Столовые и общественное питание (Грузия - Тендер #68816091)

ცენტრალური საარჩევნო კომისიის მიერ დაგეგმილი სამუშაო შეხვედრების, პრეზენტაციების და ტრენინგების მონაწილეთათვის კვებითი მომსახურების უზრუნველყოფა პრეისკურანტით.

მომსახურების გაწევის დეტალური აღწერა, მიწოდების ვადები, პირობები, მენიუების შემადგენლობა დეტალურად აღწერილია თანდართულ ტექნიკურ დავალებაში.

მომსახურება განხორციელდება ეტაპობრივად, შემსყიდველის მოთხოვნის შესაბამისად, სამუშაო და უქმე დღეების ჩათვლით, 2026 წლის 1 იანვრიდან 2026 წლის 31 დეკემბრის ჩათვლით.

მომსახურების გაწევა განხორციელდება შემსყიდველის იურიდიულ მისამართზე - ქ. თბილისი, ლ. ფირცხელიანის ქ. N7. მისაწოდებელი კერძების შერჩევა და რაოდენობის განსაზღვრა მოხდება შემსყიდველის მიერ მოთხოვნის შესაბამისად (სამუშაო დღეებში და უქმე დღეებში).

1. პრეტენდენტს უნდა გააჩნდეს ანალოგიურ სფეროში, ყავით შესვენების, ფურშეტის, მზა კერძების ადგილზე მიწოდების და ადგილზე მომსახურების გამოცდილება ბოლო 3 წლის განმავლობაში (2023-2025 წლები, წელიწადში მინიმუმ 10 000 ლარის ოდენობით). გამოცდილების დამადასტურებელი ინფორმაცია წარმოდგენილ უნდა იქნას ხელშეკრულებების/მიღება-ჩაბარებების სახით.
2. პრეტენდენტმა უნდა წარმოადგინოს მინიმუმ 2 (ორი) ორგანიზაციიდან დადებითი სარეკომენდაციო წერილი. სარეკომენდაციო წერილში მითითებულ უნდა იქნეს გაწეული მომსახურების სახე, მომსახურების გამწევი ორგანიზაციის დასახელება, რამდენად ხარისხიანად, სრულად და დროულად შეასრულდა მიმწოდებელის მიერ ხელშეკრულებით ნაკისრი ვალდებულება.

იმ ობიექტს, სადაც განხორციელდება საკვების მომზადება უნდა გააჩნდეს პრეტენდენტის სახელზე გაცემული საქართველოს სურსათის ეროვნული სააგენტოს მიერ გაცემული შესაბამისობის შეფასების სერტიფიკატი.

პრეტენდენტის მიერ წარმოდგენილ პრეისკურანტში ერთეულის ღირებულებები არ უნდა აღემატებოდეს პრეისკურანტის შესაბამის პოზიციებზე დაფიქსირებულ ერთეულის ზღვრულ ღირებულებებს;

პრეტენდენტის მიერ ელექტრონული ვაჭრობის შედეგად პრეისკურანტის საერთო ფასის შემცირების შემთხვევაში, ფასთა კლება პროცენტულად და პროპორციულად უნდა აისახოს პრეისკურანტში (ზღვრულ ფასებთან მიმართებაში) მოცემული ჩამონათვალის ერთეულის ფასებზე, თუ ერთეულის ფასები დაჯდება მრავალნიშნა ათწილადად, პრეტენდენტი ვალდებულია აღნიშნული ფასები შეამციროს და დაამრგვალოს მეასედამდე, შესაბამისად შეამციროს პრეისკურანტის ჯამური ღირებულებაც;

წარმოდგენილ პრეისკურანტში ერთეულის ფასი უნდა ითვალისწინებდეს მომსახურების გაწევისთვის საჭირო ყველა ხარჯს, მათ შორის ტრანსპორტირების ხარჯებსაც.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, მიმწოდებელი ვალდებულია დაასაბუთოს ფასწარმოქმნის ადეკვატურობა. ფასწარმოქმნის ადეკვატურობა, შესაძლებელია დასაბუთდეს ექსპერტიზის დასკვნით, ან/და შესაბამის სფეროში საქართველოს კანონმდებლობით განსაზღვრული უფლებამოსილების/ აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი), რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას, როგორც ჯამურ ღირებულებასთან, ასევე ერთეულთან მიმართებით.

სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯის ჩათვლით.
ანგარიშსწორება განხორციელდება უნაღდო ანგარიშსწორებით ლარში.

ანგარიშსწორება მიმწოდებელთან განხორციელდება მომსახურების მიწოდების შემდეგ, ფაქტიურად გაწეული მომსახურების შესაბამისად, მიღება-ჩაბარების აქტისა და შესაბამისი საანგარიშწორებო დოკუმენტაციის გაფორმებიდან 10 სამუშაო დღის განმავლობაში.

გურამი დიღმელაშვილი, 598107838, gdighmelashvili@cec.gov.ge

სატენდერო წინადადება, აგრეთვე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია და დოკუმენტაცია წარმოდგენილ უნდა იქნას ქართულ ენაზე. პრეტენდენტს უფლება აქვს წარმოადგინოს მხოლოდ ერთი სატენდერო წინადადება.
სატენდერო წინადადებაში საერთო და ერთეულის ფასი გამოსახული უნდა იყოს შესყიდვის ობიექტის მიწოდებასთან დაკავშირებული ყველა ხარჯის გათვალისწინებით.
სატენდერო წინადადების საერთო და ერთეულის ფასის წარმოდგენა დასაშვებია მხოლოდ ეროვნულ ვალუტაში - ლარი.

სისტემაში ასატვირთი დოკუმენტები:
1. პრეისკურანტი (შენიშვნა: პრეისკურანტის/განფასების პირველადი ვერსიის წარმოუდგენლობა ან განუფასებლად წარმოდგენა გამოიწვევს პრეტენდენტის დისკვალიფიკაციას მიმდინარე ტენდერიდან).
2. ინფორმაცია კვებითი მომსახურების გაწევის არანაკლებ 3 წლიანი (2023-2025 წლების, წელიწადში მინიმუმ 10 000 ლარის ოდენობით) გამოცდილების შესახებ, დადასტურებული ხელშეკრულებებით ან/და მიღება-ჩაბარების აქტებით (დამოწმებული კვალიფიციური ელექტრონული ხელმოწერით/შტამპით).
3. კვალიფიციური ელექტრონული ხელმოწერით/შტამპით დამოწმებული თანხმობა ტექნიკურ დავალებაზე.
4. მინიმუმ 2 (ორი) ორგანიზაციიდან დადებითი სარეკომენდაციო წერილი. სარეკომენდაციო წერილში მითითებულ უნდა იქნეს გაწეული მომსახურების სახე, მომსახურების გამწევი ორგანიზაციის დასახელება, რამდენად ხარისხიანად, სრულად და დროულად შესრულდა მიმწოდებელის მიერ ხელშეკრულებით ნაკისრი ვალდებულება.
5. საქართველოს სურსათის ეროვნული სააგენტოს მიერ გაცემული შესაბამისობის შეფასების სერტიფიკატი.