Услуги в области экологии (Грузия - Тендер #68555981)

სსიპ გიორგი ელიავას სახელობის ბაქტერიოფაგიის, ვირუსოლოგიისა და მიკრობიოლოგიის ინსტიტუტში არსებული ინსინერატორის (მოდელი C-32P (Consutech Systems LLC)) გარემოზე ზემოქმედების შეფასების ანგარიშის (გზშ) შედგენა და შესაბამისი ნებართვის მოპოვება გარემოს ეროვნულ სააგენტოში.

აღნიშნული ინსინერატორი ელიავას სახელობის ინსტიტუტში ფუნქციონირებს 2007 წლიდან. ამ დანადგარისთვის 2005 წელს შედგენილ იქნა თუმცა, ინსინერატორის ფუნქციონირების პერიოდში განხორციელებული ცვლილებების დაფიქსირებისა და ხარვეზების აღმოფხვრის მიზნით საჭიროა ახალი გზშ-ს შექმნა.

ინსინერატორის მომავალი ფუნქციონირებისათვის (შესაბამისად, გზშ-ში), გათვალისწინებული უნდა იქნას ერთჯერადი ფინჯნების, პიპეტების, შპრიცების, ლაბორატორიული მასალის, ქიმიური დამუშავების ან ავტოკლავირების შემდეგ დარჩენილი საკვების არეების უტილიზაცია.

1.მომსახურება იყოფა ორ ეტაპად, რომელთაგან თითოეული ითვალისწინებს:

1-ლი ეტაპი:
- არსებული ინსინერატორისთვის (C-32P მოდელის (Consutech Systems LLC)) სკოპინგის (პროცედურა, რომელიც განსაზღვრავს გზშ-ისთვის/სტრატეგიული გარემოსდაცვითი შეფასებისთვის მოსაპოვებელი და შესასწავლი ინფორმაციის ჩამონათვალს და ამ ინფორმაციის გზშ-ის ანგარიშში/სტრატეგიული გარემოსდაცვითი შეფასების ანგარიშში ასახვის საშუალებებს) ანგარიშის მომზადება (საჭიროების შემთხვევაში) და საქართველოს გარემოს დაცვისა და სოფლის მეურნეობის სამინისტროსათვის წარდგენა გარემოსდაცვითი შეფასების კოდექსის მე‐8 მუხლის შესაბამისად, სკოპინგის საჯარო განხილვისათვის საპრეზენტაციო მასალის მომზადება და საჯარო განხილვაში მონაწილეობა, საჭიროების შემთხვევაში სამინისტროსათვის დამატებითი (ან დაზუსტებული) ინფორმაციის მიწოდება იგივე ობიექტისთვის.

მე-2 ეტაპი:
გარემოზე ზემოქმედების შეფასების ანგარიშის მომზადება გარემოსდაცვითი შეფასების კოდექსის მე‐10 მუხლის შესაბამისად, გზშ‐ს საჯარო განხილვისათვის საპრეზენტაციო მასალის მომზადება და საჯარო განხილვაში მონაწილეობა, საჭიროების შემთხვევაში საქართველოს გარემოს დაცვისა და სოფლის მეურნეობის სამინისტროსათვის დამატებითი (ან დაზუსტებული) ინფორმაციის მიწოდება.

2.სკოპინგის ანგარიში უნდა მოიცავდეს:
ა) დაგეგმილი საქმიანობის მოკლე აღწერას, კერძოდ, ზოგად ინფორმაციას:
ა.ა) დაგეგმილი საქმიანობის განხორციელების ადგილის შესახებ, GIS (გეოინფორმაციული სისტემები) კოორდინატების მითითებით (shp‐ფაილთან ერთად);
ა.ბ) დაგეგმილი საქმიანობის ფიზიკური მახასიათებლების (სიმძლავრე, მასშტაბი, საწარმოო პროცესი, შესაძლო საწარმოებელი პროდუქციის ოდენობა და სხვა) შესახებ;
ა.გ) დაგეგმილი საქმიანობისა და მისი განხორციელების ადგილის ალტერნატივების შესახებ;
ბ) ზოგად ინფორმაციას გარემოზე შესაძლო ზემოქმედების და მისი სახეების შესახებ, რომლებიც შესწავლილი იქნება გზშ‐ის პროცესში, მათ შორის:
ბ.ა) ინფორმაციას დაცულ ტერიტორიებზე ზემოქმედების შესახებ (ასეთის არსებობის შემთხვევაში);
ბ.ბ) ინფორმაციას შესაძლო ტრანსსასაზღვრო ზემოქმედების შესახებ (ასეთის არსებობის შემთხვევაში);
ბ.გ) ინფორმაციას დაგეგმილი საქმიანობის განხორციელებით ადამიანის ჯანმრთელობაზ, სოციალურ გარემოზე, კულტურული მემკვიდრეობის ძეგლსა და სხვა ობიექტზე შესაძლო ზემოქმედების შესახებ;
გ) ინფორმაციას ჩასატარებელი საბაზისო/საძიებო კვლევებისა და გზშის ანგარიშის მომზადებისთვის საჭირო მეთოდების შესახებ;
დ) საქართველოს კანონმდებლობით დადგენილი მოთხოვნების შესაბამისად შედგენილ საბადოს დამუშავების გეგმას (მათ შორის, რეკულტივაციის პროექტს), საჭიროების შემთხვევაში;
ე) ზოგად ინფორმაციას იმ ღონისძიებების შესახებ, რომლებიც გათვალისწინებული იქნება გარემოზე მნიშვნელოვანი უარყოფითი ზემოქმედების თავიდან აცილებისათვის, შემცირებისათვის
ან/და შერბილებისათვის.

3.გზშ-ს ანგარიში ინსინერატორისთვის უნდა მოიცავდეს:

ა) დაგეგმილი საქმიანობის აღწერას, კერძოდ:
ა.ა) საქმიანობის განხორციელების ადგილის აღწერას, GIS (გეოინფორმაციული სისტემები) კოორდინატების მითითებით (shp‐ფაილთან ერთად), აგრეთვე დაგეგმილი საქმიანობისთვის გარემოს არსებული მდგომარეობის აღწერას;
ა.ბ) ინფორმაციას მიწის კატეგორიისა და მიწათსარგებლობის ფორმის შესახებ, როგორც მშენებლობის, ისე ექსპლუატაციის ეტაპზე;
ა.გ) ინფორმაციას დაგეგმილი საქმიანობის ფიზიკური მახასიათებლების (სიმძლავრე, მასშტაბი დასაწარმოო პროცესი, მათ შორის, შესაძლო საწარმოებელი პროდუქციის ოდენობა, მოთხოვნილი ენერგია, წარმოებისას გამოსაყენებელი მასალა და ბუნებრივი რესურსები და სხვა) შესახებ;
ა.დ) ინფორმაციას სადემონტაჟო სამუშაოებისა და მეთოდების შესახებ (საჭიროების შემთხვევაში);
ა.ე) ინფორმაციას მშენებლობისა და ექსპლუატაციის ეტაპებზე შესაძლო უარყოფითი შედეგების და ემისიების (როგორებიცაა წყლის, ჰაერის, მიწის და წიაღისეულის დაბინძურება, ხმაური, ვიბრაცია, ელექტრომაგნიტური გამოსხივება, სითბური გამოსხივება, რადიაცია) შესახებ;
ა.ვ) ინფორმაციას იმ ნარჩენების სახეების, მახასიათებლებისა და რაოდენობის შესახებ, რომლებიც შესაძლოა წარმოიქმნას მშენებლობისა და ექსპლუატაციის ეტაპებზე, აგრეთვე, საჭიროების შემთხვევაში, ნარჩენების მართვის სფეროში მოქმედი ნორმატიული აქტებით განსაზღვრულ დამატებით ინფორმაციას;
ბ) ინფორმაციას გარემოს დაცვის მიზნით შემოთავაზებული დაგეგმილი საქმიანობისა და მისი განხორციელების ადგილის ყველა გონივრული ალტერნატივის შესახებ, შესაბამისი დასაბუთებით,მათ შორის, უმოქმედობის (ნულოვანი) ალტერნატივის შესახებ, რომელიც გულისხმობს საქმიანობის განუხორციელებლობის შემთხვევაში გარემოს არსებული მდგომარეობის ბუნებრივადგანვითარების აღწერას, რომლის შეფასებაც შესაძლებელია არსებული ინფორმაციის გამოყენებით და მეცნიერულ ცოდნაზე დაყრდნობით;
გ) ინფორმაციას დაგეგმილი საქმიანობის განხორციელებისას გარემოზე შესაძლო მნიშვნელოვანი ზემოქმედების შესახებ, მათ შორის, მოსახლეობაზე, ადამიანის ჯანმრთელობაზე, ბიომრავალფეროვნებაზე (მათ შორის, მცენარეთა და ცხოველთა სახეობები, ჰაბიტატები, ეკოსისტემები), წყალზე (მათ შორის, ჰიდრომორფოლოგიური ცვლილებები, რაოდენობა, ხარისხი), ჰაერზე, ნიადაგზე (მათ შორის, ნიადაგის მოხსნა), მიწაზე (მათ შორის, ორგანული ნივთიერებები, ეროზია, დატკეპნა, დეგრადაცია), კლიმატზე (მათ შორის, სათბურის გაზების ემისია), ლანდშაფტზე,კულტურულ მემკვიდრეობაზე (მათ შორის, არქიტექტურული და არქეოლოგიური ასპექტები) და მატერიალურ ფასეულობებზე ზემოქმედების შესახებ;
დ) ინფორმაციას ამ ნაწილის „გ" ქვეპუნქტით გათვალისწინებულ კომპონენტებსა და მათ ურთიერთქმედებაზე დაგეგმილი საქმიანობის განხორციელებით შესაძლო პირდაპირი და არაპირდაპირი, კუმულაციური, ტრანსსასაზღვრო, მოკლევადიანი და გრძელვადიანი, პოზიტიური და ნეგატიური ზემოქმედების შესახებ, რომელიც გამოწვეულია:
დ.ა) დაგეგმილი საქმიანობისთვის საჭირო სამშენებლო სამუშაოებით, მათ შორის, საჭიროების შემთხვევაში, სადემონტაჟო სამუშაოებით;
დ.ბ) ბუნებრივი რესურსების (განსაკუთრებით – წყლის, ნიადაგის, მიწის, ბიომრავალფეროვნების) გამოყენებით, ამ რესურსების ხელმისაწვდომობის გათვალისწინებით;
დ.გ) გარემოს დამაბინძურებელი ფაქტორების ემისიით, ხმაურით, ვიბრაციით, რადიაციით, ნარჩენების განთავსებითა და აღდგენით;
დ.დ) გარემოზე, ადამიანის ჯანმრთელობაზე ან კულტურულ მემკვიდრეობაზე ზემოქმედების რისკებით (მაგალითად, ავარიის ან კატასტროფის შემთხვევაში);
დ.ე) სხვა, არსებულ საქმიანობასთან ან დაგეგმილ საქმიანობასთან კუმულაციური ზემოქმედებით;
დ.ვ) საქმიანობის კლიმატზე ზემოქმედებით და კლიმატის ცვლილებით განპირობებული საქმიანობის მოწყვლადობით;
დ.ზ) გამოყენებული ტექნოლოგიით, მასალით ან/და ნივთიერებით;
ე) ინფორმაციას დაგეგმილი საქმიანობის განხორციელების შედეგად შესაძლო ინციდენტების განსაზღვრისა და მათი შედეგების შეფასების შესახებ, მათ შორის, ავარიულ სიტუაციებზე რეაგირების სამოქმედო გეგმას;
ვ) სამოქმედო გეგმას დაგეგმილი საქმიანობის განხორციელებით გამოწვეული გარემოსა და ადამიანის ჯანმრთელობაზე უარყოფითი ზემოქმედების შედეგების, მათი თავიდან აცილების, შემცირების, შერბილებისა და კომპენსაციის ღონისძიებათა შესახებ. ინფორმაცია უნდა მოიცავდეს როგორც საქმიანობის განხორციელების, ისე შემდგომი ექსპლუატაციის ეტაპებს;
ზ) გარემოზე შეუქცევი ზემოქმედების შეფასებას და მისი აუცილებლობის დასაბუთებას, რაც გულისხმობს გარემოზე შეუქცევი ზემოქმედებით გამოწვეული დანაკარგისა და მიღებული სარგებლის ურთიერთშეწონას გარემოსდაცვით, კულტურულ, ეკონომიკურ და სოციალურ ჭრილში;
თ) ინფორმაციას დაგეგმილი საქმიანობის შეწყვეტის შემთხვევაში ამ საქმიანობის დაწყებამდე არსებული გარემოს მდგომარეობის აღდგენის საშუალებების შესახებ;
ი) დაგეგმილი საქმიანობის განხორციელებით გამოწვეული გარემოზე მნიშვნელოვანი ზემოქმედების აღწერას, რომელიც განპირობებულია ავარიისა და კატასტროფის რისკის მიმართ საქმიანობის მოწყვლადობით;
კ) სკოპინგის ეტაპზე საზოგადოების ინფორმირებისა და მის მიერ წარმოდგენილი მოსაზრებებისა და შენიშვნების შეფასებას;
ლ) ინფორმაციას კვლევების მეთოდოლოგიის და გარემოს შესახებ ინფორმაციის წყაროების თაობაზე;
მ) ამ ნაწილის „ა"–„ლ" ქვეპუნქტებით გათვალისწინებული ინფორმაციის მოკლე არატექნიკურ რეზიუმეს, საზოგადოების ინფორმირებისა და მონაწილეობის უზრუნველსაყოფად.

4.პროექტის მოსამზადებლად საჭირო მასალები „მიმწოდებელს" გადაეცემა ხელშეკრულების გაფორმებიდან არაუგვიანეს მომდევნო დღისა, რაზეც დგება მიღება-ჩაბარების აქტი.

არაუგვიანეს 2026 წლის 30 ივნისისა.

1 მიმწოდებელმა ანგარიშები უნდა წარმოადგინოს ქართულ ენაზე, როგორც მატერიალური ისე ელექტრონული ფორმით.
2 მომსახურების მიწოდება უნდა განხორციელდეს შემსყიდველის იურიდიულ მისამართზე: ქ. თბილისი, ლ. გოთუას ქ. N3.

პრეტენდენტს უნდა გააჩნდეს ანალოგიური პროექტების - გარემოზე ზემოქმედების შეფასების დოკუმენტაციის მომზადების არანაკლებ 3 წლიანი გამოცდილება. პრეტენდენტს 2022-2024 წლების პერიოდში უნდა ჰქონდეს დასრულებული ანალოგიური პროექტები

1. მიღება-ჩაბარება განხორციელდება მომსახურების მიწოდებისთანავე და გაფორმდება ორივე მხარის ამისათვის უფლებამოსილი წარმომადგენლების მიერ მიღება-ჩაბარების აქტზე ხელმოწერით;
2. მიღება-ჩაბარების აქტის გაფორმების საფუძველია სატენდერო პირობების 1.5.1 პუნქტით გათვალისწინებული დოკუმენტების წარმოდგენა.
3. მიმწოდებელი ვალდებულია, საქართველოს გარემოს დაცვისა და სოფლის მეურნეობის სამინისტროს მიაწოდოს დამატებითი (ან დაზუსტებული) ინფორმაცია (საჭიროების შემთხვევაში) გარემოზე ზემოქმედების ნებართვის მიღებამდე.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან აუდიტის მიერ გაცემული შესაბამისი დასკვნა/ანგარიში, რომელშიც უნდა დასტურდებოდეს ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული საქონლის მიწოდების შესაძლებლობა.
დასკვნასთან ერთად წარმოდგენილ უნდაი იქნას „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონის შესაბამისად, დასკვნაზე/ანგარიშზე ხელმომწერი პირის, ქონების შემფასებლის მოქმედი სერტიფიკატ(ებ)ის ასლი, რომელიც გაცემული უნდა იყოს სსიპ საქართველოს აკრედიტაციის ეროვნული ორგანოს - აკრედიტაციის ცენტრის მიერ, აკრედიტებულ შემფასებელთა სერტიფიკაციის ორგანოს მიერ.

1. შესყიდვის ობიექტის სრული ღირებულების (100%) გადახდა «შემსყიდველის» მიერ მოხდება წინასწარი ანგარიშსწორებით შესაბამისი საბანკო გარანტიის მოწოდებიდან 10 დღის განმავლობაში «მიმწოდებლის» მიერ წარმოდგენილი ინვოისის და შესყიდვის სრული ოდენობის (100%) შესაბამისი საბანკო გარანტიის საფუძველზე.
2. საბანკო გარანტია წარმოდგენილი უნდა იყოს ხელშეკრულების გაფორმებიდან არა უგვიანეს 7 კალენდარული დღისა. საბანკო გრანტიის ხანგრძლივობა უნდა აღემატებოდეს არანაკლებ 30 დღით მომსახურების გაწევის ვადას.

შესყიდვის ობიექტის სრული ღირებულების (100%) გადახდა «შემსყიდველის» მიერ მოხდება წინასწარი ანგარიშსწორებით შესაბამისი საბანკო გარანტიის მოწოდებიდან 10 დღის განმავლობაში «მიმწოდებლის» მიერ წარმოდგენილი ინვოისის და შესყიდვის სრული ოდენობის (100%) შესაბამისი საბანკო გარანტიის საფუძველზე

შესყიდვის ობიექტის სრული ღირებულების (100%) გადახდა «შემსყიდველის» მიერ მოხდება წინასწარი ანგარიშსწორებით შესაბამისი საბანკო გარანტიის მოწოდებიდან 10 დღის განმავლობაში «მიმწოდებლის» მიერ წარმოდგენილი ინვოისის და შესყიდვის სრული ოდენობის (100%) შესაბამისი საბანკო გარანტიის საფუძველზე.

აკაკი ქოპილაშვილი, 595222525, a.kopilashvili@pha.ge

1.პრეტენდენტის მიერ ერთიან ელექტრონულ სისტემაში ატვირთული დოკუმენტაცია ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე საჭიროებს კვალიფიციურ ელექტრონულ ხელმოწერას ან/და კვალიფიციურ ელექტრონულ შტამპის დასმას.
2. ტენდერთან დაკავშირებული დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
3. პრეტენდენტმა ერთიანი ელექტრონული სისტემის საშუალებით უნდა წარმოადგინოს: ,,ფასების ცხრილი დანართი #1-ის შესაბამისად.
4. წინადადების წარდგენის დროს „ფასების ცხრილი - დანართი N1“ ერთიან ელექტრონულ სისტემაში უნდა ატვირთოს Excel-ის ფორმატის ცხრილის სახით. ამავდროულად, „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების თანახმად, პრეტენდენტის მიერ Excel-ის ცხრილის სახით წარსადგენი დოკუმენტი არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს).