Услуги в области бытовых отходов и отходов (Грузия - Тендер #68556065)

შპს აკადემიკოს ნიკოლოზ ყიფშიძის სახელობის ცენტრალური საუნივერსიტეტო კლინიკის 2026 წლის საკუთარი შემოსავლების დაფინანსების ფარგლებში საავადმყოფოს ნარჩენების გატანის, ტრანსპორტირების და უტილიზაციის მომსახურების სახელმწიფო შესყიდვა

1.2.1 გასატანი ნარჩენების ტიპი, შესაბამისი კონტეინერების მოცულობა და რაოდენობა იხილეთ "დანართი N2-ტექნიკური დოკუმენტაცია"-ის სახით.
1.2.2. მიმწოდებელმა, უსასყიდლოდ უნდა უზრუნველყოს შემსყიდველის მიერ მოთოხვნილი შესაბამისი მოცულობის და ვიზუალური სტანდარტების მქონე საკუთარი მყარი კონტეინერებით/რეზერვუარებით. სავსე ინფექციური ნარჩენების კონტეინერების ნაცვლად კლინიკაში უნდა დატოვოს გარეცხილი და დეზინფიცირებული კონტეინერები.
1.2.3 შემსყიდველი იტოვებს უფლებას სრულად არ აითვისოს სატენდერო დოკუმენტაციით (შემდგომში ხელშეკრულებით) განსაზღვრული რაოდენობები, წარმოდგენილი რაოდენობები სავარაუდოა და ხელშეკრულების მიმდინარეობისას მათი ათვისება მოხდება მოთხოვნის შესაბამისად.

მომსახურების გაწევა უნდა მოხდეს ხეშლეკრულების გაფორმებიდან 2026 წლის 31 დეკემბრის ჩათვლით, დანართი N1-ის "ნარჩენების გადანის ვადები"-ს გრაფაში მითითებული ინფორმაციის შესაბამისად.

1.5.1. მიმწოდებელმა მომსახურება უნდა გაგვიწიოს მოქმედი კანონმდებლობის შესაბამისად, ადგილზე მისვლით შემდეგ მისამართებზე: ქ. თბილისი, ვაჟა-ფშაველას გამზ. N29. შპს „აკადემიკოს ნიკოლოზ ყიფშიძის სახელობის ცენტრალური საუნივერსიტეტო კლინიკა“

1.5.2. მომსახურების გაწევა უნდა მოხდეს ქვეყანაში მოქმედი კანონმდებლობის სრული დაცვით, პრეტენდენტის შემოთავაზებული ფასი უნდა იყოს საბოლოო და მოიცავდეს მომსახურების გაწევასთან დაკავშირებულ ყველა ხარჯს. მიმწოდებელმა, უსასყიდლოდ უნდა უზრუნველყოს შემსყიდველის მიერ მოთოხვნილი შესაბამისი მოცულობის და ვიზუალური სტანდარტების მქონე საკუთარი მყარი კონტეინერებით/რეზერვუარებით/მუყაოს ყუთებით მომარაგება. განსაზღვრვული რაოდენობების შემოტანა უნდა მოხდეს არა ერთიანად არამედ, ჩანაცვლებით მიმწოდებელმა სავსე ინფექციური ნარჩენების კონტეინერების ნაცვლად კლინიკაში უნდა დატოვოს იგივე მოცულობის გარეცხილი და დეზინფიცირებული კონტეინერები ამოფენილი პოლიეთილენის პაკეტით.

1.5.3. მიმწოდებელი უზრუნველყოფს სახიფათო ნარჩენების კონტეინერების გატანა დანართი N1-ის "ნარჩენების გადანის ვადები"-ს გრაფაში მითითებული ინფორმაციის შესაბამისად, ნარჩენების გატანის წინ ყველა კატეგორიის ნარჩენი უნდა აიწონოს ცალ-ცალკე.

"მომსახურების" გაწევა უნდა განხორციელდეს საქართველოს მთავრობის 2017 წლის 16 ივნისის N294 დადგენილების, (ტექნიკური რეგლამენტი - ,,სამედიცინო ნარჩენების მართვა“), საქართველოს მთავრობის 2016 წლის 29 მარტის N145 დადგენილების (ტექნიკური რეგლამენტი - ,,სახიფათო ნარჩენების შეგროვებისა და დამუშავების სპეციალური მოთხოვნები“) და სხვა საქართველოს მოქმედი კანონმდებლობით განსაზღვრული მოთხოვნების სრული დაცვით;

2.2.1.1 პრეტენდენტს უნდა გააჩნდეს ანალოგიური ტიპის, ხასიათის, სირთულის და შინაარსის მომსახურების გაწევის გამოცდილება ბოლო სამი წლის განმავლობაში, მოცემულ ტენდერში წინადადებების მიღების დასრულების დღემდე(წელიწადში არანაკლებ 1 ხელშეკრულება) , არანაკლებ 100000 ლარის ღირებულების (ჯამურად). აღნიშნული გამოცდილების დასადასტურებლად ერთიანი ელექტრონული სისტემის საშუალებით წარმოდგენილი უნდა იქნეს: დამკვეთთან გაფორმებული ხელშეკრულებები და მიღება-ჩაბარების აქტები, შესაძლებელია წარმოდგენილი იქნას დადასტურებული ანგარიშფაქტურები.
2.2.1.2 იმ შემთხვევაში, თუ სატენდერო დოკუმენტაციის 2.2.1.1 მუხლით მოთხოვნილი დოკუმენტაცია ატვირთულია სახელმწიფო შესყიდვების ერთიან ელექტრონულ სისტემაში, პრეტენდენტს შეუძლია გამოცდილების შესახებ "დანართში N3-გამოცდილება"-ში მიუთითოს შესაბამისი CMR ან/და SPA ან/და NAT ან/და სხვა შესყიდვის საშუალების ნომრები და არ წარმოადგინოს 2.2.1.1 პუნქტით მოთხოვნილი დოკუმენტაცია.

2.3.1.1.პრეტენდენტმა უნდა წარმოადგინოს დოკუმენტაცია/ინფორმაცია ინსინერაციის შედეგად წარმოქმნილი ფერფლის განსათავსებლად საჭირო შესაბამისი ნაგავსაყრელის მის საკუთრებაში არსებობის შესახებ, ან აღნიშნული მომსახურების გაწევაზე შესაბამის ნაგავსაყრელთან გაფორმებული ხელშეკრულება (სატენდერო დოკუმენტაციის 2.8.1 პუნქტის მოთხოვნების შესაბამისად)
2.3.1.2. მიმწოდებელს საკუთრებაში უნდა ჰქონდეს საქართველოში მოქმედი რეგულაციების შესაბამისად აღჭურვილი სახიფათო ნარჩენების გადამზიდავი არანაკლებ ერთი ავტოსატრანსპორტო საშუალებას, რომელსაც უნდა ჰქონდეს ბიოლოგიური საფრთხის აღმნიშვნელი ნიშანი, აღნიშნულის დასადასტურებლად პრეტენდენტმა უნდა წარმოადგინოს ავტომობილ(ებ)ის დაშვების მოწმობა განსაზღვრულ სახიფათო ტვირთების საერთაშორისო გადაზიდვაზე და ფოტოსურათი სადაც ნათლად გამოჩნდება სახელმწიფო ნომერი და ბიოლოგიური საფრთხის აღმნიშვნელი ნიშანი.

2.3.1.3 შემსყიდველი უფლებამოსილია შერჩევა-შეფასების ეტაპზე ადგილზე მისვლით გადაამოწმოს პრეტენდენტის მიერ წარმოდგენილი ინფორმაცია მატერიალურ ტექნიკურ ბაზასთან დაკავშირებით.

2.4.1.1. ავტოსატრანსპორტო საშუალებით სახიფათო ტვირთის გადაზიდვისას საქართველოში მოქმედი კანონმდებლობის შესაბამისად პრეტენდენტმა უნდა წარმოადგინოს მძღოლის სახელზე გაცემული ვადიანი ADR მოწმობა სპეციალური მომზადების შესახებ, ასევე ინფორმაცია/დოკუმენტი რომ აღნიშნული პირი (მძღოლი) იმუშავებს/მუშაობს მასთან კომპანიაში.

2.7.1.1. პრეტენდენტმა უნდა წარმოადგინოს მის სახელზე გარემოს დაცვის სამინისტროს ან/და სხვა უფლებამოსილი ორგანოს მიერ გაცემული ლიცენზია/ნებართვა/ბრძანება აღნიშნული მომსახურების განხორციელების უფლების შესახებ.

2.8.1 პრეტენდენტი ვალდებულია ქვეკონტრაქტორის არსებობის შემთხვევაში წარმოადგინოს შესაბამისი ინფორმაცია.
2.8.2 ქვეკონტრაქტორ(ებ)ის არსებობის შემთხვევში მიმწოდებელმა უნდა წარმოადგინოს კანონმდებლობით დადგენილი წესით ქვეკონტრაქტორთან გაფორმებული დამადასტურებელი დოკუმენტი.
2.83 „შემსყიდველის“ მოთხოვნის შემთხვევაში, პრეტენდენტი ვალდებულია წარმოადგინოს ქვეკონტრაქტორის მიერ წერილობითი თანხმობა, სატენდერო დოკუმენტაციით მოთხოვნილი ვალდებულების შესრულების შესახებ.
2.8.4 ქვეკონტრაქტორ(ებ)ი არ უნდა იყვნენ რეგისტრირებული სახელმწიფო შესყიდვებში მონაწილე არაკეთილსინდისიერ პირთა რეესტრში – „შავი სია“.
2.8.5 იმ შემთხვევაში თუ პრეტენდენტს, ტენდერისათვის „წინადადებების მიღება დასრულებულია“ სტატუსის მინიჭების შემდეგ, წარმოეშობა ქვეკონტრაქტორი, ამ შესახებ წერილობით უნდა აცნობოს „შემსყიდველს“.
2.8.6 პრეტენდენტმა უნდა წარმოადგინოს ქვეკონტრაქტორის სახელზე გაცემული სატენდერო დოკუმენტაციით მოთხოვნილი შესაბამისი დოკუმენტაცია

4.1.1.1 იმ შემთხვევაში თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან აუდიტის მიერ გაცემული შესაბამისი დასკვნა/ანგარიში, რომელშიც უნდა დასტურდებოდეს ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული საქონლის მიწოდების შესაძლებლობა.
4.1.1.2 დასკვნასთან ერთად წარმოდგენილ უნდაი იქნას „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონის შესაბამისად, დასკვნაზე/ანგარიშზე ხელმომწერი პირის, ქონების ან/და ბიზნესის შემფასებლის მოქმედი სერტიფიკატ(ებ)ის ასლი, რომელიც გაცემული უნდა იყოს სსიპ საქართველოს აკრედიტაციის ეროვნული ორგანოს - აკრედიტაციის ცენტრის მიერ, აკრედიტებულ შემფასებელთა სერტიფიკაციის ორგანოს მიერ.

ანგარიშსწორება მიმწოდებელსა და შემსყიდველს შორის განხორციელდება ეტაპობრივად, თუმცა არაუმეტეს თვეში ერთხელ — უნაღდო ანგარიშსწორებით, ეროვნულ ვალუტაში, ფაქტობრივად მოწოდებული შესყიდვის ობიექტის შესაბამისად, მიმწოდებლის მიერ გამოწერილი, საქართველოს კანონმდებლობით გათვალისწინებული შესაბამისი საგადახდო დოკუმენტაციის (სასაქონლო ზედნადების და/ან საგადასახადო ანგარიშ-ფაქტურის) და ინსპექტირების დადებითი დასკვნის საფუძველზე მომზადებული მიღება-ჩაბარების აქტით

ანგარიშსწორება იწარმოებს „შემსყიდველსა“ და „მიმწოდებელს“ შორის მიღება-ჩაბარების აქტის გაფორმებიდან 10 (ათი) სამუშაო დღის ვადაში

სალომე ბერიძე, 555626767, procurementrespublikuri@gmail.com ელექტრონული ტენდერისთვის ტენდერის სტატუსის „გამოცხადებულია“ მინიჭებიდან ტენდერის სტატუსის „წინადადებების მიღება დაწყებულია“ მინიჭებამდე, სისტემაში „მიმწოდებლად“ რეგისტრირებულ ნებისმიერ მომხმარებელს უფლება აქვს, სისტემაში არსებული „კითხვა-პასუხის“ მოდულის მეშვეობით, მოითხოვოს სატენდერო პირობების კონკრეტული ჩანაწერის განმარტება. სატენდერო კომისია კითხვის დასმიდან არაუგვიანეს მომდევნო სამუშაო დღისა, „კითხვა-პასუხის“ მოდულის მეშვეობით, გააკეთებს შესაბამის განმარტებას. აღნიშნულით შესაძლებელია იხელმძღვანელოს ნებისმიერმა დაინტერესებულმა პირმა

10.1.1. სახელმწიფო შესყიდვების ერთიან ელექტრონულ სისტემაში ატვირთული დოკუმენტები ან/და ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა.
10.1.2. ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.
10.1.3. ალტერნატიული სატენდერო წინადადება არ განიხილება.
10.1.4. სატენდერო წინადადების ფასი გამოსახული უნდა იყოს ეროვნულ ვალუტაში - ლარში, შესყიდვის ობიექტის მიწოდებასთან დაკავშირებული მიმწოდებლის ყველა ხარჯის (მ.შ კანონმდებლობით გათვალისწინებული გადასახადები) გათვალისწინებით.
10.1.5. პრეტენდენტმა სატენდერო წინადადების ფასი, (კანონმდებლობით გაითვალისწინებულ შემთხვევებში) უნდა მიუთითოს დღგ-ს გათვალისწინებით.
10.1.6. ტენდერში მონაწილეობით პრეტენდენტი ეთანხმება სატენდრო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო.
10.1.7. სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის" მე-8 მუხლით დადგენილი წესის შესაბამისად.
10.1.8. თუ ელექტრონული ვაჭრობის შედეგად ერთიან ელექტრონულ სისტემაში დაფიქსირებული საბოლოო ფასიდან გამომდინარე ერთეულის ღირებულებები დაჯდება მრავალნიშნა ათწილადი, პრეტენდენტი ვალდებულია ერთეულის ღირებულება შეამციროს და დაამრგვალოს მეასედებამდე, შესაბამისად შეამციროს საერთო ღირებულებაც