Ремонт и техническое обслуживание транспортных средств и оборудования и сопутствующие услуги (Грузия - Тендер #68702795)

სააგენტოს ბალანსზე რიცხული სატრანსპორტო საშუალებებისა და მათთან დაკავშირებული მოწყობილობების შეკეთება, ტექნიკური მომსახურება.

იხ. ტექნიკური დავალება

1.3 პუნქტით განსაზღვრული პრეისკურანტით წარმოდგენილი, სააგენტოს ბალანსზე რიცხული ავტოსატრანსპორტო საშუალების შეკეთება და ტექნიკური მომსახურება.

ელექტრონულ ტენდერში გამარჯვების შემთხვევაში პრეტენდენტმა უნდა უზრუნველყოს შემდეგი სახის ტექ-მომსახურების გაწევა:

• ავტოსატრანსპორტო საშუალებების პროფილაქტიკური და დიაგნოსტიკური მომსახურება, მათ შორის სათადარიგო ნაწილების შეკეთება ან/და შეცვლა;
• საჭიროების შემთხვევაში ევაკუატორით მომსახურება.

ტენდერში გამარჯვებული პრეტენდენტის მიერ ტექ-მომსახურების გასაწევად ტექნიკური დოკუმენტაციით წარმოდგენილი საკუთრებაში და/ან სარგებლობაში არსებული სერვის-ცენტრი აღჭურვილი უნდა იყოს კომპიუტერული დიაგნოსტიკის აპარატით, ზეთის შემცვლელი ვაკუუმური ბალონით, განშლადობის გასასწორებელი დანადგარით, ვულკანიზაციის დანადგარით (ვულკანიზაციის, ბალანსირებისა და დისკების (ალუმინისა და რკინის) გასწორების აპარატი), ძრავის ამოსაღები ამწეებით, საყრდენი დისკოს მოსახეხი აპარატი, ავტო-ამწეებით და მომსახურების გაწევისთვის საჭირო სხვა თანამედროვე აპარატურით და დანადგარებით.

ავტომანქანის დაზიანებული ნაწილი უნდა შეიცვალოს ახალი/არამეორადი მაღალი ხარისხის სათადარიგო ნაწილით (გარდა პრეისკურანტით განსაზღვრული და შემსყიდველის მიერ მოთხოვნილი მეორადი ნაწილებისა).

მომსახურების გაწევის პერიოდში, მიმწოდებლის ბრალეულობით ავტოსატრანსპორტო საშუალების დაზიანების შემთხვევაში, მიყენებული ზიანის აღმოფხვრის ხარჯების სრულად ანაზღაურება ეკისრება მიმწოდებელს.

მიმწოდებელმა უნდა უზრუნველყოს წინამდებარე ტენდერის სატენდერო პირობებით განსაზღვრული (პრეისკურანტი) ტექ-მომსახურების გაწევა.
ავტომანქანის სერვის ცენტრში მიყვანიდან, მისი ტექნიკური დათვალიერების შემდეგ არაუგვიანეს ერთი დღისა, მიმწოდებელსა და შემსყიდველს შორის თითოეულ კონკრეტულ შემთხვევაში უნდა შედგეს ავტოსატრანსპორტო საშუალებაზე დეფექტური აქტი, რომელშიც მითითებული უნდა იყოს გასაწევი მომსახურების ან/და ასეთი მომსახურებისათვის საჭირო სათადარიგო ნაწილების/საცხებ-საპოხი მსალის/მომსახურების დეტალური აღწერა, თარიღი, ღირებულება, მომსახურების დაწყებისა და დასრულების ვადები და პასუხისმგებელი პირის ხელმოწერა. ამასთან, ავტომანქანების ტექ-მომსახურება უნდა განხორციელდეს, დეფექტურ აქტში მოცემულ მხოლოდ იმ პოზიციებზე, რომლებზეც იქნება შემსყიდველის უფლებამოსილი პირის თანხმობა–დასტური.

თუ ხელშეკრულების დადების შემდეგ, ხელშეკრულების მოქმედების პერიოდში აღმოჩნდება, რომ პრეისკურანტში არ არსებობს რომელიმე სახის სათადარიგო ნაწილი/საცხებ-საპოხი მასალა/მომსახურება, აღნიშნული გასაწევი მომსახურების ერთეულის ფასი დადგინდება შემსყიდველი ორგანიზაციისა და მიმწოდებლის შეთანხმებით საბაზრო ფასის გათვალისწინებით. ასეთ შემთხვევაში პრეისკურანტში შესაბამისი მომსახურების ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს.

მომსახურება უნდა განხორციელდეს ეტაპობრივად, ხელშეკრულების დადებიდან 2026 წლის 31 დეკემბრის ჩათვლით, შემდეგი პირობების გათვალისწინებით:

მომსახურების სააგენტოს ბალანსზე რიცხული ავტოსატრანსპორტო საშუალებისთვის ტექნიკური მომსახურება გაწეულ უნდა იქნას დაუყოვნებლივ, რიგგარეშედ. მომსახურების გაწევის ვადა თითოეულ შემთხვევაში არ უნდა აღემატებოდეს:

1. მექანიკური დაზიანების შემთხვევაში - არაუმეტეს 1 (ერთი) სამუშაო დღე,
2. სავალი ნაწილებისთვის - არაუმეტეს 2 (ორი) სამუშაო დღე,
3. ელექტროსისტემასთან დაკავშირებული სარემონტო სამუშოები - არაუმეტეს 3 (სამი) სამუშაო დღე,
4. აგრეგატულ ნაწილებზე - არაუმეტეს 15 (თხუთმეტი) სამუშაო დღე,
5. სათუნუქე-სამღებრო სამუშაოები - არაუმეტეს 15 (თხუთმეტი) სამუშაო დღე,
6 კაპიტალური სარემონტო სამუშოები (ძრავი, გადაცემათა კოლოფი, ხიდი) არაუმეტეს 15 (თხუთმეტი) სამუშაო დღე,
7. დეფიციტური დეტალი- არაუმეტეს 25 (ოცდახუთი) სამუშაო დღე.

შენიშვნა: მიმწოდებელი ვალდებულია ხელშეკრულების მოქმედების პერიოდში, ავტოსათადარიგო ნაწილის საქართველოს ფარგლებს გარეთ შეკვეთისას, ავტომანქანაზე დეფექტური აქტის შედგენიდან 2 (ორი) კალენდარული დღის ვადაში, მოთხოვნის შემთხვევაში წარუდგინოს შემსყიდველს შეკვეთის დამადასტურებელი დოკუმენტი (დოკუმენტი უნდა შეიცავდეს ინფორმაციას შეკვეთის განხორციელების თარიღს და შეკვეთით განსაზღვრული დეტალის ჩამოსვლის თარიღის შესახებ).

მიმწოდებელმა უნდა უზრუნველყოს სააგენტოს ბალანსზე რიცხული ავტოსატრანსპორტო საშუალების ტექნიკური მომსახურების გაწევა ხელშეკრულების დადებიდან 2026 წლის 31 დეკემბრის ჩათვლით. მიწოდების ადგილი ქ. თბილისი.

1.7.1.1 მიმწოდებელი იძლევა გარანტიას, რომ განხორციელებული მომსახურება და შეცვლილი სათადარიგო ნაწილები იქნება ხარისხიანი და შეესაბამება დადგენილ მოთხოვნებს.
1.7.1.2 გარანტია მიმწოდებლის მიერ გაწეულ მომსახურებაზე ან/და მომსახურების გაწევის დროს გამოყენებულ სათადარიგო ნაწილებზე ვრცელდება შესაბამისი მიღება-ჩაბარების აქტის გაფორმებიდან 6 (ექვსი) თვის განმავლობაში (გარდა სწრაფცვეთადი ნაწილებისა).
1.7.1.3 შეძენილ (ახალი) ან შეკეთებულ ძირითად აგრეგატებზე გარანტია განისაზღვრება არანაკლებ 1 წელი.
1.7.1.4 შეძენილ (მეორად) ძირითად აგრეგატებზე, გარანტია განისაზღვრება არანაკლებ 3 თვე, ხოლო სხვა ყველა მეორად დეტალზე არანაკლებ 6 თვე.
1.7.1.5 სამუხრუჭე ხუნდებზე გარანტია განისაზღვრება არანაკლებ 10,000 კმ.
1.7.1.6 სამუხრუჭე დისკებზე გარანტია განისაზღვრება არანაკლებ 6 თვე.
1.7.1.7 ჰაერის ფილტრზე 10,000 კმ.
1.7.1.8 საწვავის ფილტრზე 10,000 კმ.
1.7.1.9 კონდენციონერის ფილტრზე 10,000 კმ.
1.7.1.10 მინის მწმენდებზე, ნათურებზე და მტვერდამცავებზე 30 დღე.
1.7.1.11 გადაბმულობის კომპლექტზე 30,000 კმ ან 1 წელი.
1.7.1.12 კონდენციონერის კომპრესორზე გარანტია განისაზღვროს არანაკლებ 1 წელი.
1.7.1.13 დინამოს, კონდენციონერის და საჭის ჰიდროგამაძლიერებლის ღვედზე არანაკლებ 3 თვე.
1.7.1.14 გადაცემათა კოლოფის, გამაძლიერებელი კოლოფის, წამყვანი ხიდების ზეთზე გარანტია განისაზღვრება არანაკლებ 30,000 კმ.
1.7.1.15 ძრავის ღვედზე გარანტია განისაზღვრება არანაკლებ 50,000 კმ.
1.7.1.16 საგარანტიო პერიოდში მიმწოდებელი ვალდებულია დაუყოვნებლივ, შემსყიდველის ზედმეტი დანახარჯების გარეშე, აღმოფხვრას აღმოჩენილი წუნი/დაზიანება.
1.7.1.17 სამუხრუჭე ხუნდები არ უნდა აფუჭებდეს საყრდენ დისკოს, არ უნდა ჰქონდეს ეგრეთ წოდებული წრიპინის და ხრიალის ხმა, წინააღმდეგ შემთხვევაში, მიმწოდებელი საკუთარი ხარჯებით უზრუნველყოფს აღნიშნული წუნის/ნაკლის აღმოფხვრას, შემსყიდველის მხრიდან დამატებითი დანახარჯების გაწევის გარეშე.
1.7.1.18 თუ მიმწოდებელი მომსახურების და სათადარიგო ნაწილის საგარანტიო ვადის ამოწურვამდე აღმოჩნდება ან გამოვლინდება ნაკლი ან/და დეფექტი (გარდა გარეგანი ფიზიკური დაზიანებისა), მიმწოდებელი ვალდებულია შემსყიდველის შეტყობინებიდან 2 (ორი) კალენდარულ დღეში.

ტენდერში მონაწილე პრეტენდენტს 2023 - 2025 წლის ჩათვლით უნდა გააჩნდეს ავტოსატრანსპორტო საშუალებების ტექნიკური მომსახურების გაწევის გამოცდილება.

პრეტენდენტმა შესყიდვების ერთიან ელექტრონულ სისტემაში უნდა ატვირთოს ტექ-მომსახურების გაწევის დამადასტურებელი შემდეგი დოკუმენტები: ხელშეკრულებ(ები)ა და ამ ხელშეკრულების საფუძველზე გაფორმებული გაწეული ტექ-მომსახურების ამსახველი მიღება-ჩაბარების აქტ(ებ)ი. ან/და შესრულების დამადასტურებელი სხვა დოკუმენტაცია.

ტენდერში გამარჯვებული პრეტენდენტის მიერ ტექ-მომსახურების გასაწევად ტექნიკური დოკუმენტაციით წარმოდგენილი საკუთრებაში და/ან სარგებლობაში არსებული სერვის-ცენტრი აღჭურვილი უნდა იყოს კომპიუტერული დიაგნოსტიკის აპარატით, ზეთის შემცვლელი ვაკუუმური ბალონით, განშლადობის გასასწორებელი დანადგარით, ვულკანიზაციის დანადგარით, ძრავის ამოსაღები ამწეებით, ავტო-ამწეებით და მომსახურების გაწევისთვის საჭირო სხვა თანამედროვე აპარატურით და დანადგარებით.
აღნიშნულის დამადასტურებლად პრეტენდენტი ვალდებულია სისტემის საშუალებით წარმოადგინოს შემდეგი ინფორმაცია/დოკუმენტაცია: საკუთრებაში და/ან სარგებლობაში არსებული სერვის-ცენტრების (მისამართების მითითებით) ფლობის/სარგებლობის დამადასტურებელი დოკუმენტაცია და ინფორმაცია მათი მატერიალურ-ტექნიკური ბაზის შესახებ.
მიმწოდებელს სერვისცენტრში ტექნიკური დავალების ცხრილი გათვალისწინებულ თითოეულ ავტომანქანის მოდელზე უნდა გააჩნდეს სასაწყობო მარაგი, რომელშიც უნდა შედიოდეს მინიმუმ შემდეგი ნაწილები: წინა და უკანა ხუნდები; ზეთის ფილტრი, ჰაერის ფილტრი; საწვავის ფილტრი; წინა ბერკეტის მილისა (გიტარის ვტულკები); წევის დაბოლოება (ნაკანეჩნიკი); ძრავის ზეთი; ჰიდრავლიკის ზეთი; მინის საწმენდი ჩოთქები; განივი მდგრადობის სტაბილიზაციის რეზინები (სტაბილიზატორის რეზინები), ანთების სანთლები.

სერვისის გამწევი ქვეკონტრაქტორ(ებ)ის არსებობის შემთხვევაში გაფორმებული მოქმედი ხელშეკრულებ(ებ)ი (წარმოდგენილ ხელშეკრულებებში გარკვევით უნდა იკითხებოდეს (ტექსტის შინაარსიდან ირკვეოდეს):

ა) ხელშეკრულების საგანი - შესყიდვის ობიექტის ტიპები:
• ავტოსატრანსპორტო საშუალებების პროფილაქტიკური და დიაგნოსტიკური მომსახურება, მათ შორის სათადარიგო ნაწილების შეკეთება ან/და შეცვლა;
• საჭიროების შემთხვევაში ევაკუატორით მომსახურება.

ა) პრეისკურანტის ღირებულება წარმოდგენილი უნდა იყოს 1.3 პუნქტში მოცემული პრეისკურანტის ჯამური ღირებულების მიხედვით, მაგრამ არაუმეტეს განცხადებაში მითითებული პრეისკურანტის სავარაუდო ღირებულებისა და პრეისკურანტ(ებ)ის თითოეულ პოზიციაზე მითითებული სავარაუდო მაქსიმალური ერთეულის ფასისა. სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით.
ბ) სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
გ) ტენდერში ვაჭრობა გაიმართება სატენდერო განცხადებით განსაზღვრული პრეისკურანტის სავარაუდო ღირებულებასთან მიმართებით;
დ) პრეტენდენტის მიერ ელექტრონული ვაჭრობის შედეგად პრეისკურანტის საერთო ფასის შემცირების/კლების შემთხვევაში, პრეტენდენტის მიერ პრეისკურანტში დაფიქსირებული ერთეულის ღირებულებები დაკლებულ უნდა იქნას პროპორციულად ყველა პოზიციაზე, შემსყიდველი ორგანიზაციის მიერ ერთიან ელექტრონულ სისტემაში ატვირთული პრეისკურანტის თავდაპირველ ჯამურ ღირებულებასა და მიმწოდებლის მიერ სისტემაში დაფიქსირებულ პრეისკურანტის საბოლოო ღირებულებას შორის არსებული სხვაობიდან გამოთვლილი (გამოყვანილი) პროცენტის შესაბამისად. ამასთან, თუ გასაწევი მომსახურებების ერთეულის ღირებულებები დაჯდება მრავალნიშნა ათწილადი, პრეტენდენტი ვალდებულია აღნიშნული ღირებულებები შეამციროს და დაამრგვალოს მეასედებამდე.
ე)პრეტენდენტის მიერ პრეისკურანტი ,,ფასების ცხრილი“ წარმოდგენილი უნდა იქნას Excel-ის ფორმატში.

2.9.2.იმ პრეტენდენტის სატენდერო წინადადება/ტექნიკური დოკუმენტაცია, რომლის პრეისკურანტშიც პოზიციაზე დაფიქსირებული ერთეულის ფასი გადააჭარბებს აღნიშნულ პოზიციაზე სატენდერო პირობებით განსაზღვრულ ერთეულის სავარაუდო ფასს, არ ჩაითვლება მისაღებად და დაექვემდებარება დისკვალიფიკაციას.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, პრეტენდენტს მოეთხოვება ფასწარმოქმნის ადეკვატურობის დასაბუთება. ფასწარმოქმნის ადეკვატურობის დასასაბუთებლად პრეტენდენტის მიერ წარმოდგენილი უნდა იქნას სიპ "ლევან სამხარაულის ექსპერტიზის ეროვნული ბიუროს" ან/და სხვა აკრედიტირებული პირის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო პრეისკურანტში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე პრეისკურანტით განსაზღვრული შესყიდვის ობიექტის მიწოდების შესაძლებლობა.

ანგარიშსწორება განხორციელდება მიმწოდებლის საბანკო ანგარიშზე მიმწოდებლის მიერ ანგარიშ-ფაქტურის წარმოდგენიდან (მისი არსებობის შემთხვევაში) და მიღება-ჩაბარების აქტზე ორმხრივი ხელმოწერის შემდეგ.

ანგარიშსწორება განხორციელდება მიმწოდებლის საბანკო ანგარიშზე მიმწოდებლის მიერ ანგარიშ-ფაქტურის წარმოდგენიდან (მისი არსებობის შემთხვევაში) და მიღება-ჩაბარების აქტზე ორმხრივი ხელმოწერიდან არაუგვიანეს 10 (ათი) საბანკო დღის განმავლობაში.

თენგიზ გიორგაძე, 597373303, tengizgiorgadze@sus.gov.ge გურამ ალთუნაშვილი მობ: 591023355
მირიან გიგაური მობ: 599081266