Оборудование, применяемое при чрезвычайных обстоятельствах, и средства защиты (Грузия - Тендер #68617041)

ა(ა)იპ ახალციხის მუნიციპალიტეტის სკოლამდელი აღზრდის დაწესებულების დაქვემდებარებაში მყოფ 5 საბავშვო ბაგა-ბაღში ვიდეო-სამეთვალყურეო სისტემების (თანმდევი მომსახურებით - მონტაჟით) შესყიდვა.

1. მიმწოდებელმა სამუშაოები უნდა ჩაატაროს უსაფრთხოების წესების სრული დაცვით, შესაბამისი კვალიფიკაციის მქონე თანამშრომლების მიერ. სამუშაობი მიზნად ისახავს სადენების მოწყობას იმგვარად, რომ მომავალში ხელს არ უშლიდეს სხვა სამუშაოების ჩატარებას, სადენები უნდა მოეწყოს მაქსიმალურად დაფარულ და დაზიანებისგან დაცულ ადგილას. თითეული სადენი უნდა იყოს დანომრილი და დატანილი საბოლოო სქემატურ ნახაზზე.
2. მისაწოდებელი საქონლის და მომსახურების სრული ჩამონათვალი და ტექნიკური აღწერილობა მოცემულია სატენდერო დოკუმენტაციის 1.3 პუნქტში ატვირთულ ფასების ცხრილში - დანართი N1 და სატენდერო დოკუმენტაციის 1.2 პუნქტში მიმაგრებულ ფაილში.
3. ფასების ცხრილის წარმოდგენისას გათვალისწინებული უნდა იქნას შემდეგი: ქსელური ვიდეო-ჩამწერები, კამერები, ქსელის გამანაწილებელი, B ტიპის კამერის შემაერთებელი კოლოფი უნდა იყოს ერთი და იგივე მწარმოებლი კომპანიის.
4. მოწოდებული საქონელი უნდა იყოს ახალი და უნაკლო, ქარხნულ შეფუთვაში.
5. მიმწოდებელმა უნდა უზრუნველყოს შემსყიდველის მიერ მითითებულ ლოკაციებზე (5 საბავშვო ბაგა-ბაღი) სისტემის სრული მონტაჟი და გამართვა.
6. მიმწოდებელი ვალდებულია საქონლის ერთეულის ფას(ებ)ი დააფიქსიროს (დაამრგვალოს) მეასედის სიზუსტით.

საქონლის მიწოდება/სისტემის სრული მონტაჟის გამართვის ვადა: ხელშეკრულების გაფორმების თარიღიდან არაუგვიანეს 15 (თხუთმეტი) სამუშაო დღის განმავლობაში.

მიმწოდებელმა საქონლის მიწოდება/სისტემის სრული მონტაჟი და გამართვა უნდა უზრუნველყოს შემდეგ მისამართებზე:
1. ქ. ახალციხე, რუსთაველის ქ. #40 - ახალციხის #1 საბავშვო ბაღი.
2. ქ. ახალციხე, თამარაშვილის ქ. #39 - ახალციხის #2 საბავშვო ბაგა-ბაღი.
3. ქ. ახალციხე, ასპინძის ქ. #47 - ახალციხის #5 საბავშვო ბაგა-ბაღი.
4. ქ. ახალციხე, ივერიელის ქ. #52 - ახალციხის #6 საბავშვო ბაგა-ბაღი.
5. ქ. ახალციხე, რუსთაველის ქ. #124 - ახალციხის #7 საბავშვო ბაგა-ბაღი

1. შემოთავაზებულ საქონელზე უნდა ვრცელდებოდეს არანაკლებ 2 (ორი) წლიანი საგარანტიო ვადა (მხოლოდ დანართი #2-ში მითითებულ პოზიციებზე) მიღება-ჩაბარების აქტის გაფორმების თარიღიდან.
2. მიმწოდებელმა საგარანტიო ვადის პერიოდში გამოვლენილი წუნდებული საქონლის შეკეთება უნდა უზრუნველყოს საკუთარი ხარჯებით, მოთხოვნიდან არაუგვიანეს 10 (ათი) კალენდარული დღის ვადაში, ხოლო შეცვლის საჭიროების შემთხვევაში, მისი შეცვლა უნდა უზრუნველყოს საკუთარი ხარჯებით, მოთხოვნიდან არაუგვიანეს 20 (ოცი) კალენდარული დღის განმავლობაში.
3. პრეტენდენტმა უნდა მიუთითოს ინფორმაცია საგარანტიო ვადის შესახებ დანართი #2-ში.

1. პრეტენდენტმა, ფასების ცხრილის ყველა პოზიციაზე (რომელიც განსაზღვრულია დანართით N1) გარდა “სახარჯი მასალები”_ს და ,,მონტაჟის პოზიციისა, უნდა წარმოდგინოს ინფორმაცია შემოთავაზებული საქონლის წარმოშობის ქვეყნის, მწარმოებელი კომპანიის და მოდელის შესახებ.

2. მოდელის მითითება არ არის სავალდებულო საკაბელო არხების (A, B და C ტიპის) პოზიციებზე, ასევე კამერის შემაერთებელ კოლოფებზე A და B ტიპის, ასევე ქსელის კონექტორზე Rj45 და UTP cat 5e ქსელის კაბელზე. ამ შემთხვევაში პრეტენდენტმა მოდელის გრაფაში უნდა მიუთითოს - არ აქვს.

დაზუსტებას არ ექვემდებარება ტექნიკური დოკუმენტაცია, თუ სატენდერო დოკუმენტაციის მოთხოვნების შესაბამისად, არ არის წარდგენილი ან მასში არ არის მითითებული ინფორმაცია შესყიდვის ობიექტის მოდელის, წარმოშობის წყაროს ან მწარმოებლის შესახებ.

პრეტენდენტს უნდა გააჩნდეს არანაკლებ 1 წლიანი გამოცდილება ქვემოთ ჩამოთვლილი და სატენდერო დოკუმენტაციით გათვალისწინებული საქონლის მიწოდების/გაყიდვის სფეროში.

შიდა და გარე გამოყენების IP კამერა ან/და ქსელური ჩამწერი 64 ან 32 არხიანი.

აღნიშნულის დასტურად, პრეტენდენტმა ელექტრონულ სისტემაში უნდა ატვირთოს საქონლის მიწოდების დამადასტურებელი დოკუმენტები:
ა) ხელშეკრულებ(ები)ა და ამ ხელშეკრულების საფუძველზე გაფორმებული მიღება-ჩაბარების აქტ(ებ)ი ან/და
ბ) სახელმწიფო შესყიდვების ერთიანი ელექტრონული სისტემის მონაცემები, კერძოდ: SPA/ NAT/ CMR.... ნომრები, რომელშიც ატვირთული იქნება შესაბამისი დოკუმენტი ან/და ინფორმაცია, რომლითაც დადასტურდება რძის პროდუქტის მიწოდება) ან/და
გ) სასაქონლო ზედნადები ან საგადასახადო ანგარიშფაქტურა.

1. პრეტენდენტმა უნდა წარმოადგინოს მის მიერ შემოთავაზებული ვიდეოსამეთვალყურეო სისტემების შემადგენელი კომპონენტების: ვიდეოჩამწერები, IP კამერები, POE კომუტატორები, "მწარმოებლის ავტორიზაციის ფორმა-MAF",.

2. პრეტენდენტის მიერ წარმოდგენილი უნდა იქნას შემოთავაზებული საქონლის მწარმოებლების მიერ გაცემული ინფორმაცია/დოკუმენტი ან/და ვებ-ბმული მწარმოებლის ოფიციალური ვებ-გვერდიდან, ან კატალოგიდან რომელიც დაადასტურებს შემოთავაზებული საქონლის შესაბამისობას სატენდერო დოკუმენტაციით განსაზღვრულ მოთხოვნებთან, ან აღნიშნული ინფორმაცია ქარხნულად უნდა იქნას დატანილი შემოთავაზებულ საქონელზე ან/და მითითებული უნდა იყოს ეტიკეტზე და პრეტენდენტმა უნდა წარმოადგინოს აღნიშნულის დამადასტურებელი დოკუმენტი (მაგ. ფოტო სურათები).

1. ხელშეკრულების გაფორმების შემდგომ მიმწოდებელმა წერილობით უნდა აცნობოს შემსყიდველს ქვეკონტრაქტორ(ებ)ის აყვანის ან/და შეცვლის შესახებ (ქვეკონტრაქტორის აყვანის აუცილებლობის მიზეზების დასაბუთებით). ქვეკონტრაქტორ(ებ)ის დასაშვებობის საკითხს წყვეტს შემსყიდველი და მიმწოდებელი ერთობლივი მოლაპარაკების საფუძველზე, რომელიც გაფორმდება წერილობითი ფორმით.
2. ქვეკონტრაქტორი კომპანია არ უნდა იყოს რეგისტრირებული სახელმწიფო შესყიდვებში მონაწილე
არაკეთილსინდისიერ პირთა რეესტრში – „შავი სია“.
3. ქვეკონტრაქტორზე წარმოდგენილი იქნას შემდეგი სახის ინფორმაცია:
•მისაწოდებელი საქონლის დასახელება და ღირებულება;
• ქვეკონტრაქტის ასლი.
4. ამ ხელშეკრულების ფარგლებში დადებული ყველა ქვეკონტრაქტის ხელშეკრულების ასლი უნდა წარედგინოს შემსყიდველს.
5. მისაწოდებელი საქონლის ნაწილის ქვეკონტრაქტორზე გადაცემით მიმწოდებელი არ თავისუფლდება ხელშეკრულებით ნაკისრი ვალდებულებებიდან.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას აუდიტის/ექსპერტის/შემფასებლის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული საქონლის მიწოდების შესაძლებლობა.
4.1.1.2 დასკვნის წარმოუდგენლობა ან/და უარყოფითი დასვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

1. მიმწოდებელთან ანგარიშსწორება განხორციელდება უნაღდო ანგარიშსწორების ფორმით ეროვნულ ვალუტაში.
2. მიმწოდებელთან ანგარიშსწორება მოხდება ერთჯერადად, ხელშეკრულებით გათვალისწინებული საქონლის მიწოდებული მიღება-ჩაბარების აქტისა და სასაქონლო ზედნადების/შესაბამისი საგადასახადო ანგარიშ-ფაქტურის საფუძველზე (ასეთის არსებობის შემთხვევაში).

მიღება-ჩაბარების აქტის მხარეთა მიერ ხელმოწერის დღიდან 10 სამუშაო დღის განმავლობაში.

მარინა მერაბიშვილი, 591449640, marmer8888@gmail.com ეკა მამუკაშვილი. ტელ: 577600711

1. სახელმწიფო შესყიდვების ერთიან ელექტრონულ სისტემაში (შემდგომში - ,,სისტემა) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად.
2. ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე. იმ შემთხვევაში თუ ტენდერში მონაწილე პირი უცხოეთის მოქალაქეა ან უცხოეთში რეგისტრირებული იურიდიული პირია, აუცილებელია წარმოდგენილ იქნას პირის ადმინისტრაციული ორგანოებიდან წარმოსადგენი სარეგისტრაციო/უფლებრივი მონაცემების ამსახველი დოკუმენტები. აღნიშნული დოკუმენტები დამოწმებული უნდა იყოს კანონმდებლობით დადგენილი წესით (ლეგალიზებული ან აპოსტილით დამოწმებული) და მას თან უნდა ერთვოდეს ნოტარიულად დამოწმებული ქართული თარგმანი.
3. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი დამოწმებული უნდა იყოს ტენდერის დასრულების დღეს მოქმედი მარეგულირებელი კანონმდებლობის შესაბამისად.
4. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
5. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
6. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით.
7. პრეტენდენტის მიერ დანართი #1 წარმოუდგენლობა გამოიწვევს პრეტენდენტის დისკვალიფიკაციას. ასევე დაზუსტებას არ დაექვემდებარება ტექნიკური დოკუმენტაცია, თუ სატენდერო დოკუმენტაციის მოთხოვნების შესაბამისად, არ არის წარდგენილი ან მასში არ არის მითითებული ინფორმაცია საქონლის წარმოშობის ქვეყნის და მწარმოებლის შესახებ, ასევე არ არის ან განუფასებლადაა წარდგენილი ხარჯთაღრიცხვა.