Спортивные товары и оборудование (Грузия - Тендер #68848047)

კასპის მუნიციპალიტეტის სოფლებში, ნოსტე-მთიულთუბანში გარე გამოყენების ქუჩის ტრენაჟორების მოწყობის (თანმდევი მომსახურება - მონტაჟი და ტრენაჟორებისათვის საჩრდილობელი ფანჩატურისა და მოედნის მოწყობა) სამუშაოები

1.2.1 ტრენაჟორების გაბარიტულ ზომებზე დასაშვებია 20%-იანი ცდომილება, თუ აღნიშნული ცვლილებით არ დაირღვევა მისი ფუნქციონალურობა და მომხმარებლის უსაფრთხოება.
1.2.2 ტრენაჟორები განკუთვნილი უნდა იყოს 14 წლიდან ასაკის მომხმარებლისთვის.
1.2.3 გამოწეული დამაფიქსირებელი ელემენტები უნდა იყოს დაფარული დეკორატიული პოლიეთილენის ხუფებით. მილების დაბოლოვებები უნდა იყოს დაფარული პლასტმასის ხუფებით.
1.2.4 ტრენაჟორებზე განთავსებული უნდა იყოს საინფორმაციო ეტიკეტი შესასრულებელი ვარჯიშის სწორი ვარიანტით.
1.2.5 მონტაჟი ხორციელდება ტრენაჟორებისთვის სპეციალურად მოწყობილ მოედანზე,
1.2.6 მოსაწოდებელი საქონლის ფერი უნდა შეთანხმდეს შემსყიდველთან.
1.2.7 მიმწოდებლის მიერ შემოთავაზებული საქონლის ტექნიკური მახასიათებლები უნდა შეესაბამებოდეს შესყიდვის ობიექტის ტექნიკურ დავალებაში მოცემულ მახასითებლებს;
1.2.8 ტრენაჟორები შეღებილი უნდა იყოს მაღალი ხარისხის საღებავით, ხოლო მისი არამეტალის დეტალები უნდა იყოს მაღალი სიმკვრივის ერთგვარი რეზინისგან დამზადებული.
1.2.9 საქონლის მიწოდებისა და მიღება-ჩაბარების აქტის გაფორმების დროს მიმწოდებელმა უნდა წარმოადგინოს შემოთავაზებული საქონლის წარმოშობის/შესაბამისობის სერთიფიკატი.
1.2.10 შემოთავაზებულ ყოველ კონკრეტულ ტრენაჟორს უნდა გააჩნდეს საერთაშორისო სტანდარტიზაციის ორგანოს მიერ გაცემული EN16630-თან შესაბამისობის სერტიფიკატ(ებ)ი..
1.2.11 შესყიდვის ობიექტის ტექნიკური პარამეტრები და რაოდენობა მოცემულია შესყიდვის ობიექტის ტექნიკურ დავალებაში და ფასების ცხრილში (დანართი N1).
1.2.12 სატენდერო დოკუმენტაციას თან ერთვის ტრენაჟორებისთვის საჩრდილობელი ფანჩატურის არქიტექტურული პროექტი და კონსტრუქციული ნახაზები.
1.2.13 შესყიდვის ობიექტის ტექნიკური დავალებით განსაზღვრული ესკიზი წარმოდგენილია თვალსაჩინოებისთვის და არ მოითხოვება იდენტური საქონლის შეთავაზება

შესყიდვის ობიექტის ტექნიკური პარამეტრები და რაოდენობა მოცემულია შესყიდვის ობიექტის ტექნიკურ დავალებაში და ფასების ცხრილში (დანართი N1).

1. სამუშაოს შესრულების ვადაა ხელშეკრულების დადებიდან 30 (ოცდაათი) კალენდარული დღე;

1. სამუშაოს შესრულების ადგილია: კასპის მუნიციპალიტეტი

1. შემოთავაზებული საქონელი უნდა იყოს ახალი და უნაკლო.
2. შესყიდვის ობიექტის საგარანტიო ვადა შეადგენს მიღება-ჩაბარების აქტის გაფორმებიდან 2 (ორი) წელს.
3. საგარანტიო ვადის განმავლობაში ბუნებრივი პირობების შედეგად გამოწვეული ან ქარხნული დაზიანების ან/და რაიმე დეფექტის/წუნის/ხარვეზის გამოვლენის შემთხვევაში (ქურდობის და ვანდალიზმის ფაქტების გარდა), მიმწოდებელი ვალდებულია უზრუნველყოს შესყიდვის ობიექტის შეკეთება ან ჩანაცვლება ახლით, შემსყიდველის მოთხოვნიდან არაუგვიანეს 10 (ათი) კალენდარულ დღეში.
4. შესყიდვის ობიექტის დეფექტის/წუნის/ხარვეზის აღმოჩენის გამო შესყიდვის ობიექტის შეკეთების ან/და ახლით შეცვლის საჭიროების შემთხვევაში ტრანსპორტირება უნდა უზრუნველყოს მიმწოდებელმა.

2.1.1.1. პრეტენდენტი ვალდებულია მიუთითოს შესყიდვის ობიექტის (მისაწოდებელი ინვენტარის) წარმოშობის ქვეყანა, მწარმოებელი კომპანია და მარკა/მოდელი ფასების ცხრილში
2.1.1.2. პრეტენდენტის მიერ 2.1.1.1 პუნქტით გათვალისწინებული ინფორმაციის წარმოუდგენლობა დაზუსტებას არ დაექვემდებარება და გამოიწვევს მის დისკვალიფიკაციას.

1. 2022 წლის პირველი იანვრიდან მოცემული ტენდერის გამოცხადების დღემდე, პრეტენდენტს ფაქტობრივად შესრულებული უნდა ქონდეს ანალოგიური ტიპის, ხასიათის, სირთულის და შინაარსის ინვენტარის მოწოდებისა და მონტაჟის არანაკლებ აღნიშნული ტენდერის 100 %-ის ღირებულების გამოცდილება.
2. ანალოგიური ტიპის, ხასიათის, სირთულის და შინაარსის საქონელსა და სამუშაოებს მიეკუთვნება: ფიტნესის ტრენაჟორების მიწოდება და მონტაჟი.
3. ინფორმაცია გამოცდილების შესახებ წარმოდგენილი უნდა იყოს დანართი N3–ის შესაბამისად;
4. პრეტენდენტი ვალდებულია წარმოადგინოს, საანგარიშო პერიოდში ანალოგიური საქონლის შეძენისა და მონტაჟის დამადასტურებელი, მხარეთა მიერ ხელმოწერილი დოკუმენტები: ხელშეკრულებები და მათი შესრულების დამადასტურებელი დოკუმენტები: მიღება-ჩაბარების აქტები, ფორმა №2-ები; სახელმწიფო შესყიდვის შესახებ ხელშეკრულებ(ებ)ის არსებობის შემთხვევაში თუ მოცემული დოკუმენტები ატვირთულია სახელმწიფო შესყიდვების ერთიან ელექტრონულ სისტემაში საკმარისია შესაბამისი განცხადების ნომრ(ებ)ის (SPA, NAT, DAP, CMR) წარმოდგენა.
5. შემსყიდველი უფლებამოსილია ანალოგიური სამუშაოების იდენტიფიცირების მიზნით მოითხოვოს პრეტენდენტისაგან დამატებითი ინფორმაციის სახით სხვა ნებისმიერი დოკუმენტი, რომლის მიწოდებაც კანონმდებლობით არ არის აკრძალული.

2.7.1.1 პრეტენდენტმა თითოეულ ტრენაჟორზე უნდა წარმოადგინოს საერთაშორისო სტანდარტიზაციის ორგანოს მიერ გაცემული EN16630-თან შესაბამისობის სერტიფიკატ(ებ)ი.
2.7.1.2 პრეტენდენტის მიერ წარმოდგენილ უნდა იქნას შემოთავაზებული პროდუქციის მწარმოებელი კომპანიის ვებ-გვერდის მისამართი (არსებობის შემთხვევაში) ან კატალოგის შესაბამისი გვერდები პრეტენდენტის მიერ შემოთ ავაზებული პროდუქციის შესახებ ინფორმაციის გადამოწმების უზრუნველსაყოფად.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტის ასლი), რომლებშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული შესყიდვის ობიექტის მიწოდების შესაძლებლობა.
დასკვნის წარმოუდგენლობა ან უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული წესის მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

1. ხელშეკრულების ფარგლებში ანგარიშსწორება იწარმოება უნაღდო ანგარიშსწორების ფორმით, საქართველოს ეროვნულ ვალუტაში, ხელშეკრულებით გათვალისწინებულ რეკვიზიტებზე.
2. საბოლოო ანგარიშსწორება განხორციელდება შესრულებული სამუშაოს ხარისხზე, საპროექტო სახარჯთაღრიცხვო დოკუმენტაციასთან შესაბამისობაზე, მოცულობასა და ღირებულებებზე დაყრდნობით, მიმწოდებლის მიერ წარმოდგენილი ფორმა #2, მიმღები კომისიის დასკვნის, შემსყიდველსა და მიმწოდებლის მიერ საამისოდ უფლებამოსილი წარმომადგენლის ხელმოწერით დადასტურებული მიღება-ჩაბარების აქტის საფუძველზე.

ეტაპობრივად, ფაქტიურად მიწოდებული შესყიდვის ობიექტის შესაბამისად, მიღება–ჩაბარების აქტის გაფორმებიდან 10 სამუშაო დღის განმავლობაში.

ირმა შერმადინი, 599857395, irma.kaspi@gmail.com ეკა მურღული, 577607298, murgulieka@gmail.com

10.1.1 ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3 სახელმწიფო შესყიდვების ერთიან ელექტრონულ სისტემაში (შემდგომში – სისტემა) ატვირთული ყველა დოკუმენტი ან/და ინფორმაცია ხელმოწერილი უნდა იყოს უფლებამოსილი პირის მიერ (საჭიროების შემთხვევაში ატვირთულ უნდა იქნას მინდობილობა ან რწმუნებულება). პრეტენდენტის მიერ სახელმწიფო შესყიდვების ერთიან ელექტრონულ სისტემაში ატვირთულ ფასების ცხრილის შესაბამისად წარმოსადგენ ინფორმაციაზე, სავალდებულოა კვალიფიციური ელექტრონული ხელმოწერის შესრულება ან კვალიფიციური ელექტრონული შტამპის დასმა.
10.1.4 იმ შემთხვევაში თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია, ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით და პრეტენდენტი ვალდებულია წარმოადგინოს ტექნიკური დოკუმენტაციით განსაზღვრული შესყიდვის ობიექტის მსგავსი ან ექვივალენტური მახასიათებლების მქონე საქონელი/მომსახურება. ამასთან, ტექნიკურ დავალებაში მოცემული პარამეტრები არის შემსყიდველის მიერ დადგენილი მინიმალური მოთხოვნები, რომელსაც უნდა აკმაყოფილებდეს პრეტენდენტის მიერ შემოთავაზებული შესყიდვის ობიექტი.
10.1.5 სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის და შესყიდვის ობიექტის მიწოდებასთან დაკავშირებული ხარჯის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.6 პრეტენდენტს არ აქვს უფლება წარმოადგინოს ალტერნატიული სატენდერო წინადადება.

10.2 პრეტენდენტის მიერ ერთიან ელექტრონულ სისტემაში ასატვირთი მონაცემები:

10.2.1 ფასების ცხრილი, სატენდერო დოკუმენტაციის 2.1. პუნქტით მოთხოვნილი ინფორმაციის გათვალისწინებით.
10.2.2 თითოეული ფიტნეს აღჭურვილობის უსაფრთხოების შესაბამისი ტექნიკური სპეციფიკაცია, სატენდერო დოკუმენტაციის 1.2.პუნქტის შესაბამისად.
10.2.3 პროდუქციის მწარმოებელი კომპანი(ებ)ის ვებ-გვერდის მისამართი ან მწარმოებლის მიერ შედგენილი კატალოგის შესაბამისი გვერდები, სატენდერო დოკუმენტაციის 1.2 პუნქტის შესაბამისად.
10.2.4 შემოთავაზებული ფიტნეს აღჭურვილობის ესკიზები მოდელების მითითებით, სატენდერო დოკუმენტაციის 1.2. პუნქტის შესაბამისად.
10.2.5 შემოთავაზებული პროდუქციის EN 16630 სტანდარტთან შესაბამისობის სერტიფიკატები, სატენდერო დოკუმენტაციის 1.2. და 2.7.1 პუნქტების შესაბამისად.
10.2.6 შემოთავაზებული პროდუქციის ძირითდი შემადგენელი ნაწილების (თოკები და ბაგირები (არსებობის შემთხვევაში), დასაჯდომი და დასაწოლი) მასალების შესახებ დეტალური ინფორმაცია და აღნიშნული ინფორმაცის დამადასტურებელი მწარმოებლის ვებ-გვერდი ან მწარმოებლის მიერ შედგენილი კატალოგი, ან მწარმოებლის ოფიციალური წერილი, სატენდერო დოკუმენტაციის 1.2. პუნქტის შესაბამისად.
10.2.7 ინფორმაცია შემოთავაზებული გარე გამოყენების ფიტნეს აღჭურვილობის საინსტრუქციო აბრის ან/და QR კოდის და Bluetooth-ის ან სხვა ტექნოლოგიური საშუალების მხარდაჭერის შესახებ, სატენდერო დოკუმენტაციის 1.2. პუნქტის შესაბამისად.
10.2.8 ინფორმაცია პრეტენდენტის გამოცდილების შესახებ, სატენდერო დოკუმენტაციის 2.2.1 პუნქტის შესაბამისად.