Природное водное сырье (Грузия - Тендер #68673249)

საქართველოს მთავრობის ადმინისტრაციის საჭიროებისათვის დისპანსერებისთვის სასმელი/მინერალური წყლის შესყიდვა

3000 (სამი ათასი) ცალი 18-20 ლიტრიანი პლასტმასის ავზების (ბალონი) შესყიდვა.

წყალი უნდა იყოს ნატურალური სასმელი წყალი ან წყაროს წყალი, არაგაზირებული, სამკურნალო დანიშნულების გარეშე; განკუთვნილი წყლის დისპანსერებზე დასამაგრებლად; ბრენდული ეტიკეტით, შესაბამისი თანდატანილი მონაცემებით (შემადგენლობა მახასიათებლები);

წყლის ხარისხი უნდა აკმაყოფილებდეს სასმელი წყლისათვის განსაზღვრულ საერთაშორისო სტანდარტებს. პრეტენდენტმა უნდა წარმოადგინოს ISO 9001:2008 და ISO 22000:2005 სტანდარტებთან მოქმედი შესაბამისობის დამადასტურებელი დოკუმენტაცია.

შემოტანის დროს საქონლის ვარგისიანობის ვადა უნდა იყოს არანაკლებ მისი ვარგისიანობის მთლიანი ვადის 70%-ისა.

მიმწოდებელმა წყლის მიწოდების უზრუნველსაყოფად, ხელშეკრულების მოქმედების ვადით, დროებით სარგებლობაში უნდა გადასცეს მინიმუმ 37 (ოცდაჩვიდმეტი) ცალი დისპენსერი (დროებით სარგებლობაში უსასყიდლოდ გადაცემის კუთხით) რომლებსაც ექნებათ როგორც წყლის გაცივების, ასევე გაცხელების ფუნქცია. აღნიშნული აპარატების ტექნიკური ხარვეზის გამოვლენის შემთხვევაში უზრუნველყოფილ უნდა იქნას მათი შეკეთება ან შეცვლა ახლით.

წყლის მიწოდების უზრუნველსაყოფად საჭირო 18-20 ლიტრიანი პლასტმასის ავზები (ბალონი) შემსყიდველს უნდა გადაეცეს დროებით სარგებლობაში უსასყიდლოდ, ყოველი მომდევნო მიწოდებამდე.

დაფიქსირებული შესყიდვის რაოდენობა წარმოადგენს შემსყიდველის საჭიროების საორიენტაციო მაჩვენებელს, აღნიშნულიდან გამომდინარე შემსყიდველი ვალდებულებას არ იღებს განახორციელოს სატენდერო დოკუმენტაციაში ფიქსირებული საქონლის რაოდენობის სრული ათვისება.

ხელშეკრულების გაფორმების თარიღიდან ეტაპობრივად, 2026 წლის 1 იანვრიდან 2026 წლის 31 დეკემბრის ჩათვლით, შემსყიდველის მოთხოვნიდან 3 (სამი) სამუშაო დღის განმავლობაში.

მიმწოდებელმა წყლის ავზების მოწოდება უნდა უზრუნველყოს საქართველოს მთავრობის ადმინისტრაციის ადმინისტრაციულ შენობაში (ქ. თბილისი, ინგოროყვას ქ. N7).

მიწოდების შეუფერხებლად განხორციელებისათვის წინასწარ წერილობით უნდა ეცნობოს შემსყდიველს პერსონალის პირადი მონაცემები და ასევე, ავტოტრანსპორტის მონაცემები.

პრეტენდენტმა ფასების ცხრილში (დანართი N1) უნდა მიუთითოს შესყიდვის ობიექტის წარმოშობის ქვეყანა და მწარმოებელი ფირმა/ბრენდი. აღნიშნული ინფორმაციის მიუთითებლობა გამოიწვევს პრეტენდენტის დისკვალიფიკაციას.

შემოთავაზებული საქონელი უნდა აკმაყოფილებდეს საქართველოს მთავრობის 2014 წლის 15 იანვრის N58 დადგენილებით დამტკიცებული „სასმელი წყლის ტექნიკური რეგლამენტით“ დადგენილ მოთხოვნებსა და 2014 წლის 26 დეკემბრის N719 დადგენილებით დამტკიცებულ „დაფასოებული ნატურალური მინერალური წყლისა და წყაროს წყლის ტექნიკური რეგლამენტის დამტკიცების შესახებ“ მოთხოვნას.
შესაბამისად პრეტედენტმა უნდა წარმოადგინოს ზემოაღნიშნულის დამადასტურებელი სერთიფიკატები/დოკუმენტები, რომელიც მოქმედი უნდა იყოს არანაკლებ 2026 წლის 31 დეკემბრისა.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, მიმწოდებელი ვალდებულია დაასაბუთოს ფასწარმოქმნის ადეკვატურობა.

ფასწარმოქმნის ადეკვატურობა, შესაძლებელია დასაბუთდეს საშემფასებლო დასკვნით (ამასთან,ბუღალტრული აღრიცხვის,ანგარიშგებისა და აუდიტის შესახებ საქართველოს კანონის 28-ე მუხლის მე-8 პუნქტის ,,გ“ ქვეპუნქტის შესაბამისად, საშემფასებლო მომსახურების გაწევის უფლება ეძლევა მხოლოდ იმ პირს, რომელშიც დასაქმებულია აკრედიტებული შემფასებელთა სერტიფიკაციის ორგანოს მიერ სერტიფიცირებული შემფასებელი. შეფასების განხორციელების და შეფასების ანგარიშზე/დასკვნაზე ხელის მოწერის უფლება ენიჭება აკრედიტებული შემფასებელთა სერტიფიკაციის ორგანოს მიერ სერტიფიცირებულ შემფასებელს. საშემფასებლო დასკვნასთან ერთად ასევე, წარმოდგენილი უნდა იქნას ანგარიშზე/დასკვნაზე ხელის მოწერის უფლების მქონე პირის შესაბამისი უფლებამოსილების/აკრედიტაციის დამადასტურებელი დოკუმენტი), რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას, როგორც მის მიერ დაფიქსირებულ წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებაში.

ანგარიშსწორება მოხდება უნაღდო ანგარიშსწორებით ლარში.

მიმწოდებელთან ანგარიშსწორება განხორციელდება ფაქტობრივად მიწოდებული შესყიდვის ობიექტის მიხედვით. მიღება–ჩაბარების აქტის ხელმოწერის, ინსპექტირების აქტის, საგადასახადო ანგარიშ-ფაქტურისა და სასაქონლო ზედნადების (კანონმდებლობით დადგენილ შემთხვევებში) წარმოდგენის საფუძველზე, არაუგვიანეს 10 სამუშაო დღის ვადაში.

იზო კორძაძე, 599093135, ikordzadze@gov.ge

10.1.1. სატენდერო წინადადების წარდგენით პრეტენდენტი ავტომატურად გამოხატავს თანხმობას სატენდერო პირობებით განსაზღვრულ მოთხოვნებზე;
10.1.2. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ეროვნულ ვალუტაში;
10.1.3. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა გადასახადის გათვალისწინებით;
10.1.4. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნეს ორიგინალის სახით ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე, რომელშიც, თარგმანის სისწორე ან/და მთარგმნელის ხელმოწერის ნამდვილობა დამოწმებული უნდა იყოს ნოტარიული წესით.
10.1.5. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.6. პრეტენდენტს არ აქვს უფლება წარმოადგინოს ალტერნატიული სატენდერო წინადადება.
10.1.7. პრეტენდენტი ვალდებულია საქონლის ერთეულის ფას(ებ)ი დააფიქსიროს (დაამრგვალოს) მეასედის სიზუსტით.
10.1.8. მიმწოდებელი ვალდებულია გადასცეს შემსყიდველს უფლებრივად და ნივთობრივად უნაკლო და ახალი საქონელი.
10.1.9 სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია უნდა იქნეს ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა. გარდა, სატენდერო დოკუმენტაციის კითხვარის 1.3 პუნქტით გათვალისწინებული დანართისა (ფასების ცხრილი/ხარჯთაღრიცხვა) რომელიც წარმოდგენილი იქნება Excel-ის ფორმატის სახით.
10.1.10 „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების თანახმად, პრეტენდენტის მიერ Excel-ის ცხრილის სახით წარსადგენი დოკუმენტი არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს).
10.1.11. სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული ,,ელექტრონული ტენდერის ჩატარების წესის“ მე-8 მუხლის შესაბამისად.