Обувные изделия (Грузия - Тендер #68848163)

სსიპ „აღსრულების ეროვნული ბიუროს“ სტრუქტურული ერთეულის, აღსრულების პოლიციის სამმართველოს თანამშრომლებისთვის ფეხსაცმლის სახელმწიფო შესყიდვა.

 სპორტული ფეხსაცმელი - 15 წყვილი.

 ფეხსაცმლის ფერი - შავი (მათ შორის ძირიც)
 ფეხსაცმელს ცხვირის, გვერდების, საყელოს და ენის ზედაპირზე - უნდა გააჩნდეს ჰაერგამტარი ქსოვილის დეტალები;
 ფეხსაცმლის ზედა ნაწილი - ბადე, უნდა იყოს გამძლე, უზრუნველყოფდეს ჰაერის გამტარობას;
 TPU (თერმოპლასტიკური პოლიურეთანი) ცვეთამედეგი დაცვით;
 ფეხსაცმელს წინა მხარეს - ე.წ. ცხვირის ზონაში და უკანა მხარეს ქუსლის ზონაში უნდა ჰქონდეს ზედნადები (გადაჭიმული) დამცავი დეტალები;
 გარე ძირი - უნდა იყოს 100% რეზინის, მოჭიდულობისთვის, უნდა ჰქონდეს გაფართოებული ქუსლი მეტი სტაბილურობისთვის, ხოლო შვერილები (ბურცვაკები) მთლიან ზედაპირზე ასევე უნდა უზრუნველყოფდეს მოჭიდებას;
 გარე ძირის შუა ნაწილი - უნდა იყოს დამზადებული EVA- სგან (ეთილენის ვინილის აცეტატი), უნდა გააჩნდეს მაღალი დონის ამორტიზაცია;
 ჩასაფენი - უნდა იყოს 4 მმ სისქის ჰაერგამტარი პოლიურეთანის ქაფისგან დამზადებული;
 ენა - ფეხსაცმელს ენის შიდა ნაწილში უნდა გააჩნდეს პიქტოგრამები და ზომის იარლიყი, რომელზეც მითითებული უნდა იყოს შემადგენლობის მასალები (ზედა ნაწილი, სარჩული, გარე ძირი).

 ბათინკები - 58 წყვილი.

 ბათინკის ფერი - შავი (მათ შორის ძირიც)
 ბათინკის ზედა მხარე - 1.6 - 1.8 მმ სისქის ტყავი, დამცავი რეზინის ჩანართით და თერმოფორმირებული ლიკრით.
 ბათინკი უნდა იყოს წყალგაუმტარი;
 შუა ძირი დამზადებული უნდა იყოს დარტყმის შთამნთქმელი EVA-სგან;
 ქუსლის ნაწილი დამზადებული უნდა იყოს TPU-სგან;
 ბათინკს უნდა ჰქონდეს რეზინის გარე ძირი, სხვადასხვა ზედაპირზე საიმედო მოჭერისთვის და პოლიურეთანის ჩასადები ღაბაში EVA ბალიშით.
 ბათინკი უნდა იკვრებოდეს თასმებით.
 ბათინკს ენის შიდა ნაწილში უნდა გააჩნდეს პიქტოგრამები და ზომის იარლიყი, რომელზეც მითითებული უნდა იყოს შემადგენლობის მასალები (ზედა ნაწილი/სარჩული/გარე ძირი).

შენიშვნა:
• საქონლის ტექნიკურ მახასიათებლებში დასაშვებია 3% -იანი ცდომილება;
• პრეტენდენტის მიერ წარმოდგენილ დანართ N2-ში (ტექნიკური დავალება) (სატენდერო წინადადებაში) მითითებულ უნდა იქნეს მტკიცებითი ფორმით, შესყიდვის ობიექტის ზუსტი მახასიათებლები.

იხილეთ თანდართული ტექნიკური დავალება - დანართი N2.

შესასყიდი საქონლის მიწოდება უნდა განხორციელდეს ხელშეკრულების გაფორმების თარიღიდან არაუგვიანეს - 2025 წლის 20 დეკემბისა.

1.5.1 საქონლის მიწოდება უნდა განხორციელდეს მიმწოდებლის მიერ, მისივე ხარჯებით.
1.5.2 შესასყიდი საქონლის მიწოდების ადგილია: ქ. თბილისი. აღმაშენებლის ხეივანი N99, სსიპ „აღსრულების ეროვნული ბიურო“-ს საწყობი.

1.7.1.1 საქონლის საგარანტიო ვადა (დანართი N1-ის ორივე პოზიციაზე) უნდა შეადგენდეს, საქონლის ექსპლუატაციაში გაცემის თარიღიდან - არანაკლებ 1 (ერთი) წელი.
1.7.1.2 მიმწოდებელი ვალდებულია შემსყიდველის მიერ წერილობითი მოთხოვნიდან არაუმეტეს 10 (ათი) სამუშაო დღის ვადაში განახორციელოს წუნდებული საქონლის შეცვლა შემსყიდველის მხრიდან რაიმე დამატებითი დანახარჯის გაწევის გარეშე.
1.7.1.3 შემოთავაზებული საქონელი დამზადებული უნდა იყოს ქარხნულად და საქონელზე დატანილი უნდა იყოს ზომის, მწარმოებელი ფირმის, მოვლის წესების და სხვა საჭირო ინფორმაციის აღმნიშვნელი ეტიკეტ(ებ)ი.

2.1.1.1 პრეტენდენტმა დანართ N1-ში (ფასების ცხრილი) უნდა წარმოადგინოს ინფორმაცია შემოთავაზებული საქონლის მწარმოებელი კომპანიისა და მოდელის შესახებ (ასეთის არსებობის შემთხვევაში).
2.1.1.2 დაზუსტებას არ დაექვემდებარება ტექნიკური დოკუმენტაცია, თუ დანართ N1-ში (ფასების ცხრილი) არ იქნება მითითებული ინფორმაცია შემოთავაზებული საქონლის მწარმოებელი კომპანიისა და მოდელის შესახებ (ასეთის არსებობის შემთხვევაში).
2.1.1.3 პრეტენდენტმა შემოთავაზებული საქონლის მოდელის არ არსებობის შემთხვევაში უნდა გააკეთოს შესაბამისი მითითება დანართი N1-ის (ფასების ცხრილი) მე-8 გრაფაში.

2.7.1.1 პრეტენდენტი ვალდებულია, სატენდერო დოკუმენტაციის დანართი N1-ით შემოთავაზებულ საქონელზე (ორივე პოზიციაზე) წარმოადგინოს, მწარმოებლის ISO 9001 სტანდარტთან შესაბამისობის სერტიფიკატი (ნათარგმნი ქართულ ენაზე და დამოწმებული ნოტარიულად);

2.7.1.2 პრეტენდენტი ვალდებულია, წარმოადგინოს შემოთავაზებული საქონლის (ორივე პოზიციაზე) მახასიათებლების, ტექნიკურ დავალებასთან (დანართი N2 - ტექნიკური დავალება) შესაბამისობის დამადასტურებელი დოკუმენტი (მწარმოებლის ოფიციალური წერილი ან/და ბმული მწარმოებლის ოფიციალური საიტიდან ან/და კვლევის შედეგები ან/და ექსპერტიზის დასკვნა ან/და სხვა დამადასტურებელი დოკუმენტი), გაცემული და დამოწმებული უფლებამოსილი ორგანოს ან/და შემოთავაზებული საქონლის მწარმოებელი კომპანიის მიერ (უცხოენოვანი დოკუმენტის შემთხვევაში, საქართველოს კანონმდებლობით დადგენილი წესით ნათარგმნი ქართულ ენეზე და დამოწმებული ნოტარიულად).

3.1.1.1. პრეტენდენტმა, შემსყიდველ ორგანიზაციაში, შემსყიდველი ორგანიზაციის მოთხოვნით, უნდა წარმოადგინოს შემოთავაზებული საქონლის ნიმუში, დანართი №1 (ფასების ცხრილი) შესაბამისად.
3.1.1.2. პრეტენდენტის მიერ ორგანიზაციაში წარმოდგენილი ნიმუში სრულად უნდა აკმაყოფილებდეს ტექნიკურ მოთხოვნებს.
3.1.1.3. პრეტენდენტის მიერ წარდგენილი შესყიდვის ობიექტის ნიმუში დაზუსტებას არ ექვემდებარება.

ნიმუშების წარმოდგენის ადგილია, ქ. თბილისი, დავით აღმაშენებლის ხეივანი N99, სსიპ „აღსრულების ეროვნული ბიუროს“ ლოჯისტიკის დეპარტამენტი

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, მიმწოდებელი ვალდებულია დაასაბუთოს ფასწარმოქმნის ადეკვატურობა.

ფასწარმოქმნის ადეკვატურობა, შესაძლებელია დასაბუთდეს ექსპერტიზის დასკვნით, ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი), რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას, როგორც მის მიერ დაფიქსირებულ წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებაში.

7.2.1 ანგარიშსწორება განხორციელდება უნაღდო ანგარიშსწორების ფორმით ლარში, ფაქტიურად მიწოდებული საქონლის შესაბამისად.
7.2.2. ანგარიშსწორება განხორციელდება მიმწოდებლის საბანკო რეკვიზიტებზე.
7.2.3. საავანსო ანგარიშსწორება არ გამოიყენება.

ანგარიშსწორება განხორციელდება 10 (ათი) სამუშაო დღის განმავლობაში, ხელშეკრულების შესაბამისად გაფორმებული მიღება-ჩაბარების აქტისა და საგადასახადო დოკუმენტაციის წარდგენის საფუძველზე.

თამარ კაპანაძე, 577116121, takapanadze@nbe.gov.ge

10.1.1 იმ შემთხვევაში თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია, ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით.
10.1.2 დისკვალიფიკაციას დაექვემდებარება პრეტენდენტი, თუ სატენდერო დოკუმენტაციის დაზუსტებისას, ასევე, ელექტრონული ვაჭრობის შედეგად დაფიქსირებული, საბოლოო ფასის შესაბამისად დაზუსტებული ფასების ცხრილში, განახორციელებს თავდაპირველად შემოთავაზებული საქონლის მწარმოებელი კომპანიისა და მოდელის შეცვლას.
10.1.3 „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების 27-ე მუხლის მე-3 პუნქტის შესაბამისად, ,,დაზუსტებას არ ექვემდებარება ტექნიკური დოკუმენტაცია, თუ სატენდერო დოკუმენტაციის მოთხოვნ(ებ)ის შესაბამისად, არ არის წარდგენილი ან მასში არ არის მითითებული ინფორმაცია შესყიდვის ობიექტის სასაქონლო ნიშნის, პატენტის, მოდელის, წარმოშობის წყაროს ან მწარმოებლის შესახებ, ასევე არ არის წარდგენილი ხარჯთაღრიცხვა ან წარდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 5%-ს”.
10.1.4 საქონლის ტექნიკურ მახასიათებლებში მითითებულია მინიმალური მოთხოვნები, რომელსაც უნდა აკმაყოფილებდეს შემოთავაზებული საქონელი, პრეტენდენტს შეუძლია შემოგვთავაზოს გაუმჯობესებული მახასიათებლების მქონე საქონელი.
10.1.5 ელექტრონულ ტენდერთან დაკავშირებული დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული ქართული თარგმანი. დოკუმენტაციასთან დაკავშირებული სადავო საკითხების გადაწყვეტისას, უცხოურენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს შემსყიდველი ორგანიზაცია.
10.1.6 სატენდერო დოკუმენტაციით მოთხოვნილი, ელექტრონულ სისტემაში ატვირთული პრეტენდენტის მიერ შექმნილი ყველა დოკუმენტი ან/და ინფორმაცია ,,ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის შესაბამისად, სავალდებულოა დამოწმებული/დადასტურებული იყოს კვალიფიციური ხელმოწერით ან/და კვალიფიციური შტამპით (ამასთანავე, ხელმოწერა უნდა განხორციელდეს შესაბამისი უფლებამოსილი პირის მიერ (საჭიროების შემთხვევაში ატვირთული უნდა იქნეს მინდობილობა)), გარდა იმ შემთხვევისა, როდესაც სატენდერო დოკუმენტაციის 1.3 პუნქტით მოთხოვნილი დანართი N1 (ფასების ცხრილი) პრეტენდენტის მიერ სისტემაში წარმოდგენილი იქნება „MS Excel“-ის ფორმატში.
10.1.7 სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული „ელექტრონული ტენდერის ჩატარების წესის“ მე-8 მუხლით დადგენილი წესის შესაბამისად.
10.1.8 სატენდერო წინადადების წარდგენა გულისხმობს, რომ პრეტენდენტი ეთანხმება სატენდერო პირობებს.
10.1.9 პრეტენდენტის მიერ სისტემაში სავალდებულოდ ასატვირთი დოკუმენტებია:
 დანართი N1 (ფასების ცხრილი);
 დანართი N2 (ტექნიკური დავალება);
 დანართი N3 (ფეხსაცმლის ზომები);
 დანართი N4 (პრეტენდენტის რეკვიზიტები), იმ შემთხვევაში, თუ პრეტენდენტს ერთიან ელექტრონულ სისტემაში მითითებული არ აქვს ინფორმაცია რეკვიზიტების შესახებ;
 მწარმოებელის ISO 9001 სტანდარტთან შესაბამისობის სერტიფიკატი (ანათარგმნი ქართულ ენაზე და დამოწმებული ნოტარიულად), სატენდერო დოკუმენტაციის 2.7.1.1 პუნქტის მოთხოვნათა შესაბამისად;
 შემოთავაზებული საქონლის, დანართი N1-ის (ფასების ცხრილი) ორივე პოზიციაზე, მახასიათებლების ტექნიკურ დავალებასთან (დანართი N2 - ტექნიკური დავალება) შესაბამისობის დამადასტურებელი დოკუმენტ(ებ)ი, სატენდერო დოკუმენტაციის 2.7.1.2 პუნქტის მოთხოვნათა გათვალისწინებით.