Автомобили (Грузия - Тендер #68816162)

25 (ოცდახუთი) ერთეული ოპერატიული დანიშნულების მინივენის ტიპის ავტომობილის შესყიდვა.

1.2.1. ავტომანქანების მინიმალური ტექნიკური მახასიათებლების/სპეციფიკაციის შესახებ ინფორმაცია იხილეთ თანდართულ ფაილში დანართი N1. პრეტენდენტი ვალდებულია ერთიანი ელექტრონული სისტემის მეშვეობით წარმოადგენოს შევსებული დანართი N1.

1.2.2. შემოთავაზებული ავტომობილები უნდა იყოს ერთიდაიგივე ბრენდის და მოდელის, ახალი (ქარხნული წარმოების), მარცხენასაჭიანი, ექსპლუატაციაში არმყოფი (გარბენი არაუმეტეს 200კმ), ნივთობრივად და უფლებრივად უნაკლო და განბაჟებული. ამასთან, მიმწოდებელმა საკუთარი ხარჯებით უნდა უზრუნველყოს ავტომანქანების შემსყიდველზე გადაფორმება.

1.2.3 ავტომანქანები უნდა იყოს არაუადრეს 2025 წლის გამოშვების.

1.2.4. ავტოსატრანსპორტო საშუალებების ფერი განისაზღვრება შემსყიდველთან შეთანხმებით.

1.2.5. პრეტენდენტი ვალდებულია დანართ N2-ში განაფასოს ავტომობილის ზღვრული ფლობის ღირებულება კომპონენტების მიხედვით (ავტომანქანის და გეგმიური მომსახურების ღირებულების ჯამი), რომელიც შემდგომში აისახება სახელმწიფო შესყიდვის შესახებ ხელშეკრულებ(ებ)ში. ავტომობილის ფლობის ღირებულების ზღვრული ოდენობა დგინდება 100 000 კმ გარბენზე, გარანტიის მოქმედების პერიოდში შესასყიდი გეგმიური სერვის-მომსახურებისა და ავტომობილის ფასის ერთობლიობით.

1.2.6. სატენდერო წინადადების განფასებისას, პრეტენდენტი ვალდებულია გაითვალისწინოს, როგორც ავტომობილის ღირებულება, ასევე 100 000 კმ-ზე ავტომობილის ფლობის ღირებულებაში შემავალი კომპონენტების ღირებულებაც.

1.2.7. პრეტენდენტმა თანდართული ცხრილის შესაბამისად უნდა წარმოადგინოს განფასება (ერთეულის ფასი, გეგმიური მომსახურების ღირებულება და ა.შ.) დანართ N2-ში, ავტოსატრანსპორტო საშუალების ფლობის ღირებულების კომპონენტების მიხედვით. პრეტენდენტი უფლებამოსილია დანართ N2-ში დაამატოს (განსაზღვროს) მწარმოებლის მიერ განსაზღვრული გეგმიური ფლობის კომპონენტები, რომლის შესყიდვაც განხორციელდება საგარანტიო პერიოდის განმავლობაში. ამასთან,პრეტენდენტმა უნდა წარმოადგინოს ავტოსატრანსპორტო საშუალების მწარმოებლის ან/და მისი ოფიციალური იმპორტიორის მიერ გაცემული დოკუმენტი, რომელშიც მითითებული იქნება სრული ინფორმაცია საგარანტიო პერიოდში (100 000კმ-ზე) ავტოსატრანსპორტო საშუალების მწარმოებლის მიერ რეგლამენტირებული გეგმიური ფლობის კომპონენტ(ებ)ისა და პერიოდულობის შესახებ.

1.2.8. მიმწოდებელი ვალდებულია უზრუნველყოს სატრანსპორტო საშუალებების უკან გაწვევა იმ შემთხვევაში, თუ სატრანსპორტო საშუალებების მწარმოებელი ქარხანა საწარმოო დეფექტის აღმოჩენის შემთხვევაში განახორციელებს შესაბამის ღონისძიებებს სატრანსპორტო საშუალებების უკან გაწვევის მიზნით.

1.2.9. მიმწოდებელი ვალდებულია უსასყიდლოდ განახორციელოს დადგენილი ფლობის ფარგლებში იმ კომპონენტების შეცვლა ან/და მომსახურება, რომელიც არ იქნება გათვალისწინებული დანართ N2-ით განსაზღვრულ ფლობის ღირებულებაში, მაგრამ მწარმოებლის მიერ - ავტომანქანის საგარანტიო პერიოდში - განსაზღვრულია როგორც თანმდევი გასაწევი სავალდებულო გეგმიური სერვის-მომსახურება, გარდა სწრაფცვეთადი ნაწილებისა და მასალებისა (ანტიფრიზი, ფრეონი, საბურავები, ელექტრონათურები, ელექტრომცველები, შუშის საწმენდი ჯაგრისები, გადაცემათა კოლოფის გადაბმულობის ქურო, გადაცემათა კოლოფის მომჭიმი საკისარი, გადაცემათა კოლოფის გადაბმულობის დისკი და საყრდენი დისკი).

ავტომანქანების მიწოდება უნდა განხორციელდეს ხელშეკრულების გაფორმებიდან არაუგვიანეს 210 (ორას ათი) კალენდარული დღის ვადაში.

1.5.1. ქ. თბილისის ტერიტორიულ ფარგლებში, შემსყიდველის მიერ მოთხოვნილ ადგილზე, თუმცა, შემსყიდველის სურვილის შემთხვევაში, მხარეთა შეთანხმებით, შესაძლებელია ავტომანქანების მიწოდების ადგილად განისაზღვროს სხვა ქალაქებიც.

1.5.2. სატენდერო დოკუმენტაციის 1.4 პუნქტით განსაზღვრულ ვადაში მიმწოდებელი საქონლის მიწოდებას უზრუნველყოფს საკუთარი ხარჯებით საქართველოს კანონმდებლობით განსაზღვრული ყველა სახის გადასახადის, მოსაკრებლის ჩათვლით, მათ შორის, განბაჟებისა და სახელმწიფო რეგისტრაციის (შემსყიდველზე გადაფორმებისა და სტანდარტული ფასის სახელმწიფო სანომრე ნიშნების ჩათვლით) ხარჯების ჩათვლით.

1.5.3. პრეტენდენტმა თანმდევი საგარანტიო (გეგმიური) მომსახურების (მაგ: ძრავის ზეთისა და ძრავის ფილტრის, წინა და უკანა ხუნდების,ჰაერის ფილტრის, კონდინციონერის ფილტრის, ანთების სანთლები და სხვა.) გაწევა უნდა განახორციელოს არანაკლებ სამ ქალაქში, მათ შორის: თბილისი, ქუთაისი, ბათუმი ან ქობულეთი. აღნიშნული პირობა არ ვრცელდება იმ სერვისებზე, რომლებსაც არ ითვალისწინებს პრეტენდენტის მიერ წარმოდგენილი დანართი #2-ით განსაზღვრული გეგმიური მომსახურება.

1.5.4. პრეტენდენტი ვალდებულია წარმოადგინოს ინფორმაცია მომსახურების გაწევის სერვის-ცენტრების შესახებ, კერძოდ: სერვის-ცენტრ(ებ)ის მისამართი, სამუშაო საათები, საკონტაქტო პირების ტელ. ნომრები და ა.შ.

1.7.1.1. ავტომანქანაზე გარანტია უნდა ვრცელდებოდეს მიღება-ჩაბარების აქტის გაფორმებიდან არანაკლებ: 5 წელი ძირითად აგრეგატებზე (ძრავი, ხიდი,გადაცემათა კოლოფი, ელექტრო მართვის ბლოკები), 3 წელი ან 150 000 კილომეტრი (რომელიც ადრე შესრულდება) სრულ ავტომანქანაზე, გარდა სწრაფცვეთადი ნაწილებისა და მასალებისა (ანტიფრიზი,ფრეონი, საბურავები, ელექტრონათურები, ელექტრომცველები, შუშის საწმენდი ჯაგრისები, გადაცემათა კოლოფის გადაბმულობის ქურო, გადაცემათა კოლოფის მომჭიმი საკისარი, გადაცემათა კოლოფის გადაბმულობის დისკი და საყრდენი დისკი) (შენიშვნა: აღნიშნული ინფორმაციის წარმოდგენისას პრეტენდენტი ვალდებულია დააკონკრეტოს საგარანტიო პერიოდი);

1.7.1.2 გარანტია არ ვრცელდება შემდეგი მიზეზით გამოწვეულ დაზიანებებზე

ა) ავტოსატრანსპორტო შემთხვევით;

ბ) გარეგანი მექანიკური ზემოქმედებით;

გ) სტიქიური მოვლენებით;

დ) აფეთქებით;

ე) ხანძრით;

ვ) ექსპლუატაციის ნორმების დარღვევით.

1.7.1.3. საგარანტიო პერიოდის განმავლობაში მიმწოდებელი ვალდებულია, ავტომობილზე გამოვლენილი ნებისმიერი საწარმოო დეფექტის აღმოფხვრა, შეკეთება ან დეტალის ახლით შეცვლა განახორციელოს საკუთარი სახსრებით, შემსყიდველის მიერ წერილობითი მოთხოვნიდან არაუმეტეს 5 (ხუთი) სამუშაო დღის ვადაში. აღნიშნული ვადა, მხარეთა შეთანხმებით შესაძლებელია განისაზღვროს 30 (ოცდაათი) კალენდარული დღით. აღნიშნულ შემთხვევაში მიმწოდებელი უფლებამოსილია სატრანსპორტო საშუალება შეაკეთოს ქ. თბილისში, რადროსაც რეგიონის სერვის ცენტრიდან თბილისის სერვის-ცენტრამდე ტრანსპორტირების ხარჯებს აანაზღაურებს მიმწოდებელი, ხოლო შემსყიდველი ვალდებულია უზრუნველყოს ავტომობილის მიმწოდებლის უახლოეს სერვის ცენტრამდე ტრანსპორტირება.


1.7.1.4. საგარანტიო პირობებით განსაზღვრული მოთხოვნები, ძალაშია მთელი საგარანტიო ვადის განმავლობაში, მიუხედავად სატრანსპორტო საშუალების შესყიდვის ხელშეკრულების მოქმედების ვადის ამოწურვისა. ამასთან, საგარანტიო პერიოდში ტექ-მომსახურების გაწევისას გამოყენებული სათადარიგო ნაწილები/საცხებ-საპოხი მასალები უნდა იყოს ახალი (ექსპლუატაციაში არმყოფი) და მწარმოებლის მიერ რეკომენდირებული.


1.7.1.5. თანმდევი საგარანტიო პირობების (100 000 კმ გარბენის) ფარგლებში, გეგმიური ფასიანი მომსახურების განხორციელება უნდა მოხდეს დანართი #2-ით წარმოდგენილ ცხრილში დაფიქსირებული ფასების შესაბამისად. მიმწოდებელმა გეგმიური მომსახურების ჩატარება უნდა უზრუნველყოს შემსყიდველის მოთხოვნიდან და სატრანსპორტო საშუალების სერვისში წარდგენიდან არაუგვიანეს 2 (ორი) სამუშაო დღის განმავლობაში.

1.7.1.6. თუ სატრანსპორტო საშუალების მიწოდებიდან 1 000 კმ. გარბენის შემთხვევაში, ავტომობილს აღმოაჩნდება საწარმოო დეფექტი ძირითად აგრეგატზე (ძრავა, გადაცემათა კოლოფი, ხიდი), მიმწოდებელი ვალდებულია სატრანსპორტო საშუალება შეცვალოს ახლით, საწარმოო დეფექტის დადგენიდან 90 (ოთხმოცდაათი) კალენდარული დღის განმავლობაში, თუ აღნიშნულ ავტომობილს არ გააჩნია საწარმოო დეფექტის გარდა სხვა დაზიანება (ბუნებრივი ცვეთის გათვალისწინებით).


1.7.1.7 შემსყიდველი ვალდებულია:

ა) საგარანტიო პერიოდის განმავლობაში ავტომობილებს ნებისმიერი სახიხ სამუშაო/მომსახურება (მათ შორის სამღებრო სათუნუქე) გაუწიოს მხოლოდ მიმწოდებლის სერვის ცენტრებში.
ბ) საგარანტიო ვადის განმავლობაში დაიცვას მიმწოდებლის მიერ დადგენილი სავალდებულო პერიოდული მომსახურების პირობები და ვადები.
გ) არ მოახდინოს გარბენის მრიცხველის ნებისმიერი მიზეზით გათიშვა ან ცვლილება.
დ) არ დაარღვიოს ქარხნულად დალუქული დეტალების ლუქის მთლიანობა.
ე) არ განახორციელოს მიმწოდებელთან წინასწარი შეთანხმების გარეშე რაიმე მოწყობილობის მონტაჟი, მათ შორის ციმციმა, ხმამაღლა მოლაპარაკე ა.შ.
ვ) დაიცვას ავტომობილის ექსპლუატაციის პირობები.

1.7.1.8 წინამდებარე სატენდერო დოკუმენტაციის 1.7.1.7 პუნქტით განსაზღვრული ვალდებულებების დარღვევის შემთხვევაში, მიმწოდებელი უფლებამოსილია არ გაავრცელოს კონკრეტულ შემთხვევაზე ან სრულიად გაუუქმოს ავტომობილს გარანტია.

2.1.1.1 პრეტენდენტი ვალდებულია "ფასების ცხრილში" მოცემულ შესაბამის გრაფაში მიუთითოს ინფორმაცია შესყიდვის ობიექტის წარმოშობის ქვეყანის, მწარმოებლის ან/და ბრენდის და ავტომანქანის მარკა/მოდელის შესახებ.

2.1.1.2 პრეტენდენტის მიერ 2.1.1.1 პუნქტით გათვალისწინებული ინფორმაციის წარმოუდგენლობა დაზუსტებას არ დაექვემდებარება და გამოიწვევს მის დისკვალიფიკაციას.

2.3.1.1. პრეტენდენტს უნდა გააჩნდეს შემოთავაზებული სატრანსპორტო საშუალების მწარმოებელი ქარხნის არანაკლებ 1 (ერთი) ავტორიზებული სერვის-ცენტრი ქ. თბილისში. აღნიშნულის დადასტურების მიზნით პრეტენდენტმა უნდა წარმოადგინოს ინფორმაცია ერთიანი ელექტრონული სისტემის მეშვეობით.

2.7.1.1. პრეტენდენტი უნდა იყოს, შემოთავაზებული სატრანსპორტო საშუალების მწარმოებლის ოფიციალური დილერი/დისტრიბუტორი/იმპორტიორი საქართველოს ტერიტორიაზე. აღნიშნულის დადასტურების მიზნით პრეტენდენტმა უნდა წარმოადგინოს ინფორმაცია ერთიანი ელექტრონული სისტემის მეშვეობით.

2.7.1.2. პრეტენდენტის მიერ დანართი #1-ით განსაზღვრული უსაფრთხოების დამადასტურებელი დოკუმენტის (ქრაშ ტესტის) შესახებ ინფორმაცია უნდა იძებნებოდეს დოკუმენტის გამცემი ორგანიზაციის ვებ-გვერდზე (NCAP (ევრო ქრაშ ტესტი) ან IIHS (ამერიკული ქრაშ ტესტი) ან JNCAP (იაპონური ქრაშტესტი) ან Ancap (ავსტრალიური უსაფრთხოების ტესტი)). აღნიშნულის დამადასტურებლად, პრეტენდენტმა ერთიან ელექტრონულ სისტემაში უნდა წარმოადგინოს შესაბამისი ვებ-ბმული ან/და დოკუმენტი.

2.9.1 პრეტენდენტმა უნდა წარმოადგინოს ინფორმაცია, შემოთავაზებული ავტომობილების მწარმოებლის საქართველოში იმპორტიორის შესახებ.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, პრეტენდენტს მოეთხოვება ფასწარმოქმნის ადეკვატურობის დასაბუთება, რისთვისაც შემსყიდველის მიერ განესაზღვრება არაუმეტეს 3 (სამი) სამუშაო დღე. ფასწარმოქმნის ადეკვატურობის დასასაბუთებლად პრეტენდენტის მიერ წარმოდგენილი უნდა იქნეს სსიპ "ლევან სამხარაულის ექსპერტიზის ეროვნული ბიუროს" ან/და სხვა აკრედიტირებული პირის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნეს დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს(ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო "ფასების ცხრილში" (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით წინამდებარე ტენდერით განსაზღვრული შესყიდვის ობიექტის მიწოდების შესაძლებლობა.

ექსპერტიზის დასკვნის წარმოუდგენლობა ან/და უარყოფითი დასვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

5 Процентов

10 Процентов

ხელშეკრულების უზრუნველყოფის საბანკო გარანტიის მოქმედების ვადა არანაკლებ 60 (სამოცი) კალენდარული დღით უნდა აღემატებოდეს ავტომანქანების მიწოდების საბოლოო ვადას.

საბანკო ან სადაზღვევო დაწესებულების მიერ გაცემული ხელშეკრულების შესრულების უზრუნველყოფის უპირობო გამოუთხოვადი საბანკო გარანტია (რაც გულისხმობს, რომ გარანტი უპირობოდ, გამოუთხოვადად, ყოველგვარი უარყოფისა და გასაჩივრების უფლების გარეშე კისრულობს საგარანტიო თანხის სრული ოდენობით ანაზღაურების ვალდებულებას მიმწოდებლის მიერ წინამდებარე ტენდერის ფარგლებში შემსყიდველთან გაფორმებული ხელშეკრულების პირობების დარღვევის საფუძველზე, შემსყიდველის პირველივე წერილობითი მოთხოვნის მიღებისთანავე არაუგვიანეს 5 (ხუთი) სამუშაო დღის განმავლობაში. ამასთან, გარანტიით გათვალისწინებული თანხები შემსყიდველმა უნდა მიიღოს ყოველგვარი დამატებითი მტკიცებულების წარდგენის გარეშე, პირველი მოთხოვნისთანავე) წარმოდგენილი უნდა იყოს საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახური“-ს მიერ ლიცენზირებული სადაზღვევო კომპანიიდან, ეროვნულ ვალუტაში - ლარში. საგარანტიო დოკუმენტში არ უნდა იყოს მითითებული, რომ საგარანტიო თანხა მცირდება მიმწოდებლის მიერ ხელშეკრულებით ნაკისრი ვალდებულებების შესრულების (მიწოდებული საქონლის ღირებულების) პროპორციულად. ხელშეკრულების შესრულების უზრუნველყოფის გარანტიაში მითითებულ უნდა იქნეს შესყიდვის კონკრეტული დასახელება, აღნიშნულ შესყიდვასთან დაკავშირებით ერთიან ელექტრონულ სისტემაში განთავსებული განცხადების ნომერი და
პრეტენდენტის საიდენტიფიკაციო კოდი.

7.1.1.1 წინასწარი ანგარიშსწორების (ავანსი) გამოყენება შესაძლებელია, ხელშეკრულების საერთო ღირებულების არაუმეტეს 50%-ის ოდენობით, 2026 წლის 12 იანვრის შემდეგ საავანსო თანხის იდენტური ოდენობის უპირობო გამოუთხოვადი გარანტიის წარმოდგენის საფუძველზე, (რომლის მოქმედების ვადა არანაკლებ 60 (სამოცი) კალენდარული დღით უნდა აღემატებოდეს შესყიდვის ობიექტის მიწოდების ვადას) რაც გულისხმობს, გარანტი იღებს ვალდებულებას, ყოველგვარი უარყოფისა და გასაჩივრების უფლების გარეშე, წერილობითი მოთხოვნის წარდგენიდან მომდევნო 5 (ხუთი) სამუშაო დღის ვადაში, გადაუხადოს ბენეფიციარს თანხა თუ პრინციპალმა არ შეასრულა ბენეფიციართან გაფორმებული სახელმწიფო შესყიდვების შესახებ ხელშეკრულებით ნაკისრი ვალდებულებები. ავანსად გადახდილი თანხის გამოქვითვა განხორციელდება სატენდერო დოკუმენტაციის 7.1.1.2 პუნქტით გათვალისწინებული პირობის შესაბამისად.
7.1.1.2 პირველ ეტაპზე მოხდება სატენდერო დოკუმენტაციის 7.1.1.1 პუნქტით გათვალისწინებული ავანსად მიღებული თანხის გამოქვითვა.
7.1.1.3 დარჩენილი ღირებულების გადახდა მოხდება ავანსად მიღებული თანხის სრულად გამოქვითვის შემდეგ.
7.1.1.4 სატენდერო დოკუმენტაციის 7.1.1.1 პუნქტის მიზნისთვის წარმოდგენილი წინასწარი ანგარიშსწორების (საავანსო) გარანტია წარმოდგენილი უნდა იქნეს საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახური“-ს მიერ ლიცენზირებული სადაზღვევო კომპანიიდან, ეროვნულ ვალუტაში - ლარში.
7.1.1.5. იმ შემთხვევაში, თუ მიმწოდებელი თეთრ სიაში ყოფნის გამო, წინასწარი ანგარიშსწორების დროს, შემსყიდველ ორგანიზაციას წარუდგენს წინასწარ გადასახდელი თანხის ნახევარი ოდენობის საავანსო გარანტიას, ხელშეკრულებით გათვალისწინებული პირობების შესაბამისად, შემსყიდველი უფლებამოსილია წინასწარი ანგარიშსწორებისას გადახდილი თანხა გამოქვითოს შემდეგი პირობის დაცვით: თავდაპირველად, შემსყიდველის მიერ, დაიფარება მიმწოდებლისთვის ავანსად გადარიცხული თანხის ის ნახევარი, რომლის უზრუნველსაყოფადაც, მიმწოდებელს თეთრ სიაში ყოფნის გამო, შემსყიდველ ორგანიზაციაში, არ ექნება წარმოდგენილი შესაბამისი საავანსო საბანკო გარანტია.

ანგარიშსწორება მოხდება უნაღდო ანგარიშსწორებით ლარში

საბოლოო ანგარიშსწორება შემსყიდველის მიერ მოხდება ფაქტობრივად მოწოდებული შესყიდვის ობიექტის მიხედვით. მიღება–ჩაბარების აქტის ხელმოწერის და ანგარიშსწორებისათვის საჭირო დოკუმენტაციის წარმოდგენის შემდეგ არაუგვიანეს 15 კალენდარული დღის ვადაში. თუ ანგარიშსწორების განხორციელების ვადის ბოლო დღე ემთხვევა არასამუშაო დღეს, მაშინ ანგარიშსწორება განხორციელდება მომდევნო სამუშაო დღეს.

ლიზა ფალავანდიშვილი, 599960301, Liza.Palavandishvili@sa.gov.ge

10.1.1 სახელმწიფო შესყიდვების ერთიან ელექტრონულ სისტემაში პრეტენდენტის მიერ ატვირთული ტექნიკური დოკუმენტაცია უნდა იყოს წარმოდგენილი PDF ფაილის ფორმატში და მათზე უფლებამოსილი პირის მიერ შესრულებული უნდა იყოს კვალიფიციური ელექტრონული ხელმოწერა ან/და დამოწმებული უნდა იყოს კვალიფიციური ელექტრონული შტამპით (გარდა სატენდერო დოკუმენტაციის 4.1.1 პუნქტით მოთხოვნილი დოკუმენტებისა). ტექნიკური დოკუმენტაციის უცხოურ ენაზე წარმოდგენის შემთხვევაში, მათ უნდა დაერთოს ნოტარიალურად დამოწმებული შესაბამისი ქართულენოვანი თარგმანები. პრეტენდენტის მიერ სატენდერო წინადადებით წარმოდგენილი საერთო დაერთეულის ფასი გამოსახული უნდა იყოს საქართველოს მოქმედი კანონმდებლობით გათვალისწინებული ყველა ხარჯებისა და გადასახადების გათვალისწინებით (მათ შორის: განბაჟებისა და სახელმწიფო რეგისტრაციის (შემსყიდველზე გადაფორმებისა და სტანდარტული ფასის სახელმწიფო სანომრე ნიშნების ჩათვლით)). სატენდერო წინადადების საერთო და ერთეული ფასი წარმოდგენილი უნდა იქნას მხოლოდ ლარებში (საბოლოო ფასები უნდა დაფიქსირდეს (დამრგვალდეს) მეასედის სიზუსტით).

10.1.2 პრეტენდენტს არა აქვს უფლება წარმოადგინოს ალტერნატიული სატენდერო წინადადება.


10.2 პრეტენდენტის მიერ ერთიან ელექტრონულ სისტემაში ასატვირთი დოკუმენტები:


1) მისაწოდებელი საქონლის სრული ტექნიკური მახასიათებლები დანართი N1-ის შესაბამისად;


2) დანართი N2 (აღნიშნული დოკუმენტის წარმოუდგენლობა, ან განუფასებლად წარმოდგენა, ან შესყიდვის ობიექტის წარმოშობის ქვეყნის,მწარმოებლის/ბრენდის, მარკა/მოდელის შესახებ ინფორმაციის წარმოუდგენლობა დაზუსტებას არ დაექვემდებარება და გამოიწვევს პრეტენდენტის დისკვალიფიკაციას);


3) ინფორმაცია/დოკუმენტები საგარანტიო პირობების/ვადის შესახებ - სატენდერო დოკუმენტაციის 1.7.1. პუნქტით განსაზღვრულ მოთხოვნათა გათვალისწინებით;


4) პრეტენდენტი უნდა იყოს, შემოთავაზებული სატრანსპორტო საშუალების მწარმოებლის ოფიციალური დილერი/დისტრიბუტორი/ იმპორტიორი საქართველოს ტერიტორიაზე. აღნიშნულის დადასტურების მიზნით პრეტენდენტმა უნდა წარმოადგინოს ინფორმაცია ერთიანი ელექტრონული სისტემის მეშვეობით.


5) სატენდერო დოკუმენტაციის 2.3. პუნქტის გათვალისწინებით ინფორმაცია ავტორიზებული სერვის ცენტრის შესახებ;


6) სატენდერო დოკუმენტაციის 1.5.4 პუნქტის გათვალისწინებით ინფორმაცია იმ სერვის ცენტრების შესახებ, სადაც განხორციელდება საგარანტიო სერვისის მიწოდება (თბილისი, ქუთაისი, ბათუმი ან ქობულეთი).

7) სატენდერო დოკუმენტაციის 2.9.1 პუნქტის გათვალისწინებით ინფორმაცია, შემოთავაზებული ავტომანქანის მწარმოებლის საქართველოში იმპორტიორის შესახებ.


8) სატენდერო დოკუმენტაციის 1.2.7 პუნქტით მოთხოვნილი, ავტოსატრანსპორტო საშუალების მწარმოებლის ან/და მისი ოფიციალური იმპორტიორის მიერ გაცემული დოკუმენტი,რომელშიც მითითებული იქნება სრული ინფორმაცია საგარანტიო პერიოდში (100 000 კმ-ზე) ავტოსატრანსპორტო საშუალების მწარმოებლის მიერ რეგლამენტირებული გეგმიური ფლობის კომპონენტ(ებ)ისა და პერიოდულობის შესახებ.


9) სატენდერო დოკუმენტაციის 2.7.1.2 პუნქტით გათვალისწინებული უსაფრთხოების დამადასტურებელი დოკუმენტი (ქრაშ ტესტი) ან/და ვებბმული დოკუმენტის გამცემი ორგანოს ოფიციალური ვებგვერდიდან;