Фармацевтические продукты (Грузия - Тендер #68556014)

შპს აკადემიკოს ნიკოლოზ ყიფშიძის სახელობის ცენტრალური საუნივერსიტეტო კლინიკის 2025 წლის საკუთარი შემოსავლების დაფინანსების ფარგლებში ლაბორატორიული რეაქტივის სახელმწიფო შესყიდვა

შესყიდვის ობიექტია შემდეგი სახის რეაქტივები:

1 ვონ ვილებრანდის ფაქტორის ანტიგენი (vWF Ag.) 96 ტესტიანი თავსებადი ანალიზატორთან ELIZA READER 2 შეკვრა/ყუთი
2 ვონ ვილებრანდის ფაქტორის აქტივობა (vWF act.) 96 ტესტიანი თავსებადი თავსებადი ანალიზატორთან ELIZA READER 2 შეკვრა/ყუთი
3 კოაგულაციის საკონტროლო პლაზმა 10*1მლ თავსებადი თავსებადი ანალიზატორთან ELIZA READER 2 შეკვრა/ყუთი

საქონლის მიწოდება უნდა მოხდეს ხელშეკრულების გაფორმებიდან არაუგვიანეს 2025 წლის 30 დეკემბრის ჩათვლით.

მიწოდება უნდა განხორციელდეს შემდეგ მისამართზე : ქ. თბილისი, ვაჟა-ფშაველას გამზ. N29. შპს „აკადემიკოს ნიკოლოზ ყიფშიძის სახელობის ცენტრალური საუნივერსიტეტო კლინიკა“

1.7.1.1. შესყიდვის ობიექტი ნებადართული უნდა იყოს საქართველოში მოქმედი კანონმდებლობით
1.7.1.2. შესყიდვის ობიექტის ხარისხი უნდა შეესაბამებოდეს შემსყიდველის მოთხოვნებს, ხარისხობრივ მონაცემებს და პასუხობდეს ამ ტიპის საქონელზე არსებულ სტანდარტებს. მოწოდებული საქონელი უნდა იყოს ახალი, უფლებრივად და ნივთობრივად უნაკლო, შესაფერისი იმ მიზნებისათვის, რომლისთვისაც ის არის გათვალისწინებული.
1.7.1.3. მიმწოდებელმა უნდა უზრუნველყოს შესყიდვის ობიექტის დანიშნულების ადგილზე მიწოდება დაზიანებისა და გაფუჭების გარეშე. შეფუთული საქონელი უნდა იყოს მდგრადი დეფორმაციის, ტრანსპორტირებისა და კლიმატური პირობების ცვალებადობებისადმი, მოწოდებული რეაქტივები უნდა იყოს ქიმიურად აქტიური.
1.7.1.4. მომწოდებელმა უნდა უზრუნველყოს რეაქტივების შესაბამისი სატრანსპორტო პირობებით მოწოდებას
1.7.1.5. შესყიდვის ობიექტზე უნდა ვრცელდებოდეს ვარგისიანობის ვადა, მოწოდების მომენტისათვის არანაკლებ 5 თვე.
1.7.1.6. შესყიდვის ობიექტი შეფუთული უნდა იყოს ქარხნული წესით ისე, რომ დაცული იყოს გარემო ზემოქმედებისაგან და ქარხნულად ეტიკიტირებული ისე, რომ შესაძლებელი იყოს დანართი 1-ის და ტექნიკური პარამეტრების შესაბამისად საქონლის იდენტიფიცირება, გარდა იმ პროდუქციისა, რომლის შეფუთვაც შეუძლებელია ქარხნული წესით, ასეთ შეთხვევაში საქონელზე ქარხნულად დატანილი უნდა იყოს შესაბამისი დამღა ან ეტიკეტი, რომ შესაძლებელი იყოს დანართი 1-ის და ტექნიკური პარამეტრების შესაბამისად საქონლის იდენტიფიცირება.
1.7.1.7. ინსპექტირება ხორციელდება ხელშეკრულების შესრულების ნებისმიერ ეტაპზე, საქონლის მიღებისას, აგრეთვე მიღების შემდეგ, მათ შორის, ხელშეკრულების მოქმედების ვადის გასვლის შემდეგ, ხელშეკრულებიდან გამომდინარე ვალდებულებების არსებობის პერიოდში.
1.7.1.8. იმ შემთხვევაში თუ საქონლის მიღებისას ინსპექტირების პროცესში მიწოდებულ საქონელზე გამოვლენილი იქნება წუნი (ხარვეზი), მიმწოდებელი ვალდებულია შემსყიდველის შეტყობინების მიღებიდან 1 (ერთი) სამუშაო დღეში საკუთარი ხარჯებით (ტრანსპორტირების ჩათვლით) უზრუნველყოს აღნიშნული წუნის (ხარვეზი) აღმოფხვრა ან საქონლის გამოცვლა ახლით.

პრეტენდენტმა ფასების ცხრილი, დანართი N1-ის სახით უნდა წარმოადგინოს შემდეგი ინფორმაცია:
შესყიდვის ობიექტის დასახელება, მწარმოებელი ქვეყანა, მწარმოებელი და მაიდენტიფიცირებელი ნიშანი.

1. მაიდენტიფიცირებელი ნიშანი- მოდელი ან /და ლინკი ან/და კატალოგის ნომერი აღნიშნული ინფორმაციის არ არსებობის შემთხვევაში შესაბამის გრაფაში უნდა მიუთითოთს "არ გააჩნია"

2. მწარმოებელი - მწარმოებელი კომპანია/ფირმა/ბრენდი/მეწარმე სუბიექტი;

შენიშვნა: შემსყიდველს წარმოდგენილი სატენდერო წინადადებით უნდა შეეძლოს შემოთავაზებული შესყიდვის ობიექტის იდენტიფიცირება ამიტომ იმ შემთხვევაში თუ "მაიდენტიფიცირებლი ნიშანი"-ს გრაფაში მითითებული ინფორმაციით ვერ ხერხდება შესყიდვის ობიექტის იდენტიფიცირება (მაგ. არ იძებნება ინტერნეტ სივრცეში) პრეტენდენტმა შემოთავაზებულ საქონელზე უნდა წარმოადგინოს მწარმოებლის მიერ დადასტურებული ბროშურა/კატალოგი ან/და მწარმოებლის წერილი (ტენდერის უნიკალური ნომრის მითითებით) რომლითაც დადასტურდება შემოთავაზებული საქონლის მახასიათებლების სატენდერო დოკუმენტაციით დადგენილ მახასიათებლებთან შესაბამისობა.


მწარმოებელი ქვეყნის, მწარმოებელისა და მაიდენტიფიცირებელი ნიშნის შესახებ ინფორმაციის წარმოუდგენლობა გამოიწვევს პრეტენდენტის დისკვალიფიკაციას ყოველგვარი დაზუსტების გარეშე

შესყიდვის ობიექტს უნდა გააჩნდეს ქვემოთ ჩამოთვლილიდან არანაკლებ ერთ-ერთი ვალიდური დოკუმენტი სამედიცინო დანიშნულების საქონელთან დაკავშირებით,

• CE (ან EC) მარკირების დამადასტურებელი დოკუმენტი ან CE (ან EC) მარკირების დამადასტურებელი შესაბამისობის დოკუმენტი;
• ან/და ხარისხის დამადასტურებელი FDA (ამერიკული) სერტიფიკატი;
• ან/და ხარისხის დამადასტურებელი MDR ან EU სერტიფიკატი;
• ან/და ხარისხის დამადასტურებელი ISO სერტიფიკატი;

წარმოდგენილ დოკუმენტს თან უნდა ერთვოდეს შესაბამისი ნოტარიულად დამოწმებული ქართული თარგმანი.

4.1.1.1 იმ შემთხვევაში თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან აუდიტის მიერ გაცემული შესაბამისი დასკვნა/ანგარიში, რომელშიც უნდა დასტურდებოდეს ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული საქონლის მიწოდების შესაძლებლობა.
4.1.1.2 დასკვნასთან ერთად წარმოდგენილ უნდაი იქნას „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონის შესაბამისად, დასკვნაზე/ანგარიშზე ხელმომწერი პირის, ქონების ან/და ბიზნესის შემფასებლის მოქმედი სერტიფიკატ(ებ)ის ასლი, რომელიც გაცემული უნდა იყოს სსიპ საქართველოს აკრედიტაციის ეროვნული ორგანოს - აკრედიტაციის ცენტრის მიერ, აკრედიტებულ შემფასებელთა სერტიფიკაციის ორგანოს მიერ.

ანგარიშსწორება მიმწოდებელსა და შემსყიდველს შორის განხორციელდება ერთ ეტაპად— უნაღდო ანგარიშსწორებით, ეროვნულ ვალუტაში, ფაქტობრივად მოწოდებული შესყიდვის ობიექტის შესაბამისად, მიმწოდებლის მიერ გამოწერილი, საქართველოს კანონმდებლობით გათვალისწინებული შესაბამისი საგადახდო დოკუმენტაციის (სასაქონლო ზედნადების და/ან საგადასახადო ანგარიშ-ფაქტურის) და ინსპექტირების დადებითი დასკვნის საფუძველზე მომზადებული მიღება-ჩაბარების აქტით

ანგარიშსწორება იწარმოებს უნაღდო ანგარიშსწორებით, ფაქტობრივად მოწოდებული საქონლის შესაბამისად, შემსყიდველსა და მიმწოდებელს შორის 7.2.1 პუნქტით გათვალისწინებული დოკუმენტების სრულყოფილად წარმოდგენიდან 10 (ათი) სამუშაო დღის განმავლობაში.

სალომე ბერიძე, 555626767, procurementrespublikuri@gmail.com ელექტრონული ტენდერისთვის ტენდერის სტატუსის „გამოცხადებულია“ მინიჭებიდან ტენდერის სტატუსის „წინადადებების მიღება დაწყებულია“ მინიჭებამდე, სისტემაში „მიმწოდებლად“ რეგისტრირებულ ნებისმიერ მომხმარებელს უფლება აქვს, სისტემაში არსებული „კითხვა-პასუხის“ მოდულის მეშვეობით, მოითხოვოს სატენდერო პირობების კონკრეტული ჩანაწერის განმარტება. სატენდერო კომისია კითხვის დასმიდან არაუგვიანეს მომდევნო სამუშაო დღისა, „კითხვა-პასუხის“ მოდულის მეშვეობით, გააკეთებს შესაბამის განმარტებას. აღნიშნულით შესაძლებელია იხელმძღვანელოს ნებისმიერმა დაინტერესებულმა პირმა

10.1.1. პრეტენდენტის მიერ ერთიან ელექტრონულ სისტემაში ატვირთული დოკუმენტაცია გარდა 1.3.პუნქტით გათვალისწინებული Excel-ის ფორმატით წარმოსადგენი ფასების ცხრილი, დანართი N1-სა „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე საჭიროებს კვალიფიციურ ელექტრონულ ხელმოწერას ან/და კვალიფიციურ ელექტრონულ შტამპის დასმას. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის სახელზე გაცემული ნოტარიულად დამოწმებული მინდობილობის დამადასტურებელი დოკუმენტი.
10.1.2. ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.
10.1.3. ალტერნატიული სატენდერო წინადადება არ განიხილება.
10.1.4. სატენდერო წინადადების ფასი გამოსახული უნდა იყოს ეროვნულ ვალუტაში - ლარში, შესყიდვის ობიექტის მიწოდებასთან დაკავშირებული მიმწოდებლის ყველა ხარჯის (მ.შ კანონმდებლობით გათვალისწინებული გადასახადები) გათვალისწინებით.
10.1.5. სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტთან დაკავშირებული ყველა ხარჯისა და გადასახადის გათვალისწინებით.ხარჯები, რომელიც სატენდერო წინადადებაში არ არის გათვალისწინებული არ ანაზღაურდება.
10.1.6. ტენდერში მონაწილეობით პრეტენდენტი ეთანხმება სატენდრო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო.
10.1.7. სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის" მე-8 მუხლით დადგენილი წესის შესაბამისად.
10.1.8. თუ ელექტრონული ვაჭრობის შედეგად ერთიან ელექტრონულ სისტემაში დაფიქსირებული საბოლოო ფასიდან გამომდინარე ერთეულის ღირებულებები დაჯდება მრავალნიშნა ათწილადი, პრეტენდენტი ვალდებულია ერთეულის ღირებულება შეამციროს და დაამრგვალოს მეასედებამდე, შესაბამისად შეამციროს საერთო ღირებულებაც