Фураж (Грузия - Тендер #68530006)

ცხოველის საკვების (კომბინირებული საკვები) შესყიდვა

ცხოველის კომბინირებული საკვების შესყიდვა, ტექნიკური დავალების და ფასების ცხრილის შესაბამისად;
1. მცოხნელების კომბინირებული საკვები (წყვილ ჩლიქოსნები) - წყვილ ჩლიქოსნების კომბინირებული საკვები უნდა შეიცავდეს: კკალ 2400-2500; პროტეინს 14-15; კალციუმი 0.6-1.0; ათვისებადი ფოსფორი 0.3-0.5; დაბალანსირებული მიკროელემენტებით და ვიტამინებით; საკვები მოწოდებული უნდა იქნას თერმულად დამუშავებული გრანულების სახით, ზომა: სიგრძე 1სმ-2სმ; დიამეტრი 0.4სმ-0.6სმ – 134000 კგ;
2. კენტ-ჩლიქოსანი ცხოველების კომბინირებული საკვები - კენტ-ჩლიქოსნების კომბინირებული საკვები უნდა შეიცავდეს: კკალ 2200-2300; პროტეინს 14-15; კალციუმი 0.5-0.9; ათვისებადი ფოსფორი 0.2-0.4; დაბალანსირებული მიკროელემენტებით და ვიტამინებით; საკვები მოწოდებული უნდა იქნას თერმულად თერმულად დამუშავებული გრანულების სახით, ზომა: სიგრძე 1სმ-2სმ; დიამეტრი 0.4სმ-0.6სმ – 17000 კგ;
3. ფრინველების კომბინირებული საკვები - ფრინველების კომბინირებული საკვები უნდა შეიცავდეს: კკალ 270-280; პროტეინს 15-15.5; კალციუმი 0.5-0.95; ათვისებადი ფოსფორი 0.3-0.5; დაბალანსირებული მიკროელემენტებით, ვიტამინებით და ამინომჟავებით; საკვები მოწოდებული უნდა იქნას თერმულად დამუშავებული გრანულების სახით, ზომა: სიგრძე 1სმ-2სმ; დიამეტრი 0.4სმ-0.6სმ - 10000 კგ;
• მოწოდებული კომბინირებული საკვები უნდა იყოს თერმულად დამუშავებული გრანულები.
• მოწოდებულ პროდუქციას თითოეულ ჯერზე თან უნდა მოსდევდეს ლაბორატორიული ცნობა, რომელიც დაადასტურების შესაბამისობას მოთხოვნილ პარამეტრებთან.
• შემსყიდველი უფლებას იტოვებს ნებისმიერ დროს გადაამოწმოს მიღებული პროდუქტი ლაბორატორიულად.
• შემსყიდველს არ ეკისრება საქონლის სრულად შესყიდვის ვალდებულება.

შესყიდვის ობიექტის მიწოდება უნდა განხორციელდეს ეტაპობრივად, 2026 წლის 1 იანვრიდან 2026 წლის 25 დეკემბრის ჩათვლით, შემსყიდველის მიერ მიწოდებული გეგმა-გრაფიკის შესაბამისად

მიწოდების ადგილი: ქ. თბილისი, კოსტავას 64 (ზოოპარკი) და ხეხილსანერგე მეურნებობა, (თბილისის ზღვაზე ახალი ზოოპარკი, საკად. კოდი #81.21.04.250).
მიწოდებული საქონელი მიმწოდებლის მიერ საკუთარი სახსრებით უნდა იქნას დასაწყობებული შემსყიდველის მიერ ზოოპარკის ტერიტორიაზე გამოყოფილ ადგილას

2.1.1.1 პრეტენდენტი ვალდებულია ფასების ცხრილში მიუთითოს შესყიდვის ობიექტის წარმოშობის ქვეყანა და მწარმოებელი.
2.1.1.2 პრეტენდენტის მიერ 2.1.1.1 პუნქტით გათვალისწინებული ინფორმაციის წარმოუდგენლობა დაზუსტებას არ დაექვემდებარება და გამოიწვევს მის დისკვალიფიკაციას.

4.1.1.1 იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული საქონლის მიწოდების შესაძლებლობა.
4.1.1.2 დასკვნის წარმოუდგენლობა ან/და უარყოფითი დასვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მულის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

5 Процентов

10 Процентов

ხელშეკრულების უზრუნველყოფის საბანკო გარანტიის მოქმედების ვადა 90 კალენდარული დღით უნდა აღემატებოდეს ხელშეკრულებით გათვალისწინებული საქონლის მიწოდების ვადას.

6.4.1ტენდერში გამოყენებულ იქნება ხელშეკრულების უზრუნველყოფის საბანკო გარანტია, ხელშეკრულების საერთო ღირებულების 5%–ის ოდენობით.
6.4.2 უპირობო, გამოუთხოვადი ხელშეკრულების შესრულების გარანტია წარმოდგენილი უნდა იქნას საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის“ მიერ ლიცენზირებული სადაზღვევო კომპანიიდან, ეროვნულ ვალუტაში - ლარში.

ანგარიშსწორება მიმწოდებელთან განხორციელდება მიღება-ჩაბარების აქტის გაფორმების და შესაბამისი საგადასახადო დოკუმენტაციის წარმოდგენის შემდეგ

7.2 პუნქტით მოთხოვნილი დოკუმენტების წარმოდგენიდან არაუგვიანეს 10 სამუშაო დღეში

ზვიად თაბუაშვილი, 595110070, z.tabuashvili@yahoo.com კვების სპეციალისტი ლალი ედილაშვილი - ტელ: 595901988

10.1.1 სახელმწიფო შესყიდვების ერთიან ელექტრონულ სისტემაში (შემდგომში – სისტემა) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების შესაბამისად.
10.1.2 ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ორიგინალის სახით (ასლის შემთხვევაში ნოტარიულად დამოწმებული ასლი) ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.3 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.4 სახელმწიფო შესყიდვების ერთიან ელექტრონულ სისტემაში ატვირთული დოკუმენტი და ინფორმაცია წარმოდგენილი უნდა იქნას მოქმედი კანონმდებლობის შესაბამისად.
10.1.5 იმ შემთხვევაში თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია, ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით და პრეტენდენტი ვალდებულია წარმოადგინოს ტექნიკური დოკუმენტაციით განსაზღვრული შესყიდვის ობიექტის მსგავსი ან ექვივალენტური მახასიათებლების მქონე საქონელი/მომსახურება.
10.1.6 სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.7 პრეტენდენტს არა აქვს უფლება წარმოადგინოს ალტერნატიული სატენდერო წინადადება.
10.1.8 სახელმწიფო შესყიდვების სააგენტოს 2016 წლის 26 ივნისს რეკომენდაციის თანახმად, ხელშეკრულების პირობების არაჯეროვანი შესრულებისათვის (მათ შორის, ვალდებულების შესრულების ვადაგადაცილების დროს) შემსყიდველმა ორგანიზაციებმა შესაძლებელია განსაზღვრონ პირგასამტეხლო ყოველ ვადაგადაცილებულ დღეზე შესასრულებელი ვალდებულების შესაბამისი ღირებულების არაუმეტეს 0,02%-ის ოდენობით. ტენდერის სპეციფიკიდან გამომდინარე, შესყიდვის ობიექტია ცხოველის საკვები, რომლის შესყიდვაც ხორციელდება ზოოპარკის ბინადარი ცხოველების საკვებად. ზოგ შემთხვევაში გეგმა-გრაფიკით მოსაწოდებელი პროდუქტის ერთი დღის პირგასამტეხლო 0,02% არის ძალიან მიზერული და დაგვიანებით მოწოდება ზოოპარკისათვის არის დამღუპველი, რადგანაც პროდუქციის დაგვიანებით მოწოდება იწვევს ზოოპარკში არსებული გადაშენების პირას მყოფი და წითელ წიგნში შეტანილი უნიკალური სახეობების შიმშილს და დაღუპვას. აღნიშნულიდან გამომდინარე ხელშეკრულების პირობების არაჯეროვანი შესრულებისათვის (მათ შორის, ვალდებულების შესრულების ვადაგადაცილების დროს) შემსყიდველმა ორგანიზაციამ მიიღო გადაწყვეტილება პირგასამტეხლო განისაზღვროს შემდეგნაირად: ხელშეკრულების ნაკისრი ვალდებულებების შეუსრულებლობის ან შესრულების ვადის გადაცილებისათვის მიმწოდებელს დაეკისრება პირგასამტეხლოს გადახდა, - ყოველ ვადაგადაცილებულ დღეზე გეგმა-გრაფიკით შემოსატანი პროდუქტის ღირებულების 10%-ის ოდენობით, ხოლო თუკი ადგილი აქვს ვალდებულების ნაწილის შეუსრულებლობას, პირგასამტეხლო შეადგენს ვალდებულების შეუსრულებელი ნაწილის 10%-ს ყოველ ვადაგადაცილებულ დღეზე.