Регистры (реестры), бухгалтерские книги, скоросшиватели, бланки (формуляры) и другие печатные канцелярские товары из бумаги или картона (Грузия - Тендер #68730651)

ბრენდირებული საქაღალდეების და ბრენდირებული სამუშაო ბლოკნოტების სახელმწიფო შესყიდვა.

ბრენდირებული საქაღალდე - 2000 ცალი.

ტექნიკური აღწერილობა:
საქაღალდის ფერი - თეთრი
ფორმატი - A4+
ქაღალდი - 300 გრ. ცარცი
ბეჭდვა - ცალმხრივი (სრულფერიანი)
საქაღალდის ლამინაცია - გლუვი 1/0
საქაღალდის პირველ გვერდზე შემოსავლების სამსახურის ლოგო/წარწერა - ლაკირებით, ასევე ლაკირებით შესრულებული საქაღალდის კიდეზე გამოსახული ორნამენტი (პირველ და ბოლო გვერდებზე). შიდა გვერდზე (მარჯვენა მხარეს) ერთი თვითამწყობი ჯიბე ფურცლის (A4) ჩასადებად. ჯიბე განთავსებული უნდა იყოს მარჯვენა შიდა ფრთის მთელ სიგრძეზე.
საქაღალდეს ბოლო გვერდზე, უკანა მხარეს აქვს დამკვეთის მიერ მიწოდებული 4 ბარ-კოდის გამოსახულებები.
საქაღალდე შემსყიდველს უნდა გადაეცეს დაკეცილ მდგომარეობაში (ყუების გადაკეცვის გათვალისწინებით. ყუის ზომა შემსყიდველთან შეთანხმებით).

ბრენდირებული სამუშაო ბლოკნოტი - 1000 ცალი.
ტექნიკური აღწერილობა: ბლოკნოტის ზომა - 17 სმ (+/-0,2-0,5 სმ) /23სმ (+/-0,2-0,5 სმ)
გარეკანი: მაგარი ყდა, რომელიც დამზადებული უნდა იყოს 2 მილიმეტრიან მუყაოზე გადაკრული 150 გრამიანი ცარცის ქაღალდი გლუვი ლამინაციით. 1/0 ბეჭდვის გარეშე.
გარეკანზე ბრენდირება - შემოსავლების სამსახურის ლოგო/წარწერით, ასევე ბლოკნოტის კიდეებზე გამოსახული ორნამენტი ლაკირებით. ბლოკნოტის ბოლო გვერდზე ექნება დამკვეთის მიერ მიწოდებული 4 ბარ-კოდის გამოსახულებები
შიდა ფურცლების ზომა: ყდის შესაბამისად
შიდა ფურცლების აღწერილობა: 80 გრ ოფსეტი
გვერდების რაოდენობა: 140 გვერდი (ცალხაზიანი)
შიგთავსის ბეჭდვა - 1/1(ღია ნაცრისფერი) - მათ შორის პირველი ფურცელი 4+0, მეორე ფურცელი 4+4,
ბლოკნოტის შიდა გვერდების აღწერილობა: ბლოკნოტის პირველი ფურცლის პირველ გვერდზე პირადი მონაცემების ველი, მეორე ფურცლის პირველ გვერდზე 2026 წლის კალენდარი, ხოლო მეორე ფურცლის მეორე გვერდზე 2027/2028 წლების კალენდრები. შემდეგი ფურცლები დაუთარიღებელი, ცალხაზა, ჰორიზონტალური ღია ნაცრისფერი ხაზებით. ბლოკნოტის ქვედა ყდის გარე მხარეს დაბეჭდილი უნდა იყოს დამკვეთის მიერ მიწოდებული 4 ბარ-კოდის გამოსახულებები. დიზაინი შეთანხმებული უნდა იყოს შემსყიდველთან
აკინძვა: მაღალი ხარისხის მეტალის ზამბარა (ფერი შეთანხმებით).

შენიშვნა: პრეტენდენტის მიერ როგორც პირველად, ასევე დაზუსტებულ წინადადებაში არ მოითხოვება პარამეტრების დაზუსტება სადაც არ არის გამოყენებული დაკონკრეტებული ტერმინები (ზომები). ვინაიდან, მათი გადამოწმება შესაძლებელია ნიმუშების ვიზუალური დათვალიერებით.

შესყიდვის ობიექტის აღწერილობა, ტექნიკური პარამეტრები, რაოდენობა/მოცულობა და სავარაუდო ნიმუშები მითითებულია ფასების ცხრილი დანართი N1-ში.

შესყიდვის ობიექტის მიწოდების ვადები: ხელშეკრულების გაფორმებიდან არაუგვიანეს 15 (თხუთმეტი) კალენდარული დღის განმავლობაში.

მიწოდების ადგილი: ქ. თბილისი, აბზიანიძის N4

2.9.1. შემსყიდველის მიერ მოთხოვნილი ყველა დოკუმენტი და/ან ინფორმაცია პრეტენდენტის მიერ ატვირთული უნდა იქნას ერთიან ელექტრონულ სისტემაში, ამასთან შემსყიდველის მოთხოვნის შემთხვევაში, მოთხოვნის შესაბამისად პრეტენდენტმა უნდა წარმოადგინოს იმ მოთხოვნილი დოკუმენტების დედანი ან/და ნოტარიულად დამოწმებული ასლ(ებ)ი, რომელიც იყო ატვირთული ერთიან ელექტრონულ სისტემაში. პრეტენდენტის მიერ წარმოდგენილი (ერთიან ელექტრონულ სისტემაში ატვირთული) ყველა დოკუმენტი და/ან ინფორმაცია ხელმოწერილი ან/და ბეჭედდასმული უნდა იყოს ხელმძღვანელის ან უფლებამოსილი პირის მიერ (უფლებამოსილი პირის შემთხვევაში წარმოდგენილი უნდა იქნას (ატვირთულ უნდა იქნას ერთიან ელექტრონულ სისტემაში) უფლებამოსილების დამადასტურებელი შესაბამისი დოკუმენტ(ებ)ი).

2.9.2. ტექნიკური დოკუმენტაციის შედგენისას პრეტენდენტის მიერ გათვალისწინებული უნდა იყოს (არ უნდა იყოს დარღვეული) სატენდერო დოკუმენტაციით განსაზღვრული დანართების ფორმები (მათ შორის ნუმერაცია) და არსებობის შემთხვევაში მათში მითითებული აუცილებელი პირობები.

2.9.3. თუ ელექტრონული ვაჭრობის შედეგად ერთიან ელექტრონულ სისტემაში დაფიქსირებული საბოლოო ფასიდან გამომდინარე ერთეულის ღირებულებები დაჯდება მრავალნიშნა ათწილადი, პრეტენდენტი ვალდებულია ერთეულის ღირებულებები შეამციროს და დაამრგვალოს მეასედებამდე, შესაბამისად შეამციროს საერთო ღირებულებაც.

2.9.4. სატენდერო წინადადება, აგრეთვე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია და დოკუმენტაცია წარმოდგენილი უნდა იქნას ქართულ ენაზე.

2.9.5. პრეტენდენტს უფლება აქვს წარმოადგინოს მხოლოდ ერთი სატენდერო წინადადება.

2.9.6. სატენდერო წინადადებაში საერთო და ერთეულის ფასი გამოსახულ უნდა იყოს ყველა ხარჯის გათვალისწინებით, როგორიცაა: ტრანსპორტირების ხარჯები და საქართველოს კანონმდებლობით დადგენილი გადასახადები, თუ მოსაკრებლები (მათ შორის - დღგ).

2.9.7. სატენდერო წინადადების საერთო და თითოეული ერთეულის ფასის წარმოდგენა დასაშვებია მხოლოდ ეროვნულ ვალუტაში - ლარი.

2.9.8. „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების შესაბამისად, პრეტენდენტის მიერ ერთიან ელექტრონულ სისტემაში ატვირთული დოკუმენტები უნდა იყოს კვალიფიციური ელექტრონული შტამპით ან კვალიფიცური ელექტორნული ხელმოწერით დამოწმებული.

პრეტენდენტმა შემსყიდველ ორგანიზაციაში უნდა წარმოადგინოს მის მიერ შემოთავაზებული შესყიდვის ობიექტ(ებ)ის სრულყოფილი ნიმუშები ფასების ცხრილის (დანართი N1) თითოეული პოზიციის მიხედვით.

ქ. თბილისი, ვახტანგ გორგასლის ქ. N16.

4.1.1.1 იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით, ან მეტით დაბალია შესყიდვის ობიექტის სავარაუდო ღირებულებაზე, პრეტენდენტმა უნდა წარმოადგინოს, სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული „ელექტრონული ტენდერის ჩატარების წესის დამტკიცების შესახებ“ წესის 28-ე მუხლის მე-5 პუნქტის შესაბამისად საშემფასებლო ან აუდიტის ან ექსპერტიზის დასკვნა. დასკვნასთან ერთად ასევე, წარმოდგენილი უნდა იქნას დასკვნის გამცემი პირის (როგორც დასკვნის გამცემი კომპანია ასევე დასკვნაზე ხელმომწერი პირები) შესაბამისი უფლებამოსილების/აკრედიტაციის დამადასტურებელი დოკუმენტ(ებ)ი.

სსიპ „ლევან სამხარაულის სახელობის ექსპერტიზის ეროვნული ბიუროს" მიერ გაცემული დასკვნის შემთხევაში, დასკვნის გამცემი პირის (როგორც დასკვნის გამცემი კომპანია ასევე დასკვნაზე ხელმომწერი პირები) შესაბამისი უფლებამოსილების/აკრედიტაციის დამადასტურებელი დოკუმენტის წარმოდგენა არ მოითხოვება.

4.1.1.2 ექსპერტიზის დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

ანგარიშსწორება მიმწოდებელთან განხორციელდება ლარებში, უნაღდო ანგარიშსწორების ფორმით, მიმწოდებლის მიერ მიწოდებული საქონლის ღირებულების შესაბამისად.
ანგარიშსწორება განხორციელდება მიმწოდებლის საბანკო რეკვიზიტებზე;
სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდების ადგილზე მიწოდებასთან დაკავშირებული ყველა გადასახადის გათვალისწინებით (მათ შორის ტრანსპორტირების ხარჯი).

ანგარიშსწორება მიმწოდებელთან განხორციელდება ფაქტიურად მიწოდებული საქონლის ღირებულების შესაბამისად, გაფორმებული ინსპექტირების დასკვნის, მიღება-ჩაბარების აქტის, სასაქონლო ზედნადებისა და საგადასახადო ანგარიშ-ფაქტურის საფუძველზე (იმ შემთხვევაში თუ მიმწოდებელი დღგ-ს გადამხდელია, ხოლო თუ მიმწოდებელი არ არის დღგ-ს გადამხდელი, მაშინ მიმწოდებელმა უნდა წარმოადგინოს შესაბამისი ცნობა სსიპ „შემოსავლების სამსახურიდან“) არაუგვიანეს 10 (ათი) სამუშაო დღის განმავლობაში.

სოფია პოლოზიანი, 599933315, s.poloziani@rs.ge ნატო ასლანიშვილი 599618811, n.aslanishvili@rs.ge