Услуги в области строительства (Грузия - Тендер #68816097)

1.1.1. ქ. თბილისის მუნიციპალიტეტის, დიდუბის რაიონის ტერიტორიაზე დაზიანებული შენობა-ნაგებობების, აივნების, პარაპეტების ნაწილობრივი დემონტაჟის და მონტაჟის, დროებითი გამაგრების ღონისძიებების, სამშენებლო ნაგვის და გრუნტის გატანის და სხვა თანმდევი სამუშაოების, სპორტული და საბავშვო გასართობი მოედნების, სკვერების, ფანჩატურებისა და ფიტნეს ტრენაჟორების მოწყობა-რეაბილიტაციის სამუშაოების ზედამხედველობა, შესრულებული სამუშაოების მოცულობების კონტროლი, დადგენა და შესრულებული სამუშაოთა აქტის (ფორმა N 2) (მათ შორის ფარული სამუშაოს აქტების) დადასტურება და საექსპერტო დასკვნის შედგენის მომსახურება;

1.2.1. გასაწევი მომსახურების ხარჯთაღრიცხვა მოცემულია სატენდერო დოკუმენტაციის დანართი N1-ში. ხარჯთაღრიცხვა წარმოდგენილი უნდა იქნას სატენდერო დოკუმენტაციის დანართი N1-ის შესაბამისად, ხარჯთაღრიცხვის წარმოუდგენლობა ან განუფასებელი მომსახურების ხარჯთაღრიცხვის წარმოდგენა დაზუსტებას არ დაექვემდებარება და გამოიწვევს პრეტენდეტის დისკვალიფიკაციას.
1.2.2. გასაწევი მომსახურების ჩამონათვალი:
- სამშენებლო სამუშაოების ტექნიკური ზედამხედველობა;
- საპროექტო დოკუმენტაციაში მოცემული ტექნიკური გადაწყვეტილების ანალიზი და შეფასება;
- საპროექტო დოკუმენტაციაში მოცემული სამუშაოების და სამშენებლო მასალების მოცულობების შემოწმება;
- წარმოდგენილ საპროექტო დოკუმენტაციასთან დაკავშირებით შენიშვნების მომზადება.
- სამშენებლო ობიექტებზე გამოქვეყნებული მასალებისა და კონსტრუქციების ხარისხის კონტროლი;
- სამშენებლო სამუშაოების საპროექტო დოკუმენტაციასთან შესაბამისობის კონტროლი (ხარისხი და სამუშაოთა მოცულობები);
- სამშენებლო ობიექტზე გამოყენებული მასალების და კონსტრუქციების ხარისხის დამადასტურებელი დოკუმენტაციის არსებობის კონტროლი (პასპორტები, სერთიფიკატები, ლაბორატორიული გამოცდის რეზულტატები);
- გამოვლენილი დეფექტებისა და დარღვევების აღმოფხვრის პროცესების და მეთოდების კონტროლი;
- მშენებლის მიერ ორგანიზებული ფარული და შუალედური სამუშაოების მიღება და შესაბამისი დოკუმენტაციის ვიზირება;
- ბეტონის ხარისხის კონტროლი;
- მშენებარე ობიექტებზე ჯანმრთელობის უსაფრთხოების და გარემოს დაცვის კონტროლი;
- შესრულებული სამუშაოთა მოცულობების კონტროლი, დადგენა და შესრულებული სამუშაოთა აქტის (ფორმა N2) დადასტურება.
1.2.3. საზედამხედველო კომპანიამ უნდა აწარმოოს ყოველ კონკრეტულ ობიექტზე შესასრულებელი სამუშაოების ტექნიკური ზედამხედველობა საქართველოში მოქმედი ნორმატიული დოკუმენტების, აგრეთვე ტექნიკური დავალებისა და ხელშეკრულების პირობების შესაბამისად.
1.2.4. სამშენებლო სამუშაოს ზედამხედველობა უნდა განახორციელდეს საქართველოს ეკონომიკისა და მდგრადი განვითარების მინისტრის 2010 წლის 18 თებერვლის ბრძანება №1-1/251 დადგენილი სამშენებლო წესებისა და ნორმების შესაბამისად.
1.2.5. ტექნიკური ზედამხედველობის დაწყება უნდა განხორციელდეს, ყოველ კონკრეტულ ობიექტზე, სამშენებლო სამუშაოების დაწყების თაობაზე შემსყიდველის შეტყობინების მიღებიდან 3 (სამი) სამუშაო დღეში.
1.2.6 შესრულებული სამუშაოების აქტის (ფორმა № 2-ის) და მისი თანმხლები დოკუმენტაციის (ფარული სამუშაოების აქტები, მასალების ხარისხის დამადასტურებელი სერთიფიკატები, ლაბორატორიული კვლევის შედეგები და ა.შ.) სრულად მიღებიდან 5 (ხუთი) სამუშაო დღის ვადაში მიმწოდებელმა უნდა უზრუნველყოს წარმოდგენილი შესრულებული სამუშაოების აქტების დადასტურება და ინსპექტირების ანგარიშის წარდგენა.
1.2.7. დაუშვებელია, საპროექტო დოკუმენტაციით ან/და წარმოდგენილი სხვა დოკუმენტაციებით (დეფექტური უწყისი და სხვა შესაბამისი დოკუმენტაციები) განსაზღვრულ სამუშაოებში ცვლილების განხორციელება. ნებისმიერი ცვლილების საჭიროება რომელიც შესაძლებელია წარმოიქმნას სამუშაოების მიმდინარეობის დროს, უნდა ეცნობოს შემსყიდველს (გამგეობას), რომელიც უზრუნველყოფს ცვლილების საჭიროების შესაბამისად საპროექტო დოკუმენტაციის ან/და წარმოდგენილ სხვა დოკუმენტაციების (დეფექტური უწყისი და სხვა შესაბამისი დოკუმენტაციები) ცვლილებას.
1.2.8. სამშენებლო კომპანიასთან ხელშეკრულების გაწყვეტის შემთხვევაში, გამგეობის მოთხოვნის წარდგენიდან 10 (ათი) სამუშაო დღის ვადაში მიმწოდებელმა უნდა უზრუნველყოს შესრულებული სამუშაოების ინვენტარიზაცია და დარჩენილ სამუშაოებზე ტექნიკური დოკუმენტაციის მომზადება.

1.4.1 მიწოდების ვადაა: ეტაპობრივად, ხელშეკრულების გაფორმებიდან 2026 წლის 25 დეკემბრამდე.

1.5.1. მიწოდების ადგილია ქ. თბილისი, აკაკი ბელიაშვილის ქუჩა. N1 - ქალაქ თბილისის მუნიციპალიტეტის დიდუბის რაიონის გამგეობის ადმინისტრაციული შენობა.
1.5.2. შესყიდვის ობიექტის მიწოდება განხორციელდება ეტაპობრივად.

2.2.1.1. ტენდერში მონაწილეპრეტენდენტს 2022 წლის 1 იანვრიდან უნდა გააჩნდეს, ანალოგიური (შესაბამის სფეროში სამშენებლო სამუშაოების ზედამხედველობა) მომსახურეობის გამოცდილება, არანაკლებ შესყიდვის ობიექტის ღირებულების 100% ოდენობით. აღნიშნული ინფორმაცია უნდა წარმოადგინოს სატენდერო დოკუმენტაციის დანართი N2-ის შესაბამისად.
2.2.1.2 თუ ინფორმაციაში მითითებული შესყიდვ(ებ)ა არ განხორციელებულა სახელმწიფო შესყიდვების ერთიანი ელექტრონული სისტემის გამოყენებით, ან შესყიდვების ერთიან ელექტრონულ სისტემაში არ არის ან არასრულად არის ატვირთული შესაბამისი დოკუმენტები, ამ შემთხვევაში გამოცდილების დასადასტურებლად პრეტენდენტის მიერ ერთიან ელექტრონულ სისტემაში ატვირთულ უნდა იქნას: მხარეთა მიერ ხელმოწერილი ხელშეკრულებ(ები)ა, ამ ხელშეკრულებ(ებ)ის შესრულების დამადასტურებელი დოკუმენტები: (1. მიღება-ჩაბარების აქტი; 2. ფორმა N2 (არსებობის შემთხვევაში) 3. დადასტურებული საგადასახადო ანგარიშ-ფაქტურა ან/და გადახდის დამადასტურებელი დოკუმენტი).

შენიშვნა: სატენდერო დოკუმენტაციით გათვალისწინებული გამოცდილების მოთხოვნებთან შესაბამისობის დადასტურების მიზნით, სახელმწიფო შესყიდვების ერთიან ელექტრონულ სისტემაში წარმოგენილ, უცხო ქვეყანაში შედგენილ დოკუმენტზე ხელმოწერები და ხელმომწერი პირების უფლებამოსილება დამოწმებული უნდა იყოს ნოტარიუსის ან შესაბამისი საჯაროსამართლებრივი უფლებამოსილების მქონე პირის მიერ, ხოლო ამ უკანასკნელის ხელმოწერა - ლეგალიზებული ან აპოსტილით დამოწმებული.
დანართი N2-ზე სავალდებულოა კვალიფიციური ელექტრონული ხელმოწერის შესრულება ან კვალიფიციური ელექტრონული შტამპის დასმა.

2.7.1. პრეტენდენტს უნდა გააჩნდეს სსიპ „აკრედიტაციის ერთიანი ეროვნული ორგანო - აკრედიტაციის ცენტრის“ მიერ გაცემული (A - ტიპი) აკრედიტაციის მოწმობა შესაბამის სფეროში, ობიექტზე შესრულებული სამუშაოების ინსპექტირება (მათ შორის ფორმა N 2-ის მიხედვით), ტექნიკური ზედამხედველობა-ინსპექტირება;

4.1.3.1. შესყიდვის თავისებურებიდან (მომსახურების სპეციფიკიდან) გამომდინარე, ვინაიდან აღნიშნული შესყიდვის ობიექტი წარმოადგენს ინტელექტუალურ მომსახურებას, ხოლო ინტელექტუალური მომსახურების დანახარჯებს ძირითადად წარმოადგენს ადამიანური რესურსის შრომითი გასამრჯელო, მიმწოდებელს აქვს შესაძლებლობა აღნიშნული ინტელექტუალური მომსახურება განახორციელოს საბაზრო ღირებულებასთან შედარებით დაბალ ფასად. ზემოაღნიშნულიდან გამომდინარე, პრეტენდენტის მიერ სისტემაში შესყიდვის ობიექტის სავარაუდო ღირებულებასთან 20%-ით ან მეტით დაბალი საბოლოო ფასის დაფიქსირების შემთხვევაში არ წარმოეშობა ფასწარმოქმნის ადეკვატურობის დასაბუთების ვალდებულება.

7.2.1. ანგარიშსწორება მოხდება ეტაპობრივად, უნაღდო ანგარიშსწორებით ლარში.
7.2.2. დაფინანსების წყაროა ქალაქ თბილისის მუნიციპალიტეტის 2026 წლის ბიუჯეტით დიდუბის რაიონის გამგეობისთვის დამტკიცებული ასიგნებები.
7.2.3. ანგარიშსწორება განხორციელდება ფაქტიურად გაწეული მომსახურების შესაბამისად.

7.3.1. ანგარიშსწორება განხორციელდება ხელშეკრულების შესრულების დამადასტურებელი დოკუმენტის გაფორმებიდან არაუგვიანეს 10 სამუშაო დღეში.

დავით სიხარულიძე, 551801111, sikharulidze.daviti@gmail.com გიორგი ბარათაშვილი 2378762/591100130. სატენდერო დოკუმენტაციასთან დაკავშირებული განმარტებების მიღება პრეტენდენტს შეუძლია სისტემის მოდულის – ,,კითხვა/პასუხის“ მეშვეობით, ან/და სატენდერო კომისიის აპარატში, წერილობითი მიმართვის შემთხვევაში. მის: ქ. თბილისი, აკაკი ბელიაშვილის ქ. N1 დიდუბის რაიონის გამგეობის ადმინისტრაციული შენობა

10.1.1. 2019 წლის 1 იანვრიდან, შემსყიდველი ორგანიზაციები და შესყიდვებში მონაწილეობის მსურველები/პრეტენდენტები/მიმწოდებლები „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულები არიან, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულონ კვალიფიციური ელექტრონული ხელმოწერა ან/და ეს დოკუმენტები დაამოწმონ კვალიფიციური ელექტრონული შტამპით.
(იხ. სახელმწიფო შესყიდვების სააგენტოს მიერ ერთიან ელექტრონულ სისტემაში 25.12.2018წ. ატვირთული „სახელმძღვანელო ინსტრუქცია, სახელმწიფო შესყიდვების განხორციელებისას, დოკუმენტებზე კვალიფიციური ელექტრონული ხელმოწერის შესრულების ან/და დოკუმენტების კვალიფიციური ელექტრონული შტამპით დამოწმების თაობაზე“).
10.1.2 ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ორიგინალის სახით (ასლის შემთხვევაში ნოტარიულად დამოწმებული ასლი) ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.3 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.4 სახელმწიფო შესყიდვების ერთიან ელექტრონულ სისტემაში (შემდგომში – სისტემა) ატვირთული ყველა დოკუმენტი ან/და ინფორმაცია ხელმოწერილი უნდა იყოს უფლებამოსილი პირის მიერ (საჭიროების შემთხვევაში ატვირთულ უნდა იქნას მინდობილობა ან რწმუნებულება).
10.1.5 სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის და შესყიდვის ობიექტის მიწოდებასთან დაკავშირებული ხარჯის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.6 პრეტენდენტს არ აქვს უფლება წარმოადგინოს ალტერნატიული სატენდერო წინადადება
10.1.7. სატენდერო დოკუმენტაციის მოთხოვნებთან შესაბამისობის დადასტურების მიზნით, სახელმწიფო შესყიდვების ერთიან ელექტრონულ სისტემაში წარმოგენილ, უცხო ქვეყანაში შედგენილ დოკუმენტზე ხელმოწერები და ხელმომწერი პირების უფლებამოსილება დამოწმებული უნდა იყოს ნოტარიუსის ან შესაბამისი საჯაროსამართლებრივი უფლებამოსილების მქონე პირის მიერ, ხოლო ამ უკანასკნელის ხელმოწერა - ლეგალიზებული ან აპოსტილით დამოწმებული.
10.1.8 იმ შემთხვევაში თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია, ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით და პრეტენდენტი ვალდებულია წარმოადგინოს ტექნიკური დოკუმენტაციით განსაზღვრული შესყიდვის ობიექტის მსგავსი ან ექვივალენტური მახასიათებლების მქონე საქონელი/მომსახურება. ამასთან, ტექნიკურ დავალებაში მოცემული პარამეტრები არის შემსყიდველის მიერ დადგენილი მინიმალური მოთხოვნები, რომელსაც უნდა აკმაყოფილებდეს პრეტენდენტის მიერ შემოთავაზებული შესყიდვის ობიექტი.

10.2 პრეტენდენტის მიერ ერთიან ელექტრონულ სისტემაში ასატვირთი მონაცემები:
1.ხარჯთაღრიცხვა დანართი N1–ის მიხედვით (ხარჯთაღრიცხვის წარმოუდგენლობა, ან განუფასებელი ხარჯთაღრიცხვის წარმოდგენა დაზუსტებას არ დაექვემდებარება და გამოიწვევს პრეტენდენტის დისკვალიფიკაციას).
2. ინფორმაცია გამოცდილების შესახებ დანართი N2–ის და სატენდერო დოკუმენტაციის 2.2.1 პუნქტის მოთხოვნების შესაბამისად.