Автомобили (Грузия - Тендер #68673207)

ოპერატიული დანიშნულების მსუბუქი ჰიბრიდული ავტომობილების სახელმწიფო შესყიდვა.

1.2.1 შესყიდვის ობიექტის მინიმალური ტექნიკური მახასიათებელი მოცემულია N2 დანართში.
1.2.2 ავტომობილის ფერი - შემსყიდველთან შეთანხმებით.
1.2.3 შემოთავაზებული ავტომობილი უნდა იყოს არაუმეტეს 50 კილომეტრი გარბენით.
1.2.4 პრეტენდენტი ვალდებულია განაფასოს ავტომობილის ფლობის ღირებულება კომპონენტების მიხედვით, რომელიც შემდგომში აისახება სახელმწიფო შესყიდვის ხელშეკრულებაში. შემსყიდველი გამარჯვებულ პრეტენდენტთან ხელშეკრულებას აფორმებს მხოლოდ ავტომობილების სახელმწიფო შესყიდვაზე, ხოლო ავტომობილის ფლობის ღირებულების კომპონენტების სახელმწიფო შესყიდვის მიზნით, შემსყიდველი გამარჯვებულ პრეტენდენტთან დებს ხელშეკრულებას გამარტივებული შესყიდვის საშუალებით, „სახელმწიფო შესყიდვების შესახებ“ საქართველოს კანონის 10 პრიმა მუხლის მე-3 პუნქტის „თ“ ქვეპუნქტის საფუძველზე. გამარჯვებული პრეტენდენტის მიერ წარდგენილი ფლობის განფასება ძალაში უნდა იყოს ავტომობილის საგარანტიო პირობის ამოწურვამდე.
1.2.5 სატენდერო წინადადების განფასებისას, პრეტენდენტი ვალდებულია გაითვალისწინოს როგორც ავტომობილების ღირებულება, ასევე საგარანტიო პერიოდში ფლობის ღირებულებაც.
1.2.6 პრეტენდენტი ვალდებულია გარანტიის სრულ პერიოდზე წარმოადგინოს ავტომობილის ფლობის ღირებულების (საწვავის გარეშე) გაანგარიშება, სერვისის სახეობების, ვადების/გარბენის და ჯერადობის გათვალისწინებით.
1.2.7 ფასების ცხრილში (დანართი N1) ფლობის ღირებულების ცხრილი წარმოდგენილია ნიმუშის სახით და პრეტენდენტს შეუძლია წარმოადგინოს მის მიერ შემოთავაზებული ფლობის ღირებულების პირობების შესაბამისად. პრეტენდენტი უფლებამოსილია ფლობის ცხრილში დააკორექტიროს (განსაზღვროს) მწარმოებლის მიერ განსაზღვრული გეგმიური ფლობის კომპონენტები, რომლის შესყიდვაც განხორციელდება საგარანტიო პერიოდის განმავლობაში.
1.2.8 პრეტენდენტმა სატენდერო ღირებულებაში უნდა გაითვალისწინოს ავტომანქანების განბაჟების, სანომრე ნიშნებისა და შემსყიდველისათვის გადაფორმების ღირებულება.
1.2.9 მიმწოდებელი ვალდებულია საგარანტიო მომსახურება გასწიოს, ქალაქ თბილისში, მის საკუთრებაში ან სარგებლობაში არსებულ სერვის ცენტრ(ებ)ში.
1.2.10 რაოდენობა - 26 (ოცდაექვსი) ცალი მსუბუქი ჰიბრიდული ავტომობილი.

ხელშეკრულების გაფორმებიდან, ეტაპობრივად, არაუგვიანეს 240 (ორას ორმოცი) კალენდარული დღე.

ქ. თბილისი.

1.7.1.1 შემოთავაზებული საქონელი უნდა იყოს უნაკლო, ექსპლუატაციაში არ მყოფი.
1.7.1.2 შესყიდვის ობიექტის საგარანტიო ვადა უნდა შეადგენდეს მიღება-ჩაბარების აქტის გაფორმებიდან არანაკლებ 5 წელს ძირითად აგრეგატებზე (ძრავი, ხიდი, გადაცემათა კოლოფი, ჰიბრიდის აგრეგატი), არანაკლებ 3 წელს ან არანაკლებ 150 000 კილომეტრს (რომელიც ადრე შესრულდება) სრულ ავტომანქანაზე, გარდა სწრაფცვეთადი ნაწილებისა და მასალებისა (ანტიფრიზი, ფრეონი, საბურავები, ელექტრონათურები, ელექტრომცველები, შუშის საწმენდი ჯაგრისები, გადაცემათა კოლოფის მომჭიმი საკისარი, გადაცემათა კოლოფის გადაბმულობის დისკი და საყრდენი დისკი).
1.7.1.3 საგარანტიო პერიოდის განმავლობაში მიმწოდებელი ვალდებულია, ავტომობილზე გამოვლენილი ნებისმიერი დეფექტ(ებ)ის აღმოფხვრა, შეკეთება ან დაზიანებული დეტალის/აგრეგატის ახლით შეცვლა განახორციელოს საკუთარი სახსრებით, შემსყიდველის მიერ წერილობითი მოთხოვნიდან არაუგვიანეს 7 კალენდარული დღის ვადაში.
1.7.1.3.1 მიმწოდებელი უფლებამოსილია შესაბამისი დადასტურებული ობიექტური გარემოების შემთხვევაში, შემსყიდველთან შეთანხმებით, გაახანგრძლივოს აღნიშნული ვადა გონივრული ოდენობით.

2.1.1.1 პრეტენდენტი ვალდებულია ფასების ცხრილში (დანართი N1) მიუთითოს შესყიდვის ობიექტის მწარმოებელი/ბრენდი, წარმოშობის ქვეყანა და მოდელი. დაზუსტებას არ ექვემდებარება ტექნიკური დოკუმენტაცია, თუ სატენდერო დოკუმენტაციის მოთხოვნ(ებ)ის შესაბამისად, არ არის წარდგენილი ან მასში არ არის მითითებული ინფორმაცია შესყიდვის ობიექტის მწარმოებელი/ბრენდი, წარმოშობის ქვეყანა და მოდელის შესახებ, გარდა შემთხვევისა როდესაც შესყიდვის ობიექტის მწარმოებელი/ბრენდი, წარმოშობის ქვეყანა და მოდელის შესახებ წარდგენილი ინფორმაცია არასრულყოფილია ან შეიცავს უზუსტობებს, თუმცა პრეტენდენტის მიერ სატენდერო წინადადების სახით წარდგენილი დოკუმენტ(ებ)ის/ინფორმაციის ერთობლიობით, მათი შეფასების, ანალიზისა და ურთიერთშეჯერების საფუძველზე შესაძლებელია შესყიდვის ობიექტის სასაქონლო ნიშნის, პატენტის, მოდელის, წარმოშობის წყაროს ან მწარმოებლის იდენტიფიკაცია.
2.1.1.2 პრეტენდენტის მიერ 2.1.1.1 პუნქტით გათვალისწინებული ინფორმაციის წარმოუდგენლობა დაზუსტებას არ დაექვემდებარება და გამოიწვევს მის დისკვალიფიკაციას.

შენიშვნა: წინამდებარე ტენდერის მიზნებისთვის, მწარმოებელ კომპანიად განხილული იქნება, უშუალოდ მწარმოებელი კომპანია, მწარმოებელი კომპანიის ჯგუფში შემავალი კომპანია, მწარმოებელი კომპანიის ქოლგის ქვეშ გაერთიანებული კომპანია, მწარმოებელი კომპანიის შვილობილი კომპანია, მწარმოებელი კომპანიის შვილობილი კომპანიის შვილობილი კომპანია ან/და მისი შვილობილი კომპანია და ა.შ. (შვილობილ კომპანიაში იგულისხმება, თუ მწარმოებელი კომპანია არის აქციონერი/დამფუძნებელი ან მისი შვილობილი კომპანია არის აქციონერი/დამფუძნებელი და ა.შ.) პრეტენდენტმა უნდა წარმოადგინოს დოკუმენტი, რომლითაც დადასტურდება, რომ პრეტენდენტის მიერ წარმოდგენილი დოკუმენტი (ან ვებ-მბული) გაცემულია წინამდებარე შენიშვნის გათვალისწინებით განსაზღვრული „მწარმოებლის“ მიერ).

2.3.1.1 პრეტენდენტს საკუთრებაში ან სარგებლობაში უნდა გააჩნდეს, შემოთავაზებული ავტომანქანის მწარმოებლის მიერ ავტორიზებული, მოქმედი სერვის ცენტრი ქალაქ თბილისში. თბილისში, რომელიც ავტორიზებული უნდა იყოს არაუგვიანეს 2022 წლის 01 იანვრისა.
2.3.1.2 ავტორიზაციის დასადასტურებლად, პრეტენდენტის მიერ, წარმოდგენილი უნდა იქნეს მწარმოებლის ან/და ექსკლუზიური დისტრიბუტორის ან/და უფლებამოსილი წარმომაგდენლის წერილი, ავტორიზაციის ზუსტი თარიღის მითითებით.
2.3.1.3 პრეტენდენტი ვალდებულია წარმოადგინოს ინფორმაცია სერვის ცენტრის ადგილმდებარეობის შესახებ.

2.7.1.1. პრეტენდენტი უნდა იყოს შემოთავაზებული ავტომანქანის მწარმოებლის ოფიციალური დილერი საქართველოში, რომლის დასადასტურებლად წარმოდგენილი უნდა იქნეს შემოთავაზებული ავტომანქანის მწარმოებლის ან/და ექსკლუზიური დისტრიბუტორის ან/და უფლებამოსილი წარმომაგდენლის მიერ გაცემული წერილი.
2.7.1.2. პრეტენდენტმა უნდა წარმოადგინოს ინფორმაცია უსაფრთხოების დამადასტურებელი დოკუმენტის ე.წ ქრაშტესტის შესახებ: NCAP (ევრო ქრაშტესტი) ან IIHS (ამერიკული ქრაშტესტი) ან JNCAP (იაპონური ქრაშტესტი). პრეტენდენტმა ერთიან ელექტრონულ სისტემაში უნდა წარმოადგინოს შესაბამისი ვებ-ბმული ან/და დოკუმენტი.

2.9.1 პრეტენდენტმა უნდა წარმოადგინოს ფასების ცხრილი 1.3 პუნქტის შესაბამისად.
2.9.2 პრეტენდენტმა უნდა წარმოადგინოს ავტომობილის მახასიათებლები დანართი N2-ის შესაბამისად.
2.9.3 პრეტენდენტმა უნდა წარმოადგინოს ინფორმაცია საგარანტიო პირობების შესახებ, 1.7.1 პუნქტის შესაბამისად.
2.9.4 ინფორმაცია შესყიდვის ობიექტის მწარმოებლის/ბრენდის, წარმოშობის ქვეყნის და მოდელის შესახებ 2.1.1 პუნქტის შესაბამისად.
2.9.5 პრეტენდენტმა უნდა წარმოადგინოს ინფორმაცია სერვისცენტრის შესახებ 2.3.1 პუნქტის შესაბამისად.
2.9.6 პრეტენდენტმა უნდა წარმოადგინოს მწარმოებლის მიერ გაცემული დოკუმენტი 2.7.1.1 პუნქტის შესაბამისად.
2.9.7 პრეტენდენტმა უნდა წარმოადგინოს ინფორმაცია ქრაშტესტის შესახებ 2.7.1.2 პუნქტის შესაბამისად.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან აუდიტის მიერ გაცემული შესაბამისი დასკვნა (იმ შემთხვევაში, თუ დასკვნის გამცემი ორგანო არ იქნება სსიპ - ლევან სამხარაულის სახელობის სასამართლო ექსპერტიზის ეროვნული ბიურო, დასკვნასთან ერთად წარმოდგენილ უნდა იქნას დასკვნის გამცემი პირის, საქართველოს აკრედიტაციის ეროვნულ ორგანოს - აკრედიტაციის ცენტრის მიერ, საერთაშორისო სტანდარტის – ISO/IEC 17024 შესაბამისად აკრედიტირებული სერტიფიკაციის ორგანოს მიერ გაცემული ქონების შემფასებლის მოქმედი სერტიფიკატ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული საქონლის მიწოდების შესაძლებლობა.

დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების 28-ე მუხლთ განსაზღვრული პირობები.

5 Процентов

10 Процентов

ხელშეკრულების შესრულების უზრუნველყოფის გარანტიის მოქმედების ვადა არანაკლებ 60 (სამოცი) კალენდარული დღით უნდა აღემატებოდეს ხელშეკრულებით გათვალისწინებულ საქონლის მიწოდების ვადას.

ტენდერში გამოიყენება ხელშეკრულების შესრულების უპირობო და გამოუთხოვადი საბანკო გარანტია, ხელშეკრულების ღირებულების 5%–ის ოდენობით, (იმ შემთხვევაში თუ ტენდერში ელექტრონული ვაჭრობის შედეგად გამარჯვებული პრეტენდენტის მიერ სისტემაში დაფიქსირებული საბოლოო ფასი 20%-ზე მეტით დაბალია შესაბამისი ტენდერის შესყიდვის ობიექტის სავარაუდო ღირებულებაზე, შემსყიდველ ორგანიზაციას უფლება აქვს გამარჯვებულ პრეტენდენტს მოსთხოვოს ხელშეკრულების შესრულების უზრუნველყოფის საბანკო გარანტია 10%-მდე ოდენობით). საბანკო გარანტიის მოქმედების ვადა არანაკლებ 60 კალენდარული დღით უნდა აღემატებოდეს შესყიდვის ობიექტის მიწოდების საბოლო ვადას. უპირობო, გამოუთხოვადი ხელშეკრულების შესრულების გარანტია წარმოდგენილი უნდა იქნას საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიიდან, ეროვნულ ვალუტაში - ლარში;

7.1.1.1 მიმწოდებლის მოთხოვნის შემთხევაში წინასწარი ანგარიშსწორების (ავანსი) გამოყენება შესაძლებელია, სახელშეკრულებო თანხის არაუმეტეს 50%-ის ოდენობით.
7.1.1.2 წინასწარი ანგარიშსწორების (ავანსი) გამოყენება შესაძლებელია საავანსო თანხის იდენტური ოდენობის, უპირობო, გამოუთხოვადი საბანკო გარანტიის წარმოდგენის შემთხვევაში.

7.2.1 ანგარიშსწორება მოხდება უნაღდო ანგარიშსწორებით ეროვნულ ვალუტაში - ლარში, ფაქტიურად მიწოდებული საქონლის შესაბამისად, მიღება–ჩაბარების აქტის გაფორმებისა და საქართველოს კანონმდებლობით გათვალისწინებული საგადასახადო დოკუმენტაციის შემსყიდველ ორგანიზაციაში წარმოდგენის შემდეგ.
7.2.2 დაფინანსების წყარო:2026 წლის სახელმწიფო ბიუჯეტი.

7.2 პუნქტში აღნიშნული დოკუმენტაციის გაფორმებიდან/წარმოდგენიდან არაუგვიანეს 10 სამუშაო დღე.

გიორგი ლაბაძე, 551159083, g.labadze@mof.ge

10.1.1. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ორიგინალის სახით (ასლის შემთხვევაში ნოტარიულად დამოწმებული ასლი) ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.2. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3. პრეტენდენტი ვალდებულია სახელმწიფო შესყიდვებში ერთიან ელექტრონულ სისტემაში დოკუმენტაციის ატვირთვისას იხელმძღვანელოს „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონისა და სახელმწიფო შესყიდვების განხორციელებისას, დოკუმენტებზე კვალიფიციური ელექტრონული ხელმოწერის შესრულების ან/და დოკუმენტების კვალიფიციური ელექტრონული შტამპით დამოწმების თაობაზე სახელმწიფო შესყიდვების სააგენტოს სახელმძღვანელო ინსტრუქციის შესაბამისად.
10.1.4. პრეტენდენტს არ აქვს უფლება წარმოადგინოს ალტერნატიული სატენდერო წინადადება.
10.1.5. პრეტენდენტი, რომელიც მონაწილეობას მიიღებს აღნიშნულ ტენდერში, ავტომატურად ეთანხმება სატენდერო დოკუმენტაციით გათვალისწინებულ ყველა მოთხოვნას.
10.1.6. ყველგან თუკი სადმე მითითებულია კონკრეტული სასაქონლო ნიშანი, პატენტი, მოდელი, წარმოშობის წყარო ან მწარმოებელი იგულისხმება ,,მსგავსი“ ან ,,ექვივალენტური".