Услуги по очистке и санации (Грузия - Тендер #68848128)

საქართველოს მთავრობის ადმინისტრაციის ადმინისტრაციული შენობის დალაგება დასუფთავების მომსახურების შესყიდვა

მომსახურების გრაფიკი და მომსახურების ფარგლებში გამოსაყენებელი ინვენტარის ტექნიკური მოთხოვნები წარმოდგენილია 1.3. პუნქტში, ფასების ცხრილთან ერთად, დანართი N2 და დანართი N3-ის სახით.

მომსახურების გაწევა უზრუნველყოფილი უნდა იქნას დანართებში წარმოდგენილი მოთხოვნების სრული დაცვით.
გამარჯვებულმა მომწოდებელმა უნდა უზრუნველყოს მომსახურების გაწევა შემდეგი მოთხოვნების სრული დაცვით:

1.2.1 ყოველდღიურად შენობის თითოეულ სართულზე მიმაგრებული უნდა იყოს დამლაგებლები ქვემოთ მოცემული დანართი N4-ის შესაბამისად, რომელთა სამუშაო გრაფიკი განისაზღვრება 7:00-დან -9:00 საათამდე;
1.2.2 შენობაში უნდა იყოს 4 მორიგე დამლაგებელი მათ შორის შაბათ - კვირასა და დასვენების დღეებში, შემდეგი გრაფიკის დაცვით: 3 მორიგე დამლაგებელი - 9:00-დან -19:00 საათამდე, 1 მორიგე დამლაგებელი - 9:00-დან -21:00 საათამდე. დამლაგებლის ხელზე ასაღები სახელფასო განაკვეთი უნდა შეადგენდეს არანაკლებ 650.00 ლარს.
1.2.3 შენობაში 24 საათიან რეჟიმში უნდა იყოს 1 მორიგე დამლაგებელი, მათ შორის შაბათ - კვირასა და დასვენების დღეებში რომელთა ხელზე ასაღები სახელფასო განაკვეთი უნდა შეადგენდეს არანაკლებ 700.00 ლარს.
1.2.4 შენობაში 7:00 დან 9:00 საათამდე უნდა იყოს საერთო მოხმარების სველი წერტილების სამი დამლაგებელი, მათ შორის შაბათ - კვირასა და დასვენების დღეებში რომელთა ხელზე ასაღები სახელფასო განაკვეთი უნდა შეადგენდეს არანაკლებ 700.00 ლარს.
1.2.5 ეზოს დასუფთავების მიზნით მიმაგრებული უნდა იყოს არანაკლებ 2 დამლაგებელი, რომელთა ყოველთვიური ანაზღაურება, ხელზე ასაღები სახელფასო განაკვეთი უნდა შეადგენდეს არანაკლებ 700.00 ლარს.
1.2.6 მიმწოდებელმა უნდა უზრუნველყოს არანაკლებ 2 მებაღე დეკორატორის არსებობა, რომლის ყოველთვიური ანაზღაურება - ხელზე ასაღები სახელფასო განაკვეთი უნდა შეადგენდეს არანაკლებ 800.00 ლარს.
1.2.7 მიმწოდებელმა უნდა უზრუნველყოს არანაკლებ 1 მეყვავილეობის სპეციალისტის არსებობა, რომელიც ვალდებულია უზრუნველყოს შენობაში არსებული ქოთნის ხე მცენარეების მოვლა პატრონობა, რომლის ყოველთვიური ანაზღაურება - ხელზე ასაღები სახელფასო განაკვეთი უნდა შეადგენდეს არანაკლებ 700.00 ლარს.
1.2.8 მიმწოდებელმა ყოველდღიურად უნდა უზრუნველყოს, შენობაში არსებული სამუშაო სივრცის დასუფთავება 8:30 საათამდე, ასევე პირად და საერთო მოხმარების საპირფარეშოებში ხელსაბანი საშუალებებისა და ქაღალდების განთავსება.
1.2.9 მიმწოდებელმა უნდა უზრუნველყოს პირად და საერთო მოხმარების საპირფარეშოებში ჰაერის გამწმენდი საშუალებების არსებობა.
1.2.10 მიმწოდებელმა უნდა უზრუნველყოს დამკვეთის მოთხოვნის შემთხვევაში, კონკრეტული (დამლაგებლის, მებაღის, მეყვავილე დეკორატორის) ჩანაცვლება მოთხოვნიდან არაუგვიანეს 5 (ხუთი) სამუშაო დღის ვადაში.
1.2.11 მიმწოდებელმა უნდა უზრუნველყოს თვეში ერთხელ, დამკვეთთან შეთანხმებით, შენობის გენერალური დასუფთავება: ფარჯრების წმენდა, ხის, მეტლახისა და რბილი იატაკების სპეციალური აპარატურით მორეცხვა.

მომსახურების გაწევის ვადა განისაზღვრება 2026 წლის პირველი იანვრიდან 2026 წლის 31 დეკემბრის ჩათვლით.

მომსახურების გაწევის ადგილია საქართველოს მთავრობის ადმინისტრაციის ადმინისტრაციული შენობა - ქ. თბილისი, პ.ინგოროყვას ქ.N7

2.2.1.1 ტენდერში მონაწილე პრეტენდენტს 2023 წლის პირველი იანვრიდან ტენდერის გამოცხადების დღემდე უნდა გააჩნდეს არანაკლებ 200 000 (ორასი ათასი) ლარის ანალოგიური მომსახურების (დასუფთავების მომსახურება) გაწევის გამოცდილება. აღნიშნულის დასტურად, პრეტენდენტმა ელექტრონულ სისტემაში უნდა ატვირთოს შესრულებული ხელშეკრულებ(ები)ა და ამ ხელშეკრულების საფუძველზე გაფორმებული მიღება-ჩაბარების აქტ(ებ)ი ან/და შესრულების დამადასტურებელი სხვა დოკუმენტაცია (იმ შემთხვევაში, თუ სახელმწიფო შესყიდვების სააგენტოს ვებგვერდზე აღნიშნული ხელშეკრულებები და მიღება-ჩაბარების აქტები სრულად არის ატვირთული და ასევე ასახულია ანგარიშსწორების შესახებ ინფორმაცია (ფაქტობრივი გადახდები) სრულად, საკმარისია შესაბამისი SPA/NAT/CMR მითითება).

2.2.1.2 პრეტენდენტმა უნდა წარმოადგინოს არანაკლებ ერთი დადებითი რეკომენდაცია ან ხელშეკრულების ჯეროვნად შესრულების შესახებ ინფორმაცია/ცნობა, ისეთ შესრულებულ ხელშეკრულებაზე, რომელიც პრეტენდენტს წარმოდგენილი აქვს ამ პუნქტის 2.2.1.1. ქვეპუნქტის ფარგლებში და რომლის ღირებულება შეადგენს ან აღემატება 100 000 ლარს (ხელშეკრულების ფარგლებში შესრულებული უნდა იყოს არანაკლებ 100 000 ლარის ღირებულების დასუფთავების მომსახურება).

მომსახურების გაწევა უნდა განხორციელდეს დანართი N2-ში ფიქსირებული სიხშირის დაცვით.

2.9.1 პრეტენდენტს უნდა გააჩნდეს სახელმწიფო საიდუმლოებაზე დაშვების უფლება.
2.9.2 პრეტენდენტი ვალდებულია, ერთიან ელექტრონულ სისტემაში სისტემაში სატენდერო წინადადებასთან ერთად წარმოადგინოს ფორმა N4, რომელიც მოქმედი უნდა იყოს არანაკლებ 2026 წლის 31 დეკემბრის ჩათვლით.
2.9.3. პრეტენდენტის მიერ სახელმწიფო შესყიდვის განხორციელების ნებისმიერ ეტაპზე, სახელმწიფო შესყიდვების ერთიან ელექტრონულ სისტემაში ატვირთული ან შემსყიდველისთვის გადაცემული პერსონალური ინფორმაცია, საქართველოს მთავრობის ადმინტრაციის მიერ, „პერსონალურ მონაცემთა დაცვის შესახებ“ საქართველოს კანონის შესაბამისად, შესაძლებელია დამუშავდეს სახელმწიფო შესყიდვის განხორციელების მიზნებისთვის.
2.9.4. ხელშეკრულების მოქმედების ნებისმიერ ეტაპზე ან/და მოქმედების დასრულების შემდგომ, აღმოჩენილი ხარვეზის ან/და ნაკლის არსებობის შემთხვევაში, მიმწოდებელი ვალდებულია შემსყიდველის მოთხოვნიდან (სატელეფონო ან/და ელ. ფოსტის მეშვეობით) 1 კალენდარული დღის ვადაში გამოასწოროს ნაკლი, შემსყიდველის მხრიდან დამატებითი დანახარჯების გაწევის გარეშე.

პრეტენდენტმა უნდა წარმოადგინოს დანართი N3-ის მე-12, მე-13 და მე-14 პოზიციებზე შემოთავაზებული საქონლის ნიმუშები.

ქ. თბილისი, პ. ინგოროყვას ქ.N7

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, მიმწოდებელი ვალდებულია დაასაბუთოს ფასწარმოქმნის ადეკვატურობა.

ფასწარმოქმნის ადეკვატურობა, შესაძლებელია დასაბუთდეს საშემფასებლო დასკვნით (ამასთან,ბუღალტრული აღრიცხვის,ანგარიშგებისა და აუდიტის შესახებ საქართველოს კანონის 28-ე მუხლის მე-8 პუნქტის ,,გ“ ქვეპუნქტის შესაბამისად, საშემფასებლო მომსახურების გაწევის უფლება ეძლევა მხოლოდ იმ პირს, რომელშიც დასაქმებულია აკრედიტებული შემფასებელთა სერტიფიკაციის ორგანოს მიერ სერტიფიცირებული შემფასებელი. შეფასების განხორციელების და შეფასების ანგარიშზე/დასკვნაზე ხელის მოწერის უფლება ენიჭება აკრედიტებული შემფასებელთა სერტიფიკაციის ორგანოს მიერ სერტიფიცირებულ შემფასებელს. საშემფასებლო დასკვნასთან ერთად ასევე, წარმოდგენილი უნდა იქნას ანგარიშზე/დასკვნაზე ხელის მოწერის უფლების მქონე პირის შესაბამისი უფლებამოსილების/აკრედიტაციის დამადასტურებელი დოკუმენტი), რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას, როგორც მის მიერ დაფიქსირებულ წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებაში.

2 Процентов

2 Процентов

ხელშეკრულების უზრუნველყოფის საბანკო/სადაზღვევო გარანტიის მოქმედების ვადა 30 (ოცდაათი) კალენდარული დღით უნდა აღემატებოდეს ხელშეკრულების მოქმედების ვადას.

6.4.1. ხელშეკრულების უზრუნველყოფის უპირობო გამოუთხოვადი საბანკო/სადაზღვევო გარანტია, გარანტია წარმოდგენილი უნდა იყოს ეროვნულ ვალუტაში - ლარში.

6.4.2. მიმწოდებლის მიერ ხელშეკრულებით გათვალისწინებული ვალდებულების დარღვევის (ხელშეკრულებით გათვალისწინებული ვალდებულების შესრულებაზე უარის თქმა, ხელშეკრულებით გათვალისწინებული ვადების დარღვევა, ვალდებულების უხარისხოდ, არაჯეროვნად, არასრულად შესრულება და სხვა) შემთხვევაში, შემსყიდველს უფლება აქვს მიმწოდებელს არ დაუბრუნოს საბანკო/სადაზღვევო გარანტიით გათვალისწინებული თანხა. შემსყიდველს უფლება აქვს ასევე მიმწოდებელს არ დაუბრუნოს საბანკო/სადაზღვევო გარანტიით გათვალისწინებული თანხა იმ შემთხვევაში თუ იგი უარს აცხადებს დაკისრებული პირგასამტეხლოს გადახდაზე (პირგასამტეხლოს პროპორციულად).

ანგარიშსწორება მოხდება უნაღდო ანგარიშსწორებით ლარში.

მიმწოდებელთან ანგარიშსწორება განხორციელდება ფაქტობრივად გაწეული მომსახურების მიხედვით. მიღება–ჩაბარების აქტის ხელმოწერის, ინსპექტირების აქტის, შესაბამისი საგადასახადო ანგარიშ-ფაქტურის გამოწერისა და წარმოდგენის შემდეგ არაუგვიანეს 10 სამუშაო დღის ვადაში.

იზო კორძაძე, 599093135, ikordzadze@gov.ge ტექნიკურ საკითხებთან დაკავშირებით დაუკავშირდით ზურაბ კაპანაძე - მობ: 599 62 10 30

10.1.1. სატენდერო წინადადების წარდგენით პრეტენდენტი ავტომატურად გამოხატავს თანხმობას სატენდერო პირობებით განსაზღვრულ მოთხოვნებზე;
10.1.2. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ეროვნულ ვალუტაში;
10.1.3. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა გადასახადის გათვალისწინებით;
10.1.4. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნეს ორიგინალის სახით ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე, რომელშიც, თარგმანის სისწორე ან/და მთარგმნელის ხელმოწერის ნამდვილობა დამოწმებული უნდა იყოს ნოტარიული წესით.
10.1.5. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.6. პრეტენდენტს არ აქვს უფლება წარმოადგინოს ალტერნატიული სატენდერო წინადადება.
10.1.7. პრეტენდენტი ვალდებულია საქონლის ერთეულის ფას(ებ)ი დააფიქსიროს (დაამრგვალოს) მეასედის სიზუსტით.
10.1.8. მიმწოდებელი ვალდებულია გადასცეს შემსყიდველს უფლებრივად და ნივთობრივად უნაკლო და ახალი საქონელი.
10.1.9 სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია უნდა იქნეს ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა. გარდა, სატენდერო დოკუმენტაციის კითხვარის 1.3 პუნქტით გათვალისწინებული დანართისა (ფასების ცხრილი/ხარჯთაღრიცხვა) რომელიც წარმოდგენილი იქნება Excel-ის ფორმატის სახით.
10.1.10 „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების თანახმად, პრეტენდენტის მიერ Excel-ის ცხრილის სახით წარსადგენი დოკუმენტი არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს).
10.1.11. სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული ,,ელექტრონული ტენდერის ჩატარების წესის“ მე-8 მუხლის შესაბამისად.