემა: ინტელექტუალური ტემპერატურაზე მორგებადი კონტროლი (ABM ან ანალოგიური)
• ბატარეის ტიპიური რესურსი: 3 – 5 წელი (VRLA), 8 – 10 წელი (Li-Ion)
• ავტომატური და ხელით ტესტის რეჟიმები

3. მართვა და მონიტორინგი

• ინტერფეისები: USB, Serial, RJ-45 (Ethernet SNMP), Smart Card Slot ან ანალოგიური
• ქსელური მართვა: SNMP/HTTP/Modbus TCP/IP მხარდაჭერით
• დისტანციური მართვის პროგრამული უზრუნველყოფა: UPS Management Software ან ანალოგიური
• ეკრანი: LCD ან LED სტატუსისა და პარამეტრების ჩვენებისთვის
• მოვლენების ჟურნალი (Log): მინ. 50 ჩანაწერის შენახვის შესაძლებლობა ან მწარმოებლის სტანდარტის მიხედვით
• გამაფრთხილებელი სიგნალები: აუდიო/ვიზუალური და ქსელური შეტყობინებები

4. ფიზიკური მახასიათებლები

• ფორმფაქტორი: Rack Mount 4U–6U ან Convertible Tower/Rack ტიპის
• გაგრილების სისტემა: აქტიური, ხმაურის დონე არაუმეტეს 55 dB(მწარმოებლის სტანდარტით)
• ზომები: შესაბამისი 19’’ რაკზე მონტაჟისთვის
• წონა: არაუმეტეს 90 კგ
• სამუშაო ტემპერატურა: 0°C – +40°C
• ტენიანობა: 0–95% არაკონდესირებული

5. გამომავალი და დაცვითი მახასიათებლები

• გამომავალი პორტები: IEC 320 C13 / C19 ან ტერმინალური ბლოკი
• დაცვის მექანიზმები: გადატვირთვის, მოკლე ჩართვის, გადახურების და გადამუხტვისგან
• თერმული დაცვა: ავტომატური გათიშვა გადახურებისას

6. სტანდარტები და შესაბამისობა

• IEC/EN 62040-1 (უსაფრთხოება)
• IEC/EN 62040-2 (EMC)
• CE, RoHS

7 . გარანტია და სერვისი

• გარანტია: გარანტია: არანაკლებ 3 წელი UPS მოწყობილობაზე, 2 წელი ბატარეებზე.
• ტექნიკური მხარდაჭერა: დისტანციური დიაგნოსტიკა და firmware განახლების შესაძლებლობა.

1.4.1 საქონლის მოწოდება უნდა განხორციელდეს ხელშეკრულების გაფორმებიდან 10 (ათი) კალენდარული დღის ვადაში.

1.5.1 ქ.ბათუმი, ბაქოს ქუჩა #50 - სსიპ საზღვაო ტრანსპორტის სააგენტოს ადმინისტრაციული შენობა.

1.7.1.1 პრეტენდენტმა ინფორმაცია საგარანტიო ვადის შესახებ უნდა მიუთითის დანართი N1 - ფასების ცხრილში;
1.7.1.2 პრეტენდენტი უზრუნველყოფს მიწოდებული უწყვეტი ელექტრომომარაგების წყაროს (UPS) არანაკლებ 3 (სამი) წლის გარანტიით, ხოლო შესაბამისი ბატარეების არანაკლებ 2 (ორი) წლის გარანტიით.
1.7.1.3.შემსყიდველის მხრიდან შესყიდვის ობიექტის ექსპლუატაციის ნორმების დაცვის შემთხვევაში, საგარანტიო ვადის განმავლობაში მიმწოდებელმა საკუთარი ხარჯებით უნდა აღმოფხვრას ექსპლუატაციის პროცესში გამოვლენილი ნებისმიერი ხარვეზი/წუნი (ტრანსპორტირების ჩათვლით), საჭიროების შემთხვევაში უზრუნველყოს წუნდებული შესყიდვის ობიექტის შეცვლა ახლით, ასეთი ხარვეზის/წუნის გამოვლენიდან შემსყიდველის მიერ მიმწოდებლისათვის შესაბამისი წერილობითი შეტყობინებიდან (მათ შორის ელექტრონული საკომუნიკაციო საშუალების გამოყენებით) გონივრულ ვადაში, მაგრამ არაუგვიანეს 5 (ხუთი) კალენდარული დღისა, გარდა იმ შემთხვევისა, თუ ასეთი ხარვეზი გამოწვეულია ნივთის მექანიკური დაზიანებით.
1.7.1.4 შემოთავაზებული საქონელი უნდა იყოს სრულიად ახალი, ქარხნული წარმოების, არამოხმარებული (ექსპლუატაციაში არმყოფი).

2.1.1.1 პრეტენდენტი ვალდებულია ფასების ცხრილში (დანართი N1) მიუთითოს შესყიდვის ობიექტის წარმოშობის ქვეყანა, მწარმოებელი კომპანია და მარკა/ მოდელი. ინფორმაციის წარმოუდგენლობა დაზუსტებას არ დაექვემდებარება და გამოიწვევს მის დისკვალიფიკაციას.

2.2.1.1.პრეტენდენტს უნდა გააჩნდეს 2023 წლის 01 იანვრიდან ტენდერის გამოცხადების დღემდე, კომპიუტერული მოწყობილობებისა და აქსესუარების ან/და უწყვეტი ელექტრომომარაგების წყაროს მიწოდების გამოცდილება არანაკლებ 23 000 ლარის ოდენობით აღნიშნულის დასადასტურებლად პრეტენდენტის მიერ ერთიან ელექტრონულ სისტემაში ატვირთულ უნდა იქნას ხელშეკრულებ(ები)ა და ამ ხელშეკრულებ(ებ)ის საფუძველზე გაფორმებული მიღება-ჩაბარების აქტ(ებ)ი ან შესრულების დამადასტურებელი სხვა დოკუმენტაცია.

*იმ შემთხვევაში, თუ გამოცდილება რეგისტრირებულია სახელმწიფო შესყიდვების სააგენტოს ერთიან ელექტრონულ სისტემაში, (ხელშეკრულებისა და მიღება-ჩაბარების აქტების წარმოდგენა არ არის სავალდებულო) მითითებული უნდა იქნას სისტემის მიერ მინიჭებული SPA/CMR/NAT ნომერი.

*იმ შემთხვევაში თუ პრეტენდენტის მიერ გაფორმებული ხელშეკრულებები არ არის ატვირთული სახელმწიფო შესყიდვების სააგენტოს ერთიან ელექტრონულ სისტემაში ან/და ხელშეკრულებები არ არის გაფორმებული სახლმწიფო შესყიდვების შესახებ საქართველოს კანონის შესაბამისად, პრეტენდენტი ვალდებულია წარმოადგინოს (ატვირთოს) აღნიშნული ხელშეკრულებები და ამ ხელშეკრულებების შესრულების დამადასტურებელი დოკუმენტების ასლები.

4.1.1.1 იმ შემთხვევაში, თუ პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას სსიპ "ლევან სამხარაულის ექსპერტიზის ეროვნული ბიუროს" ან/და სხვა აკრედიტირებული პირის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთული, საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული საქონლის მიწოდების ან/და მომსახურების გაწევის შესაძლებლობა.
4.1.1.2 ექსპერტიზის დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას.

7.2.1 ანგარიშსწორება შემსყიდველის მიერ განხორციელდება ფაქტობრივად მიწოდებული შესყიდვის ობიექტის მიხედვით, უნაღდო ანგარიშსწორებით ლარში, 2025 წლის საკუთარი სახსრებით, საბოლოო მიღება–ჩაბარების აქტის გაფორმების შემდეგ.

7.3.1 ანგარიშსწორება განხორციელდება საბოლოო მიღება-ჩაბარების აქტის გაფორმებიდან არაუგვიანეს 10 (ათი) სამუშაო დღის ვადაში.

თამარ მჟავანაძე, 571919101, t.mzhavanadze@mta.gov.ge

10.1.1 სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად.
10.1.2 ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე.
10.1.3 სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
10.1.4 პრეტენდენტს არა აქვს უფლება წარმოადგინოს ალტერნატიული სატენდერო წინადადება.
10.1.5 პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები (გარდა Excel-ის ფორმატის ფასების ცხრილისა) დაამოწმოს/დაადასტუროს კვალიფიციური ხელმოწერით/კვალიფიციური შტამპით.
10.1.6 პრეტენდენტმა უნდა წარმოადგინოს ფასების ცხრილი დანართი N1 Excel-ის ფორმატის ცხრილის სახით, ხოლო Excel-ის ფორმატის ცხრილის სახით წარსადგენი დოკუმენტი არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს).
10.1.7 სატენდერო წინადადების ფასი გამოსახული უნდა იყოს ეროვნულ ვალუტაში - ლარში, სატენდერო წინადადების ფასი მოიცავს შესყიდვის ობიექტის მიწოდებასთან დაკავშირებით მიმწოდებლის ყველა ხარჯს და საქართველოს კანონმდებლობით გათვალისწინებულ გადასახადებს.